Urang Ciptagelar

Wikipedia Minangkabau - Lubuak aka tapian ilimu
Urang Ciptagelar
Pernikahan Abah Ugi, Katuo Adaik Kasepuhan Ciptagelar.
Jumlah populasi

15.795[1]

Kawasan bapopulasi cukuik banyak
Kabupaten Sukabumi
Bahaso
Sunda (dialek Banten)
Agamo
Islam, Sunda Wiwitan[2]
Kalompok etnik takaik
Badui • Sunda • Banten

Urang Ciptagelar (bahaso Sunda: Urang Ciptagelar) adolah kalompok masyarakaik adaik nan marupokan bagian dari sub-suku Sunda nan manduduaki wilayah sakita pagunuangan Salak dan Halimun,[3] tapeknyo di Kampuang Adaik Ciptagelar, Desa Sirnaresmi, Kecamatan Cisolok, Kabupaten Sukabumi nan wilayahnyo babateh langsuang jo Kecamatan Cilograng, Kabupaten Lebak di Banten.[4]

Sijarah[suntiang | suntiang sumber]

Sijarah urang Ciptagelar dimulai samo jo didirian Kampuang adaik Ciptagelar pado tahun 1368 nan manuruik sijarah didirikan dek pasatuan Karajaan Sunda nan di parintah Prabu Siliwangi dan ditugasan karano Prabu Siliwangi nio malakukan moksa. Para pajuaro tu kamudian dipisah manjadi tigo kalompok dan mambuek desa baru nan saliang takaik. Salah cieknyo adolah Kampuang Gede nan bafungsi sabagai pusek kasepuhan. Sajak wakatu itu tabantuaklah masyarakaik adaik nan tanamo jo sabutan Urang Ciptagelar nan kini manduduaki wilayah Kampuang adaik Ciptagelar.[5]

Bahaso[suntiang | suntiang sumber]

Bahaso nan dipakai dek masyarakaik Ciptagelar adolah bahaso Sunda, tapi kabanyakan dari inyo bisa juo mangecek Indonesia sacaro elok, salain urang tuo nan usionyo 70 tahun ka ateh, di antaro urang tu ado nan indak bisa bahaso Indonesia. Bahaso nan dipakai dek urang Ciptagelar samo jo bahaso Sunda Banten pada umumnyo, namun inyo bisa mambedahan mana kosakata nan haluih mana nan kasa, tagantuang dek sia nan diajak mangecek.[6]

Struktur kapamimpinan[suntiang | suntiang sumber]

Urang Ciptagelar di Kampuang adaik Ciptagelar dipimpin dek surang ketua adaik nan disabuik Sesepuh Girang. Pamimpin masyarakaik Kasepuhan Ciptagelar ko diturunkan sacaro garih katurunan.[7] Sesepuh Girang dibantu dek babarapo urang nan dalam struktur hierarkisnyo disabuik jo Baris Kolot. Baris Kolot adolah babarapo urang nan dijadian pambimbing, panasihat samo nan maagiah pertimbangan ka sesepuh girang berkaitan jo kapantiangan kalompok sosial Kasepuhan Ciptagelar. Masiang-masiang Baris Kolot ko punyo tangguang jawek sasuai bidangnyo.[8]

Baris Kolot juo batugeh untuak manyuruah sistem norma adaik nan manyuruah masyarakaik badasa pado kapercayoan di nan sanksi adaik indak diagiah sacaro fisik dek pamimpin dan sesepuh adaik, tapi bantuak paruik sakik atau nasib buruak nan ka manimpo. Nilai jo norma adaik palaksanaannyo adolah syarat bagi urang untuak dapek mangidentifikasi diri sabagai bagian dari masyarakaik adaik Ciptagelar.[9]

Sistem nilai dan norma adaik berlaku sabagai dasa untuak parangai masyarakaik. Jabatan dalam sistem adaik mode Rorokan dan Baris Kolot adolah hal nan diagiah berdasakan turun tu, hal ko tamasuak dalam salah ciek sistem norma nan alah talaksanakan sampai kini. Kaparcayoan bakarajo sabagai sistem penyimpanan untuak pangalaman masa lalu, tamasuak pamikiran, ingatan, dan interpretasi ka suatu kajadian.[9]

Kabudayoan[suntiang | suntiang sumber]

Rengkong Seren tahun Ciptagelar ka 649 dan Harmoni Budaya Masyarakik Agraris. Kesenian ko talahia dari Budaya masyarakaik sunda nan kabanyakan tanamo jo mato pencaharian sabagai patani.
Bantuak rumah nan ado do Ciptagelar

Urang Ciptagelar marupokan masyarakaik adaik nan sangaik maamalkan pangajaran nenek moyang dan norma adaik lainnyo tamasuak jo etika pakaian masyarakaik. Masyarakaik Ciptagelar punyo aturan khusus yaitu manggunoan ikatan kapalo untuak laki-laki dan manggunoan kain nan dilitakan ka pinggang untuak kaum padusi. Arti dari aturan ko adolah dalam iduik harus saliang tarikek jo manjago kabarasiahan.[10]

Tata caro makan di masyarakaik Ciptagelar masih manjaga adaik istiadaik nan diwarisan dek nenek moyang samo pulo dalam adab makan sahari-hari. tata caro makan yaitu piriang harus dilatakkan di bawah, makan ndak buliah sambia mangecek, ndak buliah ado suaro katiko manyendok makanan di piriang, dan padusi ndak buliah makan jo duduak basilang. Wanita nan sahari-hari pakai kain ka sangaik indak elok dipandang kalau duduak basilang. Salain itu padusi juo diharap dapek baparilaku anggun, lamah lembut, jo sopan.[10]

Di Kampuang adaik Ciptagelar juo para masyarakaiknyo masih manggunoan kabudayaan lamo dalam mamisah gabah padi yaitu jo manggunoan lasuang jo alu. Gabah pado padi baru ka dipisah pado pagi hari. Kagiatan ko dikarajoan dek padusi dari Kasepuhan Ciptagelar. Warna nasi nan ditumbuk jo leseung dan alu babeda jo nasi nan digiliang. Beras bawarna coklatan karano masih tabaluik jo bekatul. Sadangkan, nasi nan digiling jo masin ka bawarna putih. Manasak nasi nan dikarajoan oleh Urang Ciptagelar masih jo caro tradisional. Masyarakaik Ciptagelar tatap manjago mamasak nasi jo caro tradisional. Ado kompor gas hanyo dipakai untuak mamasak sayuran jo lauak pauak. Tantu sajo caro itu mangacu ka kabudayaan sunda satampek nan alah turun-temurun. Alaik nan dipakai antaro lain adolah tungku (Sunda: hawu), dandang (Sunda: seeng), kukusan (Sunda: aseupan), dan kayu baka.[11]

Kamudian Listrik nan dipakai dek masyarakaik Ciptagelar tibo dari masyarakaik Ciptagelar surang. Kampuang adaik Ciptagelar indak teraliri listrik dari PLN tapi jo alaik microhidro. Microhidro diagiangan manggunoan aia untuak maaja listrik di kawasan Kasepuhan Ciptagelar.[11]

Kamudian ado Upacara Seren Taun nan dimaksudkan untuak ma aromaik nenek moyang dan sabagai ungkapan raso tarimo kasih atas hasil panen padi nan alah dilakukan. Bababagai patunjuakan seni budaya masyarakaik nan ditampilkan dalam parayaan ko. Acara Seren Taun biasonyo berlangsung salamo 3 hari 2 malam.[12]

Kaparcayoan[suntiang | suntiang sumber]

Masyarakaik Ciptagelar umumnyo baragamo Islam, jo kapercayaan lokal seperti Sunda Wiwitan nan masih bacampua didalamnyo. Kampuang adaik Ciptagelar atau Kasepuhan Ciptagelar juo takenal sabagai "Kasepuhan Islam Ciptagelar" yang aratinyo ketua adaik samo kabanyakan masyarakaiknyo maanut agamo Islam.[13]

Rujuakan[suntiang | suntiang sumber]

  1. Rayadie, Ahmad. "Tradisi Ciptagelar di Sukabumi Mampu Pertahankan Kampung Adat". Pikiran-Rakyat.com (dalam bahasa Indonesia). Diakses tanggal 20 Januari 2023. 
  2. "Penganut Sunda Wiwitan: Kami Tetap Islam". JPNN.com (dalam bahasa Indonesia). Diakses tanggal 20 Januari 2023. 
  3. "Keunikan Perkampungan Di Lereng Gunung Halimun". www.kompasiana.com (dalam bahasa Indonesia). Diakses tanggal 20 Januari 2023. 
  4. "Ciptagelar, Kampung Adat Di Sukabumi Yang Teguh Memegang Tradisi". kumparan.com (dalam bahasa Indonesia). Diakses tanggal 20 Januari 2023. 
  5. "Tentang Kasepuhan Ciptagelar". ciptagelar.info (dalam bahasa Indonesia). Diarsipkan dari versi asli tanggal 2021-09-28. Diakses tanggal 20 Januari 2023. 
  6. "Buku Budaya Masyarakat Kasepuhan Ciptagelar" (PDF). repository.uinbanten.ac.id (dalam bahasa Indonesia). Diakses tanggal 20 Januari 2023. 
  7. "Kasepuhan Ciptagelar Dan Gonjang-Ganjing Di Taman Firdaus (Bagian 2/Akhir)". www.mongabay.co.id (dalam bahasa Indonesia). Diakses tanggal 19 Januari 2023. 
  8. "Struktur Kepemimpinan Di Kasepuhan Ciptagelar". disparbud.jabarprov.go.id (dalam bahasa Indonesia). Diarsipkan dari versi asli tanggal 2022-04-13. Diakses tanggal 19 Januari 2023. 
  9. a b "Search". ejournal3.undip.ac.id. Diakses tanggal 2023-01-19. 
  10. a b Anbiyani. "Keunikan Tradisi Kesepuhan Ciptagelar yang Telah Dijaga Ratusan Tahun". Pikiran-Rakyat.com (dalam bahasa Indonesia). Diakses tanggal 19 Januari 2023. 
  11. a b "Belajar Dari Kasepuhan Ciptagelar, Panen Energi Dari Air Dan Matahari". www.mongabay.co.id (dalam bahasa Indonesia). Diakses tanggal 19 Januari 2023. 
  12. "8 Budaya Unik dalam Kasepuhan Ciptagelar Sukabumi". detikcom (dalam bahasa Indonesia). Diakses tanggal 20 Januari 2023. 
  13. "Menjelajahi Kasepuhan Islam Ciptagelar". alif.id (dalam bahasa Indonesia). Diakses tanggal 19 Januari 2023.