Urang Lio
 Bantuak rumah Sao Keda jo Kanga (area ritual) Urang Lio | |
| Kawasan jo populasi nan signifikan | |
|---|---|
| Kabupaten Ende Kabupaten Sikka NTT, Indonesia | |
| Bahaso | |
| Lio, Indonesia | |
| Agamo | |
| Kristen Katolik (mayoritas), Muslim | |
| Kalompok etnis takaik | |
| Urang Ende, Urang Sikka |
Urang Lio adolah suku banso tatuo jo suku tagadang nan ado di Pulau Flores. Masyarakaik urang Lio pado umuamnyo manampeki Kacamatan Wolowaru, Kacamatan Ndona, Kacamatan Ndona Timua, Kacamatan Detusoko, Kacamatan Lio Timua, Kacamatan Maurole, Kacamatan Detukeli, Kacamatan Ndori, Kacamatan Kelimutu, babarapo wilayah di Kacamatan Maukaro, Kacamatan Lepembusu Kelisoke, Kacamatan Kotabaru, Kacamatan Wolojita jo Kacamatan Wewaria. Populasi masyarakaik Lio mandominasi ampiang 85 % wilayah kabupaten Ende. Urang Lio manampeki juo bagian baraik wilayah Kabupaten Sikka yakni: Kacamatan Paga, Kacamatan Mego, Kacamatan Tanawawo, jo Kacamatan Magepanda.[1]
Asa-usua[suntiang | suntiang sumber]
Ada babarapo versi tantang asa-usua urang Lio iko. Dahulu dicaritokan urang Lio adolah manusio partamo di wilayah Ende Lio turun dari gunuang tatinggi yaitu gunuang Lepembusu nan barado di kawasan pamukiman dusun Wolotolo. Urang Lio di dusun Wolotolo dipimpin dek ampaek Mosa Laki (kapalo suku) jo tujuah Kopo Kasa (wakia kapalo suku). Kapalo suku jo Kopo Kasa mamacik paranannyo masiang-masiang sasuai jo tugaih nan diamanaikan turun tamurun dari nenek moyang sabalunnyo. Keampek kapalo suku batampek tingga di sao ria (rumah gadang) masiang-masiang. Urang Lio di dusun Wolotolo mampunyoi babagai macam elemen pamukiman adaik bangunan mulai dari sao ria (rumah gadang), sao keda (tampek musyawarah), kanga (arena lingkaran), tubu musu (tugu batu), rate (pusaro) jo kebo ria (lumbuang). Bangunan-bangunan adaik urang Lio iko mampunyoi babagai macam bantuak sasuai jo fungsinyo masiang-masiang [2]
Kamudian ado versi lain mangecekan urang Lio awanyo tibo dari Malaka wilayah Malaysia, ado juo nan bapendapek tibo dari Kabupaten Malaka di Pulau Timor, NTT. Namo urang tasabuik adolah Lio Laka nan turun di Kacamatan Wewaria (Pantai Utara Flores Kab. Ende). Hal iko manunjuakan bahso versi nan mangecekan bahso urang Lio marupokan katurunan urang Malaka nan barado pado provinsi NTT indak relevan karano Malaka NTT barado pado Pulau Timor nan barado pado selatan pulau Flores. Sangaik indak mungkin katiko mancaliak daratan, pelaut malah putar arah dari pantai selatan ka pantai utaro.
Agamo jo kapicayoan[suntiang | suntiang sumber]
Urang Lio dikanal sangaik mamacik taguah kayakinan jo kapicayoan mereka tahadok wujuik tatinggi nan disabuik Du'a Ngga'e (Tuhan /Allah), Nitupa'i (roh haluih nan paliang ditakuikan jo harus dihormati) atamata atau babo mamo (laluhua) nan wajib dihormati. Dalam konteks iko, Du'a Ngga'e barado pado titik puncak nan wajib disujuik. Samantaro Nitupa'i atamata wajib dihormati. Masyarakaik urang Lio picayo adonyo kakuaikan adikodrati sarto picayo bahso roh-roh paro laluhua jo roh-roh alam sangaik bapangaruah dalam kahiduikan mereka. Walaupun subagaian ketek masih mampraktikkan agamo asli Nusantaro (agamo laluhua) tatapi saaik iko ampiang saluruah ata Lio (urang Lio) baik nan barado di Kabupaten Ende maupun nan barado di Kabupaten Sikka subagian gadang alah baaliah ka agamo-agamo Abrahamik, yakni: Kristen Katolik jo Islam. Saaik iko mayoritas urang Lio baagamo Katolik jo sisonyo Muslim.[1]
Sistem organisasi kamasyarakaikan[suntiang | suntiang sumber]
Sistem organisasi kemasyarakaikan Urang Lio pado umuamnyo badasakan pamarintahan jo sistem organisasi kamasyarakaikan badasakan adaik-istiadaik sarupo di dusun Tenda. Organisasi kemasyarakaikan Urang Lio di dusun Tenda pado umuamnyo dikuasoi dek paro katuo adaik (mosalaki) jo urutan tingkaikan dalam adaik. Susunan Mosalaki di dusun Tenda dipimpin dek surang katuo adaik partamo biasonyo nan tatuo atau anak partamo.
Adopun susunan mosalaki masyarakaik Tenda yaitu nan partamo Embu Leko (mosalaki Pu’u), Embu Ngguwa 93 (mosalaki kaduo), Embu Raja (mosalaki katigo) jo nan taahkia Embu Wondo (mosalaki kaampek). Dari lua nan tibo ka dusun tenda Dari kaampek mosalaki (katuo adaik) katigonyo mampunyoi katurunan hinggo kini iko kacuali wondo indak mempunyai katurunan. Sarto Faiwalu ana kalo (mereka nan indak mamacik paranan pantiang dalam adaik.
Di dusun iko juo tadapek mosalaki lain nan tibo dari lua dusun Tenda namun mereka tibo indak jo surangnyo akan tatapi dipanggia dek mosalaki nan ada di Tenda. Mosalaki nan dimakasuik mereka adolah mosalaki nan manolong masyarakaik Tenda dalam baparan sahinggo untuak mambaleh budi mereka dipanggia jo tingga di dusun Tenda sarto diagiah kakuasoan juo. Mosalaki-mosalaki tasabuik mampunyoi pulo namo suku yaitu Ine Tana Ame Watu (suku nan dianggok subagai urang tuo) jo Embu Leja (subagai Panasihaik/kaki tangan).[3]
Upocaro adaik[suntiang | suntiang sumber]
Ritual adaik Ka po'o dilaksanokan dek urang Lio nan bamato pancarian subagai patani jo baladang, marupokan ritual adaik dalam tata baladang nan dilaksanokan satiok tahun dek paro masyarakaik nan baladang (fai walu ana halo) basamo-samo jo pamangku adaik (mosalaki) nan ditandoi jo upocaro mananak nasi dalam bambu nan disabuik Are po’o dek paro mande hal iko diyakini bahso katolibaikan paro mande mampunyoi makno bahso padusi adolah rahim kahiduikan (bumi) sahinggo diyakini mandatangkan kasubuaran, kalimpahan panen sarto rajaki dalam kaluargo. Sadangkan laki-laki disimbolkan subagai langik nan marawaik, manjago jo malinduangi. Prinsip laki-laki jo padusi dalam urang Lio diibaraikkan sarupo langik-bumi nan saliang malangkoki ciek jo nan lain. Iko juo bantuak kasataroan gender dalam tatanan adaik, upocaro Ka po’odiakhiri jo makan basamo saluruah mosalaki jo panggarap ladang. Tujuan dilaksanokannyo ritual adaik untuak maagiah makan kapado paro laluhua, manulak hamo panyakik (tulak balo) sahinggo lahan nan dibuka untuak baladang diagiah kasubuaran, kaamanan jo hasia nan elok. Ndak hanyo sakadar ritual, tatapi upocaro adaik nan taruih dilakukan sacaro turun tamurun iko manjadi ajang kabasamoan jo partamuan kaluargo masyarakaik adaik.
Pantangan adaik (pire). Satalah upocaro Ka po'o, dilanjutkan jo larangan adaik (pire) salamo duo hari. Pantangan batujuan supayo paro panggarap mantaaiki nasihaik mosalaki subagai bantuak panghargoan tahadok warisan tradisi paro laluhua juo saaik untuak manyiapkan sagalo paralaikan baladang. Sanksi adaik (poi) dari paro mosalaki ka d diagiahan nan malangga pantangan. Pantangan nan patuik dilaksanokan adolah indak buliah manyantuah jo mamatiak daun, indak buliah baaktivitas di kabun, indak dipakenankan manjamua pakaian di lua rumah, indak buliah manyapu laman rumah sarto indak buliah batanak atau mambaka di lua rumah.[4]
Parnikahan adaik[suntiang | suntiang sumber]
Parnikahan adaik urang Lio diawali jo paragiahan mahar (maskawin) atau dalam bahaso Ende disabuik subagai Belis, dek urang Lio belis manantukan strata kahiduikan jo gengsi surang dalam kahiduikan sahari-hari. Belis nan biaso diagiahan adolah barupo hewan taranak sarupo kabau, jawi jo kudo. Sadangkan kandiak, kambiang jo ayam dianggok hanyo subagai bahan samba nan disajikan saaik makan basamo dalam upocaro adaik.
Urang Lio manganuik paham patrilikoal. Ado ampek janis parnikahan di urang Lio yaitu:
- Parnikahan Ana Ale yaitu parnikahan nan didasai ateh pasatujuan urang tuo sarato sanak nan basangkuikan.
- Parnikahan Lari yaitu padusi minggat dari rumah sacaro diam-diam manuju rumah laki-laki jo biasonyo tajadi pado malam hari. Tantunyo hanyo si padusi jo laki-laki nan mangatahui hal iko karano sabalunnyo mereka alah mambuek janji.
- Parnikahan Masuak yaitu laki-laki tingga di rumah kaluargo padusi jo disinan inyo diangkek manjadi anak angkek samo jo dunsanak. Di Lio bilo ado parnikahan sarupo itu, artinyo laki-laki indak punya apo-apo, sahinggo inyo disiko dalam bahaso satampek dikatokan Koo Tebo, buliah juo dikatokan Koo No Tebo, Jongo Noo Lo. Inyo jo tau jo nio manjadi panghuni di dalam kaluargo padusi.
- Parnikahan Paatua yaitu parnikahan nan tajadi sajak anak masih dalam kanduangan mandenyo. Urang tuo dari kaduo calon mampelai alah sapakaik untuak manjodohkan biasonyo karano hubuangan bakawan elok [5]
Kain tanun[suntiang | suntiang sumber]
Kain tanun urang Lio atau disabuik Lawo dalam bahaso Lio. Tanun ikat Patola, yaitu kain tanun nan biasonyo khusus dibuat untuak kalangan kapalo suku dan kerabat kerajaan. Ciri khas motif kain patola biasonyo barupo daun, dahan, ranting, biawak dan manusia, ukurannya ketek jo bantuak geometris nan disusun membantuak jalur-jalur ketek bawarna merah atau biru di ateh dasa kain bawarna gelap. biasonyo dan ada tambahan hiasan barupo manik-manik dan kulit kerang ditepian bagian kain tanun hal iko khusus untuak kaum padusi kalangan bansowan saja
Kain patola di pengaruhi dek budayo India dan Portugis zaman abad 16 ketika maraknya perdagangan rempah-rempah masuk ke pulau Flores. Kain patola dianggap sangaik istimewa hinggo sering dikuburkan basamo jenazah, karano kain patola dijadikan penutup jenazah saurang bansowan atau raja raja. Selain itu masih tadapek banyak lagi motif kain tanun ikat (Lawo).[5]
Makanan[suntiang | suntiang sumber]
Bagi masyarakaik Lio, makanan uwikaju/uwiai (ubi) marupokan panganan lokal nan manjadi makanan pokok jo alah ado sajak maso nenek moyang. Salah cieknyo adolah uwiKaju/uwi ai ga’u. Maskipun samo-samo babahan dasa ubi namun uwi kaju ga’u alun sapopuler uwi ai ndota atau uwi ai punga. Ga’u dalam bahaso satampek artinyo aduak. Sahinggo masakan tasabuik marupokan campuran ubi nan diaduak-aduak. Salain itu nasi jo jaguang juo marupokan janis makanan pokok nan biaso di konsumsi dek masyarakaik suku Lio.[6]
Kasenian[suntiang | suntiang sumber]
Pado Paralekan gadang ritual adaik, masyarakaik Lio mangenal Gawi. Gawi dalam bahaso Indonesia dapek disabuik juo jo kato, ‘Tandak. Sacaro harfiah kato tandak bamuaro pado kato batandak nan bararti bakunjuang, mangunjunagi, manyatukan hati, langkah jo pikiran. Tarian Gawi adolah ciek-ceiknyo tarian khas masyarakaik Lio nan tatuo jo dipimpin dek saurang panyair nan ditunjuak paro sasapuah adaik. Dalam bahaso adaik Lio panyair iko dapek disabuik ‘Ata Sodha’. Dalam babarapo ritual adaik Mbama, tarian gawi iko acok diisi jo ‘Bhea’ dek paro sasapuah atau dalam hal iko Mosalaki subagai pamacik tampuk kuaso tatinggi di dalam masiang–masiang wilayah parsakutuan Lio. Bhea, kalau ditajamahkan dalam bahaso Indonesia bararti; Sabuah ungkopan bahaso adaik Lio nan bersipek seruan untuak membangkitkan spirit subagai tando untuak manunjuakan kagadangan, kaparkasoan jo kamanangan.
Dalam babarapo pandangan Gawi/Tandak sabananyo adolah ritual ibadaik, dalam agamo asli suku Lio. Di siko, Sodha manyanyikan sijarah suku jo ajaran–ajaran moral, nan sabananyo adolah ‘Kitab Suci’ lisan agamo tasabuik. Dari kasado rentetan ritual adaik urang Lio, Gawi/tandak adolah ritual puncak. Banyak agamo asli manggunokan ritual samacam gawi/tandak subagai ibadaik puncaknyo.[7]
Rujuakan[suntiang | suntiang sumber]
- ↑ a b KOMPUTER, UNIVERSITAS SAINS & TEKNOLOGI. "Suku Lio". p2k.stekom.ac.id (dalam bahasa Inggris). Diakses tanggal 2023-02-17.
- ↑ Mukhtar, M. A, dkk. (2013). Struktur Konstruksi Arsitektur Tradisional Bangunan Tradisional Kaduo Suku Ende Lio di Pamukiman Adaik Wolotolo Jurnal RUAS: Universitas Brawijaya. Volume 11 No 1, ISSN 1693-3702
- ↑ Mati, Reneldis Tina (2019). Simbol Identitas Budaya Masyarakat Suku Lio Kabupaten Ende. Tesis. Semarang: Universitas Negeri Semarang. Diakses tangga 17-02-2023
- ↑ IndonesiaSatu.co. "Ka Po'o, Ritual Adat Tata Berladang Suku Lio". Indonesia Satu (dalam bahasa Indonesia). Diakses tanggal 2023-02-15.
- ↑ a b "Warisan Budaya Takbenda | Beranda". warisanbudaya.kemdikbud.go.id. Diarsipkan dari versi asli tanggal 2022-09-14. Diakses tanggal 2023-02-15.
- ↑ Wawan, Widy. "Suku Ende - Lio".
- ↑ ditwdb (2019-10-31). "Gawi, Masyarakat Lio mengenal Gawi". Direktorat Warisan dan Diplomasi Budaya (dalam bahasa Indonesia). Diakses tanggal 2023-02-17.
