Urang Mentawai

Wikipedia Minangkabau - Lubuak aka tapian ilimu
Urang Mantawai
Mentawei
Senyuman Sikerei dari Mentawai.jpg
Sikerei (dukun) padusi Mentawai, 2017
Total populasi
lk. 60.000 (2010)
Kawasan jo populasi nan signifikan
Indonesia (Kapulauan Mentawai)
Bahaso
Mentawai
Agamo
Kristen, Animisme, Islam
Kalompok etnis takaik
Nias, Sakuddei
Uma, rumah adaik sabuah kaum di Mentawai

Suku Mentawai adolah pauni asli Kapulauan Mentawai. Sabagaimano suku Nias jo suku Enggano, mareka adolah pandukuang budayo Proto-Melayu nan tingga di Kapulauan Nusantara sabalah barat. Suku Mentawai tamasuak ka dalam suku nan tatuo di Indonesia.[1] Daerah hunian warga Mentawai, salain di Mentawai juo di Pulau Pagai Utara jo Pagai Selatan. Suku iko dikana sabagai paramu jo katiko partamo kali dipalajari alun tau bacocok tanam. Tradisi nan khas adolah panggunoan tato di sakujua tubuah, nan takait jo paran jo status sosial panggunonyo.

Sijarah[suntiang | suntiang sumber]

Mentawai (dikenal jugo sabagai Mentawei jo Mentawi) adolah panduduak asli Kapulauan Mentawai, sakitar 100 mil dari provinsi Sumatra Barat, Indonesia. Urang Mentawai manjalani gayo hiduik pamburu-pangumpua semi-nomaden di lingkuangan pasisia jo utan ujan di pulau-pulau tasabuik.

Demografi[suntiang | suntiang sumber]

Populasi di Mentawai dipakirokan sakitar 64.000. Urang Mentawai didokumentasikan alah bamigrasi dari Nieh - pulau dari utaro - ka kapulauan Mentawai, hiduik dalam kahiduikkan nan tarisolasi salamo baabaik-abaik hinggo dijumpokan pado 1621 oleh Balando. Bahaso Mentawai tamasuak kaluargo bahaso Austronesia.

Agamo[suntiang | suntiang sumber]

Sabelum mangenal agamo Kristen, urang Mentawai mangikuikkan kapicayoan inyo sandiri nan disabuik Arat Sabulungan. Iko adolah kapicayoan animisme di mano sagalo sasuatu mampunyoi roh jo jiwa. Katiko arwah indak dipalakukan dengan elok atau dilupokan, inyo mungkin mambaok nasib buruak saparti panyakik jo manghantui urang nan malupakannyo.[2] Mentawai jugo mampunyoi kayakinan nan sangaik kuaik tahadok barang-barang nan urang tu anggok suci.[3]

Tahun 1967 - 1969[suntiang | suntiang sumber]

Reimar Schefold, guru besar Antropologi Budaya Indonesia di Universitas Laden, Balando mangatoan, pado tahun 1967- 1969 masyarakaik Mentawai mampunyoi alat tuka nan diminati yoitu tembakau, batu batu geretan, dan minyak tanah.[4] Urang Mentawai di Siberut, pulau paliang utara di Kepulauan Mentawai di huni jo suku suku nan alun parnah sobok jo urang bakulik putiah (Urang Eropa).[5] Suku Mentawai punyo kepercayaan pulo nan disabuik jo Sabulungan.[1]

Urang-urang Mentawai dicirikan oleh spiritualitas inyo nan kuaik, seni tubuah, jo kabiasoan inyo untuak mangasah gigi, sabuah praktik nan inyo raso mambuek urang manjadi rancak. Mentawai cenderung hiduik sarentak jo damai dengan alam di sakita inyo karano inyo picayo bahwo sadoalah bando di alam mampunyoi samacam esensi spiritual.[6]

Namun kini hampia sadoalahnyo urang Mentawai alah baagamo, khususnyo agamo Kristen, baik Protestan maupun Katolik, sarato sabagian Islam jo babarapo diantaronyo masih manganuik kapicayoan lamo, Arat Sabulungan. Salah satu gereja lokal untuak urang Mentawai adolah Gereja Kristen Protestan Mentawai (GKPM), yang didirikan pado 6 Juli 1916, dan mampunyoi jamaik sakitar 35.000 orang.[7]

Adaik jo budayo[suntiang | suntiang sumber]

Urang Mentawai pado umumnyo hiduik sacaro bakalompok manuruik suku masing-masing. Satiok suku biasonyo manampekkan jo mampunyoi ciek desa (langgai) tatantu. Dalam pakambangannyo kamudian, dalam ciek kampuang biasonyo tadapek duo panggolongan, yoitu kalompok suku pambuka kampuang (si bakat langgai) jo kalompok suku pandatang (si toi). Pakampuangan inyo biasonyo dibuek di sapanjang aliran sungai. Kalompok pambuka kampuang mampunyoi hak-hak khusus, tarutamo dalam panguasoan tanah jo kawasan sumber-sumber bahan makanan di lingkuangan tampek tingganyo. Anggota katurunan pandatang nan ka mambuka ladang atau mambangun rumah harus maminta ijin kapado pamimpin klen katurunan pambuka kampuang.[8]

Bahaso[suntiang | suntiang sumber]

Artikel utamo : Bahaso Mentawai

Bahaso Mentawai digunokan di Desa Monganpoula, Kecamatan Siberut Utara; Desa Maileppet, Kecamatan Siberut Selatan; jo Desa Sioban, Kecamatan Sipora, jo Desa Makalo, Kecamatan Pagai Selatan, Kabupaten Kepulauan Mentawai, Provinsi Sumatra Barat.

Bahaso Mentawai tadiri dari tigo dialek, yoitu (1) dialek Siberut Utara, (2) dialek Siberut Selatan,dan (3) dialek Sipora Pagai. Dialek Siberut Utara digunokan di Desa Monganpoula, Kecamatan Siberut Utara. Dialek Siberut Selatan digunokan di Desa Maileppet, Kecamatan Siberut Selatan. Dialek Sipora Pagai digunokan di Desa Sioban, Kecamatan Sipora, dan Desa Makalo, Kecamatan Pagai Selatan. Dialek Sipora-Pagai marupokan dialek standar karano sabaran geografisnyo paliang lueh jo paliang banyak jumlah panggunonyo sarato barado di pusaik pamarintahan kabupaten.

Badasarkan hasil paitungan dialektometri, persentase pabedoan katigo dialek tasabuik bakisar 51%—69%. Isolek Mentawai marupokan sabuah bahaso dengan persentase pabedoan bakisar 81%—100% jikok dibandiangkan dengan bahaso Batak jo Minangkabau.

Kasenian tradisi[suntiang | suntiang sumber]

Pakambangan kasenian urang Mentawai pado umumnyo bakaikkan dengan babarapo upacaro adaik jo kahidukkan sahari-hari . Bantuak kasenian inyo sabagian gadang didasarkan dari panghayaikkan tahadok alam sakitar, misalnyo bantuak-bantuak tiruan dari garak-garik atau suaro binatang buruan, dsb. Seni suaro jo seni tari dikambangkan sasuai dengan kabutuahan upacaro, misalnyo untuak upacaro pakawinan jo kamatian. Seni tari jo seni suaro jugo merupokan bagian dari proses pangobaikkan oleh saurang dukun ( sikerei). Kini bantuak kasenian asli alah samakin bakurang, karano pakambangannyo nan samakin tabateh hanyo di kalangan urang-urang Lua.[8]

Sistem kekerabatan[suntiang | suntiang sumber]

Sabuah uma dapaik dihuni oleh sakitar 5- 10 kaluargo inti, bahkan ado nan sampai 20 kaluargo. Kaluargo-kaluargo iko manampekkan sabuah uma badasarkan garih katurunan dari bapak (patrilineal). Dengan demikian sabuah uma marupakan kasatuan kaluargo lueh patrilineal. Kalompok kekerabaikkan nan para anggotanyo maraso barasa dari ciek katurunan patrilineal disabuik muntogat. Ciek kasatu muntogat mampunyoi sabuah uma tatantu nan dijadikan pusaik kagiatan para anggotanyo.[8]

Caliak pulo[suntiang | suntiang sumber]

Rujuakan[suntiang | suntiang sumber]

  1. a b Media, Kompas Cyber (2021-08-08). "Mentawai, Salah Satu Suku Tertua di Dunia Halaman all". KOMPAS.com (dalam bahasa Indonesia). Diakses tanggal 2021-10-30. 
  2. Singh, Manvir; Kaptchuk, Ted J.; Henrich, Joseph (2021-01-01). "Small gods, rituals, and cooperation: The Mentawai water spirit Sikameinan". Evolution and Human Behavior (dalam bahasa Inggris). 42 (1): 61–72. doi:10.1016/j.evolhumbehav.2020.07.008. ISSN 1090-5138.
  3. "5 Things You Need To Know About Mentawai Tribe". web.archive.org. 2019-04-02. Diakses tanggal 2023-01-30. 
  4. Schefold 2014, hlm. 1-2.
  5. Schefold 2014, hlm. 3.
  6. "The Mentawai People". Authentic Sumatra (dalam bahasa Inggris). Diakses tanggal 2023-01-30. 
  7. markus (2016-07-11). "Perayaan Jubileum 100 Tahun Gereja Kristen Protestan di Mentawai". Website PGI (dalam bahasa Indonesia). Diakses tanggal 2023-01-30. 
  8. a b c Melalatoa, Junus (1995). Ensiklopedi Suku Bangsa Di Indonesia. CV. EKA PUTRA. hlm. 548.

Daftar pustaka[suntiang | suntiang sumber]

  • Schefold, Reimar (2014). Aku dan Orang Sakuddei. Jakarta: PT Kompas Media Nusantara. ISBN 978-979-709-850-6.