Lompat ke isi

Urang Simeulue

Wikipedia Minangkabau - Lubuak aka tapian ilimu
Wong Simeulue
Simalur / Simeuloë / Simulul
Long Bano / Devayan
Wong lagi njupuk pathining sagu ing Pulo Simeulue.
Total populasi
53.500[1]
Kawasan jo populasi nan signifikan
Templat:Country data Indonésia (Pulo Simeulue, Kapuloan Banyak lan Pulo Babi ing Kabupatèn Simeulue, Acèh)
Bahaso
Basa Simeulue, Basa Indonésia
Agamo
Islam
Kalompok etnis takaik
Wong Sigulai, wong Niyas

Urang Simeulue ko talatak di wilayah D.I Aceh. Suku ko adolah panduduak asli pulau Simeulue nan talatak di bagian wilayah Kabupaten Aceh Barat, nan tabagi ateh Kecamatan Simeulue barat, Simeulue Tengah, Simeulue Utara, Salang, Teupah selatan jo di kaliliangi lautan Indonesia. Mereka dikenal urang nan ramah jo barani. Adaik istiadaik Aceh mampunyoi pangaruah nan cukuik kuek tahadok masyarakaik pulau Simeulue, sahinggo pado umumnyo mereka bisa babahaso Aceh, walaupun mereka alah mamiliki bahasonyo surang, yakni bahaso Ulau (pulau) nan tabagi manjadi duo jenis. Patamo, bahaso Sigulai dipagunoan dek panduduak di Simeulue Barat jo Salang; kadua bahaso Defayan digunoan di Simeulue Timur, Tangah jo Tepang Selatan.[2]

Simeulue marupoan wilayah pamekaran dari Kabupaten Aceh Barat tahun 1999, iko taruih babenah jo samakin tapesona. Carito tantang eksotisme Simeulue emang indak akan pernah habis untuak ditulih. Pulau ko bagaikan sakeping tanah surga nan jatuah di Samudera Hindia. Sabuah kabupaten paling baraik Provinsi Aceh nan tarapuang-apuang di samudera lapeh.[3]

Kabupaten Simeulue, Provinsi Aceh, indak hanyo takenal jo alamnyo nan indah. Kaunikan budayo, jo bahasonyo nan khas juo manjadi daya tarik tasandiri apabilo bisa dikameh jo sungguah-sungguah lewaik event nan manarik. Debus Simeulue patando lambang kabaranian masyarakaik di daerah ko. Sabagaimano masyarakaik Aceh lainnyo, panduduak Simeulue adolah sabuah komunitas muslim nan taik. Ketaatan pado ajaran Islam indaklah manjadikan masyarakaik Simeulue sabagai sabuah masyarakaik tatutuik. Tarbukti mereka bisa manarimo banyak tamu wisatawan asiang setiok saik, walau  indak sajalan jo ajaran Islam nan mereka praktekkan sahari-hari. Nilai-nilai Islam nan mereka anuik juo indak mudah luntua akibaik pangaruah lua dari gaya hidup wisatawan. Ikolah nan diarokan bahwa daya tahan nilai jo budayo satampek sabagai kaunikan tatap dipatahankan walau sektor turisme ko bakambang jo pesat.[3]

Kondisi ekologi[suntiang | suntiang sumber]

Ekosistem nan tadapek dalam kawasan maliputi mangrove, lamun jo tarumbu karang. Luas ekosistem mangrove dalam kawasan bakisa 799,69 Ha. Hasil survei lapangan Kalautan Kamantrian Parikanan (KKP) pado tahun 2015  ditamuan sabanyak limo spesies mangrove diantaronyo Rhizopora apiculata, Avicennia marina, Scyphiphora hydrophyllaceae, Cerbea manghas jo Acanthus ilicifolius. Habitat lamun nan tadapek dalam kawasan hanyo bakisar 1 Ha, dimano  hasil survei lapangan dek FFI tahun 2019 ditamuan sabanyak ampek spesies diantaronyo Halodule pinifolia, Halodule uninervis, Halophila minor jo Halophila ovalis. Lueh habitat tarumbu karang dalam kawasan bakisa 4.251 Ha. Hasil survei inventarisasi kaanekaragaman hayati KKPD PISISI tahun 2019 dek DKP jo FFI, tarumbu karang di dalam kawasan umumnyo dikategorian kondisi sadang, jo rato–rato panutupan karang iduik sagadang 35,63% nan maliputi 37 genus karang. Salain tu, dalam kawasan ditamukan 16 Family ikan nan barasosiasi jo tarumbu karang jo manjadi target pangalolaan nan maliputi kalompok ikan herbivora yaitu Family Acanthuridae, Scaridae jo Siganidae. Sadangkan kalompok Ikan Karnivora yaitu Familiy Caesionidae, Carangidae, Carcharhinidae, Haemulidae, Lethrinidae, Lutjanidae, Serranidae, Sphyraenidae, Nemipteridae, Priacanthidae, jo Mullidae.[4]

Kondisi sosial budayo[suntiang | suntiang sumber]

Badasarkan mato pancaharian, panduduak nan barado disakita KKPD PISISI digolongan manjadi patani, nalayan, padagang, pangrajin, jo buruah. Samantaro tu, panduduaknyo hampia sadonyo baragao Islam, kacuali babarapo pandatang urang Cino jo padagang indak tatap. Suku nan tingga di daerah ko adolah Suku Dagang, Aceh, Lanteng, Abon, Pamuncak, jo Painang.[4]

Bahaso nan digunoan sahari-hari adolah Aneuk Jamee, bahaso Devayan, Sigulai, jo bahaso Leukon. Adopun kasenian nan bakambang di Pulau Simuelue adolah: angguk (katarampilan manggunoan kapalo, tangan jo bajo sacaro bagantian), tari andalas, nandong (kasanian barisi syair-syair nan dilantunan jo suara indah jo merdu sarato diiringi kandang), rafai debus (atraksi kakabalan badan), jo tari kuala deli/tanjung katung.[4]

Masyarakaik Simeulue mampunyoi adaik jo budayo tasandiri babeda jo saudara-saudaranyo di daratan Aceh, salah satunyo adolah seni Nandong, suatu seni nyanyi batutua diiringi gandang tatabuhan jo biola nan ditampilan samalam suntuak pado acara-acara tatantu jo istimewa. Tadapek pulo seni nan sangaik digamari sabagian gadang masyarakaik, seni Debus, yaitu suatu seni bela diri kedigjayaan kakabalan tubuah tarutamo dari tusukan bacokan pedang, rencong, rantai besi mambaro, bambu, sarato benda-benda tajam lainnyo jo dari seni ko pulolah para pandekar Simeulue acap diundang ka mancanegara.[5]

Potensi parikanan[suntiang | suntiang sumber]

Sektor Parikanan di Kabupaten Simeulue maagiah kontribusi tahadok parekonomian di Provinsi Aceh sagadang 11,93 persen atau sagadang Rp. 199,24 milyar pado tahun 2015. Untuak nilai tambah nan dihasilan dek parikanan tangkok jo budidaya, badasarkan harago konstan 2010 capaiannya pado tahun 2015 sagadang Rp.160,57 milyar jo laju partumbuhan sagadang 4,67% bilo dibandingan tahun 2014 jo capaian Rp.153,41 milyar.[4]

Pariwisata[suntiang | suntiang sumber]

Kagiatan wisata nan alah bajalan jo paralu pangambangan di Kawasan Konservasi Parairan Pulau Pinang, Siumat, Simanaha  jo sakitanyo adolah sabagai barikuik :[4]

  1. Pulau Pinang: Wisata pantai, berenang, selam, snorkeling, pancing jo berkemah
  2. Pulau Siumat: Wisata berenang, selam, snorkeling, pancing jo berkemah
  3. Ujung Balla: Wisata pantai, berenang, selam, snorkeling jo pancing
  4. Pantai Ganting: Wisata pantai jo berenang
  5. Ujung Babang: Wisata selam, snorkeling, pancing jo berkemah
  6. Pulau Naru, Pulau Gabui, Pulau Pasir, Pulau Simanaha: Wisata pantai, selam, snorkeling, pancing jo berkemah

Wisata budayo Kabupaten Simeulue mampunyoi warisan karagaman seni jo budayo nan mangaka kuaik dalam kahidupan masyarakaik. Diantaronyo yaitu Seni Nandong, Rapa’I Debus, Tari Anggok, Tari Sikambangatau Buai, Tari Pedang, Tari Andalas, jo Nyanyian Nanga2. Kasenian tradisional ko acok ditampakkan masih populer bagi masyarakaik lokal Simeulue.[4]

Rujukan[suntiang | suntiang sumber]

  1. "Simeulue in Indonesia". Joshua Project. Diakses tanggal 2023-02-06. 
  2. "Suku Simeulue | e-MISI". misi.sabda.org. Diakses tanggal 2023-02-06. 
  3. a b "Sepenggal Asa Dari Simeulue,". Universitas Teuku Umar. 2019-07-02WIB12:31:36182. Diarsipkan dari versi asli tanggal 2023-02-06. Diakses tanggal 2023-02-06. 
  4. a b c d e f Aceh, Pemerintahan. "Pisisi Simeulue". dkp.acehprov.go.id (dalam bahasa Inggris). Diakses tanggal 2023-02-06. 
  5. Simeulue, Pemerintahan Kabupaten. "Tentang Simeulue". simeuluekab.go.id (dalam bahasa Inggris). Diakses tanggal 2023-02-07.