Urang Mamasa
| Urang Mamasa To Mamasa |
|---|
 |
| Tari Tondok, tarian khas Urang Mamasa |
| Jumlah populasi |
|
149.000 |
| Kawasan bapopulasi cukuik banyak |
| Sulawesi Barat |
| Bahaso |
| Mamasa |
| Agamo |
| Kekristenan (mayoritas Protestan) |
| Kalompok etnik takaik |
| Toraja |
Urang Mamasa (Mamasa: To Mamasa) adolah kalompok etnis nan mandiami daerah pagunuangan tangah Pulau Sulawesi, tapeknyo di Kabupaten Mamasa, Sulawesi Barat. Masyarakaik Urang Mamasa tasebar di hampia sadolah kecamatan di Kabupaten Mamasa. Sacara adaik istiadaik jo budaya, masyarakaik Mamasa punyo banyak kesamaan jo Urang Toraja. Salain itu bahaso Mamasa juo dikalompokan ka rumpun bahaso Toraja. Dek karano itu urang Mamasa acok juo disabuik sabagai Urang Toraja Mamasa.[1]
Sijarah
[suntiang | suntiang sumber]Asa-usua Urang Mamasa manuruik carito rakyaik nan tapalueh di kalangan masyarakaik Mamasa, mangadaan bahwa "Nene' Torije'ne" (nenek moyang) datang dari lauik dan "Nenek Pongkapadang" (kakek moyang) datang dari sabalah timur pagunuangan (Sa'dan di Tana Toraja) Pulau Sulawesi. Inyo batamu satu samo lain sudah tu pindah ka Buntu Bulo di Tabulahan. Manuruik para peneliti, urang mamasa ko di dulunyo barasa dari urang-urang Toraja Sa'dan nan mamigrasian ka wilayah mamasa. Tumbuah jo bakambang manjadi sabuah kalompok etnis nan kini labiah umum tanamo sabagai urang Mamasa.[1]
Kaparcayoan
[suntiang | suntiang sumber]Masyarakaik Mamasa sacaro kabanyakan adolah pameluk agamo Kristen khususnyo aliran Protestan. Pangambangan agamo Kristen ditarimo dek masyarakaik Mamasa sakitar awal tahun 1900, dek misionaris dari Balando. Kamudian juo sebagian masih ado nan mempraktikan tradisi dari agamo tradisional nenek moyang urang Mamasa, nan disabuik "Ada' Mappurondo" atau "Aluk Tomatua".
Tradisi agamo tradisional ko tatap tapeliharo dan taruih tawariskan ka generasi sabanta. Tradisi dari Ada' Mappurondo ko dilakuan tarutamo sasudah panen padi abih, sabagai ucapan tarimo kasih atas hasil panen awak. Ado ciek tradisi dari agamo tradisional urang Mamasa, nan unik dan mungkin indak ado di daerah lain, yaitu tradisi panguburan urang nan alah mati, tapi jo mambuek sang jenazah bajalan surang ka kubuaran nan alah disadioan.[2] Inyo picayo bahwa sadolah mayik dari sabuah kaluarga atau karabat ka ado di tampek nan samo dalam iduik sasudahnyo.[3]
Kabudayoan
[suntiang | suntiang sumber]Bahaso
[suntiang | suntiang sumber]Urang mamasa mangecek dalam bahaso mamasa. Bahaso mamasa ko dikumpuakan ka dalam rumpun dari bahaso Toraja, karano banyak ado kesamaan bahaso antaro bahaso Mamasa jo bahaso Toraja. Bahaso mamasa umumnyo diucapkan di daerah salalu Sungai Mamasa di perbatasan Kabupaten Mamasa jo kabupaten Polewali Mandar, Sulawesi Barat.
Bahaso mamasa punyo babarapo dialek, yaitu:[1]
- Mamasa Utara
- Mamasa Tengah
- Pattae' (Mamasa Selatan, Patta' Binuang, Binuang, Tae', Binuang-Paki-Batetanga-Anteapi)
Rumah adaik
[suntiang | suntiang sumber]Masyarakaik Mamasa punyo rumah adaik nan berfungsi sabagai rumah tingga di masa lalu maupun sabagai tampek penyimpanan hasil panen. Rumah adaik mamasa ko sangaik unik, nan manuruik urang-urang ko sarupo bantuak parahu, bantuak parahu-parahu nenek moyangnyo pas pai dari negaro asal, menyeberangi lauik dan singgah di daerah ko malalui hulu sungai. Rumah adaik mamasa punyo ciri khas surang serta punyo kamiriangan jo rumah adaik suku Toraja. Kamiripan ko dikarenan memang asal-usul urang Mamasa dan Toraja adolah barasa dari ciek rumpun.
Di siko jenis-jenis rumah adaik (banua) Mamasa:[1]
Banua layuk
Dari kato "banua" aratinyo rumah dan kato "layuk" aratinyo tinggi, mako "banua layuk" dapek diartikan sabagai "rumah tinggi". Rumah ko baukuran sangaik gadang dan tinggi, biasonyo pemilik rumah ko marupokan pamimpin dalam masyarakaik atau surang bangsawan.
Banua sura
Dari kato "sura" aratinyo "ukir"; "Banua sura" dapek diartikan sabagai "rumah ukir". Rumah ko baukuran gadang dan indak mode banua lain. Panghuni labiah dari rumah marupokan pamimpin dalam masyarakaik atau surang bangsawan.
Banua bolong
Balia dari kato "bolong" nan artinyo "hitam", rumah ko bisa diartikan sabagai "rumah itam". Rumah ko dikunjuangan dek urang kayo dan surang nan dianggap pemberani dalam masyarakaik.
Banua rapa
Mangarupokan jenis rumah Mamasa jo warna asli ( ndak diukir dan ndak dihitamkan). Rumah ko umumnyo dihuni dek kalangan masyarakaik biaso.
Banua longkarrin
Rumah mamasa nan bagian tiang paliang bawah bawah jo tanah dialas jo kayu (longkarrin). Rumah ko juo umumnyo dihuni dek masyarakaik biaso.[1]
Persamaan jo pabedaan rumah adaik Mamasa jo Toraja
[suntiang | suntiang sumber]Dasarnyo rumah adaik mamasa ampia mirip jo rumah adaik Toraja, pabedaannyo yaitu rumah adaik mamasa punyo atok kayu nan barek jo bantuak nan indak talampau balengkok sambia rumah adaik Toraja punyo atok kayu jo bantuak bantuak huruf [U].
Sacara umum banua layuk nan tadiri dari tigo bagian, yaitu atap, badan, dan kolong (rumah panggung), fungsional bantuak rumah panggung bisa dipakai untuak maindari gangguan binatang buas, lantai bisa mangampung hawa panas di malam hari, sahinggo cocok untuak daerah dingin, dan kolong bisa karajo praktis.[1]
Banua Layku sabagai rumah adaik panuah jo makna simbolik sabagai refleksi dari nilai-nilai budaya nan dianut dek masyarakaiknyo. Simbol-simbol itu basobok di struktur, ukiran, dan unsur-unsur lainnyo nan ado di banua layuik.
Bentuk rumah adaik di Mamasa kini ko adolah hasil pangambangan dari bantuak sabalunnyo nan dimulo dari banua pandoko dena, banua lentong appa, banua tamben, dan banua tolo' (sanda ariri). Dari bantuak rumah nan kaampek (banua tolo') akhirnyo manjadi ciri khas rumah adaik mamasa, tarutamo banua laiuk, pandiriannyo ditantuan dek lokasi, arah, dan bahan bangunan, dan waktu mambangun bangunan.
Banua laiuk, marupokan simbol kapamimpinannyo tagantuang dalam struktur masyarakaik Kampung Ballapeu'. Indak tau jo pasti sajak kini banua layuk tagak di Ballapeu'.[1]
Proses mambuek banua layuk dari asal hinggo bangunan siap untuak ditampuah indak tapisah dari kagiatan upacara ritual jo mambaleh kerbau atau babi. Struktur banua layuik nan tadiri dari bagian, yaitu atap, rumah panggung, dan kolong (rumah panggung), salain itu pertimbangan fungsional pentas tigo makna filosofi.
Secaro fungsional rumah panggung adolah:[1]
- bentuk menghindarkan gangguan dari binatang buas.
- lantai dapat menampung hawa panas di malam hari, sehingga cocok untuk daerah dingin.
- kolong dapat berfugngsi praktis.
Sadangkan makna filosofi dibaliak struktur banua layuik nan tadiri dari tigo bagian adolah simbol dari makrokosmos nan tadiri dari tigo lapisan yaitu dunia ateh, tangah, dan bawah.
Ado babarapo persamaan di sabalah parbedaan antaro banua layuk di Mamasa jo tongkonan di Tana Toraja. Adanyo parbedaan dari kaduo-duonyo karano punyo akar budaya nan samo, dan adonyo parbedaan nan disababkan dek kondisi lingkungan dan sosial budaya nan babeda dari kaduo rumah adaik tu.[1]
Patanian
[suntiang | suntiang sumber]Masyarakaik mamasa iduik di hasil patanian, di tanam padi, jaguang, ubi kayu, ubi jalar, kacang tanah, kacang hijau, kacang kedelai, sayua-sayua dan babagai jenis buah-buahan. Inyo juo punyo parkebunan nan ditanam kopi dan kakao nan dikaluo jo caro tradisional. Di lua bidang patanian, inyo juo maaliahan binatang taranak, mode babi, karbau, sapi, kudo, ayam, dan bebek. Untuak manampuah paralu protein binatang, dan jua dijua untuak manambah panghasilan kaluarga.[1]
Kasanian
[suntiang | suntiang sumber]Masyarakaik Mamasa punyo kesenian nan khas dalam budayoannyo mode babarapo tarian, alaikmusik, dan baju adaik. Ado tigo tarian tradisional di Mamasa, yaitu dari tari Bulu Londong, tari Malluya, dan tari Burake. Alat musik nan dimiliki dek masyarakaik Mamasa, yaitu suling pompang. Suling pompang marupokan alaikmusik nan dibuek dari bambu nan dimainkan jo caro ditiup dan disajian dalam bantuak ansambel. Tu pakaian adaik tradisional untuak laki-laki, yaitu baju pongko, sarawa toraja, dan sapu tangan, sadangkan padusi mamakai rok tenun jo tas tenun.[1]
Rujuakan
[suntiang | suntiang sumber]- ↑ a b c d e f g h i j k "Ekspedisi Mamasa". arsitekturhijau.com. Diarsipkan dari versi asli tanggal 2021-04-28. Diakses tanggal 06 Februari 2023.
- ↑ Yudvi, Tentry. "Mengenal Suku Mamasa yang Punya Kemampuan Membangkitkan Mayat". Okezone.com. Diakses tanggal 06 Februari 2023.
- ↑ "Suku Mamasa, Kerabat Toraja". www.goodnewsfromindonesia.id. Diakses tanggal 06 Februari 2023.
