Danau Toba

Wikipedia Minangkabau - Lubuak aka tapian ilimu
Danau Toba
Lokasi Sumatra Utara, Indonesia
Koordinat 2°41′04″N 98°52′32″E / 2.6845°N 98.8756°E / 2.6845; 98.8756Koordinat: 2°41′04″N 98°52′32″E / 2.6845°N 98.8756°E / 2.6845; 98.8756
Jinih danau Gunuang barapi/tektonik
Aliran kalua utamo Sungai Asahan
Talatak di nagara Indonesia
Panjang maks. 100 km (62 mi)
Leba maks. 30 km (19 mi)
Laweh pamukoan 1,130 km2 (440 sq mi)
Kadalaman rato-rato 500 meter
Kadalaman maks. 505 m (1,657 ft)[1]
Volume aia 240 km3 (58 cu mi)
Katinggian pamukoan 905 m (2,969 ft)
Pulau Samosir
Pamukiman Ambarita, Pangururan
Rujuakan [1]

Danau Toba adolah sabuah danau nan maisi kaldera gunuang barapi super (Inggirih: supervolcano), nan talatak di tangah-tangah bagian utara pulau Sumatra, Indonesia. Danau ko baukuran panjang labiah kurang 100 kilometer, lebanyo 30 kilometer, jo kadalamannyo inggo 505 meter (1,666 kaki). Danau ko mampunyoi elevasi muko labiah kurang 900 meters (2,953 ft), jo tabantang dari 2°53′N 98°31′E / 2.88°N 98.52°E / 2.88; 98.52 inggo 2°21′N 99°06′E / 2.35°N 99.1°E / 2.35; 99.1. Iko adolah danau tagadang di Indonesia, juo danau vulkanik tagadang di dunia.[1]

Danau Toba iolah tampek tajadinyo erupsi gadang gunuang barapi super nan kiro-kiro sagadang VEI 8 nan balaku labiah kurang 69,000 inggo 77,000 taun dulu,[2][3][4] jo manjadi paristiwa nan maubah iklim dunia. Iko adolah erupsi nan tagadang di Bumi dalam wakatu 25 juta taun. Maikuik Teori Malapatako Toba, iko mambawo akibaik gadang buek populasi manusia: kajadian ko mambunuah ampia kasadonyo manusia nan iduik pado wakatu tu, jo dipicayoi iko juo mambuek sa kasampikan populasi (Inggirih: population bottleneck) di tangah Afrika timur jo India, nan mambawo akibaik pado bantuak genetik populasi manusia inggo wakatu kini.[5]

Akikaik nan erupsi Toba mambawo pado sabuah musim dingin vulkanik nan sataruihnyo manjadian suhu dunia bakurang antaro 3 to 5 °C (5.4 to 9.0 °F), inggo 15 °C (27 °F) di latitud tinggi, lah ditarimo. Panilitian di Danau Malawi di Afrika Timur manunjuakan jumlah endapan abu dari Toba nan signifikan, tapi indak jo tando parubahan cuaco di Afrika Timur.[6]

Geologi[suntiang | suntiang sumber]

Batu Gantung di Danau Toba

Kompleks kaldera Toba di Sumatra Utara dibantuak dek ampek kawah gunuang barapi tatindiah nan babatehan jo "barisan gunuang barapi" Sumatra. Kaldera nan paliang mudo jo nan kaampek marupoan kaldera Kuartener nan tagadang di dunia (100 by 30 km (62 by 19 mi)) jo maminteh katigo-tigo kaldera nan labiah tuo.

Labiah kurang 2,800 km3 (670 cu mi) barang piroklas dense-rock equivalent, (disabuik tuff) tamudo Toba, dilapehan wakatu latuihan gunuang barapi tagadang dalam sijarah geologi nan tadakek. Sudah erupsi iko, sabuah kubah timbua baliak dalam kaldera baru, jo manyambuang duo kubah separa nan dipisah dek sabuah terban (graben) longitudinal.[3]

Sakurang-kurangnyo ampek kon, ampek gunuang barapi strato, jo tigo kawah dapek diliek di dalam danau. Kon Tandukbenua, nan talatak di bibia barat lauik kaldera anyo ado tumbuahan saketek—iko manunjuakan umua mudo sabanyaik babarapo ratuih taun sajo. Juo, gunuang barapi Pusubukit (1971 meter dari muko lauik), di bibia selatan kaldera, adolah solfatara aktif jo manjadi Cagar Alam Geologi.[7][8]

Latuihan gadang[suntiang | suntiang sumber]

Lokasi Danau Toba (warno merah) di peta.

Latuihan Toba (Paristiwa Toba) balaku di apo nan kini disabuik Danau Toba kiro-kiro 75.000 ± 900 taun dulu.[9] Iko marupoan erupsi taakia nan mambantuak ampek kaldera dilokasi iko, jo kaldera-kaldera lain tabantuak labiah kurang 788.000 ± 2.200 taun dulu.[10] Latuihan taakia iko mampunyoi VEI=8, jo iko mambueknyo latuihan nan paliang gadang dalam wakatu 25 juta taun.

Pamandangan panorama Danau Toba

Urang[suntiang | suntiang sumber]

Sampan Batak dakek Haranggaol di Danau Toba (labiah kurang taun 1920)

Kabanyakan urang nan tingga di sakaliliang Danau Toba adolah dari suku Batak. Rumah-rumah tradisional kaum Batak musaua dek bantuak atok-atoknyo nan tasandiri (malangkuang ka ateh, sarupo badan kapa) jo iasan nan bawarno-warni.[11]

Flora jo fauna[suntiang | suntiang sumber]

Flora danau tamasuak babarapo jinih fitoplankton, makrofita nan bangkik (emerged macrophyte), makrofita taapuang jo makrofita nan karam, samantaro kawasan sakaliliang pulo tadiri dari hutan hujan tamasuak kawasan lereng gunuang nan labiah tinggi di mano hutan pain tropika Sumatra tumbuh.[12]

Fauna tamasuak babarapo spesies zooplankton jo binatang bentos. Dek sabauk danau iko jinih oligotrof, fauna ikan natif agak indak banyaik, jo jinih endemik nan tadapek adolah Rasbora tobana (sabananyo dakek endemik, sabauk juo ado di cawang atau anak sungai nan maalia ka dalam danau tasabuik,[13] jo Neolissochilus thienemanni, nan disabuik dek panduduak satampek sabagai ikan Batak.[14]

Galeri[suntiang | suntiang sumber]

Rujuakan[suntiang | suntiang sumber]

  1. a b c "LakeNet - Lakes". 
  2. "Global Volcanism Program - Toba". Diarsipkan dari versi asli tanggal 2019-03-16. Diakses tanggal 2016-04-14. 
  3. a b Chesner, C.A.; Westgate, J.A.; Rose, W.I.; Drake, R.; Deino, A. (March 1991). "Eruptive history of Earth's largest Quaternary caldera (Toba, Indonesia) clarified" (PDF). Geology. Michigan Technological University. 19 (3): 200–203. Bibcode:1991Geo....19..200C. doi:10.1130/0091-7613(1991)019<0200:EHOESL>2.3.CO;2. Diakses tanggal 2008-08-23. 
  4. Ninkovich, D.; N.J. Shackleton; A.A. Abdel-Monem; J.D. Obradovich; G. Izett (7 December 1978). "K−Ar age of the late Pleistocene eruption of Toba, north Sumatra". Nature. Nature Publishing Group. 276 (276): 574–577. Bibcode:1978Natur.276..574N. doi:10.1038/276574a0. 
  5. "When humans faced extinction". BBC. 2003-06-09. Diakses tanggal 2007-01-05. 
  6. Lane, Christine S.; Ben T. Chorn; Thomas C. Johnson (29 April 2013). "Ash from the Toba supereruption in Lake Malawi shows no volcanic winter in East Africa at 75 ka". Proceedings of the National Academy of Sciences. 110 (20): 8025–8029. Bibcode:2013PNAS..110.8025L. doi:10.1073/pnas.1301474110. 
  7. "Synonyms and Subfeatures: Toba". Global Volcanism Program. Smithsonian Institution. Diarsipkan dari versi asli tanggal February 16, 2009. Diakses tanggal December 13, 2008. 
  8. "Gunung Pusukbuhit". March 3, 2013. Diarsipkan dari versi asli tanggal April 25, 2017. Diakses tanggal April 15, 2016. 
  9. Zielinski, G. A.; P.A. Mayewski; L.D. Meeker; S. Whitlow; M. Twickler; K. Taylor (1996). "Potential Atmospheric impact of the Toba mega-eruption ~71,000 years ago". Geophysical Research Letters. United States: American Geophysical Union. 23 (8): 837–840. Bibcode:1996GeoRL..23..837Z. doi:10.1029/96GL00706. 
  10. "Toba, Sumatra, Indonesia". Oregon State University. Diarsipkan dari versi asli tanggal 2009-02-08. Diakses tanggal 2016-06-01. ]
  11. "Batak People". IndonesianMusic.com. Diarsipkan dari versi asli tanggal 2012-03-03. Diakses tanggal 2016-04-15. 
  12. "Danau Toba (Lake Toba)". International Lake Environment Committee. Diarsipkan dari versi asli tanggal 2009-03-03. Diakses tanggal 2016-04-15. 
  13. Lumbantobing, D. N. (2010). Four New Species of the Rasbora trifasciata-Group (Teleostei: Cyprinidae) from Northwestern Sumatra, Indonesia. Copeia 4: 644-670
  14. Saragih, B., and S. Sunito (2001). Lake Toba: Need for an integrated management system. Lakes & Reservoirs: Research & Management 6(3): 247–251.

Bacoan lanjuik[suntiang | suntiang sumber]

Pautan lua[suntiang | suntiang sumber]