Urang Walak
| Total populasi | |
|---|---|
| Sakitar 30.000 jiwa[1] | |
| Kawasan jo populasi nan signifikan | |
 Indonesia (Papua Pegunungan) | |
| Bahaso | |
| bahaso Walak, bahaso Indonesia |
Urang Walak adolah kalompok etnis nan bamukim di kawasan Pegunungan Tengah, Lambah Baliem. Labiah tapeknyo Lambah Kobakma, Ilugwa, Erageam, Wolo, jo Yalengga di pinggia Sungai Mamberamo, diantaro Kabupaten Mamberamo Tengah, Kabupaten Jayawijaya, jo Kabupaten Yalimo.[2][1]
Kabaradoan[suntiang | suntiang sumber]
Urang Walak marupakan salah satu sub suku nan ado di Kabupaten Jayawijaya nan talatak pado katinggian 1.650 meter di ateh pamukaan aia lauik. Suku iko mandiami di sabalah Utara kota Wamena, sabalah Barat Kabupaten Mamberamo Tengah jo sabalah Timur Kabupaten Yalimo. Sabagian suku-suku di Papua alum mangatahui adonyo salah satu suku iko. Urang Walak iko dapek dikatoan sabagai suku taketek dibandiang dari babarapo suku di Wilayah Pagunuangan Tangah misalnyo urang Dani, urang Yali jo urang Lani.[3] Urang Walak ko dikhawatirkan punah atau lenyap karano suku iko tingga di daerah Ilugwa pangunuangan tangah Papua dengan populasi panduduknyo paliang saketek.[4]
Etimologi[suntiang | suntiang sumber]
Kato "Walak" barasa dari Wanlak atau Wanelak dalam bahaso Walak nan bararti "saya pergi ambil" atau "saya yang mengambil" (sedang berlangsung). Kato iko tasabuik dapek pulo bararti ungkapan salamaik atau terima kasih.[2]
Agamo[suntiang | suntiang sumber]
Urang Walak mayoritas mamaluak agamo kristen katolik. Hal iko ditandoi jo adonyo kitab injil nan manggunoan tulisan babahaso Walak. Alkitab injil nan babahaso Walak ko dipanggunoan dek jamaat gereja untuak baribadah. Tadapek babarapo jemaat gereja nan gadang untuak urang Walak ko baribadah diantaroyo Gereja GIDI,Gereja KIGMI,Gereja Katolik,dan GKII,sarato GKI.[4]
Pakarajoan[suntiang | suntiang sumber]
Urang Walak tarutamo nan laki-laki bakarajo di ladang, sarupo mananam bahan pokok makanan. Ado juo nan mambukak lahan baru untuk dijadian ladang pertanian. Sabagian juo ado nan bakarajo sabagai tukang rumah, tukang mambuek pada rumah, dan ado pulo sabagai tukang cangkua di ladang. Salain itu ado pulo nan bakarajo mancari kayu baka ka dalam hutan. untuak nan padusi nan alum manikah biasonyo bakarajo sabagai bataranak babi atau mangalola kabun.[3]
Budaya[suntiang | suntiang sumber]
Urang Walak tasabuik mampunyoi 3 sub-suku yaitunyo:
- Suku Walak Mbarlima
- Suku Walak Iiluga Wologa
- Suku Walak Ergarajam
Tarian Ambiaro[suntiang | suntiang sumber]
Sabuah tarian nan dibawoan dek 24 urang, 12 laki-laki jo 12 padusi. Mereka mambantuak lingkaran nan 1 hinggo 2 urang mangitari dan baperan sabagai panglima parang nan malinduangi kaumnyo. Lalu tarian iko biaso diiriangi dek musik Goknggaik jo lagu Wasioayamari (mari kita bersatu).[5]
Tarian iko mancaritoan tentang nenek moyang urang Papua nan diyakini datang dari Yunnan, malintasi Taiwan, Filipina, Papua Nugini, dan dari timur manuju Pulau Ifala, lalu ka Genyem. Dari Genyem lalu manyeba ka babagai pelosok pulau Papua.[5]
Kostum nan digunoan yaitunyo cawat untuak manutuik bagian bawah kaum padusi, sadangkan untuak laki-laki pakaian aslinyo manggunoan koteka dengan mambawo alaik parang barupo tombak nan tabuek dari kayu nan panjangnyo 3-4 meter. Pado bagian kapalo mereka manggunoan ikek kapalo nan tabuek dari bulu binatang, untuak laki-laki manggunoan warna merah nan ditambahi jo buluah buruang dan untuak padusi manggunoan warna putiah. Badan diwarnai coklat jo hitam. Warna hitam barasa dari campuran minyak karambia jo arang, sadangkan coklat barasa dari tanah liek.[5]
Rujuakan[suntiang | suntiang sumber]
- ↑ a b "Tarian Asmat dan Walak Mamberamo Meriahkan FDS". Antara News (dalam bahasa Indonesia). 2010-06-20. Diakses tanggal 2023-02-04.
- ↑ a b Bael, Wandikbo (2016-03-05). "Suku Walak dan Keberadaan Suku Walak". the Walak (dalam bahasa Indonesia). Diakses tanggal 2023-02-04.[pranala nonaktif permanen]
- ↑ a b Karoba, Litari; Yuliana, Yuliana; Manalip, Lenny M. M. (2020-12). "Modernisasi Pendidikan Bagi Perempuan Suku Walak di Distrik Wollo Kabupaten Jayawijaya". Cenderawasih (dalam bahasa Inggris). 1 (2): 65–80. doi:10.31957/jap.v1i2.1540. ISSN 2774-5538.
- ↑ a b Digital, Prodik (2021-09-21). "Alkitab Bahasa Suku Walak di Ilugwa Diluncurkan". Tempo (dalam bahasa Inggris). Diakses tanggal 2023-02-05.
- ↑ a b c "Tarian Ambiaro". Warisan Budaya Takbenda (dalam bahasa Indonesia). Diakses tanggal 2023-02-02.