Urang Togutil

Suku Togutil
Total populasi
	12.733 (2014)
Kawasan jo populasi nan signifikan
	Halmahera Utara
Bahaso
	Bahasa Tobelo, Bahasa Ternate
Agamo
	Animisme, Kristen, Islam
Kalompok etnis takaik
	Suku Tobelo, Suku Makian

Urang Togutil (atau dikenal juo sabagai Urang Tobelo Dalam) adolah kalompok/komunitas etnis yang iduik di hutan-hutan sacaro nomaden di sakitar hutan Totodoku, Tukur-Tukur, Lolobata, Kobekulo samo Buli yang tamasuak dalam Taman Nasional Aketajawe-Lolobata, Kabupaten Halmahera Utara, Maluku Utara.^[2] Yang paralu diingek, urang Togutil ko ndak nio disabuik "Togutil" karano Togutil bamakna konotatif yang artinyo "tabalakang".

Kahidupan urang Togutil masih sangaik tagantuang pado kabaradoan hutan-hutan asli. Urang Togutil bamukim sacaro bakalompok di sakitar sungai. Komunitas Togutil yang bamukim di sakitar Sungai Dodaga sakitar 42 rumah tangga. Rumah-rumah urang Togutil tabuwek dari kayu, bambu samo baatok daun palem sajanih Livistonia sp. Umumnyo rumah urang Togutil ndak badindiang samo balantai papan pangguang.

Urang Togutil yang dikategorikan urang tarasiang tingga di padalaman Halmahera bagian utara samo tangah, manggunoan bahaso Tobelo samo jo bahaso yang digunoan panduduak pasisia, urang Tobelo.

Urang Togutil panghuni hutan yang dikatagorikan sabagai masyarakaik tarasiang, samantaro urang Tobelo panghuni pasisia yang ralatif maju. Salain itu fisik urang Togutil, khususnyo roman muko samo wana kulik, manunjuakan ciri-ciri Melayu yang labiah kuek daripado urang Tobelo.^[2]

Ado carito yang mangatoan urang Togutil ko sabananyo panduduak pasisia yang lari ka dalam hutan karano mahindaan pajak. Pado 1915 Pamarintah Balando memang parnah maupayoan untuak mamukimkan urang Togutil ko di Desa Kusuri samo Tobelamo. Karano ndak nio mambayia pajak, urang Togutil ko masuak ka dalam hutan tapi upayo tu mangalami kagagalan. Dari situlah ruponyo baredar carito samacam itu. Namun carito ko ruponyo ndak batuah.

Pernah dirumahkan[suntiang | suntiang sumber]

Untuak mambuwek supayo perilaku kalompok Tobelo samo jo kalompok masyarakaik umumnyo, mako pamarintah maupun pihak swasta parnah marumahkan Komunitas Tobelo Dalam. Agar urang Tobelo maninggan kahidupan di hutan dan manatap di wilayah sakitar desa.

Upayo yang dilakukan dek pamarintah malalui Dinas Sosial Provinsi Maluku Utara pado 2006 jo 2009 ^[3] samo mamfasilitasi pambarian bantuan parumahan atau rumah papan di babarapo lokasi proyek parumahan yang kamudian diagiah namo sabagai Komunitas Adat Terpencil atau KAT.

Sumber Dinas Sosial mancataik sakitar 1.495 kaluarga urang Tobelo Dalam yang dibadayokan lewaik proyek ko. Namun dalam pajalanannyo pasca kalompok ko dirumahkan, ndak saketek yang mamiliah kahidupan di hutan samo malaksanakan kagiatan di hutan sarupo sadia kalanyo.

Dari sabagian yang tasiso alah bisa baradaptas samo urang lokal di sakitar desa, yoiti dapek dijumpai di Desa Waleino, Tukur-Tukur, Titipan, samo Tajawi, sarato babarapo lainnyo di Tanjung Lili. Bahkan babarapi urang Tobelo Dalam ko alah mambangun rumah sacaro pribadi tanpa bantuan dari pamarintah maupun swasta dii Mabulan samo Kuli Tiga.

Kahidupan Urang Togutil[suntiang | suntiang sumber]

Kahidupan urang Togutil sasungguahnyo amat basahaja. Urang Togutil ko iduik dari mamukua sahu, baburu babi samo ruso jo mancari ikan di sungai-sungai, di sampiang bakabun. Urang Togutil ko mangumpuaan talua megapoda, damar, samo tanduak ruso untuak dijual ka urang-urang di pasisia. Kabun-kabun urang Togutil ko ditanami samo pisang, ketela, ubi jalar, pepaya jo tebu.

Namun, karano urang Togutil ko suka bapinda-pindah, dapek dipakiroan kalau kabun-kabun tu diusahoan sacaro intensif. Dengan baitu, sabagaimano lazimnyo di daerag-daerah yang mampunyoi urang primitif, hutan di daerah iko ndak mancaliakan adonyo gangguan yang bararti.^[4]

Adaik istiadaik masyarakaik Urang Togutil[suntiang | suntiang sumber]

Masyarakat urang Togutil manampekan paranan kaluarga inti labiah gadang, karano itu pasangan yang baru salasai manikah langsuang dinggap dapek badiri surang. Akan tatapi urang Togutil tatap suko mangalompokan tampek tingganyo, tasarah nio ikuik kalompok asal laki atau ikuik kalompok bini.^[2]

Kapamimpinan yang pantiang dalam masyarakaik Togutil adolah kapalo kalampok yang urang Togutil sabuik Dimono. Inyo biasonyo saurang laki senior yang kuek, bapangalaman samo bijaksana, labih utamo lai inyo harus manguasoi hukum adaik samo kasajahtaraan masyarakaiknyo.^[2]

Pangaruah masyarakaik sakitar manyababkan urang Togutil mangenal tokoh Kapitan yoitu kapalo perang saandainyo diserang dek musuah.^[2]

Namun pado masyarakaik Togutil ditamuan pulo parnikahan yang dilakuan antaro anggota kaluarga yang ado di dalam suatu kalompok. Umumnyo ciek kalompok tadiri dari 10 KK. Ciek rumah yang dibuwe bisa sajo dihuni oleh 2 KK. Dengan adonyo banyak urang dalam suatu kalompok ko, mako ndak heran apobilo warga dari suati KK manikah samo warga dari KK lainnyo.

Jalinan kakarabaikan pado urang Togutil diwujuikan dalam suatu upacara makan basamo. Kagiatan ko dinamoi makkudotaka. Upacara makkudotaka dilakukan tanpa adonyo ikatan waktu. Upacaro ko bisa dilakukan bilo sajo, baik sabulan sakali maupun satahun sakali.

Warga Togutil juo mampunyoi adaik istiadaik lainnyo, yoitu mangenal adonyo kapamimpinan. Dalam hiduik bakalompok tanyato warga Togutil hanyo maangkek surang urang untuak dijadian sabagai panutannyo.

Biasonyo panutan ko dipiliah karano urang tasabuik dianggap cakap samo cukuik piawai dalam baburu samo maubekan urang sakik. Dalam hal ko urang Togutil mampunyoi ritual pangibatan yang dikenal samo istilah “maidu-idu”.^[5]

Istilah tasbuik mampunyoi arti yang samo jo lalok. Pangobatan ko dilakukan samo caro mambuwek urang yang sakik manjadi karasukan. Satalah itu roh haluih yang marasukinyo akan mangungkapkan panyebab panyakik yang didaritanyo dek urang tasabuik, sahinggo bisa dicari langkah-langkah pangobatannyo.