Lompat ke isi

Urang Boti

Wikipedia Minangkabau - Lubuak aka tapian ilimu
Suku Boti urang suku asli pulau timor Atoni Meto
Total populasi
± 2.180 Jiwa (Indonesia) (1991)
Kawasan jo populasi nan signifikan
458 Kartu Kaluarga (Atoni Meto)
Bahaso
Bahaso Dawan
Agamo
Halaika

Suku Boti marupokan banso urang yang badiam diri dan marupokan katurunan dari suku asli pulau Timor, Atoni Meto. Wilayah Boti sekitar 40 km dari kota kabupaten Timor Tengah Selatan, So’e. Sacaro administratif kini manjadi kampuang Boti kacamatan Kie. Karano lataknyo yang sulik dijangkau di tangah pagunuangan, kampuang Boti saakan tatutuik dari paradaban modern dan pakambangan zaman. Suku iko mampunyoi bahaso Dawan sabagai bahaso daerahnyo.

Urang banyak manyabuik suku Boti ko iolah suku yang tarasiangkan, karano memang salain tanpek tingganyo yang sangat susah untuak di jangkau, suku Boti ko pado awalnyo iolah suku yang tarisolir dan tatutuik. Pado taun 1991 urang suku Boti bajumlah 2.180 Jiwa dan tabagi manjadi 958 laki-laki dan 1.121 padusi, kasaluruahan jumlah itu tamasuak kadalam 458 Kartu Kaluarga.[1]

Suku botiko marupokan kalompok masyarakaik yang mampunyoi sabuah karajaan ketek dulunyo, karajaan tu iolah karajaan Boti yang talatak di kawasan pagunuangan kacamatan Kie, kabupaten Timor Tengah Salatan.[2]

Agamo[suntiang | suntiang sumber]

Suku Boti dikenal sabana taat mamegang teguh kayakinan dan kapicayoannyo yang di sabuik banamo Halaika. Urang tu picayo pado duo panguaso alam yaitu Uis Pah dan Uis Neno. Uis Pah sabagai mama atau ibu yang mangatur, mangawasi, dan manjago kahidupan alam samesta basarato isinyo tamasuk manusia. Sadangkan Uis Neno sabagai papa atau bapak yang marupokan panguaso alam baka yang akan manantukan sasaorang biso masuak sarugo atau narako badasarkan pabuatannyo di dunia.

Sosial[suntiang | suntiang sumber]

Dalam kahidupan sahari-hari ado pambagian tugas yang jaleh antaro kaum laki-laki jo padusi. Kaum laki-laki batugas maurusi pamasalahan di lua rumah, sarupo inyo bakabun, dan baburu. Samantaro urusan rumah tanggo, disarahkan kapado kaum padusi. Meskipun pambagian peran iko biaso di tamui dalam sistim kakarabatan, ado ciek hal yang mambuek warga Boti agak babeda, urang tu inyo manganuik monogami atau hanya babini ciek. Saurang laki-laki suku Boti yang alah manikah, dilarang mamotong rambuiknyo. sahinggi bilo rambuik inyo samakin panjang, urang tu akan mangguluangnyo sarupo konde.

Bilo kapicayoan jo adat sarato aturan suku Boti ko di langga, mako akan dikanaikan sangsi ka inyo yang malangga, yaitu akan di anggap inyo indak diakui sabagai panganut kapicayoan Halaika, bararti harus kalua dari komunitas suku Boti, sabagaimano yang tajadi pado putra sulung Laka Benu, kakak dari Raja Usif Nama Benu. Laka Benu yang saharusnyo manjadi putra mahkota, mamaluak agamo Kristen sahiinggo inyo harus maninggakan komunitas Boti.

Sistim Kalender Suku urang Boti[suntiang | suntiang sumber]

Salain kahidupan sosial suku Boti yang masih tradisional, ado hal lain yang sabana manarik dari suku Boti ko, hal itu iolah paitungan hari dalam saminggu oleh suku Boti. Urang suku Boti manurik kapacayoannyo mampunyo 9 (sambilan) hari dalam paretongan saminggu hari, dan hal iko mampunyo maknanyo surang:[3]

1. Hari Api (Neon Ai)[suntiang | suntiang sumber]

Hari api ko dipacayo samo urang Boti sabagai hari yang elok, hari yang cerah dan tarang, biasonyo sabana rancak untuak malakukan karajo baladang dan aktifitas sahari mode biaso. Tapi ado ciek pantangan di hari api ko, hal itu iolah masyarakaik indak buliah manggunokan atau bamain api kalau indak paralu pado hari api ko sabab manuruik kapacayoannyo urang Boti ko katiko main api di hari ko bisa manimbuakan malapetaka.

2. Hari Aia (Neon Oe)[suntiang | suntiang sumber]

Nan kaduo ko iolah hari aia yang mano dalam kahidupan bamasayarakaik di hari ko baorientasi saputa aia, jadi satiok masyarakaik urang Boti harus batanggung jawab elok ateh aia yang nyo pakai dalam sahari tu, dalam artian indak buliah main aia atau mumbazir.

3. Hari Basi (Neon Basi)[suntiang | suntiang sumber]

Dalam hari basi ko masyarakaik di ingatkan kalau harus bahati-hati jo harus mangkeramatkan satiok benda yang adao unsur basinyo. Juo harus bahati-hati dalam manggunokan barang-barang yang tabuek dari basi sarupo pisau, parang, ladiang, tombak, jo baduak untuak baladang.

4. Hari Dewa Bumi Jo Dewa Langik (Neon Uis Pah Ma Uis Neno)[suntiang | suntiang sumber]

Hari iko iolah hari dimano sagalo masyarakaik untuak mamuliakan pacipta sarato dewa yang mamalihara hiduik jo pamalihara kasuburan.

5. Hari Pasalisiahan (Neon Suli)[suntiang | suntiang sumber]

Nah yang rancak dari budaya urang Boti ko iolah katiko hari Neon Suli, yaitu di hari iko satiok urang Boti yang punyo pamasalahan bisa mamanfaatkan hari iko untuak manyalasain apo-apo pamasalahan yang tajadi diantara masyarakaik suku Boti.

6. Hari Barabuik (Neon Masikat)[suntiang | suntiang sumber]

Iolah hari yang dipagunoan samo urang Boti untuak malakukan Aktifitas karajo yang rato-rato agak lamo bisa dari pagi sampai malam, salain untuak baraktifitas hari iko juo di pakai untuak bakomunikasi antaro sasamo atau bisa juo untuak bakomunikasi atau interaksi jo alam sakitar.

7. Hari Gadang (Neon Naek)[suntiang | suntiang sumber]

Hari yang di pagunokan untuak mandapekkan nuansa pasaudaraan, mano-mano hal yang akan manjimbuakan pasalisian pado hari ko akan dihindari dahulu.

8. Hari Anak-anak (Neon Liana)[suntiang | suntiang sumber]

Hari ko disadiokan untuak kabahagiaan anak-anak, urang tu dapek mangekspresikan kabahagian di hari iko jo caro bamain atau hal yang mambuek anak sanang, dan urang gadang di hari ko juo harus balaku labiah elok ka anak-anaknyo untuak ma agiah kabahagiaan untuak anak.

9. Hari Istirahat (Neon Tokos)[suntiang | suntiang sumber]

Dihari ko iolah hari yang tanang dan taduah, hari yang pas untuak baristirahat dan mananangkan diri dari kagiatan kahidupan sahari-hari.

Masyarakaik Boti dari dulu sampai kini masih tatap manjago kabudayaan dan tradisinyo, walaupun alah masuak pangaruh modernisasi ka lingkungan masyarakaiknyo, tapi dalam parinsip hiduik sarupo manjago alam untuak mamanuahi kabutuhan iduik masih di lakukan jo caro yang tradisional guno untuak manjago kaarifan lokal dan marawat Rimbo sabagai panbarian dari nan kuasa. Bahkan dalam kahidupan sahari-hari urang Boti ko banyak larangan dalam malakukan kagiatan mancari nafkah di rimbo sarupo baburu jo mancari bahan makanan di rimbo supayo katiko baraktifitas dirimbo urang suku Boti indak marusak hutan sacaro sangajo, sasudah tu urang Boti juo sangat manghargai paninggalan budaya niniak moyangnyo sarato kayakinan yang alah di tinggahan dari dahulu.

Referensi[suntiang | suntiang sumber]

  1. Melalatoa, M.J. (1995). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. hlm. 183. Diakses tanggal 2023-1-17.
  2. Liputan6.com (2018-08-23). "Mengenal Kehidupan Warga Boti, Suku Asli Timor yang Menolak Modernisasi". liputan6.com (dalam bahasa Indonesia). Diakses tanggal 2023-01-17. 
  3. Gunawan, Indri; Gunawan, Indri (2021-06-06). "Mengenal Desa Boti, Nusa Tenggara Timur". TelusuRI (dalam bahasa Indonesia). Diakses tanggal 2023-01-17.