Urang Buru

Urang Buru
Urang Buru manggunoan pakaian nasional, sakita tahun 1900-an
Jumlah populasi
35,000
Kawasan bapopulasi cukuik banyak
Buru: 33,000
Bahaso
Buru, Indonesia
Agamo
Islam, Kristen, Animisme

Urang Buru adolah sabuah kalompok etnis nan kabanyakan tingga di pulau Buru, Indonesia, jo di babarapo Kapulauan Maluku lainnyo. Inyo juo mangaku diri gebfuka atau gebemliar nan sacaro harfiah artinyo "urang dunia" atau "urang tanah". ado tigo sabab dek baa urang Buru manyabuik dirinyo mode itu. Alasan patamo dek urang Buru adolah urang an tingga di pulau Buru, nan kaduo, dek kahidupan urang Buru ko bana-bana dakek jo tanah, nan katigo, dek urang Buru adolah pamburu nan uluang. Inyo mamburu jo mamakai sanjato tradisional nan babantuak parang lempeng jo tombak.

Urang Buru bahubungan jo kalompok antropologi Indonesia Timur dan dari sudut etnografis pamandangan nan samo jo masyarakaik adaik lain dari pulau Buru. Inyo mangecek dalam bahaso Buru. Rumah Adaik masyarakaik Buru bantuaknyo rumah pangguang nan dibuek dari batuang jo atok alang-alang atau daun karambia.

Pulau Buru surang takenal jo namo Bupolo nan marupokan namo asli pulau nan punyo arti Dampolot aratinyo panuah jo pecek dan rawa. Istilah Bumi Lalen dipakai juo untuak namonyo Pulau Buru tarutamo di dataran Danau Rana dan Gunuang Date nan marupokan tampek karamat untuak masyarakaik lokal karano diyakini di tampek iko nenek moyang mereka datang. Risi ko batujuan untuak manjalehan situasi sosial masyarakaik di kabupaten Buru dan parubahannyo serta manjalehan dinamika sosial budaya masyarakaik di kabupaten Buru di tangah-tangah pengaruh unsua-unsua global dan mampatahankan nilai-nilai lokal

Karabaik urang Buru

Garih katurunan urang Buru ditarik manuruik garis laki-laki (patrilineal). Kasatuan karabatan nan paliang paralu adolah fena, yaitu gabungan kalompok karabatan patrilineal nan disabuik etnate atau soa. Dalam sistem pakawinan, urang Buru manggunoan adaik eksogami fena, aratinyo surang harus bakai jo urang dari fena nan balain. Sado calon laki harus maagiah sejumlah mas kawin ka pihak padusi. Adaik manatok sasudah nikahnyo manantuan jikok pasangan padusi baru manatok di kediaman sanak laki (patrilokal). Tiok fena dikepalai dek surang matlea (gebha), jo wakilnyo nan disabuik perwies. Pamimpin fena ko ditantuakan berdasarkan piliahan di kalangan anggota fena manuruik garisan laki-laki. Babarapo fena mambantuk sabuah federasi nan labiah gadang, disabuik feulolin (fugmolin). Kapalo feulolin, yaitu kapalo jabu, dan wakilnyo, hermolon, marupokan wakil tapiliah fena-fena nan ado.

Warga suku Buru punyo ciri khas dari caro manggunoan namo dan marga sabagai identitas turunan dari Suku Buru. Marga nan acok dipakai adolah marga Lesnussa, Latbual, Nurlatu, Lehalima, Wael dan Sigmarlatu.

Agamo

Panduduak Pulau Buru, tarutamo nan badiam di sekitar pantai, umumnyo maadoan agama Islam. Hal ko berkaitan jo pengaruh Kesultanan Ternate nan manjadi pusat panyebaran Islam di daerah Maluku. Panduduak nan indak maanut agamo Islam picayo adanya roh paliang tinggi, opo geba snulat atau opo lahatala, nan mambuek alam semesta. Salain itu, inyo juo picayo akan adonyo roh abadi nan disabuik esmangin, roh alam nan disabuik sanane, roh urang mati nan disabuik nituro, dan sebagainya. Kapercayoan ka kakuatan-kekuatan gaib ko diwujud jo pambarian sesaji dan upacara di wakatu-tempo tatantu.

Adaik jo tradisi

Barburu

Sabanyak Masyarakaik adaik buru dalam manampuah paralu makanannyo tarutamo paralu protein binatang, biasonyo malakuan kegiatan baburu kondit. Kondit juo dikenal sabagai salah ciek binatang mangganggu tanaman, dek karano itu jo parburuan ko, paliang indak kasaimbangan alam bisa tatok tajago.

Tarian gendang Perahu

Tari nan mangambangan raso persahabatan/parsaudaraan antaro tuan rumah jo tamu. Penarinyo bajumlah 8 urang jo konfigurasi 4 urang laki-laki dan 4 urang padusi. Alat panggiriang tarian bantuak Tifa (Gandang), Totobuang (Gong Ketek) dan Gong gadang.

Tarian Toloprari Damang Fafu

Tari ko acok ditampilkan pado acara pesta panen sabagai ungkapan raso syukur dan gagah masyarakaik Buru. Panari bajumlah 12 urang nan tadiri dari 6 urang laki-laki dan 6 urang padusi. Alaik panggiriang tari bantuak Tifa ketek jo gadang.

Pengangkatan dan Penobatan Rajo

Salah ciek contoh hukum adaik pado petuanan kaiely, yaitu pangangaikan jo maadaan acaro ritua bantuak mananyoan ka nenek moyang opolastala untuak manantuan pangangkek Rajo dijadian parburuan di hutan sia nan mandapekan binatang buruan nan paliang banyak inyo nan diangkek jadi rajo. Noro Pitu nan punyo hak untuak maningkekan Rajo adolah kapalo soa nan ado di Kaiely nan alah ditantukan dan memproses pelantikan, jo tampek bakumpua di rumah 7 soa di Waeflan. Salain tu para kapala soa mulai manutuik babi, tu malakuan ritual-ritual nan alah dilakuan sacaro turun-temurun tantang pambentukan kaRajoan Kaiely proses ko disabuik Smaket, tu kapala soa gewagit mangecekan kalau ikolah Rajo awak dan tu diikuti dek kapalo soa nan lain.

Tarian Cakalele

Tarian ko mangarataan parkaso anak-anak Buru dalam sabuah peperangan. Konfigurasi tarian dari 2 urang laki-laki jo manggunoan paralatan tari Parang jo Tombak serta manggunoan paralatan penggiriang bantuak Toba (Tifa)

Nyanyian Inafuka

Lagu nan mengandung ungkapan galak atau kesedihan nan dilatangan dalam bantuak syair dan pantun. Salain itu nanyian ko marupokan sarana untuak mudo dan padusi untuak mancari pasangan iduik.

Tarian Sawat Pesisir

Tarian Sawat pesisir manggambaan karamahtamahan masyarakaik Buru dalam manyambuiki kadatangan tamu-tamu kahormatan daerah. Jumlah panari di tarian ko 8 urang nan tadiri dari 4 urang laki-laki dan 4 urang padusi. Alaik musik nan dipakai dalam mainggirannyo tarian ko adolah Tifa (gendang), Tifa Sawat (Beduk Kecil) dan Suling Bambu.