Urang Batak

Dari Wikipedia baso Minang, ensiklopedia bebas
(Dialiahkan dari Suku Batak)
Loncat ke navigasi Loncat ke pencarian
Batak
Halak Batak
Halak Batak.jpg
Laki-laki jo padusi Batak
Jumlah populasi

8.466.969 [1]

Kawasan bapopulasi cukuik banyak
Sumatera Utara 5.785.716 [2]
Riau 691.399
Jakarta 467.438
Jawa Barat 326.645
Sumatera Barat 222.549
Kepulauan Riau 208.678
Aceh 147.259
Banten 139.259
Jambi 106.249
Bendera Brunei Brunei 650
Bahaso
Toba
Angkola
Karo
Simalungun
Pakpak
Mandailing
Agamo
Mayoritas
Kristen (Protestan & Katolik) 75.63%
Islam 24.17% [3]
Minoritas
Parmalim
Animisme
Kalompok etnik tadakek
Aceh, Alas, Bugis, Dayak, Gayo, Melayu, Minangkabau, Nieh, Rimba, jo Singkil

Batak marupoan suku bangso di Indonesia. Namo iko marupoan sabuah tema kolektif untuak maidentifikasikan babarapo suku bangsa nan bamukim sarato barasa dari Tapanuli jo Sumatera Timur, di Sumatera Utaro. Suku bangso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, dan Batak Mandailing.

Kini ko pado umumnyo urang Batak manganuik agamo Kristen Protestan, Kristen Katolik, jo Islam. Tatapi ado pulo nan manganuik kapicayoan tadisional yakni: tradisi Malim sarato juo manganuik kapicayoan animisme (disabuik Sipelebegu atau Parbegu), walaupun kini jumlah panganuik kaduo ajaran iko alah samakin bakurang.

Sijarah[suntiang | suntiang sumber]

Urang Batak adolah pamakai bahaso Austronesia namun alun dikatahui bilo niniak muyang urang Batak patamo kali bamukim di Tapanuli jo Sumatera Timur. Bahaso jo bukti-bukti arkeologi manunjuakan baso urang nan babahaso Austronesia dari Taiwan alah bapindah ka wilayah Filipina jo Indonesia sakita 2.500 taun nan lalu, yaitu di zaman batu mudo (Neolitikum).[4] Karano hinggo kini alun ado artefak Neolitikum (Zaman Batu Mudo) nan ditamui di wilayah Batak mangko dapaik dikatokan baso niniak muyang urang Batak baru bamigrasi ka Sumatera Utara di zaman logam.

Pado abaik ka-6, padagang-padagang Tamil asa India manaruko kota dagang Barus, di pasisia barat Sumatera Utara. Mareka badagang kapua Barus nan diusahokan dek patani-patani di padalaman. Kapua Barus dari tanah Batak bamutu tinggi sahinggo manjadi salah satu komoditas ekspor di samping kemenyan. Pado abaik ke-10, Barus diserang oleh Sriwijaya. Hal iko manyababkan diusianyo padagang-padagang Tamil dari pasisia Sumatera[5]. Pado maso-maso barikuiknyo, padagangan kapua Barus mulai banyak dikuasoi dek padagang Minangkabau nan mandirikan koloni di pasisia barat jo timur Sumatera Utara. Koloni-koloni mareka tabantang dari Barus, Sorkam, hinggo Natal[6].

Kini suku banso nan dikategorikan sabagai Batak adolah: Batak Toba, Batak Karo, Batak Pakpak, Batak Simalungun, Batak Angkola, jo Batak Mandailing.

Identitas Batak[suntiang | suntiang sumber]

Identitas Batak populer dalam sijarah Indonesia modern sasudah didirikan sarato bagabuangnyo rang mudo Angkola, Mandailing, Karo, Toba, Simalungun, jo Pakpak di organisasi nan dinamokan Jong Batak tahun 1926, tanpa mambedakan agamo dalam ciek kasapahaman:

Bahasa Batak kita begitu kaya akan Puisi, Pepatah dan Pribahasa yang mengandung satu dunia kebijaksanaan tersendiri, Bahasanya sama dari Utara ke Selatan, tapi terbagi jelas dalam berbagai dialek. Kita memiliki budaya sendiri, Aksara sendiri, Seni Bangunan yang tinggi mutunya yang sepanjang masa tetap membuktikan bahwa kita mempunyai nenek moyang yang perkasa, Sistem marga yang berlaku bagi semua kelompok penduduk negeri kita menunjukkan adanya tata negara yang bijak, kita berhak mendirikan sebuah persatuan Batak yang khas, yang dapat membela kepentingan kita dan melindungi budaya kuno itu [7]

R.W Liddle mangatokan, baso sabalun abaik ka-20 di Sumatera bagian utara indak ado kalompok etnis sabagai satuan sosial nan koheren. Manuruiknyo sampaik abaik ka-19 interaksi sosial di daerah itu hanyo tabateh pado hubuangan antar individu, antar kalompok kakarabatan, atau antar kampuang. Ampiang indah ado kasadaran untuak manjadi bagian dari satuan-satuan sosial jo politik nan labiah gadang.[8] Pandapek lain mangecekan, baso muncuanyo kasadaran tantang sabuah kaluarga gadang Batak baru tajadi pado zaman kolonial.[9] Dalam disertasi J. Pardede mangamukokan baso istilah "Tanah Batak" jo "rakyaik Batak" dibuek dek pihak asiang. Sabaliaknya, Siti Omas Manurung, saurang istri dari putra pandeta Batak Toba manyatokan, baso sabalun datangnyo Ulando, sadoalah urang baiak Karo maupun Simalungun mangakui dirinyo Batak, dan Ulandolah nan alah mambuek tapisahnyo kalompok-kalompok tu. Sabuah mitos nan mamiliki babagai macam versi manyatokan, bahwa Pusuk Buhit, sabuah puncak di barat Danau Toba, adolah tampek lahia banso Batak. Salain itu mitos-mitos tu juo manyatokan baso niniak muyang urang Batak barasa dari Samosir.

Tabantuaknyo masyarakaik Batak nan tasusun dari baragam marga, sabagian disababkan dek adonyo migrasi kaluarga-kaluarga dari wilayah lain di Sumatera. Panallitian pantiang tantang tradisi Karo dilakukan dek J. H Neumann, manuruik sastra lisan jo transkripsi duo naskah satampek, yaitu Pustaka Kembaren jo Pustaka Ginting. Manuruik Pustaka Kembaren, daerah asa marga Kembaren dari Pagaruyuang di Minangkabau. Urang Tamil dipakirokan juo manjadi unsua pambantuak masyarakaik Karo. Hal iko nampak dari banyaknyo namo marga Karo nan diturunkan dari bahaso Tamil. Urang-urang Tamil nan manjadi padagang di pantai barat, lari ka padalaman Sumatera dek diserang pasukan Minangkabau nan datang dari abaik ka-14 untuak manguasoi Barus.[10]

Salam khas Batak[suntiang | suntiang sumber]

Tiok puak Batak mampunyoi salam khasnyo surang-surang. Meskipun urang Batak tanamo jo salam Horasnyo, namun masih ado duo salam lai nan kurang populer yakni Mejuah-juah jo Njuah-juah. Horas pun ado sebutan surang-surang manuruik puak nan manggunokannyo.

1. Pakpak: “Njuah-juah Mo Banta Karina!”

2. Karo: “Mejuah-juah Kita Krina!”

3. Toba: “Horas Jala Gabe Ma Di Hita Saluhutna!”

4. Simalungun: “Horas banta Haganupan, Salam Habonaran Do Bona!”

5. Mandailing jo Angkola: “Horas Tondi Madingin Pir Ma Tondi Matogu, Sayur Matua Bulung!”

Caliak pulo[suntiang | suntiang sumber]

Rujuakan[suntiang | suntiang sumber]

  1. Templat:Citeweb
  2. Kewarganegaraan, Suku Bangsa, Agama dan Bahasa Sehari-hari Penduduk Indonesia Hasil Sensus Penduduk 2010. Badan Pusat Statistik. 15 Juli 2011. ISBN 9789790644175. http://sp2010.bps.go.id/files/ebook/kewarganegaraan%20penduduk%20indonesia/index.html. Diakses pado 24 Agustus 2012. 
  3. "Demography of Indonesia's Ethnicities". Badan Pusat Statistik / Institute of Southeast Asian Studies. 15 Juli 2015. 
  4. Peter Bellwood, Prehistory of the Indo-Malaysian Archipelago, Revised edition, University of Hawaii Press, Honolulu, 1997
  5. Munoz, Paul Michel (2006). Early Kingdoms of the Indonesian Archipelago and the Malay Peninsula. 
  6. Dobbin, Christine. Gejolak Ekonomi, Kebangkitan Islam, dan Gerakan Paderi, Minangkabau 1784 – 1847. 
  7. Hans Van Miert (2003). Dengan Semangat Berkobar. Hasta Mitra-Pustaka Utan Kayu-KITLV. p. 475. ISBN 9799665736. 
  8. Liddle, R.W. Ethnicity, party, and national integration: an Indonesian case study. New Haven: Yale University Press. 
  9. Castles, L. Statelesness and Stateforming Tendencies Among the Batak before Colonial Rule. Kuala Lumpur: Monograph no 6 of MBRAS. p. 67-66. 
  10. Tideman, J.. Hindoe-Invloed in Noordelijk Batakland. Amsterdam: Uitgave van het Bataksche Institut no 23. p. 56.