Urang Bidayuh
| Suku Dayak Bidayuh/Bidayeh/Bidoih |
|---|
| Jumlah populasi |
| Kawasan bapopulasi cukuik banyak |
| Sanggau, Bengkayang, Kalimantan Barat: |
| Bahaso |
| bahasa Bidayuh ( sdo ) |
| Agamo |
| Kristen Katolik |
| Kalompok etnik takaik |
| Rumpun Klemantan, suku Dayak |
Suku Dayak Bidayuh iolah sub-suku dari suku Dayak rumpun Klemantan yang marupokan sub-bagian dari kalompok Ribunic/Jangkang yang tadiri ateh suku Dayak Ribun, suku Dayak Pandu, suku Dayak Pompakng, suku Dayak Lintang, suku Dayak Pangkodatn, suku Dayak Jangkang, Suku Dayak Simpakng, suku Dayak Bisomu, Suku Dayak simpang.[3] Suku urang dayak bidayuh ko tapeknyo tingga di tapal bateh antaro wilayah negara Indonesia jo Malaysia, hinggo Brunai Darussalam.
Daerah Domisili
[suntiang | suntiang sumber]Suku Dayak Bidayuh adolah salah satu dari tujuah suku gadang Dayak di Kalimantan (Murut, Banuaka, Ngaju, Iban, Kayan, Ma'anyan, Bidayuh),yang sabagian gadang populasinyo mancakupi wilayah kabupaten Sanggau, Bengkayang, jo sabagiannyo manyebar di wilayah Sekadau, Ketapang jo Sambas.
Suku dayak bidayuh mayoritas badomisili di Kabupaten Sanggau di antaronyo iolah di Kacamatan Kapuas, Parindu, Jangkang, Bonti, Kembayan, Beduai, Sekayam, Entikong jo Kabupaten Bengkayang.
mano kalo jaman dulu di Sarawak, suku bidayuh tatumpu di kampuang-kampuang Samarahan jo Kuching. Ado babarapo ahli yang sempat manaliti asal-usua bidayuh iko. Tapi, indak ado satupun yang otentik dan manyangkuik sagalo sendi kahidupanmasyarakaik bidayuh. Manuruik Prof. Richard McGinn suku dayak Bidayuh mampunyoi hubuangan kakarabatan yang dakek jo suku jebon layak Bukar-Sadong.
Saudara-saudaranyo yang sarumpun rato-rato tingga jo manatap di Sarikin, di sabuik bidayuh Sarawak. Meskipun tadapek pamisahan pabatasan nagara, kaduo sub-suku ko masih barusaho manyatu.[4] Dijelaskan jugo kalau masyarakaik pabatasan di Bekayang dan Sarawak pado dasarnyo mampunyo kasamoan aspek-aspek sarupo tradisi jo bahaso. Kaduo komunitas iko di pisahkan oleh bateh-bateh politik administrasi, namun masih tamasuak masyarakaik adat yang samo. Urang tu mamakai identitas kabudayaan yang samo, sarato mampunyoi sijarah yang samo di maso lalu.
Mato pancaharian
[suntiang | suntiang sumber]Kabanyakan mato pancaharian panduduak suku urang dayak Bidayuh adolah baladang bapindah tampek, patani karet, buruah lapeh. Hanyo sabagian ketek yang baprofesi sabagai pagawai pamarintah jo pedagang, apolagi pajabat pamarintah. Hanyo pado dekade iko ado babarapo putra daerah yang manduduaki jabatan-jabatan pentiang di pamarintahan.
Alasan utamo mato pancaharian panduduak damikian adolah kurangnyo akses ilmu pangatahuan jo teknologi sarato minimnyo sarana pandidikan disitu. Bayangkan, anak-anak mesti bajalan sajauah puluahan kilometer jo bajalan kaki untuak mancapai akses pandidiakan. Indak mangherankan banyak ouang tua yang labih mamentiangkan pamanuahan kabutuhan ekonomi dari pada pandidiakan.
Ado ciek hal yang menarik dari kahidupan masyarakaik dayak bidayuh. Keadaan alam yang indak mandukuang usaho pertanian disikapi dengan mambukak ladang patanian, untuak kamudian dibaka. Hal iko dilakukan untuak manggemburkan tanah. Kaadaan alam yang damikian diimbangi jo aneka tanaman rimbo yang bisa dimanfaatkan sabagai makanan tarutamo buah-buahan. Masyarakaik Bidayuh sangaik jarang mangonsumsi sayuran. Makanan sahari-hari adolah nasi jo lauk pauk yang diolah surang, jo bumbu-bumbu khas dayak. Makanan urang ko didominasi samo raso asin jo asam. Saat musim buah tibo, sabagian gadang profesi barubah manjadi patani buah dadakan. Biasonyo buah yang di ambiak dari rimbo jo ladang dibaok pulo ka pasa untuak dijua. urang suku bayah bidayuh alah mangenal keppiang saruponyo urang Indonesia pado umumnyo.
Agamo
[suntiang | suntiang sumber]Mayoritas panduduak bidayuh di Kalimantan Barat manganut agamo Kristen Katolik, sisonyo adolah Kristen Protestan, mano bilo di Sarawak mampunyoi bilangan Protestan jo Katolik yang hampia seimbang. Etnis Tionghoa disitu kabanyakan alah kawin campua jo panduduak asli.
Adat Bidayuh
[suntiang | suntiang sumber]Nyobeng marupokan salah satu adat Bidayuh yang cukuik dikenal urang, yang mano adat iko marupokan sabuah ritual panghormatan Pengayauan (Kayau) yang alah di lakukan pado zaman dahulu. Kayau iolah sabuah istilah lokal yang bararti mamenggal kapalo musuah dalam sabuah paparangan. [5] Kapalo yang di penggal iko baka di baok baliak pulang ka rumah atau pamukiman kamudian di simpan.
Walau tradisi mamenggal kapalo musuah alah di tinggakan bataun-taun lamonyo tapi budaya nyobeng iko masih di patahankan, dan biasonyo upacara nyobeng iko baka di adokan satiok taun pado tanggal 15 Juni sasudah maso panen padi di kampuang Hli Buei-Sebujit, kacamatan Siding, Kabupaten Bongkayang. Kagiatan utamo iolah mamandikan kapalo tangkorak musuah yang alah lamo disimpan di balug (rumah adat suku Bidayuh), yang marupokan sabagai wujuik panghormatan tahadap roh niniak moyang. Informasinyo, kapalo tangkorak iko iolah kapalo pamimpin atau patinggi, jo urang yang di hormati di suku lain yang alah di kalahkan. Arwah urang yang di kayau iko dianggap maagiah palinduangkan kapado masyarakaik bidayuh.
Upacara Nyobeng sandiri dibagi manjadi duo, yaitu hliniau (untuak kaum laki-laki) jo nambok (untuak kaum padusi). Upacara diawali manyambuik para tamu (sammah) yang didahului jo ucapan salamat datang, teriakan (tariyuh) jo letusan sanjato khas lantak. Salanjuiknyo dilakukan pambacoan mantera untuak mausia roh jahat/ pamanggilan roh leluhur disaratoi palemparan talua yang batujuan mambarikan samangaik kapado para tamu. Tahapan barikuik adolah pamotongan anak anjiang jo ayam sabagai tando pasembahan sesajian. Ritual puncaknyo adolah mamandikan/manyucikan tangkorak jo benda pusako dengan darah ciliang. Acara diakhiri jo makan basamo. Upacara Nyobeng iko manganduang nilai padamaian yang tampak dari pasembahan tari Mamiamis jo panghormatan bagi tangkorak kapalo musuh.[5]
Lagu Daerah Dayak Bidayauh
[suntiang | suntiang sumber]- Pantun Mekat Bujang (Indonesia)
- Melu Bicinta (Malaysia)
- Kalimantan Pulau Borneo (Indonesia)
- Kambang Layo (Indonesia)
Tari Dayak Bidayuh
[suntiang | suntiang sumber]Pranala lua
[suntiang | suntiang sumber]- (Inggirih) Rumah Panjang Bidayuh Sarawak-Malaysia
- (Inggirih) Tari Bidayuh di Bintulu-Sarawak
Catatan kaki
[suntiang | suntiang sumber]- ↑ http://www.scribd.com/doc/76772355/35761837-Faktor-Etnis-Dalam-Pilkada-LSI-Network
- ↑ (Inggirih) Bevis, William W. (1995). Borneo log: the struggle for Sarawak's forests. University of Washington Press. pp. 152. ISBN 0295974168. http://books.google.co.id/books?id=8NOSZW0BTrkC&lpg=PP1&dq=borneo&pg=PA152#v=onepage&q&f=false.ISBN 9780295974163
- ↑ Melalatoa, M.J. (1995). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. hlm. 216–217. Diakses tanggal 2023-1-20.
- ↑ Maarif, Nurcholis. "Mengenal Dayak Bidayuh, Suku Serumpun di Tapal Batas RI-Malaysia". detiknews (dalam bahasa Indonesia). Diakses tanggal 2023-01-20.
- ↑ a b "Warisan Budaya Takbenda | Beranda". warisanbudaya.kemdikbud.go.id. Diarsipkan dari versi asli tanggal 2023-01-30. Diakses tanggal 2023-01-30.
