Lompat ke isi

Urang Batak

Wikipedia Minangkabau - Lubuak aka tapian ilimu
Batak
Halak Batak
Urang Batak Toba bakain ulos
Total populasi
8.466.969 [1]
Kawasan jo populasi nan signifikan
Sumatera Utara5.785.716[2]
Riau691.399
Jakarta467.438
Jawa Barat326.645
Sumatera Barat222.549
Kepulauan Riau208.678
Aceh147.259
Banten139.259
Jambi106.249
Bendera Brunei Brunei650
Bahaso
Toba
Angkola
Karo
Simalungun
Pakpak
Mandailing
Agamo
Mayoritas
• Kristen (Protestan & Katolik) 75.63%
• Islam 24.17% [3]
Minoritas
• Parmalim
• Animisme
Kalompok etnis takaik
Aceh, Alas, Bugis, Dayak, Gayo, Malayu, Minangkabau, Nieh, Rimbo, jo Singkil

Batak marupoan suku bangso di Indonesia. Namo iko marupoan sabuah tema kolektif untuak maidentifikasikan babarapo suku bangsa nan bamukim sarato barasa dari Tapanuli jo Sumatera Timur, di Sumatera Utaro. Suku bangso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, dan Batak Mandailing.

Kini ko pado umumnyo urang Batak manganuik agamo Kristen Protestan, Kristen Katolik, jo Islam. Tatapi ado pulo nan manganuik kapicayoan tadisional yakni: tradisi Malim sarato juo manganuik kapicayoan animisme (disabuik Sipelebegu atau Parbegu), walaupun kini jumlah panganuik kaduo ajaran iko alah samakin bakurang.

Sijarah

[suntiang | suntiang sumber]

Urang Batak adolah pamakai bahaso Austronesia namun alun dikatahui bilo niniak muyang urang Batak patamo kali bamukim di Tapanuli jo Sumatera Timur. Bahaso jo bukti-bukti arkeologi manunjuakan baso urang nan babahaso Austronesia dari Taiwan alah bapindah ka wilayah Filipina jo Indonesia sakita 2.500 taun nan lalu, iyolah di zaman batu mudo (Neolitikum).[4] Karano hinggo kini alun ado artefak Neolitikum (Zaman Batu Mudo) nan ditamui di wilayah Batak mangko dapaik dikatokan baso niniak muyang urang Batak baru bamigrasi ka Sumatera Utara di zaman logam.

Pado abaik ka-6, padagang-padagang Tamil asa India manaruko kota dagang Barus, di pasisia barat Sumatera Utara. Mareka badagang kapua Barus nan diusahokan dek patani-patani di padalaman. Kapua Barus dari tanah Batak bamutu tinggi sahinggo manjadi salah satu komoditas ekspor di samping kemenyan. Pado abaik ka-10, Barus disarang dek Sriwijaya. Hal iko manyababkan diusianyo padagang-padagang Tamil dari pasisia Sumatera[5]. Pado maso-maso barikuiknyo, padagangan kapua Barus mulai banyak dikuasoi dek padagang Minangkabau nan mandirikan koloni di pasisia barat jo timur Sumatera Utara. Koloni-koloni mareka tabantang dari Barus, Sorkam, hinggo Natal[6].

Kini suku banso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, jo Batak Mandailing.

Identitas Batak

[suntiang | suntiang sumber]
Buku sihir nan ditulih jo aksara Batak

Identitas Batak populer dalam sijarah Indonesia modern sasudah didirian sarato bagabuangnyo rang mudo Angkola, Mandailing, Karo, Toba, Simalungun, jo Pakpak di organisasi nan dinamokan Jong Batak taun 1926, tanpa mambedakan agamo dalam ciek kasapahaman:

Bahasa Batak kita begitu kaya akan Puisi, Pepatah dan Pribahasa nan mengandung satu dunia kebijaksanaan tersendiri, Bahasanya sama dari Utara ke Selatan, tapi terbagi jelas dalam berbagai dialek. Kita memiliki budaya sendiri, Aksara sendiri, Seni Bangunan nan tinggi mutunya nan sepanjang masa tetap membuktikan bahwa kita mempunyai nenek moyang nan perkasa, Sistem marga nan berlaku bagi semua kelompok penduduk negeri kita menunjukkan adanya tata negara nan bijak, kita berhak mendirikan sebuah persatuan Batak nan khas, nan dapat membela kepentingan kita dan melindungi budaya kuno itu [7]

R.W Liddle mangatokan, baso sabalun abaik ka-20 di Sumatera bagian utara indak ado kalompok etnis sabagai satuan sosial nan koheren. Manuruiknyo sampaik abaik ka-19 interaksi sosial di daerah itu hanyo tabateh pado hubuangan antar individu, antar kalompok kakarabatan, atau antar kampuang. Ampiang indah ado kasadaran untuak manjadi bagian dari satuan-satuan sosial jo politik nan labiah gadang.[8] Pandapek lain mangecekan, baso muncuanyo kasadaran tantang sabuah kaluarga gadang Batak baru tajadi pado zaman kolonial.[9] Dalam disertasi J. Pardede mangamukokan baso istilah "Tanah Batak" jo "rakyaik Batak" dibuek dek pihak asiang. Sabaliaknya, Siti Omas Manurung, saurang istri dari putra pandeta Batak Toba manyatokan, baso sabalun datangnyo Ulando, sadoalah urang baiak Karo maupun Simalungun mangakui dirinyo Batak, dan Ulandolah nan alah mambuek tapisahnyo kalompok-kalompok tu. Sabuah mitos nan mamiliki babagai macam versi manyatokan, bahwa Pusuk Buhit, sabuah puncak di barat Danau Toba, adolah tampek lahia banso Batak. Salain itu mitos-mitos tu juo manyatokan baso niniak muyang urang Batak barasa dari Samosir.

Tabantuaknyo masyarakaik Batak nan tasusun dari baragam marga, sabagian disababkan dek adonyo migrasi kaluarga-kaluarga dari wilayah lain di Sumatera. Panallitian pantiang tantang tradisi Karo dilakukan dek J. H Neumann, manuruik sastra lisan jo transkripsi duo naskah satampek, iyolah Pustaka Kembaren jo Pustaka Ginting. Manuruik Pustaka Kembaren, daerah asa marga Kembaren dari Pagaruyuang di Minangkabau. Urang Tamil dipakirokan juo manjadi unsua pambantuak masyarakaik Karo. Hal iko nampak dari banyaknyo namo marga Karo nan diturunkan dari bahaso Tamil. Urang-urang Tamil nan manjadi padagang di pantai barat, lari ka padalaman Sumatera dek disarang pasukan Minangkabau nan datang dari abaik ka-14 untuak manguasoi Barus.[10]

Salam khas Batak

[suntiang | suntiang sumber]
Ragam bahaso dalam rumpun Batak

Tiok puak Batak mampunyoi salam khasnyo surang-surang. Walaupun urang Batak tanamo jo salam Horasnyo, namun masih ado duo salam lai nan kurang populer yakni Mejuah-juah jo Njuah-juah. Horas pun ado sebutan surang-surang manuruik puak nan manggunokannyo.

1. Pakpak: “Njuah-juah Mo Banta Karina!”

2. Karo: “Mejuah-juah Kita Krina!”

3. Toba: “Horas Jala Gabe Ma Di Hita Saluhutna!”

4. Simalungun: “Horas banta Haganupan, Salam Habonaran Do Bona!”

5. Mandailing jo Angkola: “Horas Tondi Madingin Pir Ma Tondi Matogu, Sayur Matua Bulung!”

Arsitektur

[suntiang | suntiang sumber]

Rumah

[suntiang | suntiang sumber]
! Artikel utamo untuak kategori ko adolah Rumah Bolon.

Rumah adat urang Batak banamo Rumah Bolon (Jabu Bolon). Rumah Bolon ko marupokan rumah adat nan dibangun di ateh tunggak-tunggak kayu nan manopangnyo mambantuak rumah pangguang. Atoknyo babantuak palano kudo, nan salayang tampak manyarupoi Rumah Gadang bagonjong duo, nan antaro bagian pangka jo ujuang mampunyoi panjang nan babeda. Manuruik carito, mulonyo Rumah Bolon ko manjadi tampek tingga rajo Batak nan 13.[11]

Rumah Bolon ko marupokan rumah nan bisa diuni labiah dari ciek kaluarga. Rumah ko dapek diuni duo inggo anam kaluarga. Daulu walau banyak kaluarga nan mauni, indak ado basakek-sakek biliak di dalamnyo. Baru kini sajo dibuek basakek-sakek untuak manjago barang tiok kaluarga.[11]

Rumah Bolon kini lah mulai jarang dibangun dek bahan pambangunannyo nan sarik sainggo paralu biaya maha. Masih dapek tasuo di sakitar Danau Toba. Panamoan Rumah Bolon untuak rumah adat urang Batak hanyo balaku di wilayah Batak Toba jo Simalungun. Di daerah Batak lainnyo mampunyoi namo jo bantuak nan babeda-beda.[11]

Rumah adat Mandailing jo Angkola dinamokan jo Bagas Godang.[12][13][14][15] Pado masyarakaik Karo dinamokan Siwaluh Jabu,[16] sadangkan pado masyarakaik Pakpak[17] dinamokan Jerro.

  • Bagas Godang Mandailing
    Bagas Godang Mandailing
  • Rumah-rumah Bolon di sabuah kampuang di Toba
    Rumah-rumah Bolon di sabuah kampuang di Toba
  • Rumah Bolon Simalungun
    Rumah Bolon Simalungun
  • Rumah Siwaluh Jabu Karo
    Rumah Siwaluh Jabu Karo

Aksara Batak

[suntiang | suntiang sumber]
!Artikel utamo untuak bagian ko adolah: Surat Batak

Aksara dasar (ina ni surat) dalam tulisan bahaso Batak marepresentasikan ciek suku kato jo vokal inheren /a/. Ado 19 aksara dasar nan dipunyoi dek sadoalah varian aksara Batak, samantaro babarapo aksara dasar nan hanyo digunoan pado varian tertentu. Bantuaknyo dapek dicaliak sabagaimano di bawah iko:[18]

Ina ni Surat
a ha ka ba pa na wa ga ja da ra ma ta sa ya nga la nya ca nda mba i u
Karo A Ha Ka Ba Pa Na Wa Ga Ja Da Ra Ma Ta Sa Ya Nga La Ca
Ca 		Nda Ba I I
Angkola
Mandailing 		A Ha Ka Ba Pa Na
Na 		Wa Ga Ra Ma Ta Sa
Sa 		Ya La Nya Ca
A
Pakpak A Ha Ka Ba Pa Na Wa Ga Ra Ma Ta Sa Ya La Ca
Simalungun A Ha Ka Ba Pa Na Wa Ga Ra Ma Ta Sa Ya La Nya
Toba A Ha Ka Ba Pa Na Wa
Wa 		Ga Ra Ma Ta
Ta 		Sa Ya La Nya

Bantuak-bantuak di ateh marupoan bantuak nan digeneralisasi, indak jarang ciek naskah manggunoan varian bantuk aksara atau tarikan garih nan saketek babedo antaro ciek samo lainnyo tagantuang dari daerah asa jo media nan digunoan.[18]

Aksara i (ᯤ) jo u (ᯥ) hanyo digunoan untuak suku kato tabukak, misal pado kato ina ᯤᯉ jo ulu ᯥᯞᯮ. Untuak suku kato tatutuik nan diawali dek bunyi i atau u, dipakailah aksara a (ᯀ atau ᯁ) basamo diaktirik untuak masiang-masiang vokal, misal pado kato indung ᯀᯉᯪ᯲ᯑᯮᯰ jo umpama ᯀᯔᯮ᯲ᯇᯔ.[19]

Caliak pulo

[suntiang | suntiang sumber]

Rujuakan

[suntiang | suntiang sumber]
  1. ↑ "Kewarganegaraan, Suku Bangsa, Agama, dan Bahasa Sehari-hari Penduduk Indonesia 2011" (PDF). 2011-01-01. Diakses tanggal 2016-12-31. 
  2. ↑ Kewarganegaraan, Suku Bangsa, Agama dan Bahasa Sehari-hari Penduduk Indonesia Hasil Sensus Penduduk 2010. Badan Pusat Statistik. 29 Oktober 2011. ISBN 9789790644175. http://sp2010.bps.go.id/files/ebook/kewarganegaraan%20penduduk%20indonesia/index.html. Diakses pado 24 Agustus 2012. 
  3. ↑ "Demography of Indonesia's Ethnicities". Badan Pusat Statistik / Institute of Southeast Asian Studies. 2015. 
  4. ↑ [1]Peter Bellwood, Prehistory of the Indo-Malaysian Archipelago, Revised edition, University of Hawaii Press, Honolulu, 1997
  5. ↑ Munoz, Paul Michel (2006). Early Kingdoms of the Indonesian Archipelago and the Malay Peninsula. 
  6. ↑ Dobbin, Christine. Gejolak Ekonomi, Kebangkitan Islam, dan Gerakan Paderi, Minangkabau 1784 – 1847. 
  7. ↑ Hans Van Miert (2003). Dengan Semangat Berkobar. Hasta Mitra-Pustaka Utan Kayu-KITLV. p. 475. ISBN 9799665736. 
  8. ↑ Liddle, R.W. Ethnicity, party, and national integration: an Indonesian case study. New Haven: Yale University Press. 
  9. ↑ Castles, L. Statelesness and Stateforming Tendencies Among the Batak before Colonial Rule. Kuala Lumpur: Monograph no 6 of MBRAS. p. 67-66. 
  10. ↑ Tideman, J.. Hindoe-Invloed in Noordelijk Batakland. Amsterdam: Uitgave van het Bataksche Institut no 23. p. 56. 
  11. ↑ a b c Sinaga, K. R. (2018). Jabu Batak Toba (Studi Arsitektur Tradisional dan Etno Disain). Medan: Universitas Sumatera Utara
  12. ↑ Fitri, I., Bahri, S., Hutabarat, M., Setiawan, I., & Laksmi, B. S. INVENTORI ARSITEKTUR TRADISIONAL MANDAILING GODANG.
  13. ↑ Dewita, A., Mujib, A., & Siregar, H. (2019). Studi Etnomatematika tentang Bagas Godang sebagai Unsur Budaya Mandailing di Sumatera Utara Archived 2019-11-03 di Wayback Machine.. Mosharafa: Jurnal Pendidikan Matematika, 8(1), 1-12.
  14. ↑ Effendi, H. (2018). REKONSTRUKSI FUNGSI BAGAS GODANG DAN SOPO GODANG SEBAGAI CULTURE HERITAGE DI TANAH MANDAILING. JURNAL EDUCATION AND DEVELOPMENT, 6(2), 25-25.
  15. ↑ Kholilah, A., Minawati, R., & Zulhelman, Z. (2017). Bentuk Dan Fungsi Rumah Adat Raja Pamusuk Mandailing Archived 2019-11-03 di Wayback Machine.. Bercadik: Jurnal Pengkajian dan Penciptaan Seni, 2(1).
  16. ↑ Ulfa, F., & Pane, I. F. (2018). PERGESERAN POLA RUANG PADA RUMAH ADAT KARO SIWALUH JABU. Jurnal Koridor, 9(2), 243-249.
  17. ↑ Purba, Fransisko R. (2015-04-04). "PENERAPAN ORNAMEN PAKPAK PADA GEDUNG PERKANTORAN PEMKAB PAKPAK BHARAT DITINJAU DARI BAHAN BENTUK TEKNIK DAN WARNA" (dalam bahasa Indonesia). Diakses tanggal 2019-11-03. 
  18. ↑ a b Kozok 2009.
  19. ↑ Kozok 1999, hlm. 109.
Diambiak dari "https://min.wikipedia.org/w/index.php?title=Urang_Batak&oldid=3145120"