Urang Ot Danum
 Potret pria Dayak Ot Danum yang bertato dari wilayah Kahayan di Kalimantan Tengah, sekitar tahun 1898–1900. | |
| Total populasi | |
|---|---|
| 87.500[1] | |
| Kawasan jo populasi nan signifikan | |
 Indonesia (Kalimantan Barat, Kalimantan Tengah) | |
| Bahaso | |
| Bahaso Ot Danum, Bahaso Indonesia | |
| Agamo | |
| Kaharingan (utama), Kristen, Islam | |
| Kalompok etnis takaik | |
| Dayak Dusun, Dayak Lawangan, Dayak Ma'anyan, Dayak Ngaju |
Urang Dayak Ot Danum (juo tanamo sabagai Dohoi, Malahoi, Uud Danum atau Uut Danum) adolah subetnis dari suku Dayak nan tingga di hulu Sungai Kapuas salatan, dan di sapanjang Pagunuangan Schwaner, babatasan jo Kalimantan Barat dan Kalimantan Tengah, Indonesia.[2] Urang ko adolah kalompok petiang di hulu Sungai Melawi dan sacaro budaya dan bahaso paliang babeda dari suku Melayu.[3] Salain itu, suku Melayu, suku Dayak Ot Danum juo sacara bahaso babeda jo suku Dayak Ngaju yang tingga di sapanjang bagian tangah sungai-sungai gadang Kalimantan Tangah dan sacaro angko dan bahaso marupokan kalompok masyarakaik Dayak yang dominan di daerah itu.[4] Sarupo jo kabanyakan suku Dayak, mayoritas masyarakaik Ot Danum ko juo mampicayoi agamo Kaharingan.[5]
Suku Dayak Ot Danum, iduik tasebar di pagunuangan Muller-Schwaner, batang aia Mandai di Ulu Ai' jo barado di sapanjang aliran batang aia Miri, cabang batang aia Kahayan di provinsi Kalimantan Tangah. Populasi dipakirokan sabanyak 78.800 orang pado taun 2007.
Kato Ot barati "urang" atau "hulu", sadangkan Danum bararti "air", dan Ot Danum berarti "urang air" atau "ouang yang iduik di hulu batang aia".[6] Suku Dayak Ot Danum dakek jo kahidupan alam dan sabana manghormati tradisi niniak moyang untuak manjago kasaimbangan manusia dan alam sakitarnyo. Parawakan suku Dayak Ot Danum bakulik agak kuniang manunjuan kalau urang ko adaloh ras atau banso mongoloid. Suku Dayak Ot Danum iko punyo karabat dekek di provinsi Kalimantan Barat yang disabuik suku Dayak Uud Danum. Sacaro fisik, karakter jo budaya biso dikatokan mirip, hanyo sajo dibedakan karano babeda latak geografis. Suku Dayak Ot Danum iko dikalompokkan ka dalam rumpun Proto Malayan cabang dari rumpun banso Austronesia.
Bahaso
[suntiang | suntiang sumber]Suku Dayak Ot Danum mampunyoi bahaso surang yang disabuik banamo bahaso Ot Danum. Bahaso Ot Danum iko bakerabat jo bahaso Dayak Siang yang mampunyoi kasamaan sabanyak 70%, jo bahaso Dayak Kohin mampunyoi kamiripan sabanyak 65%, jo bahaso Dayak Katingan kamiripan sabanyak 60%, sadangkan jo bahaso Dayak Ngaju mampunyoi kamiripan sabanyak 50% sajo.
Asa usua
[suntiang | suntiang sumber]Dalam legenda suku Dayak Ot Danum, niniak moyang inyo barasa dari langik yang diturunkan ka dunia jo wadah ameh di 4 tampek, salah satunyo di puncak bukik Pamatuan, iolah sabuah dataran tinggi antaro hulu batang aia Kahayan dan batang aia Barito. Lambung adolah manusia niniak moyang partamo yang diciptakan, dari si Lambung ikolah sagalo katurunannyo manyebar di sagalo pahuluan sungai-sungai gadang sarupo batang aia Barito, batang aia Kahayan, batang aia Kapuas jo batang aia Katingan yang disabuik urang suku Dayak Ot Danum.
Babarapo Ahli Sijarah mampunyo versi carito yang babeda manganai asal usua suku Dayak Ot Danum iko, ado yang mangatokan kalau suku Dayak Ot Danum iko barasa dari daratan mongolia, yang bermigrasi ka pulau Borneo. Tatapi versi lain manyabuik kalau suku Dayak Ot Danum iko barasa dari Formosa dan alah samanjak ado di pulau Kalimantan sajak 4000 taun yang lalu, karano di Formosa Taiwan tadapek budaya yang mirip dengan suku Dayak Ot Danum iko.
Dalam kasahariannyo suku Dayak Ot Danum iko sabagian gadang masih dekek jo kahidupan alam di rimbo, dan malakukan paburuan binatang lia, sarato batani baladang juo urang ko lakukan dan mamaliharo taranak sarupo ayam dan ciliang. Kagiatan lain sarupo ikuik dalam panambangan ameh di sungai-sungai yang manganduang ameh, sahinggo banyak dari urnag ko yang manjadi kayo di padalaman dari hasil manambang ameh. Salain itu indak saketek yang alah bakarajo di luar wilayah inyo, sarupo di Palangkaraya, Kuala Kapuas, Muaro Teweh jo lain-lain sabagai karajo di sektor pamarintahan maupun di sektor swasta.
Agamo
[suntiang | suntiang sumber]Urang suku dayak Ngaju samo suku dayak Ot Danum ko manganut kapicayoan yang ditinggan oleh niniak moyangnyo iolah Tjilik Riwut, agama iko iolah agamo Kaharingan yang mampunyoi ciri kusus Ijambe. Ijambe sandiri iolah sabuah ritual yang di karajoan katiko upacara panguburan urang sukunyo, sadangkan agamo asli yang di anut samo suku dayak Banuaka indak mangenal yang adonyo Ijambe.
Sajak abad partamo masehi pangaruah agamo Hindu mulai masuak ka Kalimantan dengan ditandai jo panamuan candi Agung yang ado Amuntai Kalimantan Salatan. Kamudian di abad ka 4 masehi masyarakaik kalimantan mulai mamasuaki era sijarah ditandai jo panamuan prasasti karajaan Kutai yang baragamo Hindu di Kalimantan Timua.
Samantaro agamo Islam mulai masuak dan manyebar di kalimantan padao abad ka 7 masehi, yang di tandai jo panamuan batu nisan sandai dan puncak panyebarannyo pado awal mulo abad ka 16 masehi. Masyarakaik yang baragamo Hindu pado maso itu bapindah ka agamo Islam dan sajak itu pulo lah mulai di tamui kabudayaan hukum adat banjar dan malayu yang di pangaruhi samo ajaran agamo Islam, akan tatapi babarapo kalompok masyarakaik padalaman suku dayak masih mamacik kapiayoan tahadap agamo Kaharingan.
Saat iko, sabagian gadang masyarakaik dayak yang baragamo Kaharingan mulai baransua-ansua mamaluak agamo keksritenan. Samantaro itu ado kurang dari 10% masyarakaik dayak yang masih mamaluak agamo Kaharingan ko.[7] Kini ko agamo Kaharingan alah digabuangkan kadalam agamo Hindu dan kini mandapek namo agamo Hindu Kahiringan.
Rujuakan
[suntiang | suntiang sumber]- ↑ "Dohoi Ot Danum in Indonesia". Joshua Project. Diakses tanggal 2014-09-27.
- ↑ "Ot Danum". Ethnologue. Diakses tanggal 2023-01-19.
- ↑ Borneo Research Council (Williamsburg, Va.) (1986). Borneo Research Bulletin, Volumes 18-20. Borneo Research Council.
- ↑ John F. McCarthy (2001). Decentralisation and Forest Management in Kapuas District, Central Kalimantan. CIFOR. ISBN 979-8764-80-3.
- ↑ Rosana Waterson (2009). Paths and Rivers: Sa'dan Toraja Society in Transformation. BRILL. ISBN 90-04-25385-8.
- ↑ Frank M. LeBar & George N. Appell (1972). Ethnic Groups of Insular Southeast Asia: Indonesia, Andaman Islands, and Madagascar. Human Relations Area Files Press. ISBN 978-0-87536-403-2.
- ↑ "Tradisi Suku Dayak & Asal-Usul Suku Dayak - Gramedia". Best Seller Gramedia (dalam bahasa Indonesia). 2022-07-01. Diakses tanggal 2023-01-19.
