Urang Sumba

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Urang Sumba adolah pandudak asali nan mandiamai Pulau Sumba. Masarakaiknyo sandiri acok manyabuik diri mareka sabagai Tau Humba, nan barasa dari kato "humba", nan baarti "asli".[1]

Wilayah[suntiang | suntiang sumber]

Lingkuik wilayah Urang Sumba maliputi kabupaten-kabupaten Sumba Barat jo Sumba Timur.[1]

Bahaso[suntiang | suntiang sumber]

Bahasonyo marupokan bagian dari rumpun bahaso Austronesia, Malayu-Polinesia Tangah-Selatan, dari kaluargo bahaso Bima-Sumba. Ada duo dialek, Sumba Barek nan disabuik juo bahaso Meiwewa, jo dialek Sumba Timur nan disabuik bahaso Kambera. Ado banyak macam dialek dari bahaso Meiwewa itu sandiri, yaitu:

  • Kodi
  • Wewewa Barat
  • Wewewa Timur
  • Waejewa
  • Laura
  • Walakaka

Sadangkan bahaso Kambera ado pulo macamnyo, yaitu:

  • Manggikina
  • Manggarikuna
  • Kambera

Populasi[suntiang | suntiang sumber]

Jumalah populasi panduduaknyo pado taun 1960 sakita 250.000 jiwa, pado taun 1984 panduduaknyo bakambang manjadi sakita 380.0000 jiwa. Inggo kini, alah jadi kurang labiah 500.000 jiwa.

Mato pancarian[suntiang | suntiang sumber]

Urang Sumba pado umumnyo bamato pancaraan bacocok-tanam di parak jo di sawah. Ado juo nan bataranak sarupojo kabau, jawi, jo kudo.

Mareka dikana juo jo mato pancarian sampingannyo, sarupojo:

  • Asia tenunan tradisional,
  • Manganyam dari batuang jo daun pandan
  • Mambuek pariasan dari tulang, tanduak kabau jo paralatan dari basi.

Adat istiadat[suntiang | suntiang sumber]

Pado umumnyo mareka tingga di daerah pabukitan nan salah satu tanah datanyo mereka piliah sabagai tampek untuak mambuek acaro ritual adat mareka. Namo tampek upacaro adat ko biasonyo mareka sabuik paraing. Di dakek paraing, mareka biasonyo mambangun rumah adat nan mareka gunoan pado musim kamarau. Pado musim ujan samua masarakaik sibuak di ladang, karano itu mareka tingga di pondok-pondok samantaro mareka.

Rumah adat mareka disabuik Uma Kabihu (rumah klan) nan babantuak "joglo" (pasagi panjang) nan manjulang tinggi. Biasonyo mereka malatakan barang-barang palangkapan mareka (Marapu) di lantai tatinggi di bawah atok rumah adat mareka.

Garih katurunan[suntiang | suntiang sumber]

Sistim garih katurunan adat mareka adaloh patrilineal, di mano kaluarga inti labiah suko mangalompok ka dalam kaluargo nan laweh batasannyo, nan mambantuak lai kasatuan klan.

Sistim kapimampinan sarupojo ko masih taraso pangaruahnyo sampai kini.

Satiok klan dipimpin dek saurang rato. Klan-klan nan mandominasi manganggok diri surang sabagai bangsawan, jo mareka manyabuik diri mareka maramba. Golongan biaso manyabuik diri mareka kabisu.

Parhiasan juo marupokan sabagai lambang atau simbol status.[2]

Rujuakan[suntiang | suntiang sumber]

  1. a b Hidayah, Dr. Zulyani (2015). Ensiklopedi Suku Bangsa di Indonesia. Jakarta: Yayasan Pustaka Obor Indonesia. pp. 362-363. ISBN 978-979-461-929-2. 
  2. Husni, Muhammad. Perhiasan Tradisional Indonesia. Direktorat Jenderal Kebudayaan.. pp. 47. https://books.google.co.id/books?id=l0DDCgAAQBAJ&pg=PA32&dq=suku+sumba&hl=id&sa=X&ved=0ahUKEwjBnMDcz7rWAhUMgI8KHfRcAJAQ6AEIJzAE#v=onepage&q=suku%20sumba&f=false.