Urang Banggai
| Total populasi | |
|---|---|
| 178.000 | |
| Kawasan jo populasi nan signifikan | |
| Sulawesi Tengah, Indonesia | |
| Bahaso | |
| Bahasa Banggai | |
| Agamo | |
| Islam (mayoritas), Kristen Protestan | |
| Kalompok etnis takaik | |
| Suku Saluan, Suku Balantak |
Urang Banggai marupokan urang nan mandiami hampia sadoalah wilayah Kabupaten Banggai Kepulauan, Kabupaten Banggai Laut, dan bagian dari wilayah Kabupaten Banggai.
Pambahulu urang Banggai barasa dari Banggai Lauik nan dulunyo adalah bakeh Karajaan Banggai dan juo dari Banggai Kapulauan. urang Banggai tabagi manjadi duo yaitu urang Sea-sea nan tingga di pagunuangan dan urang Banggai nan tingga di pesisir pantai.
Urang Banggai punyo kamiripan bahaso, budaya dan tradisi jo urang Saluan dan urang Balantak nan manduduaki Kabupaten Banggai. Ampia sado urang Banggai maadoan agamo Islam. Karajoan urang Banggai biasonyo sabagai patani, nelayan, pegawai pamarintah, dan sebagainya. [1]
Kapercayaan[suntiang | suntiang sumber]
Manuruik data BPS pado tahun 2015, panduduak Kabupaten Banggai kabanyakan baagamo Islam jo persentase 72,36% paleluk agamo Kristen 24,51%, paleluk agamo hindu dan Budha 3,13%.[2] Panyebaran agamo Islam di Sulawesi Tangah adolah Abdullah Raqile nan labiah takenal jo Dato Karamah seorang Ulama dari Sumatra Barat. Agamo Kristen partamo kali disebarokan dek Missionaris dari Balando yaitu A. C. Cruyt dan Adrian di wilayah Poso dan bagian selatan Donggala. Sadangkan agamo Hindu dan Budha dibawok dek para transmigran asal Bali.[2]
Budaya[suntiang | suntiang sumber]
Adaik jo kesenian[suntiang | suntiang sumber]
Bamacam-macam adaik jo kabudayaan dari urang Banggai sangaik melakek dalam masyarakaik nan memang sangaik manarik, musik nan di antaronyo; batongan, kanjar, libul dan lain-lain sarupo itu, ado juo tarian, nan tamasuak Onsulen, Balatindak, Ridan. Cerito rakyat atau legenda nan sangaik banyak nan takenal jo namo Banunut, lagu atau puisi yaitu Baode, Paupe. dan masih banyak lai kesenian tradisional lainnyo.[2]
Ado juo babarapo tradisi nan masih diingek sacaro salalueh dari urang Banggai, misalnyo pas pas parayaan Maulid Nabi Besar Muhammad saw, para masyarakaik urang Banggai ka mambuek sajenis kue nan diagiah namo Kala-kalas, ado juo nan mananyo kaakaras. Kue ko dibuek dari tapuang bareh nan bantuaknyo di goreng, dan kue ko sangaik unik bana, bahkan hanyo ka basobok pas parayaan Maulid Nabi saw se. Salain itu, masih banyak tradisi lainnyo, Upacara adaik misalnyo, upacara pelantikan Tomundo, upacara pelantikan Basalo, dan lain-lain sarupo itu. Tradisi-tradisi dalam masyarakaik pun bamacam, masyarakaik nan tingga di tapi pantai jo masyarakaik nan tingga di pedalaman ka mambari sabuah gambaran nan jauah babeda, kesenian, upacara adaik, bahkan kehidupan adaik sahari-harinyo indak banyak manunjuakan kesamaan, misalnyo, ado sabuah upacara adaik atau parayaan pas para nelayannyo alah mancekek ikan, nan caro mancekek di kenal jo namo sero, sadangkan di pedalaman ka ado pananaman sajenis Umbi nan memang satu-satunyo di dunia ko hanyo ado dan datang dari Banggai, sahinggo di kenal jo namo Ubi Banggai, iko ka mambari sabuah carito surang nan sangaik manakjubkan, nan di mulai dari proses sampai salasai, ka ado banyak sisi-sisi kehidupan tradisi nan mambari gaya artistik nan sangaik baharaga.[2]
Adaik jo tradisi[suntiang | suntiang sumber]
Upacara palantikan Tomundo[suntiang | suntiang sumber]
Upacara Adaik Urang Banggai nan partamo adolah Tomundo. Suku Banggai dikepalai dek surang Tomundo atau surang raja nan punyo 12 urang menteri dari kalangan bangsawan. Upacara pelantikan Tomundo berarti upacara untuak maningkekan surang raja baru nan ka mangutuang Suku Banggai babarapo periode ka tibo. Pamilihan Tomundo surang didasarkan pado asas musyawarah, baitu pulo jo piliahan para pamimpin karajaan.[3]
Walaupun baitu, indak sambarang urang bisa manjadi Tomundo Suku Banggai, kecuali inyo memang punyo keturunan khusus dari Banginsa. Sadangkan nan manjadi ujian pangangkatan Tomundo dicaliak dari kabijaksanoan dan kalakuannyo di tangah-tangah masyarakaik. Katiko calon Tomundo alah ditantuan, mako langkah sabanta tu adalah proses pelantikan nan harus dikarajoan sasuai prosedur. Biasonyo, pelantikan Tomundo dilakuan di hadapan Basalo Sangkap sajenis komite adaik di Suku Banggai Sulawesi Tengah.[1]
Tomundo tapileh juo harus malalui ritual tatantu nan salah cieknyo adolah duduak di pangkuan salah surang anggota Basalo Sangkap. Sasudah tu, inyo harus manduduik ciek batu nan dianggap sabagai wakil dari tomundo-tomundo Suku Banggai sabalunnyo. Sabari mangarajoan ritual ko, wakil Basalo Sangkap taruih maagiah nasehat ka Tumundo untuak bisa berlaku adil dan bijaksana katiko mangunjuangi suku.[3]
Molabot Tumpe[suntiang | suntiang sumber]
Sulawesi Tengah tepatnyo di Kabupaten Banggai ado ciek tradisi bantuak upacara adaik nan masih tatap lestari sampai kini ko. Upacara adaik tu banamo Molabut Tumpe nan manuruik informasi terbaru, upacara alah berlangsung salamo 4 ribu tahun labiah. Ritual Molabut Tumpe dikarajoan dek hampia sado suku bangsa nan ado di Kabupaten Banggai tanpa palainan dilakukan jo masyarakaik dari Suku Banggai. Inyo ka babondong-bondong mambaok talua maleo nan disabuik tumpe ka Karajaan Banggai. Uniknyo, inyo mangantar talua ndak manggunoan transportasi darat salain jo manakok kapa lauik. Telok Maleo harus bajumlah 85 butir nan sabalunnyo harus diinapkan labiah dulu di rumah adaik salamo malam panuah. Sasudah tu, baru diantauan ka dermaga jo dikairangan musik pangiring bantuak drum jo rebana. Pamandang indak buliah ado di muko pambiak talua, tapi harus ado di balakang dan si pambiangan indak buliah baranti sabalun tibo di dermaga. Tradisi Malabut Tumpe wajib talaksana karano masyarakaik sekitar bapandapekan kalau ritual ko bisa manjadi sarana untuak mamadahan bencana. Sadangkan awal mulo munculnyo upacara adaik disinyialir barasa dari jaman Karajaan Banggai nan disabuik Karajaan Benggawi nan tagak gagah di tahun 1600an.[1]
Basalo Sangkap[suntiang | suntiang sumber]
Upacara Adaik Suku Banggai nan masih acok dilakuan adolah acara Basalo Sangkap. Basalo Sangkap sajenis komite adaik nan maurus sado macam keperluan politik di Suku Banggai tamasuak nan mamiliah pemimpin adaik baru nan disabuik Tomundo. Untuak manjadi Basalo, masyarakaik harus juo malalui upacara adaik tatantu, nan indak jauah babeda jo ritual pelantikan Tomundo. C[3]
alon Basalo indak urang sembarangan tapi memang calon tapileh dari 4 sub karajaan nan barado di Banggai. Inyo harus katurunan Basalo sabalunnyo nan punyo kecerdasan dan baparilaku elok. Nantienyo, nyolah urang-urang ko nan ka maningkek kakuwasoan untuak melantik malah manhentikan Tomundo dan Basalo sasudahnyo. Saurang calon Basalo harus punyo jiwa kaadilan dan bijaksana karano cuma karakter ikolah nan mambuek masyarakaik bisa manarangkan harapannyo jo tanang. Maka dari itu, bisa dipastian ndak ka lolos Basalo kalau si calon punyo parangai indak elok atau pernah mangarajoan tindakan malangga hukum.[2]
Ekonomi[suntiang | suntiang sumber]
Mato pancaharian[suntiang | suntiang sumber]
Urang Banggai alah tau patanian misalnyo tanam padi, jaguang, coklat, ubi dan lain-lain. Salain pertanian juo manjadi nelayan, dan kegiatan lainnyo adolah baburu (Baasu), nan marupokan salah ciek kegiatan dari zaman pra-kerajaan Banggai. Dan kegiatan nan sampai kini ko dan ditamui adolah baburu tarutamo di kawasan Pulau Peleng daerah pedalaman.[2]
Rujukan[suntiang | suntiang sumber]
- ↑ a b c Fauzian, M (2021-05-01). "Suku Banggai, Puak Maritim Tunggal di Sulawesi Tengah". Majalahpeluang.com (dalam bahasa Indonesia). Diarsipkan dari versi asli tanggal 2023-01-17. Diakses tanggal 2023-01-17.
- ↑ a b c d e f BPS Kab. Banggai - Jumlah Penduduk Menurut Kecamatan dan Agama yang Dianut di Kabupaten Banggai, 2015 diakses 17 Januari 2023
- ↑ a b c Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 978-979-461-929-2. https://books.google.com/books?id=w_FCDAAAQBAJ&newbks=0&printsec=frontcover&pg=PA254&dq=suku+banggai&hl=id.
