Urang Sindhi

Tambah pautan
Wikipedia Minangkabau - Lubuak aka tapian ilimu
Sindhi
سنڌي
सिन्धी

السندي
Total populasi
lk. 39 million[1]
Kawasan jo populasi nan signifikan
 Pakistan28.900.000[2]
 India3,000,000[3]
 Uni Emirat Arab341,000[4]
 Malaysia30,500[4]
 Britania Raya30,000[4]
 Afganistan19,500[4]
 Kanada11,500[4]
 Indonesia10,000[4]
 Amerika Serikat9,801[4]
 Singapura8,800[4]
 Hong Kong7,500[5]
 Oman700[4]
Bahaso
Terutama: Sindhi
Juga: Arab • Melayu • Inggris
Agamo
Mayoritas: Islam
Minoritas: Hindu, Sikh

Urang Sindhi (Sindhi: سنڌي; Dewanagari: सिन्धी; Khudabadi: ; Arab: السندي) adolah kalompok etnolinguistik Indo-Arya nan mangecek jo manggunoan bahasa Sindhi iko marupoan panduduak asli provinsi Sindh, Pakistan, nan sabalunnyo marupoan bagian dari pemisahan India. Setelah pambagian India pado tahun 1947, sabagian gadang urang Hindu jo Sindhi bermigrasi ka India dan bagian lain di panjuru dunia—tamasuak Indonesia. Hari ko, urang Sindhi berada di India jo Pakistan. Urang Sindhi India sebagian gadang beragamo Hindu, sedangkan Sindhi Pakistan mayoritas beragamo Islam.

Budaya Muslim Sindhi sangaik dipengaruhi oleh aliran dan prinsip sufi.[6] Ikon budayanyo adolah Rajo Dahir, Shah Abdul Latif Bhitai, Lal Shahbaz Qalandar, Jhulelal, Sachal Sarmast dan Shambumal Tulsiani.

Bahaso[suntiang | suntiang sumber]

Urang-urang Sindhi rato-rato manggunoa bahaso Sindhi sebagai bahaso utamonyo, namun di urang Sindhi nan alan tingga di Indonesia kini alah manggunoan bahaso Sindhi walaupun masih ado dialek Sindhi nan malakek pado bahaso urang tu. 2,5 juta urang mangecek bahaso Sindhi di India. Inyo kabanyakan batuak di negara bagian Gujarat dan Maharashtra India. Bahasa-bahaso di India dibagi manjadi babagai rumpun bahaso, di mano bahaso Indo-Arya dan Dravida adolah nan paliang banyak dipakai. Banyak bahaso milik kaluarga bahaso nan indak terkait, seperti Austroasiatik dan Sino-Tibet, dituturkan dek kalompok nan labiah ketek. Catatan linguistik dimulo jo munculnyo aksara Brahmana dari sakitar Abad ke-3 SM.[7]

Pengaruh itu di Asia Tenggara bisa dicaliak dari bahaso jo aksara Sansekrit atau Sansekerta nan mirip-mirip dipakai di babarapo negara mode di Thailand, tamasuak juo dalam aksara Jawa. Panaliti asal Parancis, George Coedes malalui manyuoan ado istilah Indianization atau proses "manjadi India" dalam budaya, misalnyo pangadopsi sistem kasta nan disabuik pernah ado di Jawa, Bali, Madura, dan Sumatra.[8]

Sijarah[suntiang | suntiang sumber]

Urang India alah banyak tibo ka Indonesia sabalun panjajahan Balando. Pas abad ka-17 kawasan Pekojan di Jakarta Kota, sabalunnyo manjadi Kampuang Arab, dihuni urang India. Sampai kini ado Gang Koja. Sekalipun namonyo diganti Jl Pengukiran II, rakyat tampek manyabuiknyo Gang Koja.

Koja adolah panyabuikan untuak urang India dari Malabar nan baagamo Islam. Di Gang Koja ado Musajik Al-Anshor nan didirikan dek urang awak pado tahun 1648. Di Jl Bandengan Selatan, masih di kawasan Pekojan, ado Musajik Kampung Baru nan dibangun pado tahun 1748. Musajik ko didirikan juo dek imigran India Muslim.

Samantaro di abad ka-19 banyak tibo urang India dari daerah selatan. Dek warna kuliknyo kalam dek masyarakat lokal mereka disabuik urang kaliang. Di Medan, ado sabuah kampung nan banamo Kampung Keling.[9]

Di sabalah itu ado juo pandatang dari Punjab nan baagamo Khalsa dan takenal sabagai urang Sikh. Salah cieknyo Gurnam Singh, pelari jauah nan mandapekan medali di Asian Games 1962 dan Ganefo 1963. Keluarga pangamat patanian HS Dhilon juo barasa dari Punjab.

Menurut Abdul Rachiem, kabanyakan masyarakat India, tarutamo di Jakarta, dari suku Sindhi. Inyo barasa dari wilayah Sindh, samo kota Hyderabad. Ibu kota Sindh adolah Karachi, ibu kota Pakistan sabalun dipindahan ka Islamabad. Katiko tajadi parpacahan 1947 nan mambagi India manjadi duo negara: India dan Pakistan, untuak maindari pertumpahan darah antaro Muslim-Hindu, urang nan baagamo Hindu mandapek tanah lelahnyo (Pakistan) dan baparang ka babagai negara.

Tamasuak ka Indonesia nan dianggap aman. Umumnyo suku Sindh ko bakiprah di industri tekstil dan kain. Inyo juo marajoi industri perfilman dan sinetron. Seperti Raam Punjabi (Multivision), Raam Soraya (Soraya Intercine), Gope Santani (Rapi Film) dan Harris Lesmana dari jaringan Bioskop 21.

Tapi masyarakaik katurunan India manyambah identitasnyo. Inyo manyabuik dirinyo urang Bombay. Mungkin dek urang-urang tu urang India di Indonesia tarutamo di Jakarta disabuik urang Bombay, kecek Abdul Rachiem. Padahal, PM India Mamohan Singh bangga mangaku inyo datang dari sabuah desa di Pakistan. Sadang Presiden Pakistan Parvez Musharaf manarangkan dilahia di New Delhi, ibu kota India.[9]

Rujuakan[suntiang | suntiang sumber]

  1. ↑ PeopleGroups.org. "PeopleGroups.org - Sindhi". 
  2. ↑ Calculation based on the percentage of Sindhis and the 2017 estimate of the total population of Pakistan in the CIA World Factbook Archived 2020-05-17 di Wayback Machine..
  3. ↑ Simons, Gary F. and Charles D. Fennig, ed (2018). "India - Languages". Ethnologue: Languages of the World (edisi ke-Twenty-first). Dallas, Texas: SIL International. https://www.ethnologue.com/country/IN/languages. 
  4. ↑ a b c d e f g h i PeopleGroups.org. "PeopleGroups.org". 
  5. ↑ Kesavapany, K.; Mani, A.; Ramasamy, P. (1 January 2008). "Rising India and Indian Communities in East Asia". Institute of Southeast Asian Studies – via Google Books. 
  6. ↑ Ansari, Sarah FD. Sufi saints and state power: the pirs of Sind, 1843-1947. No. 50. Cambridge University Press, 1992.
  7. ↑ Jan, Syed Salman (2022-12-25). "Bahasa Sindhi: Sejarah dan Antropologi Sosial Budaya". Yoair Blog (dalam bahasa Indonesia). Diakses tanggal 2023-01-20. [pranala nonaktif permanen]
  8. ↑ "Orang India di Indonesia: Dari Buruh Tembakau Hingga Orang Terkaya - PinterPolitik.com" (dalam bahasa Inggris). Diakses tanggal 2023-01-20. 
  9. ↑ a b "Sejak Kapan Warga India Masuk ke Indonesia?". Republika Online (dalam bahasa Indonesia). 2016-10-24. Diakses tanggal 2023-01-20. 
Diambiak dari "https://min.wikipedia.org/w/index.php?title=Urang_Sindhi&oldid=3145325"