Kayu

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Kayu adolah bagian batang atau cabang serta rantiang tumbuhan nan mangareh karano mangalami lignifikasi (pengayuan).

Kayu digunokan untuak babagai kaperluan, mulai dari mamasak, mambuek parabot (meja, kursi), bahan bangunan (pintu, jendela, rangka atok), bahan karateh, dan banyak lai. Kayu juo dapek dimanfaaikan sebagai hiasan-hiasan rumah tangga dan sebagainya.

Panyebab tabantuaknyo kayu adolah akibek akumulasi selulosa dan lignin pado dindiang sel babagai jaringan di batang.

Ilmu kayu (wood science) mampelajari babagai aspek mangenai klasifikasi kayu serta sifek-sifek kimia, fisika, dan mekanika kayu dalam babagai kondisi pananganan.

Babarapo jenis kayu dipiliah karano basifek kedap aia, isolator, dan mudah dibantuak.

Sijarah[suntiang | suntiang sumber]

Tumbuhan bakayu muncua di alam dipakirakan patamo kali pado 395 hinggo 400 juta tahun yang lalu.[1] Manusia alah menggunokan kayu untuak babagai kabutuhan sajak ribuan tahun, tautamo untuak bahan baka dan bahan konstruksi untuak mambuek rumah dan sanjato serta sabagai bahan baku industri (misal pangamehan dan karateh). Kayu bisa dijadikan rujuakan sijarah mangenai kondisi iklim dan cuaca pada maso pohon tasabuik tumbuah malalui variasi jarak antar cincin patumbuhan.[2]

Batang pohon nan dipotong malintang akan mampalihekan bagian-bagian kayu, yang acok babeda warna. Bagian tadalam adolah empulur yang lunak, lalu ka bagian lua adolah kayu teras, kayu gubal, dan tarakhir adolah pepagan (kulik kayu). Bagian pacabangan akan mampaliekan pola khusus, yang biaso disabuik sabagai "mato kayu".

Cincin patumbuhan[suntiang | suntiang sumber]

Cincin patumbuhan atau juo disabuik lingkaran tumbuah adolah gambar pola-pola konsentrik pado panampang malintang kayu. Tabantuaknyo cincin patumbuhan kayu iko adolah karano tajadinyo pabedaan musim nan dialami dek pohon tasabuik. Pado ciek tahun pohon akan mangalami periode jo patumbuhan capek dan periode jo patumbuhan nan lambek, dan itu mampangaruhi patumbuhan diameter batang pohon. Diameter nan batumbuah capek, lalu malambek, akan mambantuak cincin ciek tahun, dan sataruihnyo.

Bagian paliang tangah dari cincin patumbuhan kayu marupakan tahap hiduik mulo dari sabuah pohon nan masih mangalami patumbuhan relatif labiah capek, sahinggo massa jenisnyo labiah randah dibandingkan jo bagian kayu dari cincin patumbuhan nan dakek jo kulik paliang luanyo.

Mato kayu[suntiang | suntiang sumber]

Mata kayu atau knot adolah bagian dari kayu nan marupakan dasa dari pacabangan atau kuncup yang dorman. Mato kayu mamiliki pangaruh terhadap kayu, dan acokbana bapangaruh negatif. Mata kayu mangurangi kakuatan kayu sahinggo akan banilai randah ketiko digunokan sabagai struktur bangunan atau kapaluan lain di mano kakuatan manjadi patimbangan.[3] Namun untuak tujuan seni, keberadaan mato kayu dapek maningkekkan nilai.

Rujuakan[suntiang | suntiang sumber]

  1. "N.B. fossils show origins of wood ", (CBC.ca). Diakses pado 12 Agustus 2011.
  2. Trends in recent temperature and radial tree growth spanning 2000 years across northwest Eurasia. 
  3. Record, Samuel J (1914). The Mechanical Properties of Wood. J. Wiley & Sons. p. 165. ISBN B000863N3W. http://www.gutenberg.org/etext/12299.