Urang Tombulu

Wikipedia Minangkabau - Lubuak aka tapian ilimu

Tombulu adolah salah ciek sub etnis Suku Minahasa nan mandiami wilayah tangah Minahasa, yaitu di wilayah Kota Tomohon jo Kecamatan Tombulu Kabupaten Minahasa. Urang-urang Tombulu manggunoan bahaso Tombulu atau bahaso Minahasa sabagai bahaso Ibu. Saik ko tadapek organisasi adaik nan taruih malestarian jo mangambangan budayo sub etnis Tombulu, yaitu Pakasaan Tombulu nan dipimpin dek mantan Wakil Wali kota Tomohon Syennie-Smits Watoelangkow. Organisasi masyarakaik ko alah mambangun suatu amfiteater jo pamandangan indah ka gunuang api Lokon nan masih aktif jo gunung Empung di mano suku Toumbulu dulu manganggap tadapek tampek dewa-dewa mereka. Di sakita amfiteater tadapek banyak mato aia nan konon kabanyo bisa manyambuahan atau mambuek urang nan mandi di situ manjadi labiah pinta. Jua di kompleks organisasi pakasaan Toumbulu nan banamo Rano Walanda, tadapek banyak Waruga. Waruga adolah batu nan balubang di mano masyarakaik Minahasa dulu malatakkan maik urang di dalam jo manutuiknyo jo batu barukia gadang. Lokasi amfiteater Rano Walanda tadapek di desa Woloan I di Kota Tomohon.[1]

Sijarah[suntiang | suntiang sumber]

Sijarah wilayah Tombulu jo Kota Tomohon (Tou Mu’ung) indak lapeh dari Sijarah Malesung jo Minahasa, dalam panalitian David DS Lumoindong manulih dimulai sakita abaik 8 Masehi atau tahun 750 SM. Kadatangan migrasi kaduo dari Asia Timur, yaitu bangso Tagaroa (J. Rahasia) nan di istilahan para ahli disabuik Austronesia bangso Malesung dari Pilipina utar manyusuri Mindanau kamudian taruih ka pulau Sulawesi, awanyo pamukiman di sakita pantai Tanawangko kamudian bapindah ka sakita gunuang Lokon.[1]

Sabalum kadatangan migrasi Austronesia alah ado talabiah dahulu kalompok Austromelanesia di sakitar danau sabalah salatan Tondano (Paso kacamatan Kakas jo Sinuian Kacamatan Remboken), kaduo kalompok bangso ko tajadi pakawinan antaro kaluargo pamimpin jo masyarakaik. Pado maso kamudian kaduo kalompok ko nan manyatu manjadi ciek Karajaan nan disabuik Malesung. Dalam hikayat alah disabuikkan Rajo Sumaraniw di wilayah salatan Makatembo (wilayah salatan Tomohon adolah Kakas jo Remboken tapi danau Tondano).[1]

Bangso Malesung di Tomohon sakita 655 SM kamudian pindah ka wilayah salatan yaitu Nietakan di Wulur Mahatus, di Tompaso baru, lalu kambali baliak ka sakita gunuang Lokon sakitar tahun 500 SM, kamudian sasudah Musyawarah di Tonderukan mandiami Majesu. Kamudian mambangun komunitas nan disabuik TowMajesu jo Tombulu. Pamarintahan bangso Malesung di Tomohon mangalami parubahan sistem dari sistem Makarua-siow (monarki) yaitu pamarintahan kaluargo hanyo diwarisan dari katurunan Makarua-siow (bangsawan) manjadi sistem republik nan dipilih dek rakyat. Bangso Malesung kalompok Makatembo di Tondano juo bapindah ka salatan di Nietakan, lalu dimaso salanjuiknyo taruih manjalajahi wilayah salatan. Lokon manuruik Graafland bararti tampek kadiaman para dewa, kasendukan. Lokon basamo-samo puncak-puncak nan mangarah ka pantai, Tatawiran jo Kesehe disabuik Se Lo­kon Telu, katigo Lokon tu, tampek nan bamakno sakral jo sangaik dihormati.[1]

Bahaso[suntiang | suntiang sumber]

Bahaso Tombulu adolah salah ciek bahaso daerah di Indonesia nan ditutuan dek masyarakaik Tombulu di tanah Minahasa, Sulawesi Utara. Tombulu marupoan salah ciek dari 9 etnis Minahasa, salain Tontemboan, Toulour, Tonsea, Tonsawang, Pasan, Ratahan, jo Toubantik. Salain tu, etnis Tombulu juga disabuik-sabuik sabagai salah ciek dari 4 etnis Malesung dek masyarakaik Sulawesi Utara. bahaso Tombulu hinggo saik ko masih dipakai dek masyarakaik adaik Tombulu jo masih bisa dituturan dek sabagian ganarasi mudo dimano bilo dibandingan jo bahaso asli sabagian gadang etnis Minahasa lainnyo nan alah sangaik tarancam punah.[2]

Panyabutan Tombulu surang manuruik tutuan masyarakaik satampek barasal dari kata ‘Touwulu’ dimano kaoa ‘Tou’ bararti ‘Urang/Manusia’ atau ‘Masyarakaik’ atau jo ‘Wulu’ nan bararti ‘Buluh/Bambu’. Indak ado panalitian nan pasti manga masyarakaik ko manamoan komunitasnyo Touwulu atau mungkin kato tu marupoan sabutan dari suku lain untuak manyabuik komunitas ko, namun manuruik carito masyarakaik satampek kamungkinan ‘Wanua’ atau pakampuangan dahulu banyak ditumbuhi pohon bambu. Ado pula versi lain nan mangatokan bahwa dulunyo suku ko mambantengi wilayahnyo jo paga nan tabuek dari bambu sahinggo mereka disabuik Tou Wulu atau Tou un bulu nan sairiang bajalannyo masa jo juo dipangaruhi dek dialek manjadi Tombulu. Salain panyabutan Tombulu atau Touwulu, sabananyo ado ciek panyabutan nan labiah lamo eksistensinyo yakni Tou Mayesu. Urang Tombulu dalam kasaharian di dalam lingkuangan sasama urang Tombulu manggunoan bahaso Tombulu. Bahaso Tombulu ko marupoan salah ciek dialek bahaso Minahasa. Bahaso Tombulu lumayan takenal, karano babarapo lagu daerah nan populer kabanyakan barasa dari bahaso Tombulu saroman lagu "O Ina Ni Keke".[2]

Rujuakan[suntiang | suntiang sumber]

  1. a b c d "Sejarah Tombulu". Malesung Land (dalam bahasa Indonesia). 2020-05-19. Diakses tanggal 2023-02-07. 
  2. a b "Belajar Bahasa Tombulu". bertumbuh.xyz. Diakses tanggal 2023-02-07.