Urang Cirebon
| Suku Cirebon |
|---|
| Jumlah populasi |
|
2010: kurang labiah 1.877.514 jiwa. |
| Kawasan bapopulasi cukuik banyak |
| Indonesia:
Jawa barat: 1.812.842 jiwa Banten: 41.645 jiwa Lampung:8.406 jiwa |
| Bahaso |
| bahasa Cirebon (Jawa Cirebon, Jawa Sunda) |
| Agamo |
| Mayoritas Islam . |
| Kalompok etnik takaik |
| Suku Sunda, Suku Jawa. |
Urang Cirebon adolah kalompok etnik nan tasebar di sakitar wilayah Kabupaten Cirebon dan Kota Cirebon. Salain itu, suku Cirebon juo dapek ditamui di sabagian Kabupaten Majalengka (sabalah utara atau biaso disabuik sabagai Wilayah "Pakaleran"), sabagian Kabupaten Subang sabalah utara mulai dari Blanakan, Pamanukan, hinggo Pusakanagara jo sabagian Pasisia utara Kabupaten Karawang mulai dari Pasisia Pedes hinggo pasisia Cilamaya di Provinsi Jawa Barat jo di sakitar kacamatan Losari di Kabupaten Brebes, provinsi Jawa Tengah.
Salain itu, Suku Cirebon tasebar di banyak provinsi-provinsi di Indonesia. Pado sensus panduduak 2010 Suku Cirebon bajumlah 1.877.514 jiwa, jo 961.406 laki-laki dan 916.108 padusi. Rasionyo yaitu sakitar 0,79% dari jumlah panduduak sagalo Indonesia pado taun 2010 dari sagalo suku di Indonesia.[1] Provinsi tabanyak nan tadapek suku Cirebon adolah Provinsi Jawa Barat (1.812.842 jiwa), Banten (41.645 jiwa), dan Lampung (8.406 jiwa). Sabanyak 1.425.272 jiwa (75,91%) bamukim di pakotaan jo 452.242 jiwa (25,09%) bamukim di pakampuangan. Masyarakat Suku Cirebon mamaluak agamo Islam.
Pado umumnyo suku Cirebon dikatahui urang sabagai suku banso nan tagabuang dalam suku Jawa jo Sunda, padahal sajatinyo suku Cirebon adolah suku tasandiri dan mampunyoi sijarah sarato adat budayanyo. Tapeknyo pado tahun 2010 suku Cirebon mandapekkan pangakuan sabagai suku tasandiri nan punyo adat budaya, [2] nan mano pado sensus panduduak alah tasadio kolom khusus untuak suku iko dan hal iko barati suku Cirebon alah di akui sacaro nasional dan dalam banegara sabagai suku banso.
Manusuik budayawan kanapo inyo dikatokan suku tasandiri dicaliak dari bahaso daerah nan digunokan masyarakaik Cirebon indaklah samo jo urang suku banso Jawa jo Sunda, masyarakaik Cirebon mampunyoi ciri khas tasandiri dan juo ditunjuakan dari namo-namo urangnyo nan samo sakali indak ado kamiripan jo urang suku Jawa samo Sunda.[3]
Namun, alun ado panalitian labiah lanjuik nan bisa di jalehan tentang karakteristik identik urang suku Cirebon, dan untuak manalusuri kasukuan saurang hal iko bisa di lakukan dari mancaliak garis katurunan dari Bapak saseurang. Salain itu, jiko urang itu alah maraso mampunyoi jiwa jo samangek daerah inyo (daerah suku banso Cirebon) mako inyo berhak ateh suku nan di mukasuik.[2]
Pandangan hiduik suku Cirebon didasari dari implementasi adat istiadat nan didasarkan pado panjabaran hadis jo al-qur'an, diantaro pandangan-pandangan hiduik nan dipacik arek samo masyarakaik adat suku Cirebon adolah "patatah-patitih" (bahaso Indonesia : Pasan) dari Syekh Syarief Hidayatullah (Sunan Gunung Jati) salain patatah-patitih titip tajug(mushala) jo fakir miskin (harus mamakmurkan mushala jo marawat fakir miskin) nan alah dikenal lueh, masih ado babarapo patatah-patitih lainnyo, diantaronyo adolah limo pandangan hiduik suku Cirebon nan mampunyoi kamiripan nilai jo Pancasila, yoitu:
" -Wedia Ning Allah (Takuiklah Kapado Allah)[3]
- Gegunem Sifat Kang Pinuji (Mengusung sifat-sifat tapuji kamanusiaan)
- Den Welas Asih Ing Sapapada (Utamokan cinta kasiah tahadap sasamo)
- Angadahna Ing Pepadu (Jauhi Patikaian)
- Amapesa Ing Bina Batan (jangan serakah dalam hiduik basamo)
Bahaso[suntiang | suntiang sumber]
Dahulu Bahaso Cirebon iko digunokan dalam padagangan di pasisia Jawa Barat mulai Cirebon nan marupokan salah satu palabuahan utamo, khususnyo pado abad ka-15 sampai ka-17. Bahaso Cirebon dipangaruhi pulo samo budaya Sunda karano kabaradaannyo nan babatasan langsuang jo wilayah kultural Sunda, khususnyo Sunda Kuningan jo Sunda Majalengka dan juo dipengaruhi oleh Budaya Chino, Arab dan Eropa hal iko dibuktikan jo adonyo kato "Taocang (Kuncir)" nan marupokan serapan Chino, kato "Bakda (sasudah)" nan marupokan serapan Bahaso Arab jo kamudian kato "Sonder (Tanpa)" nan marupokan serapan bahaso eropa (Balando).[4]
Bahaso Cirebon mampatahankan bantuak-bantuak kuno bahaso Jawa sarupo kalimat-kalimat jo pangucapan, misalnyo ingsun (ambo) jo sira (kau) nan alah indak digunokan lai dek bahaso Jawa Baku.
Padebatan tentang Bahaso Cirebon sabagai Sabuah Bahaso nan Mandiri talapeh dari Bahaso Sunda jo Jawa alah manjadi padebatan nan cukuik Panjang, sarato malibatkan faktor Politik Pamarintahan, Budaya sarato Ilmu Kabahasoan.
Tadapek pulo duo Aksara dalam bahaso Cirebon iko:[2]
Aksara rikasari[suntiang | suntiang sumber]
Rikasara Cirebon nan oleh para ahli dikatokan mamiliki katakaitan dengan aksara Palawa mampunyoi tigo caro panulisan jo babarapo gaya tulih (Samengan). Sasandisara (caro manulis rahasio), tujuan caro panulisan iko adolah agar tulisannyo indak bisa dikatahui oleh urang rami, contoh caro panulisan iko dapek ditamui pado surek nan dibaok ka Banten untuak mambantu pangeran Hasanuddin. Angarasara (caro manulih umum), caro panulisan nan biaso dikarajoan dek urang Ajengan (kyai atau urang tahormat) dan basifat umum (indak rahasio) sahinggo bisa dibaco oleh siapo sajo, pado Angarasara gaya tulih atau Samengan sacaro garis gadang dibagi manjadi babarapo yaitu, Kawatu, Layus dan Halif Bandasara (caro manulis rahasio jo mambalutinyo jo doa).[5]
Halif Bandasara tujuan panulisan iko sabananyo samo dengan Sasandisara yaitu untuak hal-hal nan basifat rahasio, hanyo sajo karano dibaluti jo doa pambaoknyo indak sadar kalau inyo sadang mambaok surek pentiang, contohnyo adolah surek nan dibaok oleh Anom Talibrata, banyak syarat-syarat nan dibaluti dengan pambacoan ayat suci al-qur'an katiko mambuek tulisan dengan caro Bandasara, rumiknyo Polah Hikmah (aturan-aturan hikmah) nan diterapkan dalam panulisan Bandasara mambuek indak sambaragan urang dipacayo untuak manuliskannyo.
Aksara cacarakan[suntiang | suntiang sumber]
Cacarakan Cirebon mancapai maso kaemasan pado pariode sastra sakitar abad ka-16 (taun 1500-an) dimano sastra pasisiran bakambang pasaik, sairiang bapindahnyo kakuasaan politik dari majapahit ka kasultanan-kasultanan Muslim sarupo Cirebon jo Demak pasca banyaknyo ningrat-ningrat, sastrawan, jo saniman Majapahit nan manyingkir ka Bali.
Sastra Pesisiran nan bakambang pado periode iko barusaho mambaluik nilai-nilai kaislaman jo elemen-elemen kuno dari kabudayaan Majapahit, sastra Pesisiran nan turuik mambaok cacarakan Cirebon pado maso keemasannyo dimulai katiko pangaruah Islam mulai mamasuki pulau Jawa tamasuk di wilayah Kasultanan Cirebon.
Ado saindaknyo tigo pusat utamo pakambangan sastra pesisiran yaitu di Gresik, Demak, jo di wilayah kasultanan Cirebon nan maliputi Cirebon hinggo Banten pado maso itu.[2]
Babeda jo Demak nan pado maso itu aenjadi rujuakan bagi daerah padalaman sakitarnyo nan mayoritas dihuni oleh suku Jawa(cikal baka daerah Mataram), pakambangan Cacarakan jo sastra pesisiran di wilayah kasultanan Cirebon indak sehomogen jo apo nan tajadi di Demak, heterogenitas antaro pasisia Cirebon nan multi-etnis ditambah jo padalaman Cirebon nan juo dihuni oleh suku Sundanan babeda bahaso dan pola tulisan mambuek Cacarakan jo sastra Cirebon mangakomodir pola-pola ucap jo kabiasaan-kabiasaan sastra dari wilayah sakitarnyo sahinggo manyebabkan teks-teks sastra nan barasa dari wilayah kasultanan Cirebon walau ditulih dengan pola aksara carakan nan indak jauah babeda (Cirebon manerapkan pola aksara cacarakan dengan gaya satu tembok samantaro Jawa manerapkan pola carakan jo gaya duo tembok) namun teks-teks iko indak dimangarati oleh pambaco dari wilayah Jawa bagian tangah.
Ritual adat[suntiang | suntiang sumber]
Suku banso Cirebon iko meskipun inyo baragamo islam pado pakambangan sijarah kasultanan, tapi urang ko masih malestarikan adat budaya nan alah di karajoannyo salamo iko, diantaro ritual-ritual nan ado iolah;[5]
- Suroan, yaitu adat nan dikarajoan katiko bulan Asyura. Kato suro barasa dari kato suro dalam bahaso jawa nan mampunyoi arti raksasa. Suroan iko diparingati sabagai bantuak wujud syukur kapado Tuhan.
- Saparan, yaitu adat nan karajoan untuak mamparingati bulan shafar, bulan kaduo dalam kalender Islam jo Jawa. Di bulan shafar iko masyarakaik Cirebon mampicayoi kalau Tuhan mambarikan banyak ujian barupo kamatian, kacalakaan jo sabagainyo.
- Saparan, yaitu proses panyucian diri dari sagalo macam kasalahan dan doso yaitu jo bataubat agar tahindar dari marabahayo.
- Mauludan, yaitu dilakukan pado maso hari kalahiran nabi Muhammad. Tujuan dari maulidan iko yaitu manjago alat-alat pusako nan ado di keraton.
- Rajaban, yaitu adat nan juo dikarajoan oleh masyarakaik cirebon. Urang iko mamparingati jo caro bakumpua basamo di musajik atau mushola. Tradisi iko diparingati batapatan jo bulan rajab.
Budaya sarato ritual-ritual iko dinilai samo masyarakaik suku Cirebon sabagai ritual tambahan nan barado dilua rukun Islam, dan marupokan hasil kreasi dari kaum muslim suku Cirebon nan manganduang nilai-nilai islami.[6]
Kalompok etnik di Indonesia[suntiang | suntiang sumber]
Referensi[suntiang | suntiang sumber]
- ↑ Na’im, Akhsan (Oktober 2011). "Kewarganegaraan, Suku Bangsa, Agama, dan Bahasa Sehari-hari Penduduk Indonesia". Badan Pusat Statistik. Diakses tanggal 2023-1-31.
- ↑ a b c d "Sejarah Asal Usul dan Adat Suku Cirebon (Orang Cirebon)". Kuwaluhan.com (dalam bahasa Indonesia). Diakses tanggal 2023-01-31.
- ↑ a b M.D.Luffy000. "Agan tau cirebon ?...itu termasuk suku sunda atau suku jawa kah". KASKUS. Diakses tanggal 2023-03-01.
- ↑ "Punya Dialek Khas, Ini Alasan Cirebon Tak Memakai Bahasa Sunda". merdeka.com (dalam bahasa Inggris). 2021-08-31. Diakses tanggal 2023-03-01.
- ↑ a b Septyaningtyas, Yustica (2020-12-12). "Suku Cirebon: Sejarah, Ciri Khas dan Kebudayaannya". HaloEdukasi.com (dalam bahasa Indonesia). Diakses tanggal 2023-01-31.
- ↑ Fahmina (2009-08-05). "Upacara Adat di Cirebon - Fahmina.Or.Id" (dalam bahasa Indonesia). Diakses tanggal 2023-03-01.