Urang Bauzi

Suku Bauzi Baudi
Jumlah populasi
2009: kurang lebih 1.500 Jiwa sampai 2.000 Jiwa.
Kawasan bapopulasi cukuik banyak
Indonesia: Papua: 1.500 Jiwa
Bahaso
bahasa Bauzi
Agamo
Mayoritas Kristen Protestan, namun masih banyak pula yang menganut Animisme, Animatisme, Dinamisme dan Totem
Kalompok etnik takaik
Tidak Di Ketahui

Urang Bauzi, disabuik juo dek Baudi, Bauri atau Bauji, marupokan salah ciek dari sakitar 260-an suku asli nan kini manduduaki Tanah Papua. Dek lembaga misi dan bahaso Amerika Serikat banamo Summer Institute of Linguistics (SIL), suku ko dimasuakan dalam daftar 14 suku paliang taasing. Badan Pusat Statistik (BPS) Papua pun indak tatinggalan mamasuakan suku Bauzi ka daftar 20an suku taasing nan alah tadentifikasi. Baa kok indak, lueh hutan belantara, pagunuangan, lembah, rawa sampai sungai-sungai gadang nan bakelok-kelok di sekitar kawasan Mamberamo alah mambuek suku ko hampia indak basentuhan langsuang jo peradaban modern. Kehidupan kesaharian suku ko masih dijalani sacaro tradisional.

Sijarah

Menuruik sajarah panyebarannyo, suku Bauzi barasa dari daerah Waropen utara. Tapi dalam kurun wakatu nan lamo manyebar ka selatan danau Bira, Noiadi dan sudonyo Neao, duo daerah nan talatak di pabukikan Van Rees Mamberamo. Panjang wilayah ko kurang labiah dari 80 kilometer. Suku Bauzi bisa manyebar karano punyo kemampuan berpindah manggunoan perahu manyusuri sungai dan bajalan kaki. Jumlah panduduaknyo hanyo babarapo ribu jiwa. SIL pado tahun 1991 pernah mangaluaan data nan manunjuakan jumlah urang Bauzi sakitar 1.500 jiwa. Inyo tasebar di bagian utara dan tangah wilayah Mamberamo. Kini jumlah jiwa suku Bauzi bisa dipastian alah batambah tiok tahun, walaupun alun ado data resmi tantang pangambangan inyo.

Kebiasaan hiduik

Sabagai suku nan manampuah kawasan taisolir, sabagian laki-laki Bauzi masih mamakai cawat. Iko bantuaknyo salembar daun atau kulik pohon nan alah dikerasikan sudah tu diiduik jo tali di ujuang alat kelamin. Inyo juo mamasakan hiasan bantuak tulang di lubang hidung. Sadangkan padusi pakaian salembar daun atau kulik kayu nan dikautan jo tali di pinggang untuak manutuik auratnyo. Tapi ndak mamakai panutuik dada. Di acara pesta adaik dan panyambutan tamu, kaum laki-laki dewasa ka mamasan hiasan di kapalo dari bulu kasuari dan maoli badan jo aia sagu. Kabanyakan kabanyakan suku ko masih iduik di taraf meramu, baburuan dan semi nomaden (pindah-pindah). Dek itu, inyo mambuek sejumlah paralatan mode, panah, taman, parang, pisau belati, dan lain-lain untuak baburuak.

Inyo baburuan binatang hutan macam babi, kasuar, kus-kus dan buruang. Buruan tu dimasak jo caro dibakar atau bakar batu. Salain itu, Suku Bauzi juo manokok sagu sabagai makanan pokok dan mananam umbi-umbian. Tapi jarang mangunjuang sayua-sayua. Itulah alasan di anak-anak balita, ibu parampuan dan ibu manyusui dari suku ko acok mengalami gejala kurang gizi dan animea. Walaupun tabateh, inyo punyo juo pangetahuan tentang caro pangobatan alami jo manjalehan tumbuhan-tumbuhan hutan (etno-medicine). Suku Bauzi sajak awal iduik sacaro nomaden, maadaptasi diri jo paralu makanan dan kanyamanan sabuah wilayah. Inyo mambangun bifak di tapi sungai dan hutan untuak mambantu proses parburuan, meramu atau bakubuahan.

Hanyo se, urang tu indak tau caro bacocok tanam nan ancak. Dengan bantuan para misionaris, suku ko bisa saketek tau caro bakubuahan. Di kampuang ketek tampek bamukim, inyo mambuek rumah-rumah gubuk badinding kulit kayu dan batampa daun rumbia atau kulit kayu. Tampek hunian itu dibuek bantuak rumah panggung. Sampai kini mereka masih mambangun rumah mode itu. Karano tagolong suku taasing, kabanyakan suku Bauzi alun bisa mangecekan Melayu (Indonesia), tamasuak indak bisa baco tulisan dan bahitung. Inyo hanyo berkomunikasi sacaro lisan jo manggunoan bahaso lokal.

Kahidupan sosial

Urang Bauzi umumnyo masih maanut kayakinan suku dan adat istiadat (animisme).

Tapi kini sakitar 65 persen alah maamoan Kristen sabagai dampak papampiangan jo para misionaris dari Eropa, AS dan Papua. Dalam kehidupan sosialnyo awak indak maanut model kepemimpinan kolektif nan kuwaik sahinggo bisa manjadi panutan untuak anggota komunitas nan lain. Katiko ado konflik antaro inyo, akan payah diselesaikan. Para ahli bahaso (linguist) nan juo misionaris dari SIL jo dibantuan panjalehan lokal alah mancubo mandapekan bahaso jo dialek suku Bauzi salamo bertahun-tahun. Upayo ko berhasil jo panerbitan babagai literatur tentang suku ko, tamasuak tarjemahan Alkitab versi Perjanjian Baru ka dalam bahaso Bauzi dek Dave jo Joice Briley. Dari catatan SIL, bahaso Bauzi punyo sakitar 1350 kosakata nan tabagi dalam tigo dialek, utamo, yaitu dialek Gesda Dae, Neao dan Aumenefa.

Sajak panamuan suku ko di tahun 1980-an, inyo taruih dididik dek para misionaris asiang dan lokal nan salain bakarajo manguaralan Injil Kristen, mangarajoan misi palayanan sosial lo. Hasil dari karajo ko mananakakan pambangunan gereja nan dipakai sabagai tampek ibadah, Meningal sambia manjadi tampek palayanan sosial untuak suku Bauzi. Karajo pangainjilian dan palayanan ka suku ko dilakukan juo Yayasan Pangainjilian dan Palayanan Masirei (YPPM) sekitar awal 1990-an. Tugas tu tu kamudian dilanjuikan baliak oleh Yayasan Bethani salamo babarapo tahun. Sajak tahun 1995, Yayasan Amal Kasih pun karajo sacaro khusus mangarajoan Suku Bauzi di Kampung Fona sampai kini.