India

Wikipedia Minangkabau - Lubuak aka tapian ilimu
Bandera India
Bandera
{{{coat_alt}}}
Lambang
Semboyanसत्यमेव जयते
Satyamēva Jayatē
(Sanskerta: "Anyo Kabanaran nan Bajayo")
Lagu kebangsaan
जन गण मन
Jana Gana Mana
Lokasi India
Lokasi India
Ibu kotaNew Delhi
Kota paliang gadangMumbai
18°58′30″N 72°49′33″E / 18.97500°N 72.82583°E / 18.97500; 72.82583
Bahaso resmi
Bahaso daerah
nan diakui
Assam, Bengali, Bodo, Dogri, Gujarati, Kannada, Kashmiri, Konkani, Maithili, Malayalam, Marathi, Meitei, Nepali, Oriya, Punjabi, Sanskerta, Santali, Sindhi, Tamil, Telugu, jo Urdu
PamarintahanRepublik parlementer
• Presiden
Pranab Mukherjee
Mohammad Hamid Ansari
Narendra Modi
LegislatifParlemen India
राज्य सभा
Rajya Sabha
लोक सभा
Lok Sabha
Kemerdekaan 
• Dominion
15 Agustus 1947
• Republik
26 Januari 1950
• Aia (%)
9,6
Populasi
 - Pakiroan 2015
1.274.590.000 (2)
PDB (KKB)2015
 - Total
$7.997 triliun[1] (3)
$6.266 (124)
PDB (nominal)2015
 - Total
$2.308 triliun[1] (7)
$1.808[1] (141)
Gini (2012)33,6 (sedang)[2]
Error: Invalid Gini value
IPM (2013)Steady 0,586[3]
Error: Invalid HDI value · 135
Mato uangRupee India (₹)
(INR)
Zona wakatuWakatu Standar India (IST)
(UTC+5:30)
Lajua kamudikiri
Kode telepon+91
Kode ISO 3166IN
Ranah Internet

Republik India (bahaso Hindi: भारत गणराज्य; Bhārat Gaṇarājya) adolah sabuah nagara di Asia nan mamiliki jumlah panduduak tabanyak kaduo di dunia, jo populasi labiah dari satu miliar jiwa, dan adolah nagara tagadang katujuah badasa ukuran wilayah geografis. Jumlah panduduak India tumbuah pesat sajak partangahan 1980-an. Ekonomi India adolah tagadang kaampek di dunia dalam PDB, diukua dari sagi paritas dayo bali (PPP), dan salah satu patumbuahan ekonomi tacapek di dunia. India, nagara jo sistem demokrasi liberal tagadang di dunia, alah muncua pulo sabagai kakuatan regional nan pantiang, mamiliki kakuatan maliter tagadang, dan mamiliki kamampuan sinjato nuklir.

Talatak di Asia Selatan jo garih pantai sapanjang 7.000 km, dan bagian dari anak banua India, India marupoan bagian dari rute padagangan pantiang, dan basijarah. India babagi bateh nagara jo Pakistan, Republik Rakyat Cino, Myanmar, Bangladesh, Nepal, Bhutan, dan Afganistan. Sri Lanka, Maladewa, dan Indonesia adolah nagara kapulauan nan basabalahan.

Di India talatak paradaban kuno, sarupo Paradaban Lambah Sungai Indus, dan marupoan tampek kalahiran dari ampek agamo utamo dunia: Hindu, Buddha, Jainisme, dan Sikhisme. Nagara ko marupoan jajahan Britania Rayo sabalun maraiah kamardekaan pado 1947.

National symbols of the Republic of India (Official)
National animal
National bird
National tree
National flower
National heritage animal
National aquatic marine mammal
National reptile
National heritage mammal
National fruit
National temple
National river
National mountain

Ekonomi[suntiang | suntiang sumber]

Indeks sensitif Bursa Saham Bombay digunoan sabagai panantu kakuatan ekonomi India

India mamiliki ekonomi nan barado dalam urutan ka-10, kok dibandiangkan sasuai jo nilai tuka mato uangnyo, dan ka-4 tagadang dalam hal PPP. India mamiliki rekor ekonomi jo patumbuahan tacapek sakita 8% pado 2003. Dek karano populasinyo nan gadang, mangko pandapekan per kapita India badasa PPP anyo AS$3.262, iyolah barado di urutan ka-125 manuruik Bank Dunia. Cadangan valuta asiang India sakita AS$143 miliar. Mumbai marupoan ibu kota finansial nagara ko, dan marupoan pulo rumah dari Reserve Bank of India (bank sentral India), sarato Bursa Efek Mumbai. Walaupun saparampek dari panduduak India masih iduik di bawah garih kamiskinan, jumlah kaleh manangah nan gadang alah muncua karano capeknyo patumbuahan dalam industri teknologi informasi.

Ekonomi India daulunyo banyak tagantuang dari patanian, namun kini ko anyo manyumbang kurang dari 25% PDB. Industri pantiang lainnyo tamasuak patambangan, minyak bumi, pangasahan barlian, pilem, tekstil, teknologi informasi, jo karajinan tangan. Kabanyakan daerah industri India bapusek di kota-kota utamonyo. Taun-taun balakangan ko, India alah muncua sabagai salah satu pamain tagadang dalam parangkek lunak, dan business process outsourcing, nan maasiakan pandapatan sakita AS$17,2 miliar pado 2004–2005. Ado banyak industri skala ketek nan manyadioan lapangan karajo nan stabil bagi panduduak di kota-kota ketek jo padesaan.

Walaupun India anyo manarimo sakita tigo juta pangunjuang asiang satiok taun, pariwisata tatap pantiang walaupun marupoan sumber pandapatan nasional nan alun bakambang. Pariwisata manyumbangan 5,3 persen dari PDB India. Rakan dagang utamo India tamasuak Amerika Sarikat, Japang, Republik Rakyat Cino, jo Uni Emirat Arab.

Ekspor utamo India tamasuak produk patanian, tekstil, batu baarago jo parhiasan, jaso parangkek lunak jo teknologi, asia teknik, kimia, sarato asia kulik; sadangkan komoditas impornyo adolah minyak mantah, masin, batu baarago, pupuk, jo kimia. Pado taun 2004, total ekspor India bajumlah AS$69,18 miliar sadangkan impor sakita AS$89,33 miliar.

Geografi dan cuaco[suntiang | suntiang sumber]

Himalaya, nan mamanjang dari Jammu dan Kashmir di utara inggo Arunachal Pradesh di timua jauah, mambantuak ampia saluruah pabatasan India di timua

Saluruah nagara-nagara bagian India di utara jo timur lauik dibantuak dek Pagunuangan Himalaya. Wilayah lainnyo tadiri dari amparan Indo-Ganga nan subua. Di sabalah barat nan babateh jo Pakistan tanggara tadapek Gurun Thar. Samananjuang India di selatan ampia saluruahnyo marupoan bagian dari dataran tinggi Dekkan. Di kaduo sisi dataran tinggi ko tadapek duo pagunuangan pasisia, iyolah Ghats Barat jo Ghats Timua.

India mamiliki babarapo sungai gadang sarupo sungai Gangga, Brahmaputra, Yamuna, Godavari, jo Krishna. Sungai-sungai tasabuik lah nan manyababkan subuanyo dataran tinggi-dataran tinggi di sabalah utara India sainggo cocok untuak ditanam.

Cuaca India baragam, dari cuaca tropis di selatan inggo ka cuaco manangah di utara. Sabagian dari India nan talatak di pagunuangan Himalaya mamiliki cuaco tundra. India mandapek ujannyo dari angin munson.

Pambagian administratif[suntiang | suntiang sumber]

India dibagi manjadi 28 nagara bagian (nan kamudian dibagi lai manjadi distrik), anam Wilayah Pasatuan, jo Wilayah Ibukota Nasional Delhi. Nagara-nagara bagian mamiliki pamarentah nan dilantik surang, samantaro Wilayah-wilayah Pasatuan diparentah dek surang pajabaik nan dilantik dek pamarentah pasatuan (union government), meski babarapo di antaranyo mamiliki pamarentah nan dilantik surang.

Nagara bagian jo wilayah India:

  1. Andhra Pradesh
  2. Arunachal Pradesh
  3. Assam
  4. Bihar
  5. Chhattisgarh
  6. Goa
  7. Gujarat
  8. Haryana
  9. Himachal Pradesh
  10. Jammu dan Kashmir
  11. Jharkhand
  12. Karnataka
  13. Kerala
  14. Madhya Pradesh
  1. Maharashtra
  2. Manipur
  3. Meghalaya
  4. Mizoram
  5. Nagaland
  6. Orissa
  7. Punjab
  8. Rajasthan
  9. Sikkim
  10. Tamil Nadu
  11. Tripura
  12. Uttaranchal
  13. Uttar Pradesh
  14. Bengal Barat

Wilayah Pasatuan

  1. Kapulauan Andaman jo Nikobar
  2. Chandigarh
  3. Dadra dan Nagar Haveli
  4. Daman dan Diu
  5. Lakshadweep
  6. Pondicherry

Wilayah Ibukota Nasional:

  1. Delhi

Kebudayaan[suntiang | suntiang sumber]

Taj Mahal di Agra. Shah Jahan mambangunnyo sabagai musoleum untuak manganang bininyo, Mumtaz Mahal. UNESCO mamasuakannyo ka dalam daftar Situs Warisan Dunia.[4]

Kabudayaan India panuah jo sinkretisme[5] dan pluralisme budayo.[6] Kabudayaan ko taruih manyarap adaik-istiadaik, tradisi, jo pamikiran dari panjajah dan imigran sambia taruih mampatahanan tradisi nan alah mapan, dan manyebaluaskan budayo India ka tampek-tampek lain di Asia.

Kabudayaan tradisional India mamiliki hirarki sosial nan relatif katat. Sajak usia mudo, anak-anak diajari tantang paran jo kaduduakan mareka dalam masarakaik.[7] Tradisi ko dipakuek jo kapicayoan kapado dewa-dewa jo roh-roh nan dianggap baparan pantiang, dan indak tapisah dari kaiduikan mareka. Dalam sistem kasta di India ditatapkan stratifikasi sosial dan pambatasan dalam kaiduikan sosial di anak banua India. Kaleh-kaleh sosial dibantuak dek ribuan kalompok katurunan nan mampraktikan endogami, nan umumnyo disabuik jāti atau kasta.

Urang India sangaik maaragoi nilai-nilai kakaluargaan tradisional. Walaupun damikian, rumah-rumah di parkotaan kini acok didiami anyo dek kaluarga inti. Hal iko disababkan katarbatasan ekonomi jo sosial untuak iduik basamo dalam sabuah kaluargo gadang. Di kawasan padesaan masih umum dijumpoi anggota kaluargo dari tigo inggo ampek generasi nan tingga di bawah satu atok. Masalah-masalah nan timbua dalam kaluargo acok disalasaian sacaro patriarkisme. Mayoritas tagadang urang India manikah satalah dijodohan dek urang gaek mareka atau anggota kaluargo nan dituokan, namun jo pasatujuan dari marpulai jo anak daro.[8] Panikahan dipandang sabagai ikatan saumua iduik, dan angko pacaraian sangaik randah.[9] Walaupun damikian, panikahan dini masih marupoan adaik nan umum.[10] Saparuah dari populasi padusi India manikah sabalun mancapai usia 18 taun, nan lah marupoan usia dewasa manuruik ukum.[11]

Masakan India mancakuik babagai masakan khas dari babagai kawasan di India. Ciri khas masakan India adolah pamakaian bumbu sarato rampah-rampah nan baraneka ragam. Makanan pokok urang India adolah bareh (tarutamo di India selatan jo timua) dan gandum di India bagian timua.[12] Rampah-rampah sarupo marica aslinyo barasa dari anak banua India. Lado manjadi populer di India karano dibao dek urang Portugih.[13]

Pakaian tradisional di India babedo-bedo manuruik daerahnyo. Warna-warni jo gaya pakaian tradisional bagantuang pado babagai faktor, tarutamo iklim. Pakaian barupo kain nan disampiaan marupoan gaya busana nan populer di India. Urang padusi mamakai pakaian nan disabuik sari, jo laki-laki mamakai pakaian nan disabuik dhoti atau lungi. Pakaian dari kain nan dijaik populer pulo, sarupo jo salwar kameez nan dipakai padusi. laki-laki mamakai kurta barikuik piyama, salain sarawa panjang jo kameja gaya Eropa nan populer pulo.

Sabagian gadang ari libua di India marupoan ari rayo kaagamoan. Walaupun damikian, di India tadapek pulo ari rayo sekuler nan dirayoan indak mamandang kasta jo kapicayoan. Ari rayo nan dikana di saluruah India, misalnyo Diwali, Ganesh Chaturthi, Ugadi, Thai Pongal, Holi, Onam, Vijayadasami, Durga Puja, Idul Fitri, Bakr-Id, Natal, Buddha Jayanti, jo Vaisakhi.[14] India mampunyoi tigo ari nasional. Salain tu, India mampunyoi ari rayo lainnyo. Jumlah ari libua rasmi antaro 9 inggo 12 ari tagantuang kapado masiang-masiang nagara bagian. Kaidupan baragamo marupoan bagian nan indak tapisah dari kaidupan saari-ari, dan bukan urusan paribadi.

Arsitektur India sangaik malambangkan kabaragaman budayo India. Sabagian di antaranyo tamasuak monumen magah sarupo Taj Mahal jo bangunan-bangunan baarsitektur Mughal, sarato di India Selatan nan marupoan campuran dari tradisi kuno jo baaneka ragam tradisi lokal dari babagai wilayah di India dan lua nagari. Arsitektur vernakular manunjuakan pulo variasi regional nan mancolok.

Musik India mancakuik babagai jinih musik daerah jo musik tradisional. Musik tradisional India sacaro garih basa dibagi manjadi duo jinih: musik tradisional Hindustani dari India Utara jo musik Karnataka dari India Selatan, sarato babagai variasinyo nan muncua sabagai musik daerah di India. Musik pilem jo musik rakyaik India marupoan bantuak-bantuak musik pop nan alah manjadi bantuak musik daerah. Musik nan dibao dek kalompok baul baaka dari tradisi sinkretisme, jo marupoan contoh musik rakyaik nan dikana laweh.

Tari India tadiri pulo dari bantuak-bantuak tari klasik jo tari rakyaik. Di antaro tari rakyaik India nan dikana laweh, misalnyo: bhangra dari Punjab, bihu dari Assam, chhau dari Benggala Barat, Jharkhand, sambalpuri dari Orissa, sarato ghoomar dari Rajasthan. Akademi Musik, Tari, dan Drama Nasional India alah maaakui salapan bantuak tari sabagai tari klasik India. Di antaro kasalapan tarian tasabuik sabagian di antaronyo dilangkoki narasi, dan dipangaruahi unsua-unsua mitologi Hindu. Kasalapan tari klasik India nan dimukasuik adolah: bharatanatyam dari Tamil Nadu, kathak dari Uttar Pradesh, kathakali, dan mohiniyattam dari Kerala, kuchipudi dari Andhra Pradesh, manipuri dari Manipur, odissi dari Orissa, sarato sattriya dari Assam.[15]

Teater di India mamadukan musik, tari, jo dialog nan mamakai skenario atau improvisasi.[16] Kisahnyo acok badasa kapado mitologi Hindu, namun sabagian di antaronyo maambiak ide dari kisah pacintoan abaik patangahan, sambia manyingguang paristiwa-paristiwa sosial jo politik. Teater rakyaik nan populer di India, misalnyo: bhavai dari nagara bagian Gujarat, jatra dari Benggala Barat, nautanki, dan ramlila dari India Timur, tamasha dari Maharashtra, burrakatha dari Andhra Pradesh, terukkuttu dari Tamil Nadu, sarato yakshagana dari Karnataka.[17]

India mampunyoi industri film tagadang di dunia.[18] Bollywood mamproduksi film-film Hindi nan larih. Industri film Bollywood bapusek di Mumbai, dan alah manjadi industri pilem paliang produktif di dunia.[19] Salain Bollywood, pilem-pilem babahaso Bengali, Kannada, Malayalam, Marathi, Tamil, jo Telugu didukuang pulo dek industri pilem nan mapan.[20]

Bantuak-bantuak awa sastra India babantuak sastra lisan, nan kamudian dijadian sastra tatulih.[21] Kasusastraan India mancakuik karya-karya sastra Sanskerta, sarupo bantuak awa Weda, epos Mahabharata jo Ramayana, drama Sakuntala, puisi-puisi sarupo Mahākāvya,[22] sarato sastra Sangam dalam bahaso Tamil.[23] Di antaro panulih India era moderen tadapek sastrawan Rabindranath Tagore nan mamanangi Adiah Nobel taun 1913.

Agamo[suntiang | suntiang sumber]

Mayoritas panduduak di India baragamo Hindu 80.46%, Islam 13.49%, Kristen 2.34%, Sikh 1.87%, dan sisanyo Buddha 0.71%, Jain 0.41%, jo Yahudi. Sensus Panduduak India Taun 2011 manunjuakan jumlah panduduak India alah mancapai 1,2 milyar panduduak.

Identitas nasional[suntiang | suntiang sumber]

  • Olahraga nasional – Hoki, dan Kriket
  • Hewan nasional – Harimau
  • Buruang nasional – Merak
  • Bungo nasional – Taratai

Liek pulo[suntiang | suntiang sumber]

Rujuakan[suntiang | suntiang sumber]

  1. a b c "Report for Selected Countries and Subjects". World Economic Outlook Database, International Monetary Fund. April 2015. Diakses tanggal 14 April 2015. 
  2. "Gini Index". World Bank. Diakses tanggal 2 Maret 2011. 
  3. "Human Development Report 2014 Summary" (PDF). The United Nations. Diakses tanggal 24 Juli 2014. 
  4. "Taj Mahal". World Heritage List. UNESCO World Heritage Centre. Diakses tanggal 28 September 2007. Daftar Warisan Dunia berisi 851 situs warisan alam dan budaya nan diputuskan Komite Warisan Dunia sebagai bernilai luar biasa bagi dunia. 
  5. Das, N.K. (2006). "Cultural Diversity, Religious Syncretism and People of India: An Anthropological Interpretation". Bangladesh e-Journal of Sociology. 3 (2nd). ISSN 1819-8465. Diakses tanggal 2007-09-27. Dimensi peradaban dari sinkretisme dan plurarisme budaya pan-India merupakan percampuran dan kebinekaan etnik, heterogenitas linguistik, serta fusi dan variasi, juga sintesa adat istidat, pola perilaku, kepercayaan, dan ritual. 
  6. Baidyanath, Saraswati (2006). "Cultural Pluralism, National Identity and Development". Interface of Cultural Identity Development (edisi ke-1stEdition). New Delhi: Indira Gandhi National Centre for the Arts. xxi+290pp. ISBN 81-246-0054-6. http://ignca.nic.in/ls_03.htm. Diakses pado 8 Juni 2007. 
  7. Eugene M. Makar (2007). An American's Guide to Doing Business in India. 
  8. Medora, Nilufer (2003). "Mate selection in contemporary India: Love marriages versus arranged marriages". di dalam Hamon, Raeann R. and Ingoldsby, Bron B.. Mate Selection Across Cultures. SAGE. pp. 209–230. ISBN 0-7619-2592-9. 
  9. "Divorce Rate In India". 
  10. "Child marriages targeted in India". BBC News. 
  11. "State of the World's Children-2009" (PDF). UNICEF. Diarsipkan dari versi asli (PDF) tanggal 2009-06-19. Diakses tanggal 2017-11-09. 
  12. Delphine, Roger, "The History and Culture of Food in Asia", in Kiple & Kriemhild 2000, p. 1140–1151
  13. Achaya 1994, Achaya 1997
  14. "18 Popular India Festivals". Diakses tanggal 2007-12-23. 
  15. 1. "South Asian arts: Techniques and Types of Classical Dance" From: Encyclopædia Britannica Online. 12 Oktober 2007. 2. Sangeet Natak Akademi (National Academy of Music, Dance, and Drama, New Delhi, India). 2007. Dance Programmes. 3. Kothari, Sunil. 2007. Sattriya dance of the celibate monks of Assam, India. Royal Holloway College, University of London.
  16. Lal 1998
  17. (Karanth 1997, hlm. 26). Kutipan:Teater rakyat yakṣagāna bukanlah bentuk teatrikal nan terisolasi. Kami memiliki sejumlah tradisi teater nan sejenis di seluruh Karnataka... Jauh di Assam, kami memiliki sandiwara serupa nan diberi nama ankia nat, di Benggala nan bertetangga, kami memiliki sandiwara jatra nan sangat populer. Di Maharashtra juga ada Tamasa. (p. 26)
  18. "Country proBerkas: India". BBC. Diakses tanggal 2007. 
  19. Dissanayake & Gokulsing 2004
  20. Rajadhyaksha & Willemen (editors) 1999
  21. MacDonell 2004, p. 1-40
  22. Johnson 1998, MacDonell 2004, p. 1-40, and Kalidasa & Johnson (editor) 2001
  23. 1. Encyclopaedia Britannica (2008), "Tamil Literature." Archived 2016-04-10 di Wayback Machine. Kutipan: "Selain sastra tertulis dalam Sanskerta (Indo-Arya) klasik, sastra Tamil adalah sastra tertua di India. Sastra Tamil ditemukan dalam sejumlah tulisan pada batu asal abad ke-3 SM. Walaupun demikian, sastra Tamil umumnya dimulai sekitar abad ke-1 Masehi. Puisi nan barasa dari era nan lebih awal berupa puisi keagamaan atau epos; sebagai pengecualian adalah puisi istana nan bersifat sekuler hasil tulisan anggota sangam atau akademi sastra (lihat sastra Sangam)." 2. Ramanujan 1985, p. ix-x Kutipan: "Puisi-puisi tersebut tergolong klasik, dalam pengertian barasa dari masa lampau atau kuno; mereka juga tergolong klasik dalam pengertian karya tersebut bertahan tidak ketinggalan zaman, semuanya merupakan karya inti dari keseluruhan tradisi. Tidak mengenal karya-karya tersebut berarti tidak mengenal pencapaian kesusastraan nan utama dan unik dalam peradaban India. Bentuk awal sastra Tamil (kira-kira asal 100 SM-250 M) misalnya berupa Delapan Antologi (Eţţuttokai), Sepuluh Puisi Panjang (Pattuppāţţu), dan tata bahasa nan disebut Tolkāppiyam atau "Komposisi Lama". ... Sastra klasik Tamil di kemudian hari dikenal sebagai sastra Cankam (diucapkan Sangam). (pp. ix-x)"

Pranala lua[suntiang | suntiang sumber]