Kapitalisme

Kapitalisme atau Kapital adolah sistem ekomoni padagangan, industri, dan alaik-alaik produksi dikandalian oleh pihaik swasta jo tujuannyo mandapek an kauntungan dalam ekonomi pasa. Pamilik modal dalam malakuan usahinyo bausaho untuak maraih kauntungan sagadang-gadangnyo. Dek prinsip tasabuik, pamarintah indak dapek malakuan intervensi pasa guno mandapek an kauntungan basamo, tatapi intervensi pamarintah dilakuan sacara gadang dan manyoluruah untuak kapantingan paribadi.

Walaupu co itu, kapitalisme sabananyo indak punyo istilah nan dapek ditarimo sacaro lueh. Babarapo ahli magiah definisi sabagai sabuah sistem nan mulai dipakai di Eropa pado abaik ke-16 inggo abaik ke-19, yaitu pado maso pakambangan perbankan komersial Eropa nan mano sakolompok individu maupun kalompok dapek batindak sabagai badan tatantu nan dapek mamiliki atau pun malakuan padaganag benda milik pribadi, terutama barang modal, sarupo tanah dan manusia guno proses parubahan dari barang modal ka barang jadi. Untuak mandapek an modal-modal tasabuik, para kapitalis aruih mandapek an bahan baku dan masih talabiah dahulu, kamudian buruh nan baparan sabagai operator masin guno mandapek an nilai dari bahan baku nan diolah.

kapitalisme mampunyoi sijarah nan panjang, yaitu sijarah ditamuannyo sistem paniagaan nan dilakuan dek pihaik swasta. Di Eropa, hal iko nan disabuik jo guild sabagai asa mulo kapitalisme. Kini, kapitalisme indak hanyo dipandang sabagai pandangan iduik nan mainginkan kauntungan sajo. Pancampuan kapitalisme jo sosialisme tanpa adonyo pangubahan manjadikan kapitalisme labiah lunak daripado duo atau tigo abaik nan lah lewaik.

Istilah kapitalisme, dalam arti modern, acok dikaik an jo Karl Marx. Dalam magnum opus Das Kapital, Marx manulih mangenai "cara produksi kapitalis" manggunoan metode pamahaman nan kini disabuik Marxisme. Samantaro Marx jarang mamakai istilah "kapitalisme", namun digunoan dua kali dalam interpretasi karyanyo nan labiah politik, tarutamo ditulih oleh kolaborator Friedrich Engels. Pado abaik ke-20 pembela sistem kapitalis acok manggantian kapitalisme jangko panjang jo frasa sarupo perusahaan bebas jo perusahaan swasta jo digantian dek kapitalis rente jo investor sabagai reaksi taadok negatif nan takaik jo kapitalisme.