Lompat ke isi

Urang Pasemah

Wikipedia Minangkabau - Lubuak aka tapian ilimu
(Dialiahkan dari Urang Basemah)
Basemah / Besemah / Pasemah / Pesemah
Jumlah populasi

450.000 jiwa[1]

Kawasan bapopulasi cukuik banyak
Empat Lawang, Lahat, Ogan Komering Ulu, Kota Pagar Alam, Muara Enim
Bahaso
Basemah
Agamo
Islam
Kalompok etnik takaik
Lintang  • Serawai  • Kaur  • Palembang  • Ogan

Urang Pasemah adolah masyarakaik nan bamukim di Sumatera Selatan di sakitar Gunuang Dempo Kecamatan Pagar Alam, Kecamatan Tanjung Sakti, Kecamatan Kota Agung, Kecamatan Ulu Musi jo Kecamatan Jarai di Kabupaten Lahat[2], sarato di Bengkulu iyolah di Kedurang jo Padang Guci.[3] Sadangkan arti dari Pasemah itu adolah daerah nan banyak ikan di sungainyo. Urang Pasemah tabagi manjadi tigo suku iyolah Gumai, Semidang jo Pasemah. Urang Pasemah pado umumnyo bakarajo jadi petani di ladang atau di kabun jo mananam kopi, teh, buah - buahan atau sayua - sayuaan. salain itu, Urang Pasemah juo bataranak, manangkok ikan sarato maanyam. Suku iko sacaro umum bamukim di sakitar kawasan gunuang barapi nan masih aktif, gunuang Dempo. Suku banso iko juo banyak nan marantau ka daerah-daerah di provinsi Bengkulu. Urang Pasemah marupokan salah satu suku banso asli nan barasa dari kawasan Sumatra Salatan nan mampunyoi karabaikkan dengan urang Malayu jo Komering nan juo alah ratuihan tahun tingga di Sumatera Salatan.

Asa usua[suntiang | suntiang sumber]

Urang Pasemah nan kini paliang identik adolah Kota Pagar Alam, Lahat, Muara Enim jo Empat Lawang. Empat Lawang marupokan kabupaten baru pamakaran dari Kabupaten Lahat. Sadangkan Muara Enim nan marupokan suku Basemah adolah daerah sakitar Semendo, kurang labiah 50km dari kota Muara Enim.

Urang Pasemah di Provinsi Bengkulu dapek dibedokan ateh duo kalompok, yoitu Pasemah Kedurang jo Pasemah Padang Guci. Kaduo kalompok iko mampunyoi carito nan babedo manganoi asa-usua suku ko.[3]

Urang Pasemah Kedurang barasa dari daerah Pasemah Lehar di Sumatra Salatan, jo kini inyo tarutamo manyebar di kawasan Kecamatan Manna. Urang Pasemah Padang Guci barasa dari daerah Lahat jo Tanjung Enim di Sumatra Salatan, jo kini inyo tarutamo manyebar di Kecamatan Manna, Kaur Utara, jo Kaur Tengah.[3]

Di wilayah "asanyo" di Sumatera Salatan, pasabaran urang Pasemah dapek diliek dari pasabaran bahaso nan inyo gunokan. Bahaso Pasemah, nan disabuik juo bahaso Basemah. tamasuak rumpun bahaso Malayu.

Masyarakaik Pasemah nan hiduik di sakita gunuang Dempo sabagian gadang marupokan petani dengan mangalola kabun. Tanaman pokok adolah nan tabanyak. Kini ko pun daerah iko masih manjadi pusaik produksi kopi di Sumatera Salatan. Kopi Semendo adolah salah satu kopi nan paliang dicari oleh para panikmat kopi. Sadangkan tanaman lainnyo adolah sayuran, Kota Pagar Alam sabagai pusaik sayuran saperti kubih, wortel, lado, bawang perai, saledri, dan lain-lain.

  • Urang Basemah nan hiduik di sakita Gunuang Patah di kawasan Sumatera Salatan, mampunyoi duo tradisi yoitu matrilineal jo patrilineal. Tradisi matrilineal balaku pado marga Semende daghat (darat).
  • Meskipun mampunyoi duo tradisi, tapi paranan jo posisi padusi tetap samo di kaluargo maupun masyarakaik. Padusi jo laki-laki bakarajosamo manguruih rumah, sawah, kabun, jo akses tahadok utan, tamasuak pulo tahadok hukum adaik.
  • Tradisi matrilineal di marga Semende Darat sabagai simbol panghormaikkan tahadok alam nan inyo ibaraikkan sabagai induak. Sadolah kakayoan alam tu dari induak kambali ka induak.
  • Falsafah hiduik urang Basemah nan mangatokan “indak dapek manoloang, tapi jan marusak jadilah”. Falsafah iko samo saperti sikap alam tahadok makhluk hiduik, khususnyo manusia.[4]

Sistem kakaluargoan[suntiang | suntiang sumber]

Sistem parkawinan[suntiang | suntiang sumber]

Urang Basemah mangenal variasi dalam adaik parkawinan jo panarikan garih katurunan. Dalam parkawinan, dikenal adaik ambiak anak dengan adaik manetap kawin matrilokal. Pado parkawinan samacam iko pihak laki-laki indak mambayia pitih jujur kapado pihak padusi. Salain itu, ado adaik ambiak anak panantian dengan adaik manetap kawin matrilokal. Sang laki manetap di lingkuangan karabaik bini sampai anak laki-laki inyo dewasa jo barumah tanggo. Badasarkan kaduo macam adaik di ateh, inyo manarik garih katurunan sacaro matrilineal.

Adaik lain adolah kawin belaki dengan adaik manetap kawin patrilokal jo panarikan garih katurunan sacaro patrilineal. Dalam adaik parkawinan samacam iko pihak laki-laki mambayia pitih jujur jo biayo parkawinan pun ditangguang pihak laki-laki. Adaik lain adolah semendean dengan adaik manetap kawin neolokal. Dalam sistem adaik iko indak ado pitih jujur jo biayo parkawinan ditangguang basamo oleh kaduo balah pihak.

Sistem kamasyarakaikan[suntiang | suntiang sumber]

Urang Pasemah indak babedo jauah dengan sistem kamasyarakaikan kalompok masyarakaik lain di Bengkulu. Inyo mangenal kawasan kemargaan nan dipimpin oleh saurang pasirah. Urang Pasemah umumnyo baragamo Islam. Walaupun damikian, siso-siso kapicayoan lamo masih talibek dalam babarapo bidang kahidupan. Salain mampicayoi adonyo makhluk haluih jo kakuatan gaib, urang Pasemah juo manjalankan babagai upacaro adaik nan dihubuangkan dengan kapicayoan tasabuik.[5]

Mato pancaharian[suntiang | suntiang sumber]

Kini ko mato pancaharian utamo urang Pasemah adolah mananam padi. Inyo mangenal duo jenis sawah, yoitu sawah tadah ujan jo sawah payau atau rawa-rawa. Bakabun kopi dikarajokan dengan caro mambuka utan. Sistem paladangan iko dilaksanokan dengan caro sadarhano. Daerah iko juo manghasilkan buah-buahan jo sayua-sayuan. Pakarajoan lainnyo adolah bataranak jo manangkok lauak di sungai. Sabagian masyarakaik mangenal seni karajinan manganyam rotan jo buluah.[5]

Caliak pulo[suntiang | suntiang sumber]

Rujuakan[suntiang | suntiang sumber]

  1. Populasi suku Besemah
  2. Hidayah, Dr. Zulyani (2015). Ensiklopedi Suku Bangsa di Indonesia. Jakarta: Yayasan Pustaka Obor Indonesia. pp. 306. ISBN 978-979-461-929-2. 
  3. a b c Melalatoa, M. Junus (1995). Ensiklopedi Suku Bangsa di Indonesia Jilid L-Z. Direktorat Jenderal Kebudayaan. pp. 662. https://books.google.co.id/books?id=FbGECgAAQBAJ&pg=PA662&dq=suku+pasemah&hl=id&sa=X&ved=0ahUKEwiGrN-KzbrWAhXFQo8KHfzbDLoQuwUIKzAB#v=onepage&q=suku%20pasemah&f=false. 
  4. "Mongabay.co.id". Mongabay.co.id (dalam bahasa Inggris). Diakses tanggal 2023-01-31. 
  5. a b Melalatoa, M. Junus (1995). Ensiklopedi Suku Bangsa di Indonesia Jilid L-Z. Direktorat Jenderal Kebudayaan. pp. 663. https://books.google.co.id/books?id=FbGECgAAQBAJ&pg=PA662&dq=suku+pasemah&hl=id&sa=X&ved=0ahUKEwiGrN-KzbrWAhXFQo8KHfzbDLoQuwUIKzAB#v=onepage&q=suku%20pasemah&f=false. 

Daftar pustaka[suntiang | suntiang sumber]

  • Brigitte Khan Majlis. Catalogue// Art Institute of Chicago Museum Studies. — 1966. — Vol.33 — № 2. pp. 28—112.
  • Edwin M. Sumatra. Its History and People/ Edwin M. // Artibus Asiae. — 1937. — Vol.7— № 2. — pp. 290—296.
  • Miksic J. Classical Archaeology in Sumatra/ Miksic J. // Indonesia. — 1966.— Vol. 30.— pp. 42—66.

Pautan lua[suntiang | suntiang sumber]