Asia Tenggara

Asia Tenggara

Wilayah	± 2.256.781 km²
Populasi	556.017.753
Kapadekan	133 per km2
Nagara jo Teritori	Indonesia  Malaysia  Singapura  Thailand  Filipina  Kamboja  Vietnam  Brunei  Laos  Myanmar  Timor Leste
Bahaso jo Rumpun Bahaso	Tionghoa, Malayu, Inggirih jo lainnyo
Zona Wakatu	UTC +7:00
Ibu kota	Jakarta Kuala Lumpur Singapura Bangkok Manila Phnom Penh Hanoi Bandar Seri Begawan Vientiane Naypyidaw Dili
Kota Gadang lainnyo	Bandung (caliak daftar)

Asia Tenggara adolah sabuah kawasan di banua Asia bagian tenggara. Kawasan ko mancakuik Indochina jo Samananjuang Malaya sarato kapulauan di sakitarnyo. Asia Tenggara babatehan lansuang jo Republik Rakyaik Cino di sabalah utara, Samudra Pasifik di timur, Samudra Hindia di selatan, jo Samudra Hindia, Teluk Benggala, sarato anak banua India di barat.

Asia Tenggara biaso tabagi dalam duo kalompok: Asia Tenggara Darek (ATD) jo Asia Tenggara Maritim (ATM).

• Nagara-nagara nan tamasuak ka dalam ATD adolah
  1.  Kamboja
  2.  Laos
  3.  Myanmar
  4.  Thailand
  5.  Vietnam
• Nagara-nagara nan tamasuak ATM adolah
  1.  Brunei
  2.  Filipina
  3.  Indonesia
  4.  Malaysia
  5.  Singapura
  6.  Timor Leste

Malaysia, walaupun ado bagian nan tasambuang ka banua Asia, biaso dimasuakan ka dalam ATM karano alasan budayo. Sadoalah nagara Asia Tenggara tahimpun ka dalam organisasi ASEAN. Timor Leste nan sabalunnyo marupokan bagian dari Indonesia alah mangajukan diri manjadi anggota ASEAN walaupun dek babarapo pihak, ateh alasan politis, nagara iko dimasuakan ka kawasan Pasifik.

Sacara geografis (dan juo sacaro historis) sabananyo Taiwan jo pulau Hainan juo tamasuak Asia Tenggara, sahinggo sato ikuik pulo. Namun demikian, karano alasan politik Taiwan jo pulau Hainan labiah acok dimasuakan ka kawasan Asia Timur. Kapulauan Cocos jo Pulau Christmas, nan talatak di selatan Jawa, dek babarapo pihak dimasuakan sabagai Asia Tenggara walaupun sacaro politik ado di bawah administrasi Australia. Sabaliaknyo, Pulau Papua dimasuakan sabagai Asia Tenggara sacaro politik walaupun sacaro geologi alah indak tamasuak banua Asia.

Pautan Lua

• (Inggirih) Entri Southeast Asia Archived 2009-10-28 di Wayback Machine. di Microsoft® Encarta® Online Encyclopedia 2005, diakses 11 November 2005.

Caliak pulo

• ASEAN