Kota Padang

Wikipedia Minangkabau - Lubuak aka tapian ilimu
(Dialiahkan dari Padang)
Loncat ke navigasi Loncat ke pencarian
Kota Padang
كوت ڤادڠ
Sumatra 1rightarrow blue.svg Sumatra Barat
Panorama Kota Padang dari Taman Sitti Nurbaya
Museum AdityawarmanPelabuhan Teluk Bayur
Kejuaraan Tour de SingkarakKota Tua Padang
Klenteng See Hin KiongLapangan Imam Bonjol
Monumen IORA
Dari ateh saarah jarum jam: Panorama dari Taman Sitti Nurbaya, Palabuahan Taluak Bayua, Kota Tuo Padang, Lapangan Imam Bonjol, monumen IORA, Kalenteng See Hin Kiong, Tour de Singkarak, jo Museum Adityawarman.
Lambang Kota Padang كوت ڤادڠ
Lambang
Semboyan: Padang Kota Tercinta
Kota Padang كوت ڤادڠ is located in Indonesia
Kota Padang كوت ڤادڠ
Kota Padang
كوت ڤادڠ
Latak Padang di Indonesia
Koordinat: 0°57′0″S 100°21′11″E / 0.95000°S 100.35306°E / -0.95000; 100.35306
Nagara  Indonesia
Hari jadi 7 Agustus 1669
Pamarintahan
 • Wali kota Mahyeldi Ansharullah
Luas
 • Total 694.96 km2 (268.33 sq mi)
Panduduak
 • Total 927.168 jiwa
Demografi
 • Agamo Islam 97.777%
Kristen 1.28%
Katolik 0.6%
Buddha 0.25%
Hindu 0.08%[1]
Zona wakatu WIB (UTC+7)
Kode telepon +62 751
Kecamatan 11[2]
Desa/kelurahan 104
Palabuahan udaro Internasional Minangkabau
Palabuahan Taluak Bayua

Kota Padang (Jawi: كوت ڤادڠ) marupokan kota nan paliang gadang di pasisia barat pulau Sumatera, sakaligus ibukota provinsi Sumatera Barat, Indonesia.

Namo kota iko, kini dirujuak juo sabagai sabutan lain untuak etnis Minangkabau. Salain itu digunokan pulo untuak manyabuik namo masakan khas suku iko nan biasonyo dikenal jo namo Masakan Padang.

Hal lain nan tanamo dari kota Padang iyolah angkotnyo.

Sijarah[suntiang | suntiang sumber]

Alun ado data nan pasti sia nan maagiah namo kota ko Padang. Dipakirokan kota ko pado mulonyo babantuak sabuah lapangan atau dataran nan amaik laweh nan dinamoan Padang. Dalam bahaso Minang, kato padang dapek juo bamukasuik samacam sinjato padang nan panjang.[3]

Manuruik tambo, saedaran kota ko dulunyo marupoan bagian dari wilayah rantau nan ditaruko dek parantau-parantau Minangkabau dari dataran tinggi atau darek, utamonyo nan dari Solok-Salayo. Tampek bamukim partamonyo adolah di pakampuangan nan talatak di tapi selatan Batang Arau (di tampek nan kini banamo Subarang Padang).[4] Kampuang-kampuang baru kudian ditaruko ka arah utara pamukiman awa tasabuik, nan kasadonyo tamasuak Kanagarian Padang dalam adaik Nan Salapan Suku, iyolah :[5]

  • Lareh Bodi Caniago:
  1. Suku Sumagek (Caniago Sumagek),
  2. Suku Mandaliko (Caniago Mandaliko),
  3. Suku Panyalai (Caniago Panyalai), jo
  4. Suku Jambak
  • Lareh Koto Piliang:
  1. Suku Sikumbang (Tanjuang Sikumbang),
  2. Suku Balai Mansiang (Tanjuang Balai-Mansiang),
  3. Suku Koto (Tanjuang Piliang), jo
  4. Suku Malayu

Adopulo pandatang dari rantau pasisia lainnyo, iyolah dari Painan, Pasaman, jo Tarusan.[5]

Sarupo kawasan rantau Minangkabau lainnyo, pado mulonyo kawasan pasisia barat Sumatra ado di bawah pangaruah Karajaan Pagaruyuang.[6] Namun, pado mulo abaik ka-17 kawasan ko alah manjadi bagian dari kadaulatan Kasultanan Aceh.[7][8] Tibonyo banso asiang di Kota Padang bamulo dek kunjungan palauik Inggirih pado taun 1649.[9] Kota ko kudian mulai bakambang samanjak tibonyo Vereenigde Oost Indische Compagnie (VOC) pado taun 1663 nan diiriangi jo migrasi panduduak Minangkabau dari kawasan luhak[10].

Gerbang manyambuik tibonyo Gubernur Jenderal Johan Paul van Limburg Stirum di Padang pado Maret 1916

Salain muaronyo nan rancak, VOC cinan mambangun palabuahan kapa jo pamukiman baru di pasisia barat Sumatra untuak mamudahan jalan dagang ka kawasan padalaman Minangkabau. Salanjuiknyo pado taun 1668, VOC bahasil mausia pangaruah Kasultanan Aceh jo mananamon pangaruahnyo di sapanjang pantai barat Sumatra, bak cando nan tatulih pado suret Regent Jacob Pits ka bakeh Rajo Pagaruyuang nan barisi pamintaan dilakuannyo ubuangan dagang baliak jo mandistribusian ameh ka kota ko.[11] VOC bahasil mangambangkan Kota Padang dari pakampuangan nalayan manjadi kota metropolitan pado abaik ka-17.[12] Padang manjadi kota labuahan kapa nan rami untuak manggaleh ameh, teh, kopi, jo rampah-rampah. Dalam pakambangannyo, pado 7 Agustus 1669 tajadi pagolakan rakyaik Pauh jo Koto Tangah malawan monopoli VOC. Walau dapek diradam dek VOC, kajadian ko kudian diabaikikan manjadi taun lahia Kota Padang.[13]

Babarapo banso Eropa siliah baganti maambiak aliah kuaso di Kota Padang. Pado taun 1781, dek rangkaian Parang Inggirih-Balando Kaampek, Inggirih bahasil manguasoi kota ko.[14][15] Namun, sasudah ditandotanganinyo Pajanjian Paris pado taun 1784 kota ko dibaliakan ka VOC.[16] Pado taun 1793 kota ko taleso dijarah jo dikuasoi dek parompak Parancih nan bamarkas di Mauritius banamo François Thomas Le Même, nan upayonyo diapresiasi dek pamarintah Parancih wakatu itu jo maagiah panghargaan.[17] Kudian pado taun 1795, Kota Padang diambiak aliah baliak dek Inggirih.[14] Namun, salapeh paparangan era Napoleon, pado taun 1819 Balando mangklain baliak kawasan ko nan kudian dikukuahan malalui Traktat London, nan ditandotangani pado 17 Maret 1824.[14][18]

Lambang Kota Padang zaman Hindia Balando, diadopsi taun 1926.

Pado taun 1837, pamarintah Hindia Balando manjadian Padang sabagai puset pamarintahan wilayah Pasisia Barat Sumatra (Sumatra's Westkust) nan wilayahnyo tadiri dari Sumatra Barat jo Tapanuli kini.[19] Kudian kota ko manjadi daerah gemeente sajak 1 April 1906 sasudah kaluanyo ordonansi (STAL 1906 No. 151) pado 1 Maret 1906. Inggo Parang Dunia II, Padang marupokan salah satu dari limo kota palabuahan paliang gadang di Indonesia, salain Jakarta, Surabaya, Medan, jo Makassar.[20] Manjalang masuaknyo tantara Japang pado 17 Maret 1942, Kota Padang ditinggaan Balando dek kapanikannyo. Pado wakatu nan basamoan Soekarno taleso tatahan di kota ko dek pihak Balando sangkek tu nio mambaoknyo turuik sato malarian diri ka Australia.[21] Kudian palimo Angkatan Darek Japang untuak Sumatra basobok jo baliau untuak marundiangan nasib Indonesia salanjuiknyo.[22] Salapeh Japang dapek mangandalian situasi, kota ko kudian dijadian sabagai kota administratif untuak urusan pambangunan jo karajo umum.[23]

Kaba Indonesia mardeka pado 17 Agustus 1945 baru sampai ka Kota Padang akhia bulan Agustus. Namun, pado 10 Oktober 1945 tantara Sakutu alah masuak ka Kota Padang malalui Palabuahan Taluak Bayua, dan kudian kota ko diduduaki salamo 15 bulan.[24] Pado tanggal 9 Maret 1950, Kota Padang dibaliakan ka Republik Indonesia nan sabalunnyo manjadi nagara bagian Republik Indonesia Serikat (RIS) malalui surek kaputusan Presiden RIS nomor 111. Kudian, manuruik Undang-Undang Nomor 225 taun 1948, Gubernur Sumatra Tangah sangkek tu malalui surek kaputusan nomor 65/GP-50, pado 15 Agustus 1950 manatapan Kota Padang sabagai daerah otonom. Wilaah kota dipalaweh, samantaro status kawedanan Padang diapuih jo urusannyo bapindah ka Wali Kota Padang.[23] Pado 29 Mai 1958, Gubernur Sumatra Barat malalui Surat Keputusan Nomor 1/g/PD/1958, sacaro de facto manatapan Padang manjadi ibu kota provinsi Sumatra Barat, dan sacaro de jure taun 1975, nan ditandoi jo kaluanyo Undang-Undang Nomor 5 taun 1974. Pamarintah pusek kudian mangaluakan Peraturan Pamarentah Nomor 17 taun 1980, nan manatapan parubahan bateh-bateh wilayah Kota Padang sabagai pamarintah daerah.[25] Manuruik Rencana Jangka Panjang Manangah Nasional 2015-2019, pamarintah pusek manatapan Kota Padang, basamo Kabupaten Padang Pariaman jo Kota Pariaman untuak pangambangan wilayah metropolitan Palapa (Padang—Lubuak Aluang—Pariaman).[26]

Padang mandapek piala Adipura untuak partamo kalinyo pado taun 1986 dari Presiden Soeharto dek prestasinyo manjadi salah satu kota nan barasiah di Indonesia. Salanjuiknyo di taun 1991 koto iko juo nan mandapekan piala Adipura Kencana[13].

Pado tanggal 30 September 2009, kota iko mandapek musibah gampo bakakuatan 7.6 Skala Richter, nan manyababkan kahancuran 25% infrastruktur nan ado di kota iko[27].

Panorama Kota Padang di sailiran Batang Arau pado abaik ka-19.

Geografi[suntiang | suntiang sumber]

Meskipun mampunyoi laweh total 694,96 km², labiah dari 60% wilayah Kota Padang babantuak pabukitan nan tatutuik dek utan linduang.

Kota Padang talatak di pantai barat pulau Sumatra, lueh kasaluruhan 694,96 km² atau sataro jo 1,65% dari lueh provinsi Sumatra Barat.[28] Labiah dari 60% dari lueh Kota Padang barupo pabukitan nan ditutuik dek hutan linduang. Hanyo sakitar 205,007 km² wilayah nan marupoan daerah efektif pakotaan.[29] Daerah pabukitan mambantang di bagian timur dan selatan kota. Bukik-bukik nan tanamo di Kota Padang di antaronyo adolah Bukik Lampu, Gunuang Padang, Bukik Gado-Gado, jo Bukik Pagambiran. Kota Padang punyo garih pantai sapanjang 68,126 km di daratan Sumatra. Salain itu, ado pulo 19 buah pulau ketek, di antaronyo iyolah Pulau Sikuai luehnyo 4,4 ha di Kecamatan Bungus Taluak Kabuang, Pulau Toran salueh 25 ha jo Pulau Pisang Gadang di Kecamatan Padang Selatan.[30][31]

Pado taun 1833, Residen James du Puy malaporan tajadi gampo bumi nan dipakiroan bakakuatan 8.6–8.9 skala Richter di Padang nan manjadi sabab tajadinyo tsunami.[32] Sabalunnyo pado taun 1797, dipakiroan dek para ahli panah tajadi gampo bumi bakakuatan 8.5–8.7 skala Richter, nan manimbulan tsunami pulo di pasisia Kota Padang jo mambuek karusakan pado kawasan Pantai Aia Manih.[32] Pado 30 September 2009, kota ko dihoyak gampo bumi baliak bakakuatan 7,6 skala Richter,[33] jo titiak pusek gampo di lauik pado 0.84° LS dan 99.65° BT nan kadalamannyo 71 km, nan manyababan hancuanyo 25% infrastruktur di kota ko.[34]

Katinggian di wilayah daratan Kota Padang amaik bavariasi, iyolah antaro 0 m sampai 1.853 m di ateh pamukaan lauik jo daerah tatinggi adolah Kecamatan Lubuak Kilangan. Suhu udaronyo cukuik tinggi, iyolah antaro 23 °C–32 °C pado siang hari dan 22 °C–28 °C pado malam hari, jo kalambabannyo di antaro 78%–81%.[35] Kota Padang mamiliki banyak batang aia, iyolah 5 batang aia gadang jo 16 batang aia ketek, jo nan tapanjangnyo iyolah Batang Kandih sapanjang 20 km. Tingkek curah hujan Kota Padang mancapai rato-rato 405,58 mm per bulan jo rato-rato ari ujan 17 ari per bulan. Tingginyo curah ujan mambuek kota ko cukuik rawan jo banjir. Pado taun 1980 2/3 kawasan kota ko panah tarandam banjir karano saluran drainase kota nan bamuaro utamo ka Batang Arau indak talok manampuang baliak limpahan aia tasabuik.[36]

Data iklim Padang
Bulan Jan Peb Mar Apr Mai Jun Jul Agt Sep Okt Nov Des Tahun
Rekor tertinggi °C (°F) 33.9
(93)
34.4
(93.9)
33.9
(93)
33.3
(91.9)
33.9
(93)
33.9
(93)
33.3
(91.9)
33.3
(91.9)
32.8
(91)
33.3
(91.9)
32.8
(91)
32.8
(91)
34.4
(93.9)
Rata-rata tertinggi °C (°F) 30.6
(87.1)
31.7
(89.1)
31.7
(89.1)
31.7
(89.1)
32.2
(90)
32.2
(90)
31.7
(89.1)
32.2
(90)
32.2
(90)
31.7
(89.1)
31.1
(88)
30.6
(87.1)
31.6
(88.9)
Rata-rata harian °C (°F) 27.0
(80.6)
27.0
(80.6)
27.0
(80.6)
27.2
(81)
27.5
(81.5)
27.0
(80.6)
25.0
(77)
25.0
(77)
26.7
(80.1)
26.7
(80.1)
26.7
(80.1)
26.7
(80.1)
26.6
(79.9)
Rata-rata terendah °C (°F) 23.3
(73.9)
24.4
(75.9)
23.9
(75)
23.9
(75)
23.9
(75)
23.9
(75)
23.3
(73.9)
23.3
(73.9)
23.9
(75)
23.9
(75)
23.9
(75)
23.9
(75)
23.8
(74.8)
Rekor terendah °C (°F) 21.1
(70)
20.6
(69.1)
21.1
(70)
21.7
(71.1)
21.7
(71.1)
20.0
(68)
21.1
(70)
20.6
(69.1)
21.1
(70)
21.1
(70)
21.1
(70)
21.1
(70)
20.0
(68)
Presipitasi mm (inci) 351
(13.82)
259
(10.2)
307
(12.09)
363
(14.29)
315
(12.4)
307
(12.09)
277
(10.91)
348
(13.7)
352
(13.86)
495
(19.49)
518
(20.39)
480
(18.9)
4.172
(164,25)
Rata-rata sinar matahari bulanan 175 181 175 188 200 206 200 186 136 135 167 167 2.116
Sumber #1: Sistema de Clasificación Bioclimática Mundial[37]
Sumber #2: Deutscher Wetterdienst (matahari, 1961–1990)[38][lower-alpha 1]

Pamarintahan[suntiang | suntiang sumber]

Daftar Kecamatan[suntiang | suntiang sumber]

Peta wilayah administratif kota Padang

Kota Padang tadiri dari 11 kecamatan nan tabagi dek 104 kelurahan. Kecamatan Koto Tangah marupakan kecamatan jo laweh wilayah paliang gadang, sadang Kecamatan Padang Barat mampunyoii wilayah paliang ketek.

No Namo Kecamatan Ibukota Kecamatan Laweh Wilayah
1 Kecamatan Bungus Teluk Kabung Teluk Kabung 100,78 km²
2 Kecamatan Koto Tangah Lubuk Buaya 232,25 km²
3 Kecamatan Kuranji Kalumbuk 57,41 km²
4 Kecamatan Lubuk Begalung Lubuk Begalung 30,91 km²
5 Kecamatan Lubuk Kilangan Bandar Buat 85,99 km²
6 Kecamatan Nanggalo Nanggalo 8,07 km²
7 Kecamatan Padang Barat Belakang Tangsi 7,00 km²
8 Kecamatan Padang Selatan Seberang Padang 10,03 km²
9 Kecamatan Padang Timur Simpang Haru 8,15 km²
10 Kecamatan Padang Utara Ulak Karang 8,08 km²
11 Kecamatan Pauh Cupak Tangah 146,29 km²

Tata ruang[suntiang | suntiang sumber]

Kota Padang mamiliki karakteristik ruang pakotaan nan maadok Samudera Hindia jo bakuliliang Pagunuangan Bukik Barisan. Pakambangan kawasan urban di Padang bageaak ka arah utara jo timur dari kawasan kota tuo di muaro Batang Arau.[39] Panataan wilayah kota kini ko maacu pado Paraturan Daerah (Perda) tantang Rencana Tata Ruang Wilayah (RTRW) Kota Padang taun 2010–2030. Sajalan jo pambangunan kota nan babasis mitigasi bancano, wilayah timur Padang dikambangan sabagai kawasan pamukiman dan pusek pandidikan, sadangkan wilayah barat nan badakekan jo pantai marupoan kawasan komersial pakotaan sarato pusek bisnis.[40][41] Pamindahan pusek pamarintahan Kota Padang ka wilayah timur (Aia Pacah, Koto Tangah) pado taun 2010 adolah salah satu upayo mangurangi konsentrasi panduduak di kawasan tapi lauik.

Panorama Kota Padang dari Taman Sitti Nurbaya pado 28 Juni 2013. Padang mampunyoi ruang pakotaan nan maadok Samudera Hindia ka arah barat jo bakuliliang Pagunuangan Bukik Barisan dari arah timur.

Arsitektur[suntiang | suntiang sumber]

Dari sisi arsitektur, bangunan nan ado di Kota Padang kini sadang dalam transformasi mabaliakan tradisi dalam bantuak ekspresi arsitektur modern nan mampatahankan sisi tradisional.[42] Kota ko sacaro umum mampu maimbangi pakambangan bantuak arsitektur lua nan taruih muncua di satiok kota di Indonesia jo seni arsitektur tradisionalnyo.[43] Hal ko juo tampak salain pado bangunan tasuo pulo bamacam gapura pado babarapo rueh jalan jo ciri khas atok gonjong.[44] Gonjong ko marupokan salah satu bagian simbol etnik, marepresentasikan makna filosofi Minangkabau nan tarabstrasikan ka dalam bantuak bangunan.[45] Walaupun kini alah tajadi pageseran nilai budayo maancam eksistensi nilai-nilai nan masih asali, masyarakaik Minang pun maraso baso citra arsitektur vernakularnyo cukuik tawakili dek atok gonjong sajo.[46]

Sabalunnyo dari ilia Batang Arau manuju Muaro Pantai Padang ado babarapa bangunan tuo jo ciri arsitektur Eropa nan disasuaikan jo gaya model untuak daerah tropis antaranyo NHM (Nederlansche Handels-Maatschappij), Padangsche Spaarbank, De Javansche Bank, dan NV Internatio nan didirian sabalum 1920 nan manjadi saksi bisu jajak kolonial nan tatingga.[47]

Taman jo utan kota[suntiang | suntiang sumber]

Ruang Terbuka Hijau (RTH) Imam Bonjol nan marupokan alun-alun Kota Padang.

Sajak taun 1995, Pamarintah Kota Padang alah mulai mangambangkan hutan kota tamasuak Ruang Terbuka Hijau (RTH) nan bafungsi maningkekan kualitas lingkungan iduik pakotaan nan nyaman jo elok, juo sabagai salah satu sarana rekreasi sakali utamonyo untuak warga kotanyo.[48] RTH nan ado di kota ko iyolah RTH Taman Melati jo RTH Imam Bonjol nan juo bafungsi sabagai alun-alun kota. Di kawasan Pantai Padang, adopulo Taman Muaro Lasak nan dilangkoki jo Monumen Merpati Perdamaian. Monumen tasabuik dirasmikan dek Presiden Joko Widodo dalam rangka Multilateral Naval Exercise Komodo 2016.[49]

Pado sailiran Batang Kuranji ado Utan Kota Delta Malvinas nan marupokan habitat untuak bangau dan buayo kaciak putiah.[50][51] Samantaro pado Kecamatan Lubuk Kilangan, ado Taman Utan Raya Bung Hatta, nan marupokan kawasan konservasi palestarian plasma nutfah flora utan salaweh 240 ha.[52] Taman Utan Raya ko babatehan jo Kabupaten Solok, dan alah dimanfaatkan sabagai tampek wisata alam, sarana pandidikan jo panalitian sarato juo bafungsi hidroorologi jo panangka polusi khususnyo untuak Kota Padang.[53]

Kota Padang mandapek piala Adipura untuak partamo kalinyo pado taun 1986 dari Presiden Soeharto dek prestasinyo manjadi salah satu kota paliang barasiah di Indonesia. Salanjuiknyo pado taun 1991 kota ko juo mandapek Adipura Kencana.[13] Inggo taun 2009 Kota Padang alah mandapek 17 kali piala Adipura salama 4 periode panilaian.[54] Salapan taun sasudah Gampo Bumi 2009 nan maancuakan sarana jo prasarana kota, Padang baliak maraiah piala Adipura untuak ka-18 kalinyo pado taun 2017.[55]

Panduduak[suntiang | suntiang sumber]

Kota Padang marupokan kota jo jumlah panduduak paliang banyak di Provinsi Sumatra Barat. Manuruik sensus panduduak nan dilakukan Badan pusek Statistik (BPS) taun 2010, jumlah panduduak Kota Padang adolah sabanyak 833.584 urang. Jumlah tu manunjuakan panurunan nan signifikan dari data panduduak taun 2008 (856.815 urang) dek gampo bumi 2009.[28] Pado akhia taun 2014, Dinas Kependudukan dan Pencatatan Sipil (Disdukcapil) Kota Padang malaporan jumlah panduduak sabanyak 1.000.096 urang jo rincian 273.915 Kapalo Kaluarga nan tadiri dari 507.785 urang laki-laki jo 492.306 padusi.[56] Pado taun 2009 kota ko basamo jo Makassar, Denpasar, dan Yogyakarta, ditatapan dek Kemendagri sabagai ampek kota proyek pacontohan panerapan Kartu Tando Panduduak (KTP) babasis Nomor Induak Kapandudukan (NIK) di Indonesia.[57][58][59]

Taun 1819 1874 1930 1971 1980 1990 2008 2010 2014 2016 2017
Jumlah panduduak 8.500 Green Arrow Up.svg 25.000 Green Arrow Up.svg 52.054 Green Arrow Up.svg 195.912 Green Arrow Up.svg 480.607 Green Arrow Up.svg 631.263 Green Arrow Up.svg 856.815 Green Arrow Down.svg 833.584 Green Arrow Up.svg 1.000.096 Green Arrow Down.svg 902.413 Green Arrow Up.svg 927.168
Sijarah kapandudukan Kota Padang
Sumber:[10][28][60][56][60]

Etnis[suntiang | suntiang sumber]

Uda jo Uni Kota Padang 2012 jo pakaian tradisional etnis Minangkabau.

Panduduak Padang rami nan dari etnis Minangkabau.[61] Etnis lain nan juo bamukim di siko adolah Jao, Tionghoa, Nieh, Mentawai, Batak, Aceh, dan Tamil. Urang Minang di Kota Padang marupoan parantau dari daerah lainnyo dalam Provinsi Sumatra Barat. Pado taun 1970, jumlah pandatang sabanyak 43% dari saluruah panduduak, jo 64% barasa dari daerah-daerah lainnyo dalam provinsi Sumatra Barat. Pado taun 1990, dari jumlah panduduak Kota Padang, 91% barasa dari etnis Minangkabau.[10]

Urang Nieh sempat manjadi kalompok minoritas paliang gadang pado abaik ka-19. VOC mambaoknyo sabagai budak sajak mulo abaik ka-17. Sistem pabudakan diakhiri pado taun 1854 dek Pangadilan Nagari Padang. Pado mulonyo urang Nieh tingga di Kampuang Nieh, namun kudian banyak tingga di Gunuang Padang. Cukuik banyak juo urang Nias nan manikah jo urang Minangkabau. Salain itu, ado pulo nan manikah jo urang Eropa jo Tionghoa. Banyaknyo panikahan campuran ko manurunkan persentase urang Nieh di Padang.[62]

Balando kudian mambaok juo urang Jaok sabagai pagawai jo tantara, sarato ado juo nan manjadi tukang di parak-parak. Salanjuiknyo, pado abaik ka-20 urang Jao banyak nan datang sabagai transmigran. Salain itu, urang Madura, Ambon dan Bugih juo panah manjadi panduduak Padang, sabagai tantara Balando pado maso parang Pidari. Panduduak Tionghoa datang indak lamo sasudah pandirian pos VOC. Urang Tionghoa di Padang nan biaso disabuik jo Cino Padang, sabagian gadang alah mambaur dan biasonyo babahaso Minang.[62] Pado taun 1930 paliang indak 51% marupokan parantau generasi katigo, jo 80% adolah Hokkian, 2% Hakka, sarato 15% Kwongfu.

Urang Tamil atau katurunan India kamungkinan datang basamo tantara Inggris. Daerah hunian urang Tamil di Kampuang Kaliang marupokan pusek niago. Sabagian gadang darinyo nan bamukim di Kota Padang alah malupokan budayonyo.[63] Urang-urang Eropa dan Indo nan panah mauni Kota Padang mailang salamo taun-taun di antaro kamardekaan (1945) jo nasionalisasi parusahoan Balando (1958).[62]

Agamo[suntiang | suntiang sumber]

Musajik Rayo Gantiang, marupokan musajik tatuo di Padang

Mayoritas panduduak Kota Padang mamaluak agamo Islam. Banyak pamaluaknyo nan urang Minangkabau. Agamo lain nan dianuik di kota ko adolah Kristen, Buddha, dan Khonghucu, nan kabanyakan dianuik dek panduduak bukan dari etnis Minangkabau. Baragam tampek ibadaik juo ditamui di kota ko. Salain didominasi dek musajik, gareja jo klenteng ado juo di Kota Padang.

Musajik Rayo Gantiang marupakan musajik tatuo di kota ko, nan dibangun kiro-kiro taun 1700. Sabalunnyo musajik ko ado di kaki Gunuang Padang sabalun bapindahan ka lokasi kini. Babarapo tokoh nasional panah salat di musajik ko di antaranyo Soekarno, Hatta, Hamengkubuwana IX dan A.H. Nasution.[64] Bahkan Soekarno sempat agiah pidato di musajik iko .[65] Musajik ko juo panah manjadi tampek embarkasi haji malalui palabuahan Emmahaven (kini Taluak Bayua) wakatu itu, sabalun dipindahan ka Asrama Haji Tabiang kini.[66]

Gareja Katholik jo arsitektur Balando alah batagak sajak taun 1933[67] di kota ko, walaupun French Jesuits alah mulai malayani umaiknyo sajak dari taun 1834, sairiang batambahnyo populasi urang Eropa wakatu itu.[3]

Dalam rangka mandorong gairah panghayatan kahidupan baragamo utamonyo untuak pamaluak agamo Islam pado taun 1983 untuak partamo kalinyo di kota ko diadoan Musabaqah Tilawatil Qur'an (MTQ) tingkek nasional nan ka-13.[3]

Pandidikan[suntiang | suntiang sumber]

Kampus Universitas Andalas (Unand) di Limau Manis. Unand adalah universitas tertua di luar Jawa.

Kota Padang sajak dari zaman kolonial Balando alah manjadi pusek pandidikan di Sumatra Barat. Tacataik pado taun 1864, jumlah pelajar nan tadaftar di sikolah nan ado di kota ko sabanyak 237 urang.[68]

Untuak maagiahan palayanan jo kamudahan ka siswa sarato urang tuo murid, pamarintah kota bakarajo samo jo UNP sarato Telkom sajak 1 Juli 2010 nan manyalanggaroan baliak Panarimoan Siswa Baru (PSB) Online untuak sikolah nagari janjang SMP jo SMA, sarato parbaikan pola jo sistem jiko dibandingan jo taun sabalumnyo.[69][70] Sistem nan alah diterapan sajak taun 2006 ko,[69] akan mamotivasi sakaligus mamudahan saluruah siswa nan nio malanjuikan pandidikannyo di masiang-masiang tingkek pandidikan. Siswa dapek mamiliah sikolah favoritnyo manuruik rangking nilai nan didapeknyo sarato dapek dikatahui sacaro langsuang jo transparan.[71]

Kota Padang punyo puluhan perguruan tinggi, sapuluah di antaronyo babantuak universitas. Universitas Andalas (Unand) nan balokasi di Limau Manih diresmian dek Wakil Presiden patamo Mohammad Hatta pado taun 1955 sabagai universitas tatuo di lua Jawa. Pado taun 2014, Unand manjadi universitas patamo di Sumatra nan mandapekan paringek A untuak akreditasi paguruan tinggi dari Badan Akreditasi Nasional Perguruan Tinggi (BAN-PT).[72] Paguruan tinggi nagari lainnyo nan ado di Kota Padang yakni Universitas Negeri Padang (UNP) di Aia Tawa, Universitas Islam Negeri Imam Bonjol (UIN-IB) di Lubuak Lintah, Politeknik Negeri Padang di Limau Manih, Politeknik Kesehatan Padang di Siteba, jo Politeknik ATI Padang di Tabiang. Sajumlah paguruan tinggi swasta ado pulo di kota ko, sarupo Universitas Bung Hatta, Universitas Baiturrahmah, Universitas Ekasakti, Universitas Tamansiswa, Universitas Putra Indonesia, Universitas Muhammadiyah Sumatra Barat, Institut Teknologi Padang, jo Universitas Dharma Andalas

Perpustakaan Daerah Sumatra Barat talatak di Kota Padang tamasuak salah satu perpustakaan nan paliang rancak di Indonesia, jumlah koleksinyo mancapai 30.000 judul, tamasuak fasilitas jo pangalolaan nan maksimum, sarato jumlah pangunjuang pustaka nan tinggi.[73] Sasudah gampo bumi, kagiatan Perpustakaan Daerah Sumatra Barat sajak 1 Februari 2010 untuak samantaro dipindahan ka Tabiang, manunggu pambangunan gedung baru nan sabalumnyo rusak parah, kini ko alah baliak ka lokasi samulo nan ado di Jln.Diponegoro, No.4[74]

Pendidikan formal SD atau MI nagari dan swasta SMP atau MTs nagari dan swasta SMA nagari dan swasta MA nagari dan swasta SMK nagari dan swasta Perguruan tinggi
Jumlah satuan 477 129 49 10 42 58
Data sekolah di Kota Padang
Sumber:[75][76][77]

Kesehatan[suntiang | suntiang sumber]

Templat:Lihatpula

Data kesehatan Kota Padang
Izin Praktik Jumlah
Dokter spesialis 36
Dokter umum 100
Dokter gigi 36
Bidan 407
Perawat 214
Asisten Apoteker 373
Apotek 180
Optikal 25
Toko obat 98
Rumah bersalin 55
Klinik pengobatan tradisional 31
Sumber:[78]

Sabagai salah satu pusek kesehatan di Pulau Sumatra, Kota Padang alah punyo fasilitas kesehatan nan cukuik langkok. Salain punyo sajumlah rumah sakik nan bataraf nasional jo internasional, rumah sakik tu alah pulo didukuang dek sajumlah paguruan tinggi nan bakaikan jo kesehatan. Rumah Sakik Umum Dr. M. Djamil nan didirian dek pamarintah pusek pado taun 1953 marupoan rumah sakik rujuakan untuak wilayah Sumatra bagian tangah.[79] Rumah sakik ko alah baafiliasi jo Fakultas Kadokteran Universitas Andaleh sarato Politeknik kesehatan Padang. Sasudah gampo 30 September 2009, kondisi bangunan jo paralatan rumah sakik ko mamprihatinan.[80] Rumah Sakik M. Djamil kini ko sadang barusaho mamelokan program Hospital Disaster untuak mangantisipasi kajadian sarupo nantinyo.[81]

Pamarintahan Kota Padang alah punyo pulo rumah sakik nan banamo Rumah Sakit Umum Daerah Dr. Rasidin.[82] Untuak maagiahan palayanan nan maksimal, pamarintahan Kota Padang alah mandirian sabanyak 20 buah puskesmas jo 58 buah puskesmas pambantu pado wilayah kecamatan di kota ko. Untuak taun 2007, ciek puskesmas di Kota Padang rato-rato malayani 41.000 urang. Angko ko labiah tinggi dari konsep ideal wilayah puskesmas nan hanyo untuak malayani 30.000 urang sajo, sahinggo jiko ditinjau dari panyebaran, sarana kesehatan alah mamadai. Namun jiko ditinjau dari aspek mutu palayanan kesehatan masih jauh dari nan diharokan.[78]

Salain itu, di kota ko tadapek pulo sajumlah rumah sakik nan dikalola dek BUMN, Kepolisian, TNI AD jo pihak swasta. Pado taun 2013, PT Semen Padang maresmian Semen Padang Hospital nan marupoan rumah sakik bataraf internasional patamo di Sumatra Barat.[83] Rumah Sakik Tentara Dr. Reksodiwiryo nan dikalola dek TNI AD talatak pado kawasan cagar budayo Gantiang. Rumah sakik ko tagak di komplek bangunan paninggalan zaman Balando nan sabalumnyo marupoan tampek paristirahatan para tentara kolonial.[84] Rumah Sakik Selasih marupoan rumah sakik swasta nan dikalola sacaro basamo jo pihak Kumpulan Perubatan Johor (KPJ) Sdn Bhd dari Malaysia,[85] namun akibaik gampo bumi 30 September 2009 rumah sakik ko mangalami karusakan barek.[86]

Pariwisata[suntiang | suntiang sumber]

Slogan pariwisata Padang
Pulau Sikuai, salah satu resort pulau di parairan Kota Padang.

Kota Padang nan tanamo jo lagenda Sitti Nurbaya jo Malin Kundang kini sadang babenah ka arah pambangunan pariwisata.[87] Kota ko punyo sabuah museum nan talatak di pusek kota nan banamo Museum Adityawarman, nan mampunyoi gaya arsitektur babantuak rumah adat Minangkabau (Rumah Gadang), mode Gajah Maharam. Di laman muko museum ado duo lumbuang padi nan disabuik Rangkiang. Museum ko makhususkan diri pado sijarah jo budayo urang Minangkabau, urang Mentawai jo urang Nieh. Museum ko mampunyoi 6.000 koleksi.

Di kawasan palabuahan Muaro banyak tasuo babarapo bangunan paninggalan sajak zaman Balando. Babarapo bangunan di kawasan tasabuik ditatapkan pamarintah satampek sabagai cagar budaya. Di antaronyo adolah Musajik Muhammadan batarikh 1843, nan marupokan masjid barono ijau mudo nan dibangun dek komunitas katurunan India. Cagar budayo lain, Klenteng Kwan Im nan banamo See Hin Kiong taun 1861 kudian direnovasi baliak taun 1905 dek sabalunnyo tabaka.[88] Dari sailiran Batang Arau, ado sabuah jambatan nan banamo Jambatan Sitti Nurbaya. Jambatan itu maubuangkan sabuah kawasan bukik nan dikana juo jo namo Gunuang Padang. Pado bukik ko ado Taman Sitti Nurbaya nan manjadi lokasi kuburan Sitti Nurbaya.[89] Kawasan bukik ko juo daulunyo manjadi tampek mukim mulo-mulo masyarakaik etnis Nieh di Kota Padang.[90]

Kudian di palabuahan Taluak Bayua ado babarapo kawasan wisata sarupo Pantai Aia Manih, tampek batu Malin Kundang tagak.[91] Salain itu, taruih ka selatan dari pusek kota juo ado kawasan wisata Pantai Caroline, jo Pantai Bunguih,[92] sarato sabuah resort wisata sakelas hotel babintang tigo nan talatak di Pulau Sikuai.[93] Sadangkan ka arah Kecamatan Koto Tangah, ado kawasan wisata Pantai Pasia Jambak, sarato kawasan wisata alam Lubuak Minturun,[94] nan populer dalam tradisi balimau dan rami disinggahi dek masyarakaik utamonyo saari sabalun masuak bulan Ramadan.[95]

Kota ko juo tanamo jo masakannya. Salain manjadi salero sabagian gadang masyarakaik Indonesia, masakan ko juo populer sampai ka mancanegara.[96] Makanan nan populer di antaronyo sarupo Gulai, Randang, Ayam Pop, Taruang Balado, Gulai Itiak Lado Ijau, Nasi Kapau, Sate Padang jo Karupuak Sanjai. Restoran Padang ado banyak di saluruah kota gadang di Indonesia. Walau baitu, nan dinamokan sabagai "masakan Padang" sabananyo takana sabagai masakan etnis Minangkabau sacaro umum.[97]

Dalam mandorong pariwisata di Kota Padang, pamarintah kota maadoan Festival Randang untuak partamo kalinyo pado taun 2011, sasudah sabalunnyo Randang dinobatkan dek CNN International sabagai hidangan paringkek partamo dalam daftar World’s 50 Most Delicious Foods (50 Hidangan Talamak Dunia).[98] Festival nan dipusekkan di RTH Imam Bonjol tasabuik diikuti dek kelurahan sa-Kota Padang dan bahasil mamasak 5,2 ton dagiang, sainggo tacataik dalam Museum Rekor Indonesia sabagai palombaan mamasak jo dagiang sarato paserta tabanyak.[99] Pado taun nan samo pamarintah kota juo mulai manyelenggarakan Festival Sitti Nurbaya, pagelaran taunan nan maangkek adat jo tradisi Minangkabau.[100]

Tampek-tampek pantiang[suntiang | suntiang sumber]

Monumen[suntiang | suntiang sumber]

Barikuik ko monumen-monumen nan ado di Kota Padang:

Kota kamba[suntiang | suntiang sumber]

Rujuakan[suntiang | suntiang sumber]

  1. "Kota Padang Dalam Angka 2016", diakses 29 Juli 2017.
  2. Peraturan Pemerintah Republik Indonesia No. 17 Tahun 1980 tentang Perubahan Batas Wilayah Kotamadya Daerah Tingkat II Padang.
  3. a b c Colombijn. Paco-Paco (Kota) Padang. pp. 55. 
  4. Colombijn, Freek. Paco-Paco (Kota) Padang. pp. 56. 
  5. a b Jumhari (April 2013). "Urgensi Penguatan Identitas Kewarganegaraan Subnasional di Kota Padang Pasca Gempa 2009: Studi Tentang Reposisi Etnis Cina Terhadap Kebijakan Publik dan Politik Lokal". Wacana Etnik, Jurnal Ilmu Sosial dan Humaniora (Padang: Pusat Studi dan Informasi Kebudayaan Minangkabau (PSIKM) dan Sastra Daerah FIB Universitas Andalas) Vol. 4, no. 1: 8. ISSN 2098-8746. http://wacanaetnik.fib.unand.ac.id/index.php/wacanaetnik/article/viewFile/42/49. 
  6. Cortesão, Armando (1944). The Suma Oriental of Tomé Pires. 2. London: Hakluyt Society. 
  7. Kathirithamby-Wells, J (1969). Achehnese Control over West Sumatra up to the Treaty of Painan of 1663. JSEAH 10. 3:453-479.. 
  8. Abdullah, Taufik. "Some Notes on the Kaba Tjindua Mato: An Example of Minangkabau Traditional Literature" (PDF). http://cip.cornell.edu/DPubS/Repository/1.0/Disseminate/seap.indo/1107140687/body/pdf. Diakses pado 30 Maret 2010. 
  9. Keane, A.H. (1892). Eastern Geography: A Geography of the Malay Peninsula, Indo-China, the Eastern Archipelago, the Philippines, and New Guinea. E. Stanford. 
  10. a b c Colombijn, Freek, (1996), Padang, Cities (Elsevier), Vol. 13, Issue 4, August 1996, pp. 281-288, doi:10.1016/0264-2751(96)00010-8. (Jurnal berbayar)
  11. NA. VOC 1277. Mission to Pagaruyung. fols. 1027r-v.
  12. Abad 17 Kota Padang Pernah Jadi Kota Metropolitan
  13. a b c Pemda Tingkek II Kotamadya Padang, (1995), 326 taun Padang kota tercinta, 7 Agustus 1669-7 Agustus 1995: gerbang pariwisata Indonesia kawasan barat, Pemda Tingkat II Kotamadya Padang bekerja sama jo PT. Buana Lestari.
  14. a b c Moore, B., Nierop, H.F.K. (2003). Colonial Empires Compared: Britain and the Netherlands, 1750-1850. Ashgate Publishing. ISBN 0-7546-0492-6.
  15. Marsden, William (1784). The History of Sumatra: Containing an Account of the Government, Laws, Customs and Manners of the Native Inhabitants, with a Description of the Natural Productions, and a Relation of the Ancient Political State of That Island. 
  16. Tarling, Nicholas (1964). "Anglo-Dutch Rivalry in the Malay World, 1780-1824". Historical Journal 7: 177-179. http://links.jstor.org/sici?sici=0018-246X(1964)7%3A1%3C177%3AARITMW%3E2.0.CO%3B2-Y. 
  17. Piat, Denis (2007). Pirates and Corsairs in Mauritius. Christian le Comte. ISBN 978-99949-905-3-5. 
  18. Keat, G.O. (2004). Southeast Asia: a Historical Encyclopedia, from Angkor Wat to East Timor. ABC-CLIO. 1-57607-770-5. 
  19. Asnan, Gusti (2002). Transportation on the West Coast of Sumatra in the Nineteenth Century. In: Bijdragen tot de Taal-, Land- en Volkenkunde, On the road The social impact of new roads in Southeast Asia 158. No. 4. Leiden. hlm. 727-741. www.kitlv-journals.nl.
  20. http://www.kicc.jp/auick/database/ids/ids01/ids01-05.htm
  21. Muljana, Slamet (2008). Kesadaran Nasional: dari Kolonialisme Sampai Kemerdekaan. 2. PT LKiS Pelangi Aksara. pp. 2. ISBN 979-1283-57-5. 
  22. Aqsha, Darul (2005). K. H. Mas Mansur, 1896-1946. Erlangga. pp. 72. ISBN 979-781-145-X. 
  23. a b Safwan, Mardanas (1987). Sejarah Kota Padang. Departemen Pendidikan dan Kebudayaan, Direktorat Sejarah dan Nilai Tradisional, Proyek Inventarisasi dan Dokumentasi Sejarah Nasional. 
  24. Kahin, A. (1999). Rebellion to Integration: West Sumatra and the Indonesian Polity, 1926-1998. Amsterdam University Press. ISBN 90-5356-395-4. 
  25. legislasi.mahkamahagung.go.id Perubahan Batas Wilayah Kotamadya Daerah Tingkat II Padang. Diakses pada 27 Juli 2010.
  26. http://www.harianhaluan.com/index.php/berita/nusantara/36839-padang-dan-padang-pariaman-jadi-metropolitan-baru
  27. sirrma.bppt.go.id Bencana Gempa Bumi dan Kolateral Longsor dan Kebakaran di Sumbar (diakses pada 26 Juli 2010)
  28. a b c sumbar.bps.go.id Luas Daerah dan Jumlah Penduduk Kota Padang.
  29. Kondisi Geografis Kota Padang
  30. http://www.kp3k.dkp.go.id Kawasan Konservasi. Diakses pada 27 Juni 2010.
  31. http://www.ppk-kp3k.dkp.go.id Profil Pulau Pisang Gadang. Diakses pada 27 Juni 2010.
  32. a b Natawidjaja, D. H. (Juni 2006). "Source parameters of the great Sumatran megathrust earthquakes of 1797 and 1833 inferred from coral microatolls". Journal Of Geophysical Research 111 (B06403): B06403. doi:10.1029/2005JB004025. http://www.gps.caltech.edu/~sieh/pubs_docs/papers/P06e.pdf. 
  33. McCloskey, J.; et. al. (2010). "The September 2009 Padang Earthquake". Nature Geoscience 3: 70-71. doi:10.1038/ngeo753. 
  34. sirrma.bppt.go.id Bencana Gempa Bumi dan Kolateral Longsor dan Kebakaran di Sumbar. Diakses pada 26 Juli 2010.
  35. http://www.padang.go.id Profil Geografis Kota Padang.
  36. Tempo. 10. Badan Usaha Jaya Press Jajasan Jaya Raya. 4 Desember 1980. 
  37. "Indonesia–Padang". Centro de Investigaciones Fitosociológicas. http://www.globalbioclimatics.org/station/in-padan.htm. Diakses pado 18 Juni 2019. 
  38. "Station 96163: Mia Padang". Global station data 1961–1990—Sunshine Duration. Deutscher Wetterdienst. ftp://ftp-cdc.dwd.de/pub/CDC/observations_global/CLIMAT/multi_annual/sunshine_duration/1961_1990.txt. Diakses pado 18 Juni 2019. 
  39. Padang Kota Lama, Tata Ruang Berbasis Rasialisme. Ranah Berita. Diakses pada 21 September 2013.
  40. Khatib Dijadikan Kawasan Bisnis. Padang Ekspres. Diakses pada 10 Oktober 2013.
  41. Pemkot Padang Diminta Petuhi RTRW. Bisnis Sumatra. Diakses pada 10 Oktober 2013.
  42. P. Nas, Martien de Vletter, (2009), Masa lalu dalam masa kini: arsitektur di Indonesia, PT Gramedia Pustaka Utama, ISBN 979-22-4382-8.
  43. Prisma, Volume 13, Issues 1-6, (1984), Lembaga Penelitian, Pendidikan & Penerangan Ekonomi dan Sosial.
  44. Gamma, Volume 3, Issues 24-32, (2001), Garda Media Mandiri.
  45. Ratna Delia Octaviana, Gonjong sebagai simbol etnik dan peleburannya dalam modernitas arsitektur Minangkabau, Skripsi, UI
  46. Gemala Dewi, Arsitektur vernakular Minangkabau kajian arsitektur dan eksistensi rumah gadang dilihat dari pengaruh serta perubahan nilai budaya, Skripsi, UI
  47. Menengok Kejayaan Zaman Kolonial di Kota Padang. Tempo.co. Diakses pada 6 Oktober 2012.
  48. Peraturan Daerah No. 5 tahun 1995 tentang Ruang Terbuka Hijau Kota Padang
  49. Utama, Abraham. "Jokowi Sahkan Monumen Merpati Perdamaian di Padang" (dalam bahaso en). https://www.cnnindonesia.com/nasional/20160412161602-20-123398/jokowi-sahkan-monumen-merpati-perdamaian-di-padang. Diakses pado 2 September 2019. 
  50. http://www.koran.padek.co/read/detail/6616.
  51. opac.unila.ac.id Pemeliharaan Lansekap Ruang Terbuka Hijau Imam Bonjol Kota Padang Sumatra Barat.
  52. Keputusan Presiden Republik Indonesia Nomor 35 Tahun 1986 Tentang Pembangunan Kebun Raya Setia Mulya sebagai Taman Hutan Raya DR. Mohammad Hatta.
  53. tourism.padang.go.id Taman Hutan Raya Bung Hatta.
  54. Besok Fauzi Bahar Terima Adipura. Padang Today. Diakses 10 Juli 2013.
  55. Setelah 8 Tahun, Kota Padang Kembali Raih Piala Adipura. Tempo. Diakses pada 7 September 2017.
  56. a b Data Kependudukan Harus Akurat. Harian Singgalang. Diarsipkan dari aslinya. Diakses 18 April 2016.
  57. http://www.padang.go.id Depdagri Tetapkan Pemko Padang KTP Berbasis NIK.
  58. nasional.kontan.co.id Depdagri Ujicoba Penerapan KTP Berbasis NIK di 4 Kota.
  59. http://www.jakartacitydirectory.com Pemutakhiran Data Kependudukan di Padang.
  60. a b padangkota.bps.go.id Angka Final Sensus Penduduk 2010 Kota Padang. Diakses pado 28 Juni 2011.
  61. BPS, Kota Padang Dalam Angka 2002
  62. a b c Amran, Rusli (1988). Padang Riwayatmu Dulu. Yasaguna. 
  63. Colombijn, Freek. Paco-Paco (Kota) Padang. pp. 69-77. 
  64. Zein, Abdul Baqir (1999). Masjid-Masjid Bersejarah di Indonesia. Gema Insani. ISBN 979-561-567-X. 
  65. Soekarno (1990). Bung Karno dan Islam: Kumpulan Pidato tentang Islam, 1953-1966. Haji Masagung. ISBN 979-412-167-3. 
  66. tourism.padang.go.id Masjid Raya Gantiang. Diakses pada 10 November 2010.
  67. Nas, P. (1993). Urban symbolism. BRILL. p. 65. ISBN 90-04-09855-0. 
  68. Graves, Elizabeth E. (2007). Asal-Usul Elite Minangkabau Modern: Respons Terhadap Kolonial Belanda Abad XIX/XX. Yayasan Obor Indonesia. ISBN 978-979-461-661-1. 
  69. a b www.padang.go.id. Diakses pada 10 November 2010.
  70. psb.diknaspadang.or.id PSB Online Dinas Pendidikan Kota Padang.
  71. http://www.diknas-padang.org PSB Online Dicontoh. Diakses pada 10 November 2010.
  72. Universitas Andalas Mendapat Akreditasi Institusi A
  73. http://www.padangmedia.com Perpustakaan Wilayah Sumbar Termasuk 4 Besar di Indonesia. Diakses pada 10 November 2010.
  74. http://www.sumbarprov.go.id Pelayanan Perpustakaan Daerah Sumbar Mulai Aktif. Diakses pada 10 November 2010.
  75. http://www.diknas-padang.org Profil Sekolah.
  76. http://www.padang.go.id Dinas Pendidikan.
  77. nisn.jardiknas.org Data Siswa.
  78. a b http://www.depkes.go.id Buku Profil Kesehatan Tahun 2007 Kota Padang. Diakses pada 26 juni 2010.
  79. Ikatan Dokter Indonesia (1995). Kiprah Dokter Dalam Era 50 Tahun Indonesia Merdeka. Ikatan Dokter Indonesia. ISBN 978-979-8129-74-2. 
  80. http://www.tempointeraktif.com Kondisi Rumah Sakit M. Djamil Memprihatinkan. Diakses pada 2 Oktober 2010.
  81. http://www.antara-sumbar.com RS M. Djamil Perbaiki Hospital Disaster. Diakses pada 2 Oktober 2010.
  82. http://www.padang.go.id RSUD Rasidin Berbenah Diri.
  83. Rumah Sakit Sumbar Siap Bersaing. Padang Ekspres. Diakses pada 11 Juli 2013.
  84. Kutipan rusak: Tag <ref> indak sah; indak ado teks untuak ref banamo Fatimah
  85. announcements.bursamalaysia.com KPJ-Milestone.
  86. http://www.deplu.go.id Press Release Pusat Komunikasi Publik Untuk Gempa Padang. 4 Oktober 2009. Diakses pada 10 November 2010.
  87. "Potensi Kota Padang". Dinas Kebudayaan dan Pariwisata Kota Padang. http://tourism.padang.go.id/index.php. Diakses pado 2 Oktober 2010. 
  88. bataviase.co.id Menjenguk Kota Tua Padang setelah Gempa. Diakses pada 10 November 2010.
  89. Rusli, Marah (1991). Sitti Nurbaya: Kasih Tak Sampai. PT Balai Pustaka. ISBN 978-979-407-167-0. 
  90. Anatona (1996). Permukiman Migran Asal Nias di Kota Padang dan Sekitarnya: Suatu Tinjauan Historis. Departemen Pendidikan dan Kebudayaan, Lembaga Penelitian, Universitas Andalas. 
  91. Dwi Elisa, Caroline Johnson (2000). Malin Kundang: Folktales From West Sumatra. Penerbit PT Framedia Widiasarana Indonesia. ISBN 978-979-669-872-1. 
  92. Witton, P. (2003). Indonesia. Lonely Planet. ISBN 1-74059-154-2. 
  93. http://www.newsikuai-island.com New Sikuai Island Resort.
  94. Backshall, Stephen (2003). The Rough Guide to Indonesia. Rough Guides. pp. 403. ISBN 1-85828-991-2. 
  95. Gamma. 1. Garda Media Mandiri. 4 Desember 1999. 
  96. Ramli, Andriati (2008). Masakan Padang: Populer & Lezat. Niaga Swadaya. ISBN 978-979-1477-09-3. 
  97. Masakan Padang. Jakarta: Galangpress Group. 4 Desember 2009. ISBN 978-602-8328-22-7. 
  98. World’s 50 Most Delicious Foods by CNN GO. Diakses pada 8 Januari 2012.
  99. Memasak 5,2 Ton Rendang Pecahkan Rekor MURI. Metrotvnews.com. Diakses pada 8 Januari 2012.
  100. Festival Siti Nurbaya Diharapkan Tingkatkan Kunjungan Wisawatan. Antara Sumbar. Diakes pada 11 Juli 2013.
  101. RH, Priyambodo (2012-02-12). "Padang-Hildesheim perkuat jalinan Kota Kembar". Antara. http://www.antaranews.com/berita/297000/padang-hildesheim-perkuat-jalinan-kota-kembar. Diakses pado 2013-012-07. 
  102. "Padang Kerja Sama dengan Kota Vung Tau". Antara. 29 Nopember 2012. http://www.antarasumbar.com/berita/padang/d/2/258943/padang-kerja-sama-dengan-kota-vung-tau.html. Diakses pado 28 Desember 2012. 
  103. "Padang Sumbar dan Beit Lahiya Gaza Kerjasama Kota Kembar". 28 Oktober 2012. http://www.knrp.org/padang-sumbar-dan-beit-lahiya-gaza-kerjasama-kota-kembar. Diakses pado 28 Desember 2012. 
  104. a b "Wako: Kerjasama Padang-Perth-Dubai Saling Menguntungkan". 15 September 2015. http://sumbar.antaranews.com/berita/157585/wako-kerjasama-padang-perth-dubai-saling-menguntungkan.html. Diakses pado 27 Desember 2015. 

Catatan[suntiang | suntiang sumber]

  1. Station ID untuk Mia Padang adalah 96163 Gunakan station ID ini untuk menemukan durasi sinar matahari

Bacoan lanjuik[suntiang | suntiang sumber]

  • Colombijn, Freek (2006). Paco-Paco (Kota) Padang: Sejarah Sebuah Kota di Indonesia pada Abad ke-20 dan Penggunaan Ruang Kota. Yogyakarta: Penerbit Ombak. 

Pautan lua[suntiang | suntiang sumber]

Kota-kota gadang di Indonesia
  Kota Provinsi Populasi     Kota Provinsi Populasi
1 Jakarta Daerah Khusus Ibukota Jakarta 10.647.383 Kota Padang
Kota Padang
7 Palembang Sumatera Selatan 1.573.898
2 Surabaya Jawa Timur 2.917.688 8 Batam Kepulauan Riau 1.236.399
3 Medan Sumatera Utara 2.499.838 9 Pekanbaru Riau 1.093.416
4 Bandung Jawa Barat 2.440.717 10 Bandar Lampung Lampung 1.015.910
5 Makassar Sulawesi Selatan 1.671.001 11 Padang Sumatera Barat 927.168
6 Semarang Jawa Tengah 1.667.131 12 Malang Jawa Timur 847.391
Sumber: Kemendagri 2018 (indak tamasuak kota satelit)