Taiwan
Taiwan (bahaso Cino: 台灣), atau namo rasminyo Republik Cino (中華民國, Zhōnghuá Mínguó), adolah sabuah nagara kapulauan nan barado di Asia Timur. Nagara-nagara jirannyo adolah Republik Rakyaik Cino (RRC) di baraik, Japang di baraik lauik, jo Filipina salatan. Taiwan adolah nagara bukan anggota PBB nan jumalah panduduaknyo tabanyak jo ekonominyo tagadang.
Daftar isi
Sijarah[suntiang | suntiang sumber]
Pulau Taiwan sabagian gadang diunyi dek panduduak asali Taiwan, sabalun kadatangan urang Cino Han nan mulai bapindah ka pulau tu sajak abaik ka-17. Pamukiman-pamukiman urang Eropa jo Karajaan Tungning badiri indak lamo sabalun muncuanyo Dinasti Qing, yaitu dinasti taakia Cino nan marampeh pulau ko sadonyo. Taiwan kudian dikuasoi dek Japang pado 1895 satalah mangalahan Qing dalam parang.
Salamo Taiwan dalam panjajahan Japang, di Cino daratan badirilah Republik Cino (RC) pada taun 1912 satalah tumbangnyo Dinasti Qing. Kakalahan Japang kapado Sekutu pado 1945, mambuek Republik Cino maabiak alaih pamarentahan di Taiwan. Akan tatapi, Republik Cino malah kudian dirabuik kakuasoannyo di Cino daratan dek pihak Kuminih salamo Parang Sudaro Cino. Taun 1949, Partai Kuminih Cino manguasoi kasaluruahan wilayah Cino daratan, dan mandirian Republik Rakyaik Cino (RRC). Pamarentah Republik Cino malarian diri ka Taiwan jo sataruihnyo tatap juo mangklaim baso marekalah pamarentah nan sah untuak saluruah wilayah Cino.
Sajak itu, yurisdiksi ukum Republik Cino (RC) sacaro efektif anyo tabateh pado Taiwan jo pulau-pulau sakitanyo sajo, di ma pulau utamo mancakuik 99% wilayah de facto nagara ko.
Geografi[suntiang | suntiang sumber]
Laweh kasaluruahan wilayah yuridiksi takini Republik Cino adolah 36.193 km2 (13,974 sq mi),[2] mambueknyo jadi nagara ka-137 tagadang di dunia, labiah ketek dari Switzerland jo labiah gadang dari Belgia. Kaadoan alam pulau ko kontras bana antaro duo partigo bagian timua nan sabagian gadang tadiri dari bantangan limo area pagunuangan curam dari utara ka salatan, sarato jo bagian baraik nan barupo Dataran Chianan nan landai rato nan manjadi tampek tingga sabagian gadang populasi Taiwan. Puncak tatinggi Taiwan adolah Gunuang Yu Shan (disabuik juo Gunuang Giok) pado katinggian 3.952 m (12,970 kaki). Taiwan adolah pulau kaampek tatinggi di dunia.
Kapulauan Penghunan talatak 50 km (31.1 mil) di sabalah baraik pulau utamo, lawehnyo adolah 1.269 km2 (490.0 sq mi). Babarapo pulau lainnyo nan lataknyo labiah jauah namun dikontrol pulo dek Republik Cino adolah Kinmen, Wuchiu, jo Kapulauan Matsu di lapeh pasisia Fujian, nan total lawehnyo mancapai 1.805 km2 (696.9 sq mi); sarato Kapulauan Pratas jo Pulau Taiping Island di Lauik Cino Salatan, nan total lawehnyo mancapai 29 km2 (11.2 sq mi) ka tatapi indak ado panduduak nan manatap di sinan.[2]
Caliak pulo[suntiang | suntiang sumber]
Rujuakan[suntiang | suntiang sumber]
- ↑ a b c d "Republic of China (Taiwan)". International Monetary Fund. http://www.imf.org/external/pubs/ft/weo/2014/02/weodata/weorept.aspx?pr.x=19&pr.y=12&sy=2014&ey=2019&scsm=1&ssd=1&sort=country&ds=.&br=1&c=528&s=NGDPD%2CNGDPDPC%2CPPPGDP%2CPPPPC&grp=0&a=. Diakses pado 28 Oktober 2013.
- ↑ a b "Number of Villages, Neighborhoods, Households and Resident Population". MOI Statistical Information Service. http://sowf.moi.gov.tw/stat/month/m1-01.xls. Diakses pado 2 Pebruari 2014.