Lompat ke isi

Urang Mandar

Wikipedia Minangkabau - Lubuak aka tapian ilimu
Urang Mandar
ᨔᨘᨀᨘ ᨆᨊᨛᨉᨑᨛ
سوكو ماندار
Pambarasihan Pusako Urang Mandar.
Jumlah populasi

1,2 juta jiwa di Indonesia (2015)

Kawasan bapopulasi cukuik banyak
Sulawesi Barat: sakita 569.322 .
Sulawesi Selatan: 489.986.
Kalimantan Selatan: 49.322.
Kalimantan Timur: 33.000.
Bahaso
Mandar, Indonesia.
Agamo
Islam (95%), Kristen Protestan (5%)
Kalompok etnik takaik
Mamasa, Pattae, Bugis, Makassar, Toraja

Suku Mandar (aksara Lontara: ᨔᨘᨀᨘ ᨆᨊᨛᨉᨑᨛ; Jawi: سوكو ماندار) adolah suku bangso nan manampuah wilayah Sulawesi Barat, jo bagian Sulawesi Selatan, dan Sulawesi Tengah. Populasi Suku Mandar jo jumlah Signifikan dapek juo ditamui di lua Sulawesi mode Kalimantan Selatan, Kalimantan Timur, Jawa dan Sumatera hinggo ka Malaysia. Katiko sensus panduduak tahun 2000 ditamui kalau ado labiah dari 250 ribu urang Mandar di Sulawesi Selatan, tapi iko labiah manunjuak jumlah panutuik bahaso Mandar pado tahun itu kabupaten Majene, Polewali Mandar, dan Mamuju panutua Bahaso Mandar juo banyak, mako angkeknyo ka labiah dari 350 ribu jiwa di tigo kabupaten, Majene, Polewali Mandar dan Mamuju pado wakatu itu, karano sensus tahun 1 manunjuakan jumlah panduduak Majene 120 830 jiwa, Polewali Mandar 260 384 jiwa, Mamuju 99,796 jiwa.[1]

Padusi Mandar dari kalangan rang kayo

Lata balakang[suntiang | suntiang sumber]

Mandar iolah sabuah kesatuan etnis nan barado di Sulawesi Barat. Pado jaman dulu, sabalun tajadi pamekaran wilayah, Mandar basamo jo etnis Bugis, Makassar, dan Toraja manambah baragam etnik nan ado di Sulawesi Selatan. Walaupun sacaro politis Sulawesi Barat dan Sulawesi Selatan diagiah sekat, sacaro historis dan kultural Mandar tatap takaik jo "sapupu-sapupu" serumpunnyo di Sulawesi Selatan. Istilah Mandar marupokan ikatan persatuan antaro tujuah karajaan di pasisiah (Pitu Ba'ba'na Binanga) dan tujuah karajaan di gunuang (Pitu Ulunna Salu). Ka-14 kakuatan ko saliang malengkapi, "Sipamandar" (mangguangkan) sabagai ciek banso malalui pajanjian nan disumpahan dek nenek moyangnyo di Allewuang Batu di Luyo.[1]

Rumah adaik Urang Mandar disabuik Boyang. Parayaan-perayaan adaik di antaronyo Sayyang Pattu'du (Kuda Menari), Passandeq (Mangunjuangi lauik jo cadik sandeq), Upacara adaik Urang Mandar, yaitu "mappandoe' sasi" (bamandi aia lauik). Makanan khas di antaronyo Jepa, Pandeangang Peapi, Banggulung Tapa, dll.[2]

Mandar dapek diaratikan tanah Mandar dapek juo aratinyo panduduak tanah Mandar atau suku Mandar.[2]

Pado akhir abaik 16 atau awal abaik 17, negara di nagari Mandar maadoan dirinyo manjadi ciek nagari nan labiah gadang, yaitu tanah Mandar nan tadiri dari Pitu Ul, Saluunna, dan Pitu Babana Binanga, Pitu Babana Binanga lah nan tanamo jo armada lauik Mandar dalam parang Gowa-Bone diabaik ka-17.[2]

Mandar tadiri dari 17 (karajaan) karajaan, 7 (tujoh) karajaan (lamah mirip republik konstitusional nan pusat musyawarah ado di Mambi) hulu nan disabuik "Tu Ulunna Suku Salu", 7 (tujoh) karajaan muara nan disabuik "Tu ba'bana binanga" dan 3 (tigo) karajaan nan bagelelar "Kakaruanna Tiparittiqna Uhai".[3]

Tujuah karajaan nan ado dalam wilayah Persekutuan Pitu Ulunna Salu adolah:[3]

  1. Karajaan Rante Bulahang
  2. Karajaan Aralle
  3. Karajaan Tabulahan
  4. Karajaan Mambi
  5. Karajaan Matangnga
  6. Karajaan Tabang
  7. Karajaan Bambang

Tujuah karajaan yang tagabuang dalam wilayah Persekutuan Pitu Baqbana Binanga adolah:[3]

  1. Karajaan Balanipa
  2. Karajaan Sendana
  3. Karajaan Banggae
  4. Karajaan Pamboang
  5. Karajaan Tapalang
  6. Karajaan Mamuju
  7. Karajaan Benuang

Karajaan nan Baala Kakaruanna Tiparittiqna Uhai atau wilayah Lembang Mappi namun kini adolah bagian dari kerajaan Balanipa, adolah sabagai barikuik:

  1. Kerajaan Allu
  2. Kerajaan Tuqbi
  3. Kerajaan Taramanuq

Di karajaan-karajaan Hulu pandai akan kondisi paunuangan sedangkan karajaan-karajaan Muaro pandai akan kondisi lautan. Dek bateh-bateh sabalah selatan babatasan jo Kab. Pinrang, Sulawesi Selatan, sabalah timur babatasan jo Kab. Toraja, Sulawesi Selatan, sabalah utara babatasan jo Kota Palu, Sulawesi Tengah dan sabalah barat jo selat Makassar.[3]

Sijarah[suntiang | suntiang sumber]

Sapanjang carito sijarah karajaan-karajaan di Mandar, alah banyak malahiakan tokoh-tokoh pajujuang dalam mampatahankan tanah nagari malawan panjajahan VOC, Balando mode: I Maga Daeng Rioso, Puatta' I Sa'dawang, Maraqdia Banggae, Ammana I Wewang, Hj. Andi Depu, walaupun akhianyo wilayah Mandar barasia dirabuik dek Balando.

Dari samangaik urang Mandar nan disabuik samangaik "Assimandarang" sahinggo pado tahun 2004 wilayah Mandar manjadi ciek dari provinsi nan ado di Indonesia yaitu provinsi Sulawesi Barat.[4]

Tokoh tanamo[suntiang | suntiang sumber]

Tokoh Lain[suntiang | suntiang sumber]

Rujuakan[suntiang | suntiang sumber]

  1. a b Ridwan, Edward. "Mengenal Suku Mandar: Asal Usul, Budaya hingga Kehebatannya di Lautan". detiksulsel (dalam bahasa Indonesia). Diakses tanggal 2023-01-24. 
  2. a b c Okezone (2016-02-18). "Mengenal 5 Tradisi Unik Suku Mandar di Sulawesi Barat : Okezone News" (dalam bahasa Indonesia). Diakses tanggal 2023-01-24. 
  3. a b c d "Sejarah Asal Usul dan Peradaban Suku Mandar". 50detik (dalam bahasa Indonesia). 2018-12-21. Diakses tanggal 2023-01-24. 
  4. Media, Kompas Cyber (2022-06-22). "Sejarah Singkat Suku Mandar: Ilmu, Mata Pencaharian, dan Kepercayaan Halaman all". KOMPAS.com (dalam bahasa Indonesia). Diakses tanggal 2023-01-24. 
  5. http://repository.poltekparmakassar.ac.id/316/1/BOOK%20-%20POTENSI%20SEJARAH%20%26%20BUDAYA%20MANDAR%20PERSPEKTIF%20PARIWISATA.pdf