Urang Akit
| Suku Akit Akik |
|---|
| Jumlah populasi |
|
2016: kampuang jangkang 431 Jiwa. |
| Kawasan bapopulasi cukuik banyak |
| Indonesia:
Kabupaten bengkalis: Pulau Rupat |
| Bahaso |
| Akit |
| Agamo |
| Buddha, Kristen, Islam |
| Kalompok etnik takaik |
| Urang Tionghoa |
Suku Akit atau Suku Akik marupokan salah satu suku asli yang mandiami daerah Hutan Panjang jowilayah Provinsi Riau. Suku Akit iko marupokan salah satu sub-suku ras (Proto Malayu) yang juo mandiami wilayah Pulau Rupat tapeknyo di Kacamatan Bengkalis Kabupaten Bengkalis, jo Kabupaten Kapulauan Meranti tapeknyo di Pulau Padang ( Sungai Labu,Kudap, Dedap, Selat Akar, Bagan Melibur, Kunsit), Pulau Merbau (Cemaning, Ketapang, Renak Dungun), Pulau Tebing tinggi (Tanjung Peranap, Aer mabuk,Kundur, Lalang, Sesap, Batin Suir) dan Pulau Rangsang (Api-api, Linau Kuning, Bungur-Kuala parit, Sonde,Sungai Rangsang, Tanjung sari, Sokop, Mereng, Bandaraya, Banau, Sipije), juo di Kabupaten Pelelawan tapeknyo di Kacamatan Kuala Kampar Pulau Mendol.[1] Suku iko mamaluak aliran kapicayoan, Buddha, Islam jo Kristen. Suku iko alah lamo mandiami pulau iko sabalum suku-suku lainnyo dan manjadikan pulau iko sabagai tampek tingga. Mato pancarian Suku Akit adolah dari baburu jo meramu, sarato palawik. Untuak mampararek solidaritas dalam Suku Akit mako sajak taun 2000 alah tabantuak Limbago Adat Suku Asli Akit (LASA) di tingkek Kabupaten, tingkek Kacamatan jo tingkek Kampuang/Nagari. Saat iko Suku Akit alah banyak babarua jo masyarakaik lainnyo.
Masyarakaik Suku Akit yang tasebar di Kacamatan Rupat jo Kacamatan Rupat Utara khususnyo di Kampuang Titi Akar. Umumnyo masyarakat Kampuang Jangkang punyo hubuangan kakarabatan jo masyarakaik kampuang Titi Akar.
Data profil Kaluarahan kampuang Jangkang taun 2016, manyabuikkan panduduak Suku Akit manduduaki urutan katiga tabanyak (Melayu 861 jiwa, Jawa 737 jiwa) dari total jumlah panduduk 2173 jiwa (583 KK). Suku Akit bajumlah sabanyak 431 jiwa dengan jumlah laki laki 208 jiwa, jo padusi 223 jiwa, totalnya 133 KK.
Budayo jo kahidupan[suntiang | suntiang sumber]
Sasuai namonyo urang akit atau urang akik dikenal dek masyarakaik umum sabagai suku yang dilatar balakangi dari kahidupan urang ko yang pado zaman dahulu banyak hiduik jo mahabian harinyo di rakik. Rakik kiko urang suku tu gunoan untuak bapindah dari muaro-ka muaro atau pinggia pantai.[2]
Urang akik di maso dulu biasonyo mambuek rumah di atau bangunan sadarhana di pinggia pantai, yang mano bangunan iko biasonyo di gunoan katiko mangarajoan karajo yang ado di darek.
Suku akik iko juo marupokan salah satu suku yang tamasuak kadalam suku tapancia (Komunitas adat terpencil), yang mano kahidupannyo iolah hanyo di ateh akik kalau indak di pinggia pantai dan suku akik iko kini juo bakarajo sadarhana yaitu sabagai buruh panglong (dapur) pambuatan arang yang baroprasi di pamukiman kampuang Hutan Panjang.
Kapicayoan[suntiang | suntiang sumber]
Masyarakaik Suku Akit dahulunyo manganut kapicayoan animisme. Agamo asli masyarakaikSuku Akit picayo pado babagai makhluk halus, roh, jo babagai kakuatan gaib dalam alam samesta, khususnyo dalam lingkuangan kahidupan manusia yang mampunyoi pangaruah tahadap kasijahteraan hiduik urang iko. Sabagai contoh, pado wakatu tatantu sakali masyarakaik Suku Akit inindak buliah malawik jo mahiduikkan api sarato mamatahkan kayu di rimbo, hal iko diyakini dapek manimbuakan kasialan bagi urang tu. Tapi sairing pakambangan zaman jo masuaknyo padagang Chino dalam kahidupan masyarakaik Suku Akit, mambuek urang ko palahan-lahan masyarakaik Suku Akit maninggakan agamo niniak moyangnyo yang basifat animisme.[2]
Masyarakaik suku Akit kini umumnyo baragamo Budha dan harus ado patuang Budha di munugko rumahnyo atau di ruang tamu atau di ruang tangah. Tando yang lain adolah digantuangkannyo kain Sirah (Merah) di ateh pintu mungko atau lampion yang tabuek dari karateh atau balon bawarna sirah.
Penduduak Suku Akit mayoritas manganuik agamo Budha, sabagian ketek adolah Kristen jo Islam, masuaknyo agamo Kristen jo Islam tajadi karano panikahan. Sairiang kamajuan zaman, Suku Akit dibantu samo pamuko agamo Budha yang ado di kota bengkalis.[2]
Tarian[suntiang | suntiang sumber]
Suku urang Akit mampunyo babarapo tarian yang manjadi tradisi jo kabudayaannyo, yang mano sabalum mamulai tari-tarian biasonyo akan diadokan dulu sabuah ritual sabagai pambukak. Ritual iko sandiri biasoyo di pimpin oleh saurang padusi tuo (Pangasua Nasi Gadang), yang basimpuah di mungko Kepuk (karangka kayu batingkek). Kamudian beko inyo malakukan ritual panyambutan kapado ruah niniak moyang yang akan di panggia jo caro manancapkan lidi ka nasi kuniang jo sasambahan lain yang alah disadiokan, sasudah prosesi ritual iko di karajoan baru beko para tamu undangan di pasilahkan manduduaki tampek yang alah ado.
Ado banyak macam tari dari suku akit iko, antaro lain:[3]
- Tari Mak Inang, Tari Mak Inang marupokan tari pambukak yang manunjuakkan panghormatan kapado para tamu. Kearifan lokal yang mancuaik dari paristiwa iko iolah mamuliakan tamu marupokan tindakan elok yang harus dilakukan. Uluran tapak siriah manjadi simbol katabukaan jo panarimoan yang elok dari urang iko kapado tamu yang datang.
- Tari Mak Ling, Tari iko iolah tarian yang di karajoan dek Limo atau labiah anak bujang yang ka basunat, yang mano tarian iko manjadi simbol kajantanan, karismati, sarato kabaranian bagi anak bujang.
- Tari Gendong, Kamudian tari iko iolah sabagai baliak dari tari Mak Ling yang mano akan ado limo urang anak gadih yang akan masuak katiko tari Mak Ling sadang balangsuang dan beko inyo akan saliang bapasangan. Tarian iko iolah tarian untuak manyambuik anak gadih yang akan ditindiak talinggonyo.
- Tari Kitang, Tari iko sifatnyo iolah sabagai hiburan, yang mano tarian iko bebas dilakukan dikondisi acara apo sajo, elok katiko acara panghormatan tamu, basunat, jo batindiak. Tarian iko akan ditarikan dek ampek urang laki-laki yang babusana serba kuniang.
Pautan lua[suntiang | suntiang sumber]
- (Indonesia)Lindungi Bahasa Daerah sebagai Aset Bangsa, Kemendikbudristek Revitalisasi Bahasa Melayu Riau
Rujuakan[suntiang | suntiang sumber]
- ↑ Melalatoa, M.J. (1995). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. hlm. 15. Diakses tanggal 2023-1-27.
- ↑ a b c "Kehidupan Masyarakat Adat Suku Akit dan Kearifan Lokal [tulisan 1] | Bahtera Alam" (dalam bahasa Inggris). Diakses tanggal 2023-01-27.
- ↑ developer, mediaindonesia com (2021-06-20). "Meneroka Tari Adat Suku Akit Hutan Panjang". mediaindonesia.com (dalam bahasa Indonesia). Diakses tanggal 2023-01-27.