Gereja

Dari Wikipedia baso Minang, ensiklopedia bebas
Lompek ka: navigasi, cari

Gereja atau disabuik juo Gareja (Igreja dalam bahaso Portugis jo εκκλησία (ekklêsia) dalam bahaso Yunani) adolah suatu kati nan baarati suatu pakumpulan atau limbago dari panganuik Kristiani. Istilah Yunani ἐκκλησία, nan ado dalam Pajanjian Baru di Alkitab Kristen biasonyo ditarjamahkan sabagai "jemaat". Istilah iko ado dalam 2 ayat dari Injil Matius, 24 ayat dari Kisah Para Rasul, 58 ayat dari surat Rasul Paulus, 2 ayat dari Surat kapado Urang Ibrani, 1 ayat dari Surat Yakobus, 3 ayat dari Surat Yohanes nan Katigo, dan 19 ayat dari Kitab Wahyu.

Etimologi[suntiang | suntiang sumber]

Gereja baasa dari bahaso Portugis: igreja, nan baasa dari bahaso Yunani: εκκλησία (ekklêsia) nan baarati dipanggia kalua (ek= kalua; klesia dari kato kaleo= mamanggia); kumpulan urang nan dipanggia ka lua dari dunia, punyo babarapo arati:

  1. Arati partamo ialah 'umat' atau labiah tapek pasakutuan urang Kristen. Arati iko ditarimo sabagai arati partamo bagi urang Kristen. Jadi, gereja partamo-tamo bukanlah sabuah gaduang.
  2. Arati kaduo adolah sabuah pahimpunan atau patamuan ibadah umat Kristen. Bisa batampek di rumah kadiaman, lapangan, ruangan di hotel, maupun tampek rekreasi.
  3. Arati katigo ialah mazhab (aliran) atau denominasi dalam agamo Kristen. Gereja Katolik, Gereja Protestan, dll.
  4. Arati kaampek ialah limbago (administratif) daripado sabuah mazhab Kristen. Contoh kalimaik “Gereja manantang parang Irak”.
  5. Arati taakhia dan juo arati umum adolah sabuah “rumah ibadahumat Kristen, di mano umat bisa badoa atau basumbayang.

Gereja (untuak arati nan partamo) tabantuak 50 hari salapeh kabangkikan Yesus Kristus pado hari rayo Pentakosta, yaitu katiko Roh Kudus nan dijanjikan Allah dibarikan kapado sadoalah nan picayo pado Yesus Kristus.

Caliak pulo[suntiang | suntiang sumber]