Urang Rampi

Suku Rampi
To Rampi

Masyarakat Rampi memakai pakaian adat.
Kawasan jo populasi nan signifikan
Kecamatan Rampi	±8.000
Bahaso
Rampi
Agamo
Kristen Protestan
Kalompok etnis takaik
Seko  • Bugis  • Pamona

Urang Rampi (Bahaso Rampi: To Rampi) adolah sabuah kalompok etnis nan mandiami daerah pagunuangan di Kecamatan Rampi, Kabupaten Luwu Utara, Sulawesi Selatan. Daerah nan didiami dek urang Rampi marupokan daerah taisolir yaitu di Pagunuangan Luwu Utara nan talatak di bagian utara dari Sulawesi Selatan.

Kebudayaan

Tradisi baburu

urang Rampi punyo tradisi baburu yaitu baburu binatang Anoa nan marupokan salah satu konsumsi utamo warga nan mandenani pagunuangan bagian tangah dari pulau Sulawesi.

Sosiologis

Sacara sosiologis masyarakaik urang Rampi masih dapek digolongkan dalam kehidupan nan homogen. Ikatan kakerabatan antaro desa panduduak masih sangaik kantal, hal ko nampak di hubungan komunikasi antaro sesama masyarakaik Rampi. Sacaro ekonomi mata pancaharian masyarakaik Rampi dominan batani.

Hukum sosial

Peran Lembaga adaik nan dipimpin dek Tokei Tongko Rampi masih dipegang teguh dek masyarakaik Rampi dalam manyalasai babagai masalah sosial kesatuan. Inyo mangarajoan aturan adaik berkaitan jo kehidupan sosial mode mangarajoan parzinahan di denda 3 ikua kabau dipotong sudah tu di makan basamo-samo tu dikarajoan powahe lori yaitu dipotong 1 ikua dari 3 ikua kabau tu dimakan basamo-samo, sudah tu dikarajoan mancuci aib atau mancuci tanah, sudah tu dikarajoan baliak pehilu atau disabuik kariang untuak pengikat tangan nan dimaksud supayo pelaku palanggaran sosial ndak maulang-ulang palakuannyo. Palanggaran adaik lainnyo disabuik peruhe atau pebamba yaitu dicakar atau marampas laki atau bini urang ka didenda 1 ikua kabau pado urang nan laki atau bininyo direbut.

Hal ko bisa manimpo urang kalau mangarajoan kalalaian atau palanggaran adaik, hukuman ko marupokan peringatan untuak manyadarkan urang atas kasalahan nan dilakuan sasuai jo palanggarannyo. Aturan di ateh berlaku ka sadolah masyarakaik adaik Rampi jo maksud ndak maulang ulang pelanggaran tu jo istilah powahe lori, harus mangecek dulu atau mandapekan ijin, sadolah nan ka dipakai atau dimakan harus barasiah dari sadolah hal, dan harus bisa mangadahan apo ado.

Pesta adaik

Masyarkat Rampi punyo salah ciek pesta adaik nan disabuik mogombo atau disabuik musyawarah adaik warga Rampi nan dianggap sakral bana tantang panetapan pangesahan aturan adaik masyarakaik kecamatan Rampi. Hajatan warga di kawasan wilayah pagunuangan Luwu Utara ko alah berlangsung salamo babarapo tahun dan ritual sakral ko dikarajoan dek masyarakaik Rampi sakali dalam sataun.

Ketua panitia kagiatan mogombo ado', Rampi Albert Lumeno manjalehan acara ko juo sacaro lambat dan pasti mulai ditarimo ndak hanyo warga Rampi, tapi sabagai bagian budaya masyarakaik adaik Tana Luwu. Dalam mariahkan acara adaik ko masyarakaik adaik Rampi manyadioan babagai kesenian dan tarian adaiknyo. Tarmasuk, juo manyiapan sabanyak lapan ikua kabau untuak didabiah.

Pakaian adaik

Masyarakaik Rampi punyo baju adaik nan dibuek dari kulik kayu, bagiannyo dibuek dari kulik kayu sampollo jo proses pembuatan mamakai waktu sakitar tigo bulan. Pakaian adaik khas Rampi ko pernah di pakai dek peserta audisi Puteri Indonesia yaitu Dewi Anggraeni pado 2015 dan Puteri Pariwisata yaitu Tita Kamila pado 2017 asal Kabupaten Luwu Utara di tingkek provinsi dan nasional.

Bahaso

Bahaso nan dipakai dek masyarakaik Rampi adolah bahaso Rampi nan marupokan bagian dari rumpun bahaso Kaili-Pamona. Bahaso ko dituturkan dek sakitar 8.000 masyarakaik di Kacamatan Rampi.