Urang Dani

Wikipedia Minangkabau - Lubuak aka tapian ilimu
Suku Dani
Orang Parim
Seorang lelaki Dani dengan dua buah taring babi yang menandakan bahwa ia seorang prajurit perang
Jumlah populasi

2009: kurang lebih 25.000 Jiwa.

Kawasan bapopulasi cukuik banyak
Indonesia:
Bahaso
bahasa Dani
Agamo
Mayoritas
Kristen Protestan (91%) dan Islam Sunni (3%)
Minoritas
(6%) yang beragama Katolik, Animisme, Animatisme, Dinamisme dan Totem
Kalompok etnik takaik
Suku Damal, Suku Yali, Suku Lani dan Suku Moni.

Suku Dani adolah sakalompok suku yang mandiami wilayah Lembah Baliem di Pegunungan Tengah, Papua Pegunungan, Indonesia. Pamukiman kalompok urang tu barado di antaro Bukik Ersberg jo Grasberg di Kabupaten Jayawijaya sudah tu sabagian Kabupaten Puncak Jaya.[1][2]

Sijarah[suntiang | suntiang sumber]

Suku Dani yang partamo kali dikatahui bamigrasi ka ngarai Baliem dipakirokan sakitar ratusan taun yang lalu. Banyak eksplorasi di dataran tinggi padalaman Papua yang dilakukan. Nan ado diantaronyo partamo adolah Expedisi Lorentz pado taun 1909-1910 (Netherlands), tapi urang tu indak sampai ka Lembah Baliem.

Kamudian penyidik yang barasa dari Amerika Serikat nan banamo Richard Archold, anggota timnyo adolah urang dari lua nagari partamo yang maadokan kontak jo panduduak asli yang alun pernah maadokan kontak jo nagari lain sabalumnyo. Paristiwa iko tajadi sacaro indak sangajo pado 23 Juni 1938 katiko sadang malakukan penerbangan di ateh Ngarai Baliem jo pasawat tabang PBY Catalina 2 bernama Guba II pado saat manjalankan ekspedisi panalitian vegetasi di katinggian lebiah dari 4000 meter.[3] Iko tajadi pado taun 1935. Sudah tu juo sudah dikatahui bahwasonyo panduduak Suku Dani adolah para petani yang pandai manggunokan kapak batu, alat pangikih, pisau yang tabuek dari tulang binatang, bulua atau tombak kayu jo tungkek galian. pangaruh Eropa di baok ka para misionaris yang mambangun pusaik Misi Protestan di Hetegima sakitar taun 1955. Kamudian sasudah bangsa Belando mandirikan kota Wamena makonyo agama Katolik mulai tumbuah jo bakambang.[3][2]

Rumpun Bahaso Dani[suntiang | suntiang sumber]

Bahaso suku Dani tadiri dari 3 sub kaluargo bahaso, yaitu:[2]

  • Sub kaluargo Wano di Bokondini
  • Sub kaluargo Dani Pusaik yang tadiri dari logat Dani Barat jo logat ngarai Gadang Dugawa.
  • Sub kaluargo Nggalik & Ndash

Bahaso suku Dani tamasuk kaluargo bahaso Melanesia dan bahaso Papua tangah (secaro umum).

Lokasi[suntiang | suntiang sumber]

Latak geografis[suntiang | suntiang sumber]

Sacaro geografis Kabupaten Jayawijaya talatak antaro 30.20 sampai 50.20′ Lintang Salatan kemudian 1370.19′ sampai 141 bujua timua. Bateh-bateh Daerah Kabupaten Jayawijaya adolah sabagai barikuik: sabalah utara jo Kabupaten Jayapura dan Kabupaten Yapen Waropen, barat jo Kabupaten Paniai, selatan jo Kabupaten Merauke dan Timur jo pabatasan negara Papua Nugini.

Topografi Kabupaten Jayawijaya tadiri dari gunuang-gunuang yang tinggi dan ngarai-ngarai yang lueh. Di antaro puncak-puncak gunuang yang ado babarapo diantaronyo salalu tatutuik jo salju, misalnyo Puncak Trikora (4750 m), Puncak Yamin (4595 m), jo Puncak Mandala (4760 m). Tanah pado umumnyo tadiri dari batu kapua/gamping jo granit yang tadapek di daerah pegunuangan, sadangkan di sakaliliang ngarai marupokan pacampuan antaro endapan luluak, tanah liek jo lempung.[2]

Klimatologis[suntiang | suntiang sumber]

Suku Dani ko manampati daerah yang bariklim tropis basah karano dipangaruhi oleh latak katinggian dari pamukaan lauik, temperatur udara bavariasi antaro 80-200 derajat Celcius, suhu rato-rato 17,50 derajat Celcius dengan hari hujan 152,42 hari pataun, tingkek kalembapan diateh 80 %, angin barambuih sapanjang taun jo kacapatan rato-rato tatinggi 14 knot jo tarandah 2,5 knot.[2]

Adat istiadat[suntiang | suntiang sumber]

Kepercayaan[suntiang | suntiang sumber]

Dasar religi masyarakaik suku Dani adolah manghormati roh niniak moyang dan juo di adokannyo upacara yang dipusekkn pado pesta kondiak. Konsep kapicayoan/kaugamoan yang terpenting adaloh Atou, yaitu kakuatan sakti para niniak moyang yang diturunkan sacaro patrilineal (diturunkan kapado anak laki-laki). kakuasaan sakti iko antaro lain:

  • kakuatan menjago alam. Bagi urang ko, alam Lembah Baliem tabu jo batuah. Urang tu pacayo bahwasonyo manjago alam samo halnyo manghormati niniak moyang.
  • kakuatan manyembuahkan panyakit jo manolak bala atau kabaji.
  • kakuatan manyuburkan tanah.

Untuak manghormati niniak moyangnyo, suku Dani mambuek lambang niniak moyang yang disabuik Kaneka. Salain itu juo adonyo Kaneka Hagasir iolah upacara kaugamoan untuak mansajahterakan kaluargo masyarakaik sarato untuak mangawali jo manyudahan parang.[2]

Sistim Kakarabatan[suntiang | suntiang sumber]

Masyarakaik Dani indak mangenal konsep kaluargo batih, di mano bapak, ibu, jo anak tingga dalam ciek rumah. urang ko iolah masyarakaik komunal. Makonyo jiko rumah parituangkan sabagai satu kasatuan fisik yang manampung aktivitas-aktivitas pribadi pauninyo, dalam masyarakaik suku Dani unit rumah tu iolah banamo sili.

Sistim kakarabatan masyarakaik Urang Dani ado tigo iolah kalompok kakarabatan, paroh masyarakaik, jo kalompok teritorial.

  • Kelompok kakarabatan yang taketek dalam masyarakaik suku Dani adolah kaluargo lueh. Kaluargo lueh ini tadiri ateh tigo atau duo kaluargo inti basamo – samo mahuni suatu kompleks parumahan yang ditutuik paga (lima).
  • Paroh masyarakaik. Struktur masyarakaik suku Dani yang marupokan gabungan dari babarapo ukul (suku ketek) yang disabuik ukul oak (suku gadang)
  • kalompok taritorial. Kasatuan taritorial yang taketek dalam masyarakaik suku banso Dani adolah kompleks parumahan (uma) yang diuni untuk kalompok kaluargo lueh yang patrilineal (diturunkan kapado anak laki-laki).

Panikahan[suntiang | suntiang sumber]

Panikahan tradisional urang suku Dani basifat poligami diantaronyo poligini. Kaluargo batih iko tingga di satu – satuan tampek tingga yang disebuik silimo. Sabuah kampuang suku Dani tadiri dari 3 & ndash; 4 slimo yang diuni 8 & ndash; 10 kaluargo. Manuruik mitologi urang suku Dani ko barasa dari katurunan sapasang laki dan bini yang mahuni suatu danau di dakek kampuang Maina di ngarai Baliem Salatan. Urang tu mampunyoi anak banamo Woita jo Waro. Urang Dani dilarang manikah jo karabat suku sahinggo pakawinan baprinsipkan pado eksogami meioty (bahasa inggris, sebutan untuak kalompok sosial diateh marga, dalam hal iko katurunan Woita jo Waro), sahinggo pakawinan diharuskan jo urang di lua kalompok meioty nyo.[2]

Politik Jo Kamasyarakatan[suntiang | suntiang sumber]

Masyarakaik suku Dani senantiaso hiduik badampingan dan saliang tolong manolong, kahidupan masyarakaik Dani mamiliki ciri-ciri sabagai berikuik :

  • Satiok rancana batagak rumah taruih diduluan jo musyawarah yang dipimpin oleh surang panata adaik atau kapalo suku
  • Organisasi kamasyarakatan pado suku Dani ditantuan badasarkan hubuangan kaluargo jo katurunan dan badasarkan kasatuan teritorial.
  • Masyarakaik suku Dani mamiliki karajo samo yang basifat tatap dan salalu bagotong royong.

Suku Dani dipimpin oleh surang kapalo suku gadang iolah disabuik Ap Kain yang mamimpin kampuang adaik watlangka, salain itu ado juo 3 kapalo suku yang posisinyo barada di bawah Ap Kain dan mamacik bidangnyo surang & ndash; sendiri, urang tu iolah : Ap. Menteg, Ap. Horeg, jo Ap Ubaik Silimo biaso yang diuni oleh masyarakaik biasonyo dikapaloi oleh Ap. Waregma. Dalam masyarakaik suku Dani indak ado sistim pamimpin (eksekutif diluar kepala suku, kacuali istilah kain untuak laki-laki yang barati kuek, pandai samo tahormat.

Pado tingkek uma, pamimpinnyo adolah laki-laki yang alah gaek, tapi masih bisa ma atur urusannyo dalam ciek halaman rumah tanggo maupun kampuangnyo. Urusan itu antaro lain mamaliharo kabun jo taranak kondiak samo malarai patangkaran.

Pamimpin federasi bawenang untuak maagia tando dimulainyo parang atau pesta. Pertempuran dipimpin untuak para win metek. Pamimpin konfederasi biasonyo pernah juo manjadi win metek, walaupun indak syarat mutlak, syarat manjadi pamimpin masyarakaik suku Dani: Pandai bacocok tanam, basifat ramah jo murah hati, pandai baburu, mamiliki kakuatan fisik jo sifat pambarani, pandai badiplomasi, jo pandai baparang.[2]

Adat Menghormati Nenek Moyang[suntiang | suntiang sumber]

Untuak manghormati niniak moyangnyo, Suku Dani mambuak lambang niniak moyang yang diagiah namo Kaneka. Salain itu, juo adonyo Kaneka Hagasir iolah upacara kaugamoan untuak masajahterakan kaluargo masayarakaik jo untuak mamulai samo manyudahan parang.[2]

Tradisi[suntiang | suntiang sumber]

Kaonak, salam tradisional wilayah pagunuangan tarutamo Suku Dani

Tradisi potong jari[suntiang | suntiang sumber]

Disabuik juo tradisi ko banamo Iki Palek marupokan caro manunjuakkan raso sadiah jo raso belasungkawa ditingahan anggota kaluargo yang maningga dunia dengan caro mamotong jari. Bilo ado anggota kaluargo atau karabat dekek yang maningga dunia, sacara adaik suku Dani diwajibkan mamotong jarinyo. Urang suku Dani ko baranggapan bahwasanyo mamotong jari adolah simbol dari sakik jo padiahnyo urang yang kahilangan anggota kaluarganyo. Pamotongan jari juo dapek diaratikan sabagai upayo untuak mancagah ‘taulang baliak’ malapetaka yang alah maambiak nyawo urang di dalam kaluargo yang baduka.

Bagi Suku Dani, jari diaratikan sabagai simbol karukunan, kasatuan jo kakuatan dalam diri manusia maupun sabuah kaluargo. Akan tatapi perbedaan di satiaok bantuak jo panjang jari mampunyoi sabuah arti kasatuan jo kakuatan kabasamoan untuak maringankan sagalo baban karajo. Kahilangan salah satu ruasnyo sajo, bisa mambuek apo nan di karajoan indak maksimal. Jadi jiko salah satu bagiannyo mailang, mako hilang pulo komponen kabasamoan juo bakurang pulo kakuatan.

Alasan lainnyo iolah “Wene opakima dapulik welaikarek mekehasik” atau padoman dasar hiduik basamo dalam ciek kaluargo, ciek marga, ciek honai (rumah), ciek suku, ciek leluhur, ciek bahaso, ciek sijarah/asa-muasal, dan sabagainyo. Kabasamoan sangatlah pentiang bagi masyarakaik Papua Pagunuangan. Kasediahan mandalam jo luko hati urang yang ditingga mati anggota kaluargo, baru bisa cegak jiko luko di jari alah cegak pulo dan indak taraso sakit lai. Mungkin karano itulah masyarakaik papua pagunuangan mamotong jari katiko ado kaluargo yang maningga dunia.

Tradisi potong jari di Papua Pagunuangan iko dilakukan jo babagai banyak caro, mulai dari manggunokan benda tajam mode pisau, kapak, atau parang. Ado juo yang malakukannyo dengan caro manggigik ruas jarinyo sampai putui, maikek jari jo sahalai tali sampai aliran darahnyo baranti dan ruas jari manjadi mati kamudian baru jarinyo dipotong.

Babarapo sumber mangatokan Tradisi potong jari ko kini alah mulai ditinggakan. Jarang urang yang mambuek hal yang sarupo itu di maso kini karano adonya pangaruah agamo yang mulai bakambang di sakitar daerah pagunuangan tangah Papua. Namun masih bisa ditamun banyak laki-laki jo padusi tuo dengan jari yang alah tapotong karano maikuti tradisi iko di maso lampau.[2]

Tradisi Mandi Luluak[suntiang | suntiang sumber]

Salain tradisi mamotong jari, juo ado tradisi yang dilakukan dalam upacara bakabuang. Tradisi tersebut adolah tradisi mandi luluak. Mandi luluak dikarajoan oleh anggota atau kalompok dalam jangka wakatu tatantu. Mandi lumpur mampunyoi arti bawasonyo satiok urang yang maningga dunia alah baliak ka alam. Manusia barasa dari tanah dan baliak ka tanah.[2]

Budaya[suntiang | suntiang sumber]

Busana[suntiang | suntiang sumber]

Dari caro bapakaian pun, urang tu masih banyak mamakai koteka (panutuik kemaluan pria) yang tabuek dari kunden/labu kuniang dan padusinyo mamakai pakaian yang barasa dari rumpuik/serat dan tinggal di “honai-honai” (gubuk yang baratok jirami/ilalang). salain itu laki-laki mamakai topi bulek dari bulu buruang yang banamo swesi, atau dari kuskus itam yang disabuik siloki inon. Parisai yang digantuangkan di liriah atau kaniang disabuik wali moken dan pado tubuh bagian ateh yang disabuik walimo, yang tabuek dari serat kayu dan kulik karang. Salain itu urang suku dani juo mamakai aksesoris tariang kondiak yang disabuik wam maik, dan aksesoris dari anyaman rotan yang disabuik sekan pado langan dan pagalangan tangan.[4]

Kasenian[suntiang | suntiang sumber]

Alat musik tradisional suku Dani banamo Pikon

Kasenian masyarakaik suku Dani dapek diliek dari caro mambangun tampat tingga atau rumah, mode yang di sabuik di ateh dalam satu silimo ado babarapo bangunan, mode: Honai, Ebeai, jo Wamai.

Salain mambangun tampek tingga, masyarakaik Dani punyo seni karajinan khas, anyaman kantuang jariang panutuik kapalo jo paikek kapak. Urang Dani juo punyo babagai paralatan yang tabuek dari bata, paralatan tasabuik antaro lain: Moliage, Valuk, Sege, Wim, Kurok, jo Panah sege.[2]

Rumah adat[suntiang | suntiang sumber]

Kompleks Rumah Honai

Rumah Honai, rumah adat suku Dani ukurannyo tagolong ketek, bantuknyo bulek malingka, badindiang kayu jo baratok jirami. Tapi, ado pulo rumah yang bantuknyo pasagi panjang. Rumah mode iko namonyo Ebe'ai (Honai Padusi).

Bahan yang digunokan iolah Kayu basi (oopihr) digunokan sabagai tiang panopang bagian tangah Rumah Honai, Jagat (mbore/pinde), tali, alang-alang, papan yang dikukuik kuliknyo, papan aleh dll.

pabedaan antaro Honai jo Ebe'ai talatak pado jenis kalamin panghuninyo. Honai diuni oleh laki-laki, sadangkan Ebe'ai (Honai Perempuan) diuni oleh padusi. Komplek Honai iko tasebar hampia di sagalo palosok ngarai Baliem.[2]

Atok honai[suntiang | suntiang sumber]

Honai mamiliki bantuak atok bulek karucuik. Bantuk atok iko baguno untuak malinduangi sagalo pamukoan dindiang supayo indak kanai ka dindiang katiko hujan turun.

atok honai tabuek dari susunan lingkaran-lingkaran gadang yang tabuek dari kayu buah sedang yang dibaka di tanah dan dikabek manjadi ciek di bagian eteh sahinggo mambantuak dome. Ampek batang kayu mudo juo dikabek di tingkatan paliang ateh dan vertikal mambantuak pasagi ketek untuak parapian.

Panutuik atok tabuek dari jirami yang dikabek di lua kubah. Lapisan jirami yang taba mambantuak atok kubah, batujuan maangekkan ruangan di malam hari. Jirami digunojan untuak daerah yang bariklim dingin, karano jirami ringan dan lentur mamudahan untuak dibuek menjadi atok. Salain itu jirami mampu manyarap goncangan gampo, sahinggo apobilo tajadi gampo, ketek kamungkinan rumah Honai akan runtuah.[2]

Dindiang & Bukaan[suntiang | suntiang sumber]

Honai mampunyoi pintu jo jendela-jendela yang ketek. Jendela-jendela iko baguno mamancarkan sinar ka dalam ruangan yang tatutuik itu. Ado pulo Honai yang indak punyo jendela, Honai tanpa jendela pado umumnyo dipagunoan untuak kaum ibu/padusi.

Di malam hari panarangan manggunokan kayu baka di dalam Honai dengan manggali tanah di dalamnyo sabagai tungku, salain itu juo baguno untuak maangekkan badan. Aleh untuak lalaok manggunokan aleh rumpuik kariang yang dibaok dari kabun atau ladang. Umumnyo urang suku Dani mangganti alehnyo katiko alah lamo atau karano gangguan kutu babi.[2]

Katinggian[suntiang | suntiang sumber]

Rumah Honai mampunyoi tinggi 2,5-5 meter dengan diameter 4-6 meter. Rumah Honai ditingai oleh 5-10 urang dan rumah iko biasonyo dibagi manjadi 3 bangunan tapisah. Ciek bangunan digunakan untuak tampek baistirahat (lalok). Bangunan kadua untuak tampek makan basamo-samo dimano biasonyo urang tu makan barami-rama dan bangunan katigo untuak kandang taranak tarutama kondiak. Rumah Honai juo biasonyo tabagi manjadi 2 tingkek. Lantai dasar dan lantai satu di hubuangkan jo janjang yang tabuek dari buluah/kayu. Biasonyo laki-laki lalok malingka di lantai dasar, dengan kapalo di tangah dan kaki di pinggia luanyo, damikian juo caro lalok para padusi di lantai satu. Dalam paraturan adat Honai, laki-laki dan padusi (tamasuk anak-anak) indak buliah lalok diciek tampek sacaro basamo-samo karano marupakan hal yang tabu atau ganjia.[2]

Fungsi honai[suntiang | suntiang sumber]

Rumah Honai mempunyai fungsi antara lain:[2]

  • Sabagai tampek tingga
  • Tampek manyimpan alat-alat parang
  • Tampat mandidiak jo manasihati anak-anak bujang supayo biso manjadi urang baguno dimaso nan kadatang
  • Tampek untuak marancanakan atau maatur strategi parang agar dapek bahasil dalam paparangan
  • Tampek manyimpan alat-alat atau simbol dari adat urang Dani yang alah ditekuni sajak dulu
  • Untuak pagasapan mumi. Fungsi yang disabuik terakhir itu bisa ditamun di kampuang Kurulu jo kampuang Aikima, 2 tampek pamumian terkenal di ngarai Baliem.

Filosofi honai[suntiang | suntiang sumber]

Filosofi bangunan Honai yang bantuaknyo bulat malingka adolah:[2]

  • Dengan kasatuan dan pasatuan yang paliang tinggi awak mampartahankan budaya yang alah dipartahankan oleh niniak moyang awak dari dulu hinggo kini.
  • Dengan tingga dalam ciek honai mako awak sahati, sapamikiran dan ciek tujuan dalam manyalasaian suatu karajo.
  • Honai marupakan simbol dari kapribadian.

Perekonomian[suntiang | suntiang sumber]

Sistim ekonomi[suntiang | suntiang sumber]

Sistim ekonomi niniak moyang urang Dani tibo di Papua hasil migrasi manusia yang sabana kuno dari daratan Asia ka kapulauan Pasifik.

Kamungkinan pado wakatu itu masyarakaiknyo masih basifat praagraris yaitu baru mulai mananam tanaman dalam jumlah yang sabana tabateh. Inovasi yang bakasinambuangan jo kontak budaya mangakibatkan pola pananaman yang sabana sederhana tadi bakambang manjadi suatu sistim agraris mode pakabunan ubi jala.

Mata pencaharian[suntiang | suntiang sumber]

Mato pancarian pokok suku banso Dani iolah bacocok tanam atau bakabun dan bataranak kondiak. Umbi manih marupokan jenis tanaman yang diutamokan untuak dibudidayakan. Tanaman-tanaman lain yang dibudidayakan iolah pisang, tabu, jo tambakau.

Kabun-kabun punyo suku Dani mampunyoi tiga jenis, yaitu:

  • Kabun-kabun di daerah randah dan data yang diusahokan secaro manatap
  • Kabun-kabun di leriang gunuang
  • Kabun-kabun yang talatak di antaro duo uma

Kabun-kabun itu biasonyo dikuasoi oleh sakalompok atau babarapo kalompok karabat. Bateh-bateh hak ulayat dari tiok-tiok karabat iko biso barupo sungai, gunuang, atau jurang. Sacaro tradisional dalam mangarajoan kabun, digunokan paralatan sederhana mode tungkek kayu babantuak linggih jo kapak batu.

Salain bakabun, mato pancaharian suku Dani adolah bataranak kondiak. Kondiak dipaliharo dalam kandang yang banamo wamai (wam = babi; ai = rumah). Kandang kondiak barupo bangunan babantuk ampek pasagi panjang yang bantuaknyo ampia samo jo hunu. Bagian dalam kandang itu tadiri dari petak-petak yang mamiliki katinggian sakitar 1,25 m dan ditutuik dindiang-dindiang papan. Bagian ateh kandang baguno sabagai tampek panyimpanan kayu baka jo alat-alat bakabun.

Bagi suku Dani, kondiak atau babi baguna untuk:

  1. dimakan dagiangnyo
  2. darahnyo dipakai untuak upacara magis
  3. tulang-tulang dan ikuanyo untuak hiasan
  4. tulang rusuaknyo digunokan untuak pisau pangubak ubi
  5. sabagai alat patukaran/barter
  6. untuak padamaian parang suku

Suku Dani juo punyo kontak dagang jo kalompok masyarakaik di sakitarnyo. Barang-barang yang dipadagangan adolah batu untuk membuek kapak, dan hasil hutan mode kayu, serat, kulik binatang, jo bulu buruang.

Rujuakan[suntiang | suntiang sumber]

  1. "Suku Bangsa (Etnis) Dan Bahasa Daerah di Provinsi Papua". 
  2. a b c d e f g h i j k l m n o p q r Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 978-979-461-929-2. https://books.google.com/books?id=w_FCDAAAQBAJ&newbks=0&printsec=frontcover&pg=PA106&dq=suku+dampelas&hl=id. 
  3. a b Veronika, Leny (Juli - Desember 2013). "Memahami Sistem Pengetahuan Budaya Masyarakat Pegunungan Tengah, Jayawijaya, Papua dalam Konteks Kebencanaan". Indonesian Journal of Social and Cultural Anthropology. 34 (2): 134–151. 
  4. "Pakaian Adat Papua Lengkap, Gambar dan Penjelasanya". Seni Budayaku (dalam bahasa Indonesia). 2017-11-03. Diakses tanggal 2023-01-16. 

Pranala lua[suntiang | suntiang sumber]