Urang Tolaki
| Suku Tolaki |
|---|
| Jumlah populasi |
|
900.000 jiwa di Indonesia (2015) |
| Kawasan bapopulasi cukuik banyak |
| Sulawesi Tenggara: 900.000 |
| Bahaso |
| Bahasa Tolaki, dan Bahasa Indonesia. |
| Agamo |
| Islam |
| Kalompok etnik takaik |
| Suku Buton, Suku Muna |
Suku Tolaki adolah etnih tagadang yang barado di provinsi Sulawesi Tenggara. Suku Tolaki marupokan etnih yang badiam di jazirah tanggara pulau Sulawesi. Suku Tolaki marupokan suku asli daerah Kota Kendari jo Kabupaten Kolaka.[1] Suku Tolaki tasebar di 7 kabupaten/kota di provinsi Sulawesi Tanggara yang maliputi Kota Kendari, Kabupaten Konawe, Konawe Selatan, Konawe Utara, Kolaka, Kolaka Utara jo Kolaka Timur.[2]
Masyarakaik Tolaki sajak zaman prasijarah alah mamiliki jajak paradaban, hal iko dibuktikan jo ditamukannyo paninggalan arkeologi di babarapo goa atau kumapo di Konawe bagian utaro maupun babarapo goa yang ado di daerah iko. Lokasi situs goa-goa di daerah iko umumnyo talatak di Konawe bagian Utaro sarupo Asera, Lasolo, Wiwirano, Langgikima, Lamonae, diantaronyo goa Tanggalasi, goa Tengkorak I, goa Tengkorak II, goa Anawai Ngguluri, goa Wawosabano, goa Tenggere jo goa Kelelawar sarato masih banyak situs goa prasijarah yang alun taridentifikasi.
Dari hasil panalitian tim Balai Arkeologi Makassar dari tinggalan materi uji artefak di Wiwirano barupo sampel dengan manggunokan metode uji karbon 14 di laboratorium Arkeologi Miami University Of Amerika Serikat, manyimpuakan kalau dari artefak di Wiwirano Konawe Utara barumua sakitar 7000 taun yang lalu atau dengan evidensi iko mako paradaban Tolaki di Konawe alah balangsung sajak 5000 taun Sabalun Masehi, dan di katokan alah ado sabalum jaman karajaan di Nusantara.[3]
Paninggalan jo bahaso
[suntiang | suntiang sumber]Di dalam goa-goa yang dihuni samo urang suku Tolaki banyak manyimpan artefak elok di caliak dari tangkorang manusia, alat karajo sarupo alat-alat baburu, benda pamujaan, guci, tempayan, gerabah, porselin elok itu buatan Chino, Thailand, VOC, Hindia Balando, batu pamujaan, tadapek babarapo gambar atau adegan misalnyo binatang, talapak tangan, gambar baburu, gambar sampan atau perahu, gambar manusia, gambar perahu atau sampan, patung, terakota, jo sabagainyo. Sacaro linguistik bahaso Tolaki marupokan atau masuk kadalam rumpun bahasp Austronesia, sacaro Antropologi manusia Tolaki marupokan Ras Mongoloid, yang datang ditampek iko malalui jalur migrasi dari Asia Timur, masuk daerah Sulawesi, hinggo masuak daratan Sulawesi Tenggara.[3]
Sijarah
[suntiang | suntiang sumber]Sabalun karajaan Konawe muncua, alah ado babarapo karajaan ketek yaitu: Padangguni bakaduduakan di Abuki pado saat itu yang manjadi rajonyo adolah mokole Bunduwula. Karajaan Besulutu di Besulutu jo rajonyo banamo Mombeeti, jo karajaan Wawolesea di Toreo dengan rajonyo Wasangga. Badasarkan oral tradition atau tradisi lisan masyarakaik Tolaki jauah sabalum karajaan Konawe tabantuak. Di daerah iko alah badiri babarapo karajaan ketek. Kamudian berintegrasi manjadi ciek konfederasi yaitu karajaan Konawe. Gajala tarintegrasinyo karajaan ketek mambantuak ciek konfederasi karajaan jo tajadi juo di babarapo karajaan di daerah iko sarupo halnyo karajaan Wolio taantuak marupokan gabuangan dari babatapo karajaan ketek sarupo Kamaru, Tobe-Tobe, dan babarapo karajaan ketek lainnya. Adopun babarapo karajaan ketek tasabuik adolah sabagai barikuik:[3]
Karajaan Padangguni
[suntiang | suntiang sumber]Karajaan Padangguni iko mulai bakambang jo malueh wilayahnyo dan karajaan iko eksis dan bakuaso salama 12 ganerasi. Adopulo pimpinan atau Rajo partamo Padangguni iolah banamo Tolahianga jo galanyo babunyi gelar Bundu Wula atau Tanggolowuta juo biaso digalari Sangia Ndudu Ipadangguni.[3]
Karajaan Wawolesea
[suntiang | suntiang sumber]Karajaan Wawolesea talatak dipinggia atau pasisia pantai timua jazirah Tanggara pulau Sulawesi di daerah Lasolo. Manuruik Burhanudin bawasanyo karajaan Wawolesea marupokan katurunan dari rajo Kediri di Jawa. Karajaan iko indak bakambang dan maju disababkan tajadinyo paparangan antaro Karajaan Banggai di Sulawesi Tangah. Panyabab lainnyo menuruik kapicayoan adaoah takanai kutuakan (molowu), akibaik Rajo Wawolesea manikahi putrinyo sandiri. Bagitu kanai musibah tasabuik mako panduduak karajaan Wawolesea ado yang mangadakan palayaran manuju ka daerah lain dan urang tu tadampar di samananjuang utara pulau Buton dan pulau Wawonii. Karajaan Wawolesea iko dipimpin oleh surang rajo yang banamo Rundu Langi, sarato indak mampunyoi pawarih karajaan sahinggo karajaan Wawolesea barintegrasi jo karajaan Konawe.[3]
Kerajaan Besulutu.
[suntiang | suntiang sumber]Karajaan Besulutu iko balangsung singkek hal iko disababkan oleh karano Rajo Besulutu yang banamo Mokole Mombeeno mampunyoi suatu kagemaran baparang (momuho) jo karajaan sakitarnyo. Sahinggo rakyatnyo banyak bakurang, bahkan Rajanyo tabunuah dalam paparangan. Sahinggo indak ado panerus karajaan tasabuik.[3]
Karajaan Watu Mendonga
[suntiang | suntiang sumber]Karajaan Watumendonga talatak di hulu sungai Konawe Eha yang talatak di Tonga Una dan karajaan iko pado saat itu masih dibawah karajaan Konawe. Pado pariode salanjutnyo karajaan Watumendonga iko bagabuang jo karajaan Mekongga. Pado saat itu daerah Konawe bagian Utara sarupo Kondeeha, Tawanga, Sanggona dibarikan kapado karajaan Mekongga sabagai warisan kapado Wunggabae anak Buburanda Sabandara Latoma banamo Buburanda ateh panikahannyo jo Bokeo Teporambe anak dari Bokeo Lombo-Lombo. Sabagai pimpinan tarakhir banamo Mokole Lapanggili.
Manuruik para panutua silsilah (kukua) rajo-rajo, hinggo kini masih tadapek siso-siso paninggalan dari karajaan-karajaan ketek tasabuik baik paninggalan babantuak arkeologi maupun etnografi, misalnyo reruntuhan istana Raja Wawolesea di Toreo.
Manuruik sumber sijarah karajaan-karajaan iko runtuah disababkan tajadinyo parang saudara antaro satu samo lainnyo misalnyo paparangan antaro Padangguni jo Besulutu, atau adanyo ekspansi dari karajaan lain di lar wilayah Konawe sarupo Bungku dan Ternate, yang meanyababkan munculnyo power baru di daerah iko yaitu karajaan Konawe yang marupakan hasil konfederasi katiga karajaan tasabuik, sarato parang antaro karajaan Wawolesea dan dengan karajaan Banggai. Pado zaman Hindia Balando di Kolaka tadapek distrik Watumendonga yang bakaduduakan di Tongauna.
kamudian dari katurunan Mokole Padangguni ikolah muncua surang pamimpin yang barusaho untuak mangintegrasikan sagalo kalompok-kalompok masyarakaikTolaki yang alah manatap jo bakambang, panduduaknyo sarato manyebar di sagalo wilayah karajaan Padangguni. Adapun nama Mokole Padangguni tersebut adalah Toramandalangi nan bagala Totongano Wonua.[3]
Rujuakan
[suntiang | suntiang sumber]
- ↑ Manan, Fajria Novart (1986). Sistem Kepemimpinan Dalam Masyarakat Pedesaan Daerah Sulawesi Tenggara. Jakarta: Departemen Pendidikan dan Kebudayaan. pp. 5.
- ↑ Lakebo, Berthijn; Mokora, Haris; Ibu, La Ode; Zahari, Mulku (1977/1978). Adat Istiadat Daerah Sulawesi Tenggara. Jakarta: Departemen Pendidikan dan Kebudayaan Pusat Peneliti Sejarah dan Kebudayaan. pp. 54.
- ↑ a b c d e f g Attamimi, Nadhir. "Mengenal Suku Tolaki di Sultra: Sejarah, Bahasa hingga Hukum Adat". detiksulsel (dalam bahasa Indonesia). Diakses tanggal 2023-01-21.