Urang Modang
| Suku Modang |
|---|
| Jumlah populasi |
|
15.000 Jiwa. |
| Kawasan bapopulasi cukuik banyak |
| Indonesia:
Kalimantan Timur Kabupaten Kutai Timur |
| Bahaso |
| bahasa Modang |
| Agamo |
| Mayoritas Kristen, namun ada sedikit yang beragama Islam |
| Kalompok etnik takaik |
| Suku Dayak, Suku Bahau. |
Suku Dayak Modang adolah bagian dari suku Dayak yang mandiami wilayah Kabupaten Kutai Kartanegara jo Kabupaten Kutai Timur, Provinsi Kalimantan Timur. Suku Dayak Modang tarutamo mandiami Kacamatan:
Y. Mallinckrodt mangamukokan kalau masyarakaik Dayak Modang adolah sub kalompok urang Bahau. Tatapi, kini ko urang Dayak Modang disabuik sabagai kalompok surang atau lapeh dari kalompok Bahau.[1] Jumlah populasi suku Dayak Modang sakitar 15.000 (1981 Wurm and Hattori).[2]
Asa usua[suntiang | suntiang sumber]
Suku Dayak Modang barasa dari daerah Apo Kayan, yang marupokan daerah yang saolah-olah manjadi pusatnyo kalimantan. Daerah iko babatasan jo Serawak, Malaysia Timur. Kini ko daerah Apo Kayan manjadi bagian wilayah Kabupaten Bulungan, Provinsi Kalimantan Utara. Masyarakaik modang iko manjadi kalompok awal nan maninggakan Apo Kayan dibandiang sub-kalompok Bahau lainnyo. Kamudian, urang Modang mandiami wilayah disakitar aliran batang aia Belayan, Kelinjau, jo Telen. Katigo batang aia iko adolah anak Batang Aia Mahakam. Salamo pajalanan dalam migrasi urang iko batamo jo budaya lain kamudian mambantuak budaya yang bavariasi atau mambantuak budaya baru yang babeda dari kalompok asalnyo urang ko.[1]
Kahidupan[suntiang | suntiang sumber]
Suku Dayak Modang pado umumnyo mamanfaatkan aliran batang aia sabagai sarana prasarana pahubuangan jo naiak sampan motor atau sampan dayuang. Masyarakaik iko hiduik dari baladang nan mananam padi dan sistim nan digunoan adolah ladang bapindah. Urang iko juo mamanuahi kabutuhan jo mangumpuan hasil rimbo, sarato manangkok lawuak dari batang aia di dakek kampuang.
Kakarabatan pulo, nan di anut urang ko iolah Bilateral, nan barati urang iko manarik garih katurunan dari kaduo pihak, elok itu pihak ibu atau ayah. Sasudah manikah pun pasangan pangantin bebas manantukan tampek tingganyo surang, apokah dilingkuangan sanak bini atau laki.[1]
Bahaso[suntiang | suntiang sumber]
Masyarakaik Dayak Modang manggunokan bahaso Modang dalam mangecek sahari-harinyo.
Kasenian[suntiang | suntiang sumber]
Hudoq[suntiang | suntiang sumber]
Tari Hudog adolah tarian nan manggunokan topeng jo tadapek kapicayoan kalau katiko mangarajoan tari Hudoq para dewa utusan sang pencipta tibo datang ka dunia untuak manolong kahidupan manusia, manolong mausia hama panyakik padi jo sagalo nan buruak uang baka manimpo kampuang. Panari Hudoq manggunokan kostum yang barasa dari daun pisang hinggo manutuik mato kaki jo mamakau topeng kayu nan mangambarkan ekspresi tokoh-tokoh bapangaruah dalam kahidupan masyarakaik dayak.[3]
Hudoq dimulai jo Sakaeng Ngaweit yoitu ritual monolog nan mampunyoi tujuan untuak manyampaikan pamohonan, sasudah itu sakalompok padusi manari jo malantunkan syair, mambantuak arak-arakan di sapanjang jalan nmanuju rumah adat (Lamin adat atau Maeso Puen)[4] Pado zaman dahulu, sabagian masyarakaik picayo kalau urang yang sakik baka capek cegak apobilo kanai kibasan kostum dari panari Hudoq iko.[3]
Ngewae[suntiang | suntiang sumber]
Ngewae adolah tari untuak manyambuik kalahiran anak bangsawan.[1]
Njiek Hapoi[suntiang | suntiang sumber]
Njiek Hapoi marupokan tarian sabagai wujud panghormatan tahadap rajo atau tamu tahormat.[1]
Njiek Tewea[suntiang | suntiang sumber]
Tarian iko adolah tari merumput padi atau sasudah mamotong padi yang basifat hiburan.[1]
Njiek Kenkah Gundea[suntiang | suntiang sumber]
Njiek Kenkah Gundea adolah tari yang basifat hiburan.[1]
Njiek Ndaae Tegun[suntiang | suntiang sumber]
Njiek Ndaae Tegun atau biaso disabuik jo tarian buruang enggang marupokan tari yang juo baguno untuak hiburan.[1]
Ding Wuk[suntiang | suntiang sumber]
Nyayian iko mangiriangi tarian Ding Wuk, yang digunokan sabagai hiburan pado malam ado karamian, manyambuik tamu, pesta makan nasi baru, jo sabagainyo. Tarian Ding Wuk bakaitan jo lagenda dari carito pakawinan anak rajo Modang jo putri rajo lain.[1]
Dung[suntiang | suntiang sumber]
Dung marupokann nyanyian para laki-laki katiko pulang baparang yang banada sadiah mangenang anggotanyo nan gugur. Saat menyanyikannyo, para laki-laki iko duduak malingka dalam rumah panjang samalaman. Dini hari, urang turun dari rumah dan bajalan hilia mudiak dalam kampuang sambia banyanyi sampai siang hari.[1]
Netna[suntiang | suntiang sumber]
Netna adolah nyanyian hiburan katiko mamotong padi untuak mandorong samangek dalam bakarajo.[1]
Ngen Jiu Hen Ie[suntiang | suntiang sumber]
Ngen Jiu Hen Ie marupokan lagu hiburan katiko duduak basamo manikmati sinar bulan purnama. Nyanyian iko dikarajoan dek laki-laki jo padusi jo saliang basahutan jo lirik yang panjang.[1]
Jong Nyelong[suntiang | suntiang sumber]
Jong Nyelong adolah nyanyian sabagai pangiriang tari untuak ungkapan raso syukur karano kaberhasilan panen di ladang. Jong Nyelong dibaokan samo laki-laki jo padusi indak ado iriangan musik.[1]
Jantung Utang[suntiang | suntiang sumber]
Jantung utang artinyo adolah kayu nan dipukul. Jantuang Utang adolah sajenis alat musik pukul yang tadiri dari balahan kayu. Alat musik iko dimiliki samo suku Dayak Kenyah, tatapi sairing jo papindahan suku Dayak Kenyah dari padalaman ka daerah lain, Jantuang Utang dapek ditamukan pado suku Dayak Modang, Bahau, Segai, Tumbit, Kayan, Brusu, jo lain-lain.[5]
Ritual[suntiang | suntiang sumber]
Ritual Pelekatan Namo[suntiang | suntiang sumber]
Pambarian namo pado suku iki disarati jo proses ritual malakean namo. Ritual Nen Kaeg Heig Mataeyang (yang mayujuikkan pamohonan namo pado nan maha kuaso) manjadi pamulaan dalam prosesi iko, sasudah mambaco mantra jo doa baru posisi si anak di adokkan ka batang aia mahakam, kamudian pimpinan upacara adat malatakkan sambilan talua aya kampuang ka ujuang satiok tungkek buluah yang tapancang nan dibagian bawahnyo tadapek siriah, bareh, jo rokok. SAsudah itu dikarajoan pulo pamotongan ayam jantan nan bawarnah merah, darah ayam iko di masuan ka dalam piriang putiah yang barisi bareh jo talua yang kamudian beko di latakkan di Mahakam. Bunyi gandang dan tabuah gong mairiangi sagalo rangkaian ritual nan dikarajoan dek urang suku iko.
Kamudian, urang tuo mambaok anak laki-lakinyo yang baka diagiah namo ka tampek palaksanaan adat nan mano tampek iko disabuik Hewet, kamudian anak di agiah galang maniak nan bamakna sabagai ikatan hubuangan. Salanjuiknyo dikarajoan prosesi Me et Jiem atau pamotongan rambuik anak dek tatuo adat, iko mampunyoi arati tentang patumbuahan, kamudian salanjuiknyo dilakukan ritual Net Leug atau mamintak namo untuak anak malalui parantara daun pisang ambon nan alah dibantuak manjadi kotak jo ukuran 3x4 cm sabanyak tigo alai.
Pamimpin upacara mamacik duo potong daun pisang kamudian di campakkan ka ateh dan di padiakan jatuah ka tanah sambia mambaco do'a. Posisi daun nan baru jatuah iko dicaliak apo bilo kaduo daun talantang atau tatilungkuik barati dapek patando indak, sahinggo proses harus diulang nan mano namo nan di ajukan pihak kaluargo indak mandapek jawek iyo dari niniak moyang atau alah mandapek pasatujuan.
Kamudian dilaksanakan ritual ensoet kenean atau mamakaian kain adat jo pusako kapado anak nan dilakukan dek tatuo adat. Ritual iko malambangkan hubuangan kakarabatan turun tamurun nan bamakna manguekkan identitas. Sasudah itu untuak mawujuikkan raso sukur dikarajoan pulo pamotongan atau upacara Neweg Jip Edat atau pamotongan binatan ciliang jantan yang diganti jo duo ikua ayam jantan. Ritual iko marupokan panganta adat yang alah di tatapkan kapado nan maha kuaso jo leluhur. Darah dari ayam itu dioles ka tangan, kaki, kapalo, kamudian ka benda-benda pusakonyo .[6]
Rujuakan[suntiang | suntiang sumber]
- ↑ a b c d e f g h i j k l m Melalatoa, M. Junus (1995). Ensiklopedi Suku Bangsa di Indonesia Jilid L-Z. Jakarta: Departemen Pendidikan dan Kebudayaan RI. p. 578-579.
- ↑ Hidayah, Zulyani (2015). Ensiklopedi Suku Bangsa di Indonesia. Jakarta: Yayasan Pustaka Obor indonesia. p. 264.
- ↑ a b Herjayanti, Risna (2014). "MAKNA SIMBOLIK TARI HUDOQ PADA UPACARA PANEN BAGI MASYARAKAT SUKU DAYAK GA'AY KABUPATEN BERAU KALIMANTAN TIMUR". Universitas Negeri Yogyakarta.
- ↑ ditindb (2015-12-17). "HUDOQ". Direktorat Warisan dan Diplomasi Budaya (dalam bahasa Indonesia). Diarsipkan dari versi asli tanggal 2023-02-07. Diakses tanggal 2019-04-10.
- ↑ Peralatan hiburan dan Kesenian Trasisional Daerah Kalimantan Timur. Samarinda: Departemen Pendidikan dan Kebudayaan. 25 April 1986. p. 50-53.
- ↑ Kukar, Humas. "Ritual Pelekatan Nama Dayak Modang, Meriahkan EIFAF". humas.kukarkab.go.id (dalam bahasa Indonesia). Diarsipkan dari versi asli tanggal 2019-04-10. Diakses tanggal 2023-02-07.
