Karajaan Pagaruyuang
- Untuak nagari nan banamo samo, caliak Pagaruyung, Tanjung Emas, Tanah Datar.
| |||||||||||||||||||||||||||||
Karajaan Pagaruyuang atau Pagaruyuang adolah Karajaan Malayu nan pernah badiri, maliputi propinsi Sumatra Barat nan ado kini jo daerah-daerah di sakitarnyo. Namo karajaan iko dirujuak dari Tambo masyarakaik Minangkabau, iyolah namo sabuah nagari nan banamo Pagaruyuang. Karajaan iko akhianyo runtuah pado maso Parang Padri. Ditandotanganinyo pajanjian antaro kaum Adaik jo pihak-pihak Balando menjadiaan Karajaan Pagaruyuang barado dalam pangawasan Balando.[1]
Namo karajaan iko dirujuak dari namo pohon nibung atau ruyuang,[2] sarato dapek dirujuak dari inskripsi cap mohor Sultan Tangkal Alam Bagagar dari Pagaruyung,[3] yaitu pado tulisan baaksara Jawi dalam lingkaran bagian dalam nan babunyi (Jawi: سلطان توڠݢل عالم باݢݢر ابن سلطان خليفة الله يڠ ممڤوڽاءي تختا کراجأن دالم نݢري ڤݢرويڠ دار القرار جوهن برداولة ظل الله في العالم; Latin: Sulthān Tunggal Alam Bagagar ibnu Sulthān Khalīfatullāh nan mampunyoi tahta karajaan dalam negeri Pagaruyung Dārul Qarār Johan Berdaulat Zhillullāh fīl 'Ālam).[4] Sayangnya, pado cap mohor tersebut indak tertulis angko tahun maso pamarentahannyo.
Sabalunnyo karajaan iko tagabuang dalam Malayapura,[5] sabuah karajaan nan pado Prasasti Amoghapasa disabuikan dipimpin dek Adityawarman[6], nan mangukuhan dirinyo sabagai panguasa Bhumi Malayu di Suwarnabhumi. Tamasuak pulo di dalam Malayapura adolah Karajaan Dharmasraya jo babarapo karajaan atau daerah taklukan Adityawarman lainnyo.[7]
Asa usua[suntiang | suntiang sumber]
Dari Tambo nan ditarimo dek masyarakaik Minangkabau indak ado nan mambarikan penanggalan dari satiok kajadian nan balaku, jikok maanggap Adityawarman adolah pandiri dari karajaan iko, tambo sandiri indak jaleh manyabuiknyo. Namun dari babarapo batu basurek zaman Adityawarman, manunjukan Adityawarman tu memang parnah manjadi rajo di nagari tu, tapeknyo manjadi Tuan Saruaso, sarupo panafsiran dari batu basurek Batusangka.
Dari manuskrip nan dipaek baliak dek Adityawarman pado bagian balakang Arca Amoghapasa[8] disabuikan pado tahun 1347 Adityawarman mamproklamasiaan diri manjadi rajo di Malayapura, Adityawarman marupoan putra dari Adwayawarman takah nan tapaek pado Prasasti Kuburajo, jo anak dari Dara Jingga putri dari Karajaan Dharmasraya nan disabuik pulo dalam Pararaton. Inyo sabalunnyo basamo-samo Mahapatih Gajah Mada baparang manaklukan Bali jo Palembang,[9] sangkek manjabaik kamungkinan Adityawarman mamindahan pusek pamarentahannyo ka daerah padalaman Minangkabau.
Dari prasasti Suruaso nan baaksara Malayu manyabuikan Adityawarman manyalasaian pambangunan banda untuak mangairi taman Nandana Sri Surawasa nan sanantiaso kayo akan padi[10] nan sabalunnyo dibuek dek pamannyo yaitu Akarendrawarman nan manjadi rajo sabalunnyo, sahinggo dapek dipastian sasuai jo adaik Minangkabau, pawarisan dari mamak ka kamanakan alah tajadi pado maso tersebut.[11] Samantaro itu, pado sisi lain dari saluran irigasi tersebut ado juo sabuah prasasti nan baaksara Nagari atau Tamil, sahinggo dapek manunjuakan adanyo sakalompok masyarakaik dari selatan India dalam jumlah nan signifikan pado kawasan tersebut.[10]
Adityawarman pado awalnyo dikirim untuak manunduakan daerah-daerah penting di Sumatra, jo bertahta sabagai raja bawahan (uparaja) dari Majapahit.[12] Namun, dari prasasti-prasasti nan ditinggaan dek rajo iko alun ado ciek alah pun nan manyabuik sasuatu hal nan bakaikan jo Bhumi Jawa dan kudian dari berita Tiongkok diketahui Adityawarman pernah mangiriman utusan ka Tiongkok sabanyak 6 kali salamo rentang wakatu 1371 sampai 1377.[11]
Sasudah maningganyo Adityawarman, kamungkinan Majapahit mangiriman baliak ekspedisi untuak manaklukan karajaan iko pado tahun 1409.[12] Legenda-legenda Minangkabau mancataik partampuran dahsyat jo tantaro Majapahit di daerah Padang Sibusuk. Konon daerah tersebut dinamoan baitu dek banyaknyo mayat nan bagalimpangan di sinan. Manuruik legenda tersebut tantaro Jawa berhasil dikalahan.
Sabalun karajaan iko tagak, sabanarnyo masyarakaik di wilayah Minangkabau alah mamiliki sistem politik samacam konfederasi, nan marupoan limbago musyawarah dari babagai nagari jo luhak. Dicaliak dari kontinuitas sijarah, Karajaan Pagaruayung marupoan samacam parubahan sistem administrasi samato bagi masyarakaik satampek.
Pengaruh Islam[suntiang | suntiang sumber]
Pakambangan agamo Islam sasudah akhia abaik ka-14 saketek banyaknyo maagiah pangaruah tarutamo nan bakaikan jo sistem patrialineal, dan maagiah fenomena nan relatif baru pado masyarakaik di padalaman Minangkabau. Pado awal abaik ka-16, Suma Oriental nan ditulih antaro tahun 1513 jo 1515, mancataik dari katigo rajo Minangkabau, hanyo ciek nan alah manjadi Muslim sajak 15 tahun sabalunnyo.[13]
Pangaruah Islam di Pagaruyuang bakambang kiro-kiro pado abaik ka-16, yaitu malalui para musafir jo guru agamo nan singgah atau datang dari Aceh jo Malaka. Pado abaik ka-17, Karajaan Pagaruyuang akhianya barubah manjadi Kasultanan Islam. Rajo Islam nan patamo dalam tambo adaik Minangkabau disabuikan banamo Sultan Alif.[14]
Dengan masuaknya agamo Islam, mako aturan adaik nan indak sasuai jo ajaran agamo Islam mulai dihilangan dan hal-hal nan pokok dalam adaik diganti jo aturan agamo Islam. Namun, dalam babarapo hal masih ado sistem jo caro-caro adaik nan dipadiaan dan ikolah nan manjadi salah ciek pamicu pacahnya parang saudara nan dikenal jo Parang Padri, nan pado mulonyo antaro kaum Padri jo kaum Adat nan basengketo pusako rajo Pagaruyuang nan punah,[rujuakan?] sabalun Balando malibatan diri dalam paparangan.[15]
- ↑ Stuers, H.J.J.L. (1849). De vestiging en uitbreiding der Nederlanders ter westkust van Sumatra. P.N. van Kampen.
- ↑ Anonim. 1822. Malayan Miscellanies, Vol II: The Geneology of Rajah of Pulo Percha. Printed And Published at Sumatra Mission Press. Bencoolen
- ↑ Amran, Rusli (1981). Sumatra Barat hingga Plakat Panjang. Penerbit Sinar Harapan.
- ↑ Lihat: Cap mohor Bagagarsyah dari Pagaruyung
- ↑ Casparis, J.G. (1975). Indonesian palaeography: a history of writing in Indonesia from the beginnings to C. A, Part 1500. E. J. Brill. ISBN 978-90-04-04172-1.
- ↑ Mhd. Nur, et al. (2016) "Perjuangan Sultan Alam Bagagar Syah Dalam Melawan Penjajah Belanda di Minangkabau pada Abad ke 19" Agam : Kementerian Pendidikan dan Kebudayaan
- ↑ Casparis, J.G. (1989). "Peranan Adityawarman Putera Melayu di Asia Tenggara". Tamadun Melayu. 3: 918–943.
- ↑ Kern, J.H.C., (1907), De wij-inscriptie op het Amoghapāça-beeld van Padang Candi(Batang Hari-districten); 1269 Çaka, Tijdschrift voor Indische Taal-, Land-, en Volkenkunde.
- ↑ Berg, C.C., (1985), Penulisan Sejarah Jawa, (terj.), Jakarta: Bhratara
- ↑ a b Casparis, J.G. (1990). "An ancient garden in West Sumatra". Kalpataru (9): 40–49.
- ↑ a b Kozok, U. (2006). Kitab Undang-Undang Tanjung Tanah: Naskah Melayu yang Tertua. Jakarta: Yayasan Obor Indonesia. ISBN 979-461-603-6.
- ↑ a b Muljana, S. (2005). Runtuhnya Kerajaan Hindu-Jawa dan Timbulnya Negara-negara Islam di Nusantara. Yogyakarta: PT LKiS Pelangi Aksara. ISBN 979-98451-16-3.
- ↑ Cortesão, Armando, (1944), The Suma Oriental of Tomé Pires, London: Hakluyt Society, 2 vols.
- ↑ Batuah, A. Dt. & Madjoindo, A. Dt., (1959), Tambo Minangkabau dan Adatnya, Jakarta: Balai Pustaka.
- ↑ Kepper, G., (1900), Wapenfeiten van het Nederlands Indische Leger; 1816-1900, M.M. Cuvee, Den Haag.