Aceh

Aceh
Provinsi
Bendera Lambang
Semboyan: "Pancacita" (dari bahasa Sanskerta nan artinya "Lima cita-cita")
Peta lokasi Aceh
Nagara	Indonesia
Hari jadi	7 Desember 1959 (hari jadi)
Dasa hukum	UU RI No. 24/1956 UU RI No. 44/1999 UU RI No. 18/2001 UU RI No. 11/2006 (pamerintahan Aceh)
Ibu kota	Banda Aceh (dahulu Koetaradja)
Koordinat	1º 40' - 6º 30' LU 94º 40' - 98º 30' BT
Pamarintahan
• Gubernur	dr. H. Zaini Abdullah
Luas
• Total	58.375.63 km2 (22,538.96 sq mi)
Panduduak (2010)
• Total	4.494.410
• Kapadatan	77/km2 (200/sq mi)
Demografi
• Suku Banso	Aceh, Gayo, Aneuk Jamee, Singkil, Alas, Tamiang, Kluet, Devayan, Sigulai, Pakpak, Haloban, Lekon dan Nias.
• Agamo	Islam (98,5%), Kristen (1.1%), lainnya (0.5%)
• Bahaso	Aceh, Gayo, Aneuk Jamee, Singkil, Alas, Tamiang, Kluet, Devayan, Sigulai, Pakpak, Haloban, Lekon, Nias dan Indonesia.
Zona wakatu	WIB
Kabupaten	18
Kota	5
Kecamatan	276
Desa/kelurahan	6455
Lagu daerah	Bungong Jeumpa

Aceh (dahulu Daerah Istimewa Aceh (1959-2001) dan Nanggroe Aceh Darussalam (2001-2009) adolah sabuah propinsi di Indonesia, nan talatak di ujuang utara pulau Sumatra. Ibukota propinsi ko adolah Banda Aceh.

Tadapek 10 etnis panduduak asli daerah iko, nan tabanyak adolah suku Aceh, kiro-kiro 80-90% dari sadonyo populasi di siko.

Aceh dianggok sabagai tampek di mano panyabaran agamo Islam di Indonesia dimulai, sarato baparan pantiang pulo dalam panyabaran ka Asia Tenggara. Islam mancapai Aceh (di karajoan Fansur dan Lamuri) labiah-kurang taun 1250 M. Pado abaik ka tujuah baleh, Kasultanan Aceh adolah nagara nan takaya, takuaik, jo tamaju kabudayaannyo di antaro nagara lainnyo di Salek Malaka. Aceh punyo sijarah kamardekaan pulitik jo parlawanan taadok babagai kakuatan dari lua, tamasuak panjajah Balando dan pamarentah pusek Indonesia di Jakarta.

Aceh punyo banyak sumberdaya alam, sarupo minyak bumi jo gas alam; nan babarapo sumber mampakiroan tamasuak nan tagadang di dunia. Dibandiangan jo daerah lain di Indonesia, Aceh adolah daerah nan konservatif dalam panarapan agamo. Proporsi panganuik Muslim di Aceh adolah nan tatinggi di Indonesia, sabagian gadang manjalanan budayo Islami jo ukum syariah dalam iduik mareka saari-ari.

Aceh adolah daerah daratan nan tadakek jo episentrum gampo jo tsunami Samudera Hindia 2004, nan manancuaan wilayah nan cukuik laweh di pasisia barat propinsi ko. Kiro-kiro 170.000 jiwa tabunuah atau ilang dalam bancano alam nantun. Kajadian lua biaso ko turuik mandorong tajadinyo pajanjian damai antaro pamarentah Indonesia jo Gerakan Aceh Merdeka (GAM).

Aceh mulo-mulo disabuik jo namo Aceh Darussalam (1511–1959), lalu Daerah Istimewa Aceh (1959–2001), Nanggroë Aceh Darussalam (2001–2009), inggo kini ko Aceh (2009–sampai kini). Ijoan maso lalu Aceh dek urang asiang antaro lain Acheh, Atjeh, jo Achin.