Ajaran Samin
| Suku Samin Saminisme |
|---|
| Jumlah populasi |
| Kawasan bapopulasi cukuik banyak |
| Indonesia:
Blora: "jawa Tengah" |
| Bahaso |
| bahasa Jawa ngoko (Samin) |
| Agamo |
| Ajaran Samin tidak mahambek pangikuiknyo untuak mamaluak agamo apopun Kristen Protestan dan Katolik, Islam. |
Ajaran Samin (disabuik juo Pagerakan Samin atau Saminisme) adolah salah satu suku yang ado di Indonesia. Masyarakaik iko adolah katurunan para paikuik Samin Surosentiko yang mangajarkan sedulur sikep, di mano urang ko mangobarkan samangek parlawanan tahadap Balando dalam bantuak lain di lua kakerasan.[1] Bantuak yang dilakukan adolah manulak mambayai pajak, manolak sagalo paraturan yang dibuek pamarintah kolonial. Masyarakaik iko acap mamusiangkan pamarintah Balando maupun panjajahan Japang karano sikap itu, sikap yang hinggo kini dianggap mambuek sakik hati oleh kalompok di luanyo.[2]
Masyarakaik Samin sandiri juo mangisolasi diri hinggo baru pado taun '70-an, urang ko baru tau Indonesia alah mardeka. Kalompok Samin ini tasebar sampai Jawa Tangah, namun konsentrasi tagadangnyo barado di kawasan Blora, Jawa Tangah dan Bojonegoro, Jawa Timuayang masiang-masiang bamukim di pabatasan kaduo wilayah.[3] Jumlah urang ko indak banyak dan tingga di kawasan pagunuangan Kendeng di pabatasan duo provinsi. Kalompok Samin labiah suka disabuik wong sikep, karano kato samin bagi urang tu manganduang makna buruak.[4] Urang lua Samin acok manganggap urang ko sabagai kalompok yang lugu, indak suka mancilok, manolak mambayia pajak, dan acap manjadi bahan lawak tarutamo di kalangan masyarakaik Bojonegoro. Pokok ajaran Samin Surosentiko, yang namo aslinyo Raden Kohar, kalahiran Kampuang Ploso Kedhiren, Randublatung, taun 1859, dan maningga saat diasingkan ka Padang, 1914.[5][6]
Ajaran
[suntiang | suntiang sumber]Pengikut ajaran Samin mempunyai lima ajaran:[7]
- Indak basikolah,
- Indak Mamakai peci, tapi mamakai “iket”, yaitu samacam kain yang diikatkan di kapalo mirip urang Jawa dulu,
- Indak bapoligami,
- Indak mamakai sarawa panjang, dan hanyo pakai sarawa sampai lutuik,
- Indak badagang , dan
- manolak tahadap kapitalisme.
Panyebaran
[suntiang | suntiang sumber]Tasebar partamo kali di daerah Klopoduwur, Blora, Jawa Tangah. Pado taun 1890 pagerakkan Samin bakambang di duo desa rimbo kawasan Randublatung, Blora, Jawa Tangah. Gerakan iko lantas dengan capek manjala ka kampuang-kampuang lainnyo. Mulai dari pantai utaro Jawa sampai ka saputar rimbo di Pagunungan Kendeng Utaro dan Kendeng Salatan, atau di sakitar pabatasan provinsi Jawa Tangah dan Jawa Timua manuruik peta kini.[8]
Pokok-pokok ajaran Saminisme
[suntiang | suntiang sumber]Pokok ajaran Samin adalah sebagai berikut:
- Agamo adolah sanjato atau pegangan hiduik. Paham Samin indak mambeda-bedakan agamo, oleh karano itu urang Samin indak pernah mangingkari atau mambanci agamo. Yang pentiang adolah tabiat dalam hiduiknyo.
- Jan mangganggu urang, jan bacakak, jan suko iri hati, dan jan suko maambiak punyo urang.
- Basikap saba dan jan sombong.
- Manusia hiduik harus mamahami kahidupannyo sabab hiduik adolah samo dengan roh dan hanyo ciek, dibawa abadi salamanyo. Menuruik urang Samin, roh urang yang maningga indaklah maningga, tapi hanyo mananggakan pakaiannyo.
- Bilo mangecek harus bisa manjago muluik, jujua, jo saliang manghormati. Badagang bagi urang Samin dilarang karano dalam padagangan tadapek unsur “katidakjujuran”. Juo indak buliah manarimo sumbangan dalam bantuak kepiang.
Kabudayaan
[suntiang | suntiang sumber]Sabagaimano paham lain yang dianggap oleh pandukuangnyo sabagai agamo, urang Samin juo mamiliki "kitab suci". "Kitab suci"' itu adalah Serat Jamus Kalimasada yang tadiri dari babarapo buku, antaro lain Serat Punjer Kawitan, Serat Pikukuh Kasajaten, Serat Uri-uri Pambudi, Serat Jati Sawit, Serat Lampahing Urip, dan marupokan namo-namo kitab yang amat populer dan dimuliakan oleh urang Samin.
Ajaran dalam buku Serat Pikukuh Kasajaten (pengukuhan kahidupan sajati) ditulis dalam bantuak puisi tembang, yaitu suatu genre puisi tradisional kesusasteraan Jawa.
Dengan mampadomani kitab itulah, urang Samin nyo mambangun sabuah nagara batin yang jauah dari sikap drengki srei, tukar padu, dahpen kemeren. Sabaliknyo, urang tu nyo mawujudkan parintah "Lakonana sabar trokal. Sabare dieling-eling. Trokali dilakoni."
Sikap
[suntiang | suntiang sumber]Walaupun maso panjajahan Balando jo Japang alah salasai, urang Samin tatap manilai pamerintah Indonesia saat itu indak jujua. Oleh karanonyo, katika manikah urang tu indak mancatatkan dirinyo baiak di Kantor Urusan Agama/(KUA) atau di catatan sipil.
Sacaro umum, parilaku urang Samin/ 'Sikep' sangat jujua jo polos tatapi kritis.
Bahaso
[suntiang | suntiang sumber]Urang ko indak mangenal tingkatan bahaso Jawa, jadi bahaso yang dipakai adolah bahaso Jawa ngoko. Bagi urang ko manghormati urang lain indak dari bahaso yang digunokan tapi sikap dan pabuatan yang ditunjuakkan.[9]
Pakaian
[suntiang | suntiang sumber]Pakaian ouang Samin biasonyo barupo baju langan panjang indak ba kerah, bawarna itam. Laki-laki mamakai ikek kapalo. Untuak pakaian padusi bantuaknyo kebaya langan panjang, bakain sabateh di bawah tampuruang lutuik atau di ateh mato kaki.
Sistim kakarabatan
[suntiang | suntiang sumber]Dalam hal kakarabatan masyarakaik Samin mamiliki pasamoan jo kakarabatan Jawa pado umumnyo.
Panikahan
[suntiang | suntiang sumber]Mnuruik Samin, pakawinan itu sangaik pentiang. Dalam ajarannyo pakawinan itu marupokan alat untuak meraih kaluhuran budi yang sataruinyo untuak manciptakan “Atmaja (U)Tama” (anak yang mulia).
Dalam ajaran Samin, dalam pakawinan saurang pangantin laki-laki diharuskan mangucapkan syahadat, yang babunyi kurang labih damikian: “ Sajak Nabi Adam pakarajoan ambo memang kawin. (Kali ini) mangawini saurang padusi banamo…… ambo bajanji setia kapadonyo. Hiduik basamo alah kami jalani baduo”.
Manuruik urang Samin pakawinan alah dianggap sah walaupun yang manikahkan hanyo urang tuo pangantin.
Ajaran parihal Pakawinan dalam tembang Pangkur urang Samin adolah sabagai barikuik (dalam Bahaso Jawa):
| Basa Jawa | Terjemahan |
|---|---|
| “Saha malih dadya garan, | "Maka yang dijadikan pedoman, |
| anggegulang gelunganing pembudi, | untuk melatih budi yang ditata, |
| palakrama nguwoh mangun, | pernikahan yang berhasilkan bentuk, |
| memangun traping widya, | membangun penerapan ilmu, |
| kasampar kasandhung dugi prayogântuk, | terserempet, tersandung sampai kebajikan yang dicapai, |
| ambudya atmaja 'tama, | bercita-cita menjadi anak yang mulia, |
| mugi-mugi dadi kanthi.” | mudah-mudahan menjadi tuntunan." |
Yang manjadi manarik adolah ado suatu tradisi di kalangan suku samin bakaitan jo panikahan, di mano para calon pasangan dimungkinkan untuak malakukan pakawinan talabiah dahulu untuak manantukan apokah akan malanjuikkan pilihannyo untuak ka janjang panikahan atau indak. Parilaku iko alah banyak dicatat jo ditulis baiak oleh paneliti Indonesia maupun asing.
Sikap terhadap lingkungan
[suntiang | suntiang sumber]Pandangan masyarakaik Samin tahadap lingkungan sangaik elok, urang tu mamanfaatkan alam (misalnyo maambiak kayu) sacukuiknyo sajo jo indak pernah mangeksploitasi. Hal iko sasuai jo pikiran masyarakaik Samin yang cukuik saderhana, indak balabiahan dan apo adonyo. Tanah bagi urang tu ibaraik ibu surang, artinyo tanah mambari panghidupan kapado urang tu. Sabagai patani tradisional maka tanah urang tu dipalakukan sabaiak-baiaknyo. Dalam pangolahan lahan (tumbuahan apo yang akan ditanam) urang tu hanyo badasarkan musim sajo yaitu panghujan jo kemarau. Masyarakaik Samin manyadari isi jo kakayaan alam habis atau indak tagantuang pado pamakainyo.
Pamukiman
[suntiang | suntiang sumber]Pamukiman masyarakaik Samin biasonyo mangalompok dalam ciek deretan rumah-rumah agar mamudahkan untuak bakomunikasi. Rumah itu tabuek dari kayu tarutamo kayu jati dan juo bambu, jarang ditamui rumah badindiang batu bata. Bangunan rumah relatif lueh jo bantuak limasan, kampuang, atau joglo. Panataan ruang sangaik saderhana dan masih tradisional, tadiri dari ruang tamu yang cukuik lueh, kamar tidua, jo dapua. Kamar mandi jo sumua talatak agak jauah dan biasonyo digunokan oleh babarapo kaluargo. Kandang taranak talatak di lua, di sampiang rumah.
Upacara dan tradisi
[suntiang | suntiang sumber]Upacara-upacara tradisi yang ado pado masyarakaik Samin antaro lain nyadran (barasiah kampuang) sakaligus manguras sumber aia pado sabuah sumua tuo yang banyak mambari manfaat pado masyarakaik. Tradisi salamatan yang bakaitan jo daur hiduik yaitu kehamilan, kalahiran, khitanan, pakawinan, dan kamatian. urang tu malakukan tradisi tasabuik sacaro saderhana.
Masyarakat Samin saat ini
[suntiang | suntiang sumber]Parubahan zaman juo bapangaruh tahadap tradisi masyarakaik Samin. Urang tu kini alah manggunokan traktor jo pupuk kimiawi dalam patanian, sarato manggunokan paralatan rumah tanggo dari plastik, aluminium, jo lain-lain.
Lihat pula
[suntiang | suntiang sumber]Referensi
[suntiang | suntiang sumber]- ↑ Benda, Harry (1969). "The Samin Movement". Bijdragen tot de Taal-, Land- en Volkenkunde: 207–216, 218–240.
- ↑ Korver, A. Pieter E. (1976). "The Samin Movement and Millenarism". Bijdragen tot de Taal-, Land- en Volkenkunde: 249–266.
- ↑ King, Victor T. (1973). "Some Observations on the Samin Movement of North-Central Java: Suggestions for the Theoretical Analysis of the Dynamics of Rural Unrest". Bijdragen tot de Taal-, Land- en Volkenkunde: 457–481.
- ↑ Rohmah, Ainur. "Saminism followers want exemption from 'religion section' on e-ID". The Jakarta Post.
- ↑ Van Der Kroef, Justus M. (1952). "The Messiah in Indonesia and Melanesia". The Scientific Monthly. 75 (3): 161–165.
- ↑ Shiraishi, Takashi (1990). "Dangir's Testimony: Saminism Reconsidered". Indonesia: 95–120.
- ↑ Faizal, Elly Burhaini. "Practicing Benevolence, Samin Tribe Endures Scorn". The Jakarta Post.
- ↑ Sastroatmodjo, Suryanto (1952). Masjarakat Samin (Blora). Central Java, Indonesia: the Indonesian Information Ministry's publication. pp. 482.
- ↑ Munawaroh, Siti; Ariani, Christriyati; Suwarno (2015). Etnografi Masyarakat Samin di Bojonegoro (Potret Masyarakat Samin dalam Memaknai Hidup). Yogyakarta: Bala Pelestarian Nilai Budaya Yogyakarta. ISBN 9789798971488. http://repositori.kemdikbud.go.id/1146/1/Etnografi%20Masyarakat%20Samin%20di%20Bojonegoro_LR.pdf.
Pranala luar
[suntiang | suntiang sumber]- (Indonesia) Samin: Melawan penjajah dengan jawa ngoko
- (Indonesia) Masyarakat Samin dan Anarkisme
- (Indonesia) Warna-warni Para "Sedulur Sikep" - Kompas, Rabu, 26 Oktober 2005
- (Indonesia) Jabat Erat Sedulur Sikep - Kompas Cyber Media 30 Januari 2006
- (Indonesia) Samin: Melawan penjajah dengan Jawa Ngoko - Intisari Edisi Juli 2001 Archived 2007-09-29 di Wayback Machine.
