Lompat ke isi

Oman

Wikipedia Minangkabau - Lubuak aka tapian ilimu
Bandera Oman

Oman atau sacaro rasmi Kasultanan Oman adolah nagara nan barado di Asia Barat. Talatak di pantai tenggara Samananjuang Arab, jo mambantang di muaro Taluak Persia. Nagara ko babatehan jo Arab Saudi, Uni Emirat Arab dan Yaman, sarato babatehan lauik jo Iran dan Pakistan. Ibu kota jo kota tagadangnyo iolah Muscat. Dahulu marupokan karajaan maritim, Oman adolah nagara merdeka tatuo di Dunia Arab.[1][2]

Oman marupokan nagara kasatuan jo monarki absolut,[3] nan kasadoan kuaso legislatif, eksekutif jo yudikatif pado akhianyo barado di tangan Sultan. Dek karano itu, Freedom House sacaro rutin manilai nagara ko sabagai "Indak Bebas".[4] Sultan adolah kapalo nagara jo sacaro langsuang mangendalian urusan lua nagari jo pertahanan.[5] Sultan punyo kuaso absolut jo mangaluaan undang-undang malalu dekrit.[6][7]

Pado tahun 2020, panduduak Oman malabiahi 4,5 juta jiwa.[8] Tingkek kasuburan total dipakirokan 2,8 anak nan lahia per padusi; angko ko manurun dalam babarapo tahun terakhir.[9] Sakitar satangah panduduaknyo tingga di Muscat jo dataran pantai Batinah di barat laik ibu kota nagara. Panduduaknyo sabagian gadang barasal dari etnis Arab, Baloch jo Afrika.[10] Sakitar 20% panduduak adolah katurunan Baloch nan nenek moyangnyo bamigrasi ka Oman ba abad-abad nan lampau, jo kini dianggap sabagai panduduak asli.[11]

Rujuakan[suntiang | suntiang sumber]

  1. "Oman profile – Overview". BBC News. 11 September 2012. Diarsipkan dari versi asli tanggal 12 March 2020. Diakses tanggal 18 January 2013. 
  2. Royal Air Force Museum, A History of Oman. Retrieved 19 November 2020
  3. "Q&A: Elections to Oman's Consultative Council". BBC News. 
  4. "Oman". Freedom House. Diakses tanggal 18 January 2013. 
  5. "OMAN Majles A'Shura (Consultative Council)". Inter-Parliamentary Union. 
  6. "Oman". Freedom in the World 2012. Freedom House. 17 January 2012. 
  7. "Waking up too". The Economist. 23 June 2012. 
  8. "Oman's population crosses 4.5 million". 
  9. "Fertility rate, total (Births per woman) - Oman | Data". 
  10. "Oman". CIA – The World Factbook. Diakses tanggal 29 October 2011. 
  11. Long, Roger D.; Singh, Gurharpal; Samad, Yunas; Talbot, Ian (2015-10-08) (dalam bahaso en). State and Nation-Building in Pakistan: Beyond Islam and Security. Routledge. ISBN 978-1-317-44820-4. https://books.google.com/books?id=nzivCgAAQBAJ&dq=omani+baloch&pg=PA129.