Lompat ke isi

Urang Dayak Punan

Wikipedia Minangkabau - Lubuak aka tapian ilimu
(Dialiahkan dari Urang Punan)
Suku Dayak Punan
Seorang kepala suku Dayak Punan
Jumlah populasi

kurang lebih 20.000.

Kawasan bapopulasi cukuik banyak
11.044 Jiwa di Kalimantan Barat

8.956 Jiwa di Kalimantan Timur

Bahaso
bahasa Dayak, Indonesia
Agamo
Kristen, Kaharingan
Kalompok etnik takaik
Dayak (Ngaju)
Kaluargo Punan pado taun 1905-1914
Saurang gadih dan saurang ibu Punan basamo anak keteknyo (litografi badasarkan gambar oleh Carl Bock, 1887)

Dayak Punan adolah salah satu rumpun suku Dayak yang barado di Kalimantan Barat, Kalimantan Tengah, dan Kalimantan Timur.[1] Di 6 (anam) kabupaten di Kalimantan Timur tadapek 8.956 jiwa suku Punan yang tasebar pado 77 lokasi pamukiman.[2] Suku-suku Dayak yang tamasuak rumpun Punan diantaronyo:

  1. Suku Dayak Hovongan di Kapuas Hulu, Kalbar
  2. Suku Dayak Uheng Kereho/Oloh Ot Nyawong/Suku Dayak Seputan di Kapuas Hulu, Kalbar
  3. Suku Dayak Punan Murung di Murung Raya, Kalteng
  4. Suku Dayak Aoheng (Suku Penihing) di Kalimantan Timur
  5. Suku Dayak Punan Merah/Suku Dayak Punan Serata/Suku Dayak Punan Langasa/Suku Dayak Punan Nya'an
  6. Suku Dayak Punan Aput-Busang
  7. Suku Dayak Merap
  8. Suku Dayak Punan Tubu[3]
  9. Suku Dayak Ukit/Suku Bukitan/Suku Beketan
  10. Suku Dayak Bukat
  11. Suku Dayak Punan Habongkot
  12. Suku Dayak Panyawung
  13. Suku Dayak Punan Lisum
  14. Suku Dayak Punan Kelay-Segah di Sungai Kelay, Kabupaten Berau, Kalimantan Timur

Punan Murung

[suntiang | suntiang sumber]

Suku Dayak Punan di Kalimantan Tengah tadapek di pahuluan batang aia Barito yaitu di Kabupaten Murung Raya yang dikenal sabagai suku banamo Dayak Punan Murung. Kabanyakan suku-suku Dayak di Kalimantan Tangah tamasuak rumpun Ot Danum kacuali suku Dayak Punan Murung.

Punan Hovongan

[suntiang | suntiang sumber]

Dayak Punan marupokan ciek dari babarapo subsuku Dayak yang mandiami pahuluan Batang Aia Kapuas. Etnis yang dulunyo marupokan banso nomaden (bapindah-pindah), kini lebiah manatap dan mamparaktekkan sistim patanian bagilia baliak (baladang). Sub-etnis dayak Punan yang mandiami pahuluan Batang Aia Hovongan (Bungan), anak batang aia Kapuas yang tadiri dari beberapa kampuang:

  1. Nanga Lapung
  2. Nanga Bungan
  3. Tanjung Lokang
  4. Belatung (sabagian)
  5. Hovo'ung (sabagian)
  • Panduduak

Pakiroan jumlah panduduak hampia 2000 jiwa.

  • Kapalo Adat

Kalompok iko mampunyoi surang Tumenggung atau datuak yaitu "Akek Dalung Tapa" (*baru maningga dunia akhir bulan juni 2009) dan kini ko digantikan samo anak bujangnyo yaitu Temenggung Abang Dalung (2009).

  • Temenggung
    • Temenggung jo Kapalo adat mampunyoi peran yang babeda, Kapalo adat labiah kapada adat istiadat sadangkan karajo Temenggung mampunyoi peran pentiang dalam kadaulatan wilayah ketemenggungan.
  • Bahasa Hovongan

Kode Bahaso Hovongan adolah HOV.

Punan Uheng Kereho

[suntiang | suntiang sumber]

Iolah sub suku Punan yang mandiami pahuluan Batang Aia Kapuas jo batang Aia keriau/Kereho sub iko tadiri dari babarapo kampuang:

  1. Nanga Enap
  2. Nanga Erak
  3. Nanga Balang
  4. Sepan
  5. Salin
  6. Bu'ung (sebagian)
  7. Belatung (sebagian)
  • Kapalo Adat

Kalompok iko mampunyai surang temenggung yaitu Agustinus Djangin.

  • Populasi Panduduak

Populasi etnis ini dipakirokan sakitar 2500 Jiwa.

  • Bahaso Uheng Kereho

Kode Bahasa Uheng Kereho adolh xke

Daerah ketemenggungan Dayak Punan iko dapek dijangkau jo maggunokan transportasi batang aia dari Putussibau jo biaya sewa speed boat barvariasi dari sajuta sampai tigo juta limo ratuih ribu rupiah. Sumber daya alamnyo masih malimpah ruah; sarupo sarang burung walet dan kakayoan partambangan lainnyo. Akan tatapi karano talalu jauahnyo wilayah iko, banyak dari masyarakaik suku iko terisolasi dari dunia lua sahinggo tingkek parekonomian sarato pandidikan sampai kini ko dalam tingkek yang mengkhawatirkan.

Di satiok kampuang-kampuang urang Punan anak yang basakolah hinggo manamaikkan pandidikan dasar dapek dihituang jo jari tangan, apolagi yang manamatkan bangku kuliah.

Punan Kelay

[suntiang | suntiang sumber]

Dayak Punan Hulu Kelay mandiami hulu sungai Kelay, Kabupaten Berau, Kaltim tadiri:

  1. Kampuang Long Sului, Kelay, Berau
  2. Kampuang Long Macin, Kelay, Berau
  3. Kampuang Long Lamjan, Kelay, Berau
  4. Kampuang Long Keluh, Kelay, Berau
  5. Kampuang Long Duhung, Kelay, Berau
  6. Kampuang Long Beliu, Kelay, Berau

Sijarah

[suntiang | suntiang sumber]

Manuruik carito yang ado suku Punan ko barasa dari Yunan, dataran cino.[4] Urang suku Punan manuruik sijarah tuturnyo urang suku punan iolah palarian dari cino yang kalah dalam baparang, kamudian malarikan diri manggunokan kapa-kapa sampai kapulau Kapulau Kalimantan. Salain ado di kapulauan Kalimantan suku iko juo ado di Sabah jo Serawak Malaysia Timur.

Diantaro 400 suku nan ado di Kalimantan suku Punan marupokan suku yang sagalo kalabiahan, urang suku ko dikenal sabagai suku yang paliang hebat, tangguh, katiko baparang jo baburu, sarato batahan hiduik di alam. Apobilo ado masyarakaik awam yang tasasek di hutan biasonyo masyarakaik maminta tolong ka urang Punan untuak mancari, dan sabagai imbalannyo urang Punan maminta Garam jo Tambakau sabagai kabutuhan pangan sahari-harinyo.

Organisasi suku Dayak Punan

[suntiang | suntiang sumber]
  • Yayasan Adat Punan (YAP), JL. Anggrek Merpati I/96 Kompleks Batu Alam Permai, Samarinda Kode Pos 75124.

Pranala lua

[suntiang | suntiang sumber]

Rujuakan

[suntiang | suntiang sumber]
  1. ↑ (Inggirih)Sellato, Bernard (1994). Nomads of the Borneo rainforest: the economics, politics,and ideology of settling down. University of Hawaii Press. ISBN 0-8248-1566-1. http://books.google.co.id/books?id=T_TGggCgjRgC&lpg=PA26&dq=suku%20bukat&pg=PA13#v=onepage&q=suku%20bukat&f=false. ISBN 978-0-8248-1566-0
  2. ↑ Potret Punan Kalimantan Timur
  3. ↑ (Inggirih) Sercombe, Peter (2008). Beyond the Green Myth: Borneo's Hunter-Gatherers in the Twenty-First Ce. NIAS Press. pp. 121. ISBN 8776940187. http://books.google.co.id/books?id=9pgXMSYrC6AC&lpg=PA114&dq=banjar%20malaysia&pg=PA121#v=onepage&q=banjar%20malaysia&f=false.  ISBN 978-87-7694-018-8
  4. ↑ Maulida, Putri. "Suku Punan, Suku Dayak Pedalaman Penjaga Hutan Rimba". www.goodnewsfromindonesia.id (dalam bahasa Indonesia). Diakses tanggal 2023-01-16. 


Diambiak dari "https://min.wikipedia.org/w/index.php?title=Urang_Dayak_Punan&oldid=2503879"