Urang Dayak Krio

Suku Dayak Krio
Jumlah populasi
9.000 Jiwa.
Kawasan bapopulasi cukuik banyak
Indonesia: Kacamatan Sandai, Hulu Sungai
Bahaso
bahaso Krio
Agamo
tidak terdapat informasi jelas
Kalompok etnik takaik
Suku Ketungau, Suku Klemantan, [[Suku Dayak Laut], Suku Kayong

Suku Dayak Krio adalah sub-Suku Dayak nan mandiami daerah aliran batang aia Krio di Kabupaten Ketapang, Kalimantan Barat, Indonesia, labiah tapeknyo di kacamatan Sandai jo kacamatan hulu sungai. Suku iko batutua dalam bahaso Krio. Duo kacamatan iko urang suku dayak Krio manduduaki batang aia nan manjadi urek nadinyo, yaitu sumber hiduik dan identitas urang suku dayak Krio.Batang aia itu manjadi identitas urang Dayak Krio karano nama Krio itu sandiri iolah namo salah satu batang aia nan di bantarannyo urang-urang Krio bamukim. Identitas urang Dayak Krio hanyo biso dipahami lewaik pamenungan ateh batang aia-batang aia. Mako dari itu ado ampek batang aia utamo, yaitu Batang aia Krio, Batang aia Bihak, Batang aia Jekak jo Batang aia Pawan. Di ampek batang aia itulah locus urang Dayak Krio musti ditampekkan.

Ado banyak suku dayak nan tasebar di Indonesia dan rato-rato sabagian gadang suku Dayak tasebar di daerah Kalimantan. Dayak mampunyoi sub-suku nan tadiri dari 7 (tujuah) Stammenras (rumpun gadang) dan tadapek pulo 450 anak suku dibabagai daerah sakitaran Kalimantan. Dayak Krio iko adolah salah satunyo dari 450 anak suku dayak itu nan mano Dayak Krio ko mampunyoi ciri kha atau identitas surang nan kahidupannyo lakek bana jo tapian batang aia sarupo pamukimannyo nan rato-rato didirikan di pinggia batang aia Krio, Sandai, jo Hulu Sungai.

Asal-usua

manuruik buku nan di tulis dek Agustinus Tamtama Putra dalam bukunyo tentang dayak Krio ko tadapek duo versi asal-usua urang dayak krio:

Versi insider

Urang dayak Krio manyiabuik dirinyo sabagai putra putri Pupu Tagua Babio Tanah Tarah Encuke Riapm Bunga , iko adolah kato-kato mamparsatu urang Krio nan marupokan namo tampek nan mano urang Krio manamukan entitas jo Identitasnyo. Dayak Krio dalam manurunkan sijarah ko dari generasi ka generasi iolah malalui panuturan sacaro lisan, karano urang dayak Krio ko indak mangenal tradisi tatulis dalam kahidupannyo. Hal iko dianggap wajar karano urang dayak Krio indak mambutuahkan budaya tulis manulis dalam kahidupannyo. Nan paliang manuruik urang Krio iolah hiduik dengan manghargoi panguaso-panguaso alam nan di picayoinyo.

Dayak Krio iko labiah manakankan hiduik praktis, sadangkan pawarisan budaya atau pun carito salalu di lalui sacaro alami tanpa kakhawatiran dek lenyapnyo budaya dari urang Krio. Tradisi urang Krio pun sangaik dinamis nan bisa manyasuaikan jo keadaan samo situasi nan ado salamo hiduik, dan iko lah kaunggulan traisi urang dayak karano realitas indak di bakukan jo di absolutkan, dimanipulasi, di palintiakan, disampikkan, jo di reduksir dalam tulisan nan kaku jo mati.

Asal-usua urang Krio di bahas sacaro khusus di dalam Genealogis Bujakng Bingkukng jo Dara Donakng. Maskipun mitos iko mangecek tentang Genis adat istiadat, padoman moral, jo tuntutan hiduik urang dayak Krio tapi di dalamnyo takanduang unsua-unsua Primat urang dayak Krio sacaro Geneologis. Manusia tanyato mampunyoi kasamoan jo alam nan di huni, Adagium nan manjalehan Kairos pancipto dayak Krio babunyi "Tanah Mula Manyadi, Karosik Mula Tumuh".

Duo Frasa iko barati tanah mulai manjadi, pasia mulai tumbuah, katiko basamoan duo unsua alam iko manusia partamo urang dayak Krio yaitu Pantan Uga, jo Patara Uga hadir di muko bumi. Hal iko juo bararti urang dayak Krio mamahai asal-usua iduiknyo dari kasatuan alam, manusia ado katiko alam mulai ado. Bahkan pancipto alam samesta nan di sabuik Duata pun marupokan konsekuensi logis dari hubuangan manusia jo alam itu sandiri.

Versi etnologi

Asal-usua urang suku dayak Krio manuruik panalitian adolah tamasuak dalam Sub-suku Ketungau nan marupokan panalitian badasarkan pandekatan panggolongan jo pangalompokkan dari babarapo sumber. Suku Katungau pun marupokan sub-suku dari suku Klemantan/Darek nan dibedakan dari Dayak Lauik (Sea Dayak). Ado 47 sub-sub suku nan masuak dalam suku Klemantan iko, manuruik klasifikasi nan dikarajoan samo Tjilik Riwut. Akan tatapi, panggolongan iko takesan taburu-buru sabab ado pandapat nan mangatokan kalau Ketungau tamasuak dalam rumpun Ibanik. Pambedaan antaro Dayak Lauik dan Dayak Darek juo alun mamiliki landasan nan kuek dan bisa dikaji ulang maingek adonyo kasamoan dalam hal-hal tatantu antaro suku-suku nan dibedakan.

Panggolongan nan labiah bisa di tarimo iolah kalau urang suku dayak Krio masuak kadalam rumpun urang suku Kayongik, nan tasebar sacaro khusus di kabupaten Ketapang, nan mano suku iko indak taralu gadang maingek pasebarannyo nan tabateh. Hanyo sajo, panggolongan iko juo alun mamadai sabab Kayong iolah namo sabuah sungai nan ado di kacamatan Naga Tayap nan urang-urangnyo di sabuik Dayak Koyong.

Hukum adat

Adat Pati Nyawa marupokan adat nan sarius bagi urang dayak Krio, karano kasus mambunuah bagi urang dayak Krio marupokan pabuatan nan keji jo jaek. Dalam adat urang Krio pambunuahan dibagi manjadi duo kategori yaitu pambunuahan sacaro sangajo dan indak disangajo. Sacaro sangajo dinilai urang Krio apobilo palaku sabana baniek dan malakukan iko sacaro tarencana jo sadar untuak mambunuah, sadangkan pambunuahan nan indak di sangajoi adolah katiko tajadi sabuah insiden nan maakibaikkan saurang mati.

Hukum untuak urang nan sangajo mambunuah iolah Tangul Ponuh nan mano hukuman iko barupo panggantian tahadap korban. Tangul Ponuh barati organ-orang tubuah korban harus diganti samo palaku sacaro utuah. Organ-organ tasabuik dirinci sadamikian rupa sahinggo dilambangkan dalam barang-barang nan harus di agiahan kapado kaluargo korban. Barang-barang (material) tasabuik manjadi pangganti hiduik nan alah direnggut.

Ado anam baleh pangganti tubuah manusia, sagalonyo dirinci sabagai barikuik. Kapalo diganti tajo (tempayan gadang) satu buah dan, sabagai pangiriang tajo itu, ado ciek tajo tuak meniang (tuak di dalam tempayan gadang) dan saikua ciliang. Mato diganti bungkal (biji emas bulat sarupo kelereng, sagadang jari kaki) sabanyak duo biji.

Talingo diganti duo buah talam tambago bakaki. Hiduang diganti sapasang raput (duo tabuang panghasil angin, tabuang digandeng dan badiri, dipompa dengan samacam stik sahinggo kalua angin untuak maambui api nan mamanasi basi, basi itu ditempa manjadi alat-alat paladangan). Nyawo (nafas) diganti sumpit sabatang karano sumpit ditiup jo nafas. Bahan sumpit dari kayu ulin. Suaro diganti ketawak (samacam gong) badiameter 30 cm.

Gigi diganti pingatn tuha duo singkek (piriang tuo paninggalan bahargo jaman dulu) sabanyak duo buah. Lidah diganti hapakng (mandau) sabuah. Kulik diganti kain putiah satu kayuk (10 meter). Rambuik diganti jala satu layakng (satu buah jala), baik itu jala ripakng maupun jala seluakng (jenis-jenis jala). Darah diganti kain merah sakayuk (10 meter). Tulang diganti waja (lempengan besi baja). Urek diganti kawek.

Kamudian Kematian akibaik dari kacalakaan tobak belantik (terkena belantik) atau kaindak sanngajoan iko dipandang sabagai kaindak sangajoan. Mako  hukuman atas kasus iko disabuik Tangul Setongah (adat sabagian atau satangah). Dikatokan satangah karano bobot kasalahan palaku labiah ringan dari pado bobot pado kasus nan Partamo. Adopun nan manjadi jakim atau pamutui pakaro iolah Pamangku adat nan batugas manjalankan adat Pati Nyawa iolah Tuha Mantir (dewan adat) kampuang nan dikapaloi oleh Domong Adat (kapala adat).

Bahaso Dayak Krio

• Berikut kemiripan bahasa Dayak Krio:

Bahasa Dayak Krio	Bahasa Banjar	Arti
cucul	cucul	sulut
julak	julak	paman/bibi nan sulung
nongah	angah	paman/bibi nan tengah
busu'	busu	paman/bibi nan bungsu
osa	asa	satu
dua	dua	dua
tiga	talu/tiga	tiga
ompat	ampat	empat
limak	lima	lima
anam	anam	enam
tujuh	tujuh/pitu	tujuh
lapatn	lapan/walu	delapan
semilatn	sambilan	sembilan
sapuluh	sapuluh	sepuluh

Pautan lua

• Adat Perkawinan Dayak Krio
• Raja Dayak Archived 2012-11-15 di Wayback Machine.