Urang Kamoro
| Urang Kamoro |
|---|
| Jumlah populasi |
| Kawasan bapopulasi cukuik banyak |
 Indonesia, Irian Jaya, Papua, Timika, Fakfak
|
| Bahaso |
| Bahaso Kamoro |
| Agamo |
| Kristen, Animisme |
Urang Kamoro adolah ciek dari suku nan tingga di wilayah pasisia selatan Papua, Kabupaten Mimika, Papua Tengah. Luas daerah tu sakitar 250 km, nan mambentang dari Sungai Otak di sisi timur sampai dakek Potowai Buru di sisi barat. Sebagai masyarakaik semi-nomaden, urang Kamoro tingga di tigo ekosistem, yaitu hutan hujan tropis, rawa-rawa bakau jo daerah muaro nan banyak ka sumber makanan.[1] panduduak, asa Urang Kamoro ko di Kabupaten Fakfak, provinsi Irian Jaya. inyo badiam di sekitar aliran sungai Opa jo sungai Mukamuga, taluk Etna, di pantai selatan irian Jaya. Desa-desa tampek pamukiman nyo antaro lain di desa Torja, Middle, Kamoro, Western, Wania, dan Mukamuga.[2]
Desa-desa tu marupokan bagian dari wilayah Kecamatan Mimika Timur dan Mimika Barat. Pado tahun 1986 jurnlah panduduak Kacamatan Mimika Timur adolah 16.305 jiwa dan Kacamatan MimikaBarat 6.743 jiwa, di antaro 75.766 jiwa panduduak Kabupaten Fakfak. Pas tahun 1990 panduduak kabupaten ko alah manjadi 88.488 jiwa. Jumlah urang Kamoro surang di parkirakan sakitar 8.000 jiwa, sambia panutuik bahaso nan disabuik bahaso Kamoro. Ciri-ciri fisik urang Kamoro, misal tingkek badan rata-rata 164,4 sentimeter dan bantuak tangkurak kapalo Urang Kamoro yaitu dolichocephal.[2]
Asa usua
[suntiang | suntiang sumber].jpg)
Di maso lalu, urang Kamoro labiah tanamo jo sebutan Mimika We. Dibabagai penelitian, indak ado arti nan jaleh tantang kato Kamoro, namun berdasarkan carito nan ditamui bahwa kato Kamoro datang dari binatang atau binatang komodo.[3] Dek itu, manuruik masyarakaik Kamoro, inyo datang dari dagiang binatang nan dibunuah dan dipangaga-pangaga dek nenek moyangnyo dan kamudian dagiang tu barubah bantuak jadi urang Kamoro. Ado versi lain, hukum adat Kamoro mulonyo barasa dari udik Sungai Kamoro, nan katiko manyebar lueh manampuah salengga pantai Barat Daya Papua, yaitu Potowaiburu sampai ka Sungai Otak. Asa usua Suku Kamoro punyo carito surang-surang dari satiok kampuang. Ado carito salah surang peneliti nan managatokan bahwa urang Kamoro datang dari Komodo nan barado di sungai bagian Timur daerah Mimika. Cerito ko dimulo dari, ditamui sabutia talua dek surang anak ketek di tapi pantai. Kamudia anak mambaok ka rumahnyo. Telur ko indak dimasak, indak juo dirusak, malahan anak nio manyimpan dan manjagonyo. Selang babarapo hari tu talua tu manateh. Tanyato nan kalua dari taua tadi adolah sabuah komodo.[3]
Populasi jo tradisi
[suntiang | suntiang sumber]Pado tahun 1986 jumlah panduduak distrik Mimika Timur adolah 16.305 jiwa dan distrik Mimika Barat 6.743 jiwa, nan tasaba di antaro 75.766 jiwa panduduak Kabupaten Fakfak. Pas tahun 1990 panduduak kabupaten ko alah manjadi 88.488 jiwa. Jumlah urang Kamoro surang dipakirokan sakita 8.000 jiwa, sambia panutua bahaso nan disabuik bahaso Kamoro. Ciri-ciri fisik urang Kamoro, yaitu tingkek badan rata-rata 164,4 sentimeter dan bantuak uluak dolichocephal. Urang Kamoro kayo akan ragam budaya, antaro lain kagiatan manganyaman dek kaum padusi, mangukir dek kaum laki-laki, nyanyian, tarian, carito legenda dan ritual 'karapao' nan masih diselenggarakan hinggo kini ko.[2]
Dalam masyarakaik Kamoro dikatahui sabuah tradisi nan banamo Taparo.[4] Taparo marupokan tampek untuak masyarakaik Urang Kamoro untuak mambangun kehidupannyo, mulai dari mancari makan, mode mancari sagu, ikan, sipuik, kerang, dan lain-lain sarupo itu. Lokasi ko manjadi tampek untuak masyarakaik Kamoro untuak mangaluangsungkan kahidupannyo sahari-hari. Indak heran, hal ko manjadi sabuah budaya nan mambuek masyarakaik Kamoro jarang ado di kampuangnyo masiang-masiang atau disabuik sabagai budaya Kapiri. Artinyo dalam budaya ko, masyarakaik Kamoro ka mambaok anggota kaluarganyo, seperti laki, bini, anak-anak untuak pai jo waktu nan lamo ka tapi sungai sambia mambuek tampek tingga samantaro untuak iduik di daerah itu.[4]
Katarampilan
[suntiang | suntiang sumber]Urang Kamoro tanamo sabagai masyarakaik nan punyo kaahlian dalam mambuek seni ukir atau patuang, mode nan pernah dikaluaan dek J.Teurupun dalam Seni Ukir Suku Kamoro (1990).[2] Hasil karya urang tu takasan labiah abstrak dibandiangan jo karya-karya urang Asmat. Ekspresi seni dituntuangan pado tungkek(ote-kapa) jo motif sirip ikan (eraka waiti) dan latau tulang sayap kalalau (tako-ema). Iko berarti bahwa pemilik tongkat nan mambuek motif itu picayo kalau inyo datang dari ikan atau kalawar. Urang nan indak bisa mangukir dapek mamasan motif tatantu sasuai jo asal usulnyo ka surang pangukir. Motif lain adolah "ruas tulang balakang" (uema) nan bisa diartian tulang balakang manusia, ikan, atau unggas.[2] Urang Kamoro bapandapekan kalau ruas tulang bakaik tu marupokan lambang kahidupan. Motif awan putiah baarang (uturu tani) nan bisa manyababkan bamacam-macam imajinasi, baik ka diri pangukir, punyo atau sia se nan malieknyo. Imajinasi ko bisa mangunjuang karinduan ka kampuang halaman, kasiah nan alah indak ado lai, ingatan ka kajadian lindutan bumi, dan lain-lain.[2]
Motif lain adolah "ruas tulang balakang" (uema) nan diartikan bisa tulang balakang manusia, ikan, atau unggas. Urang Kamoro bapandapekan kalau ruas tulang balakang itu marupokan lambang kehidupan.Motif awan putih baarak (uturu tani) nan bisa manyababkan bamacam-macam imajinasi, antah pado diri panekukir, pemilik atau sia se nan mancaliaknyo. Imajinasi tu bisa mangunjuang karinduan ka kampuang halaman, kasiah nan alah indak ado lai, ingatan ka kajadian lindutan bumi, dan lain-lain. Motif kapalo manusia (upau) juo motif nan manyababkan ingatan ka urang nan dikasiahan nan alah indak ado, misal nenek moyang, urang tuo, anak, bini. Motif ko buliah dimiliki dek sia se karano bersifat netral.[2]
Ukiran khas Kamoro nan manjadi dasar dari sadolah ukiran nan dibuek dalam babagai variasi disabuik mbitoro, nan ditamuakan hampia sadolah motif. Motif-motif itu adolah:[2]
- Ruas tulang balakang (uema)
- Awan putih baarak (uturu tani)
- Ekor kuskus batang kayu (wakwn bipi)
- Lidah biawak (oke-mbare)
- Muluik manusia (upau)
- Muluik ula (apako upau)
- Insang ikan (ereka kenemu)
- Tulang ikan (ema)
- Parapian (utuwau).
Motif ukiran mbitoro punyo lata balakang sabuah legenda. Kalau pado maso kamudian tajadi parubahan pado unsua motif itu, inyo mampertangguangjawabkan baa kok ado unsur nan harus dipertahankan, dan baa kok ado unsur nan buliah diilangkan. Inyo juo alah sajak zaman nenek moyang kana sajenis piriang (pekaro) nan dibuek dari kayu nan ringan supayo mudah dibawok. piriang tu bapampiang lonjong bantuak bantuak sabuah penyu. Di kaduo suduik elipsnyo, satiok-tiok diukir motif kapalo buruang langgang (komai mbiriti) dan motif kapalo kura-kura (mbiamu upau). Motif buruang anggang malambangannyo kehidupan dan kabungahan jo umur lamo. Dek motif ko dibuek lo di haluan perahu dan gaang tombak. Motif kura-kura untuak mambangkikkan salero makan.[2]
Rujuakan
[suntiang | suntiang sumber]- ↑ Melalatoa, M.Junus (1995). Ensiklopedia Suku Bangsa di Indonesia. Jakarta: Departemen Pendidikan dan Kebudayaan Republik Indonesia.
- ↑ a b c d e f g h i https://repositori.kemdikbud.go.id/12417/1/Ensiklopedi%20Suku%20Bangsa%20di%20Indonesia.pdf
- ↑ a b "Sekilas Tentang Suku Kamoro". www.ypmak.or.id (dalam bahasa Indonesia). Diakses tanggal 2023-01-26.
- ↑ a b Media, Kompas Cyber (2022-04-14). "Mengenal Suku Kamoro di Mimika, Menghargai Alam hingga Tak Banyak Bicara Halaman all". KOMPAS.com (dalam bahasa Indonesia). Diakses tanggal 2023-01-26.