Lompat ke isi

Urang India-Indonesia

Tambah pautan
Wikipedia Minangkabau - Lubuak aka tapian ilimu
Orang India-Indonesia
Komunitas India-Indonesia di Kuil Shri Mariamman, Medan, Indonesia.
Total populasi
Resmi: 120.000 (2010)[1]
Kawasan jo populasi nan signifikan
Kebanyakan di Medan, juga tersebar luas di Surabaya, Banda Aceh, Jakarta, Denpasar, Padang, Surakarta, Bandung, dan Semarang
Bahaso
Utama: Indonesia · Tamil
Lainnya: Hindi · Sindhi · Punjab · Gujarat · Malayalam · Telugu · Inggris
Agamo
Banyaknya: Hinduisme
Sedikitnya: Kekristenan • Islam • Sikhisme • Buddhisme • Jainisme
Kalompok etnis takaik
Orang keturunan India, orang India-Malaysia

Urang India-Indonesia adolah kalompok masyarakaik katurunan India yang tingga dan manatap di Indonesia. Urang-Urang katurunan Pakistan, Bangladesh, dan wilayah Asia Salatan lain juo bisa disabuik sabagai urang India-Indonesia. Manuruik data dari Kamenterian Lua Nagari India, pado Januari 2012, ado 120.000 masyarakaik Indonesia katurunan India, jo 9.000 di antaranyo adolah warganegara India, yang urang tu bakarajo dan tingga di Indonesia.[2] Masyarakaik India-Indonesia kabanyakan tingga di Sumatra Utara, Banda Aceh, Surabaya, Medan jo Jakarta.[3]

Di Jakarta, masyarakaik Tamil-Indonesia mampunyoi organisasi yang banamo "Indonesia Tamil Tamram" yang bagerak dalam pelestarian bahaso dan budaya Tamil, mambangun saliang pangaratian antaro urang India jo Indonesia, dan mambarikan kasempatan baraja bagi anak-anak Tamil di Indonesia untuak baraja bahaso ibunyo. Untuak mukasuik itu, organisasi iko mangadokan kursus bahaso dan budaya, mambagikan literatur dalam bahaso Tamil, manyelengarakan babagai kagiatan takaik, sarupo debat, drama, tarian, jo musik, mandatangkan artis-artis takenal dari India dalam bidang tari, musik, drama, dan lain sabagainyo.[4]

Masyarakat India-Indonesia

Kalompok suku masyarakaik Punjabi dari India Utara banyak tadapek di kota-kota gadang di Jawa, sarupo Jakarta, Bandung, Yogyakarta, Surabaya, dll. dan pado umumnyo urang tu hiduik sabagai padagang. Banyak dari urang tu yang baragamo Sikh. Babarapo tokoh takamuko dari masyarakaik iko misalnyo adolah Raam Punjabi, rajo sinetron Indonesia dan bininyo, Rakhee Punjabi, H.S. Dillon, pakar ekonomi patanian. Kahidupan masyarakaik Indonesia katurunan India dikemas dengan baitu unik dalam serial televisi "Raj's Family" di salah satu stasiun televisi swasta.

Saurang tokoh Punjabi-Indonesia yang acok talupokan adolah Gurnam Singh, palari maraton pado era 1960-an yang manjadi palari tacapek Asia pado Asian Games 1962 di Jakarta.[5] Gurnam Singh juo barasa dari Sumatra Utara.

Urang-urang Gujarati dahulu datang ka Indonesia untuak manyebarkan agamo Islam.[6] Pado saat iko, urang tu takonsentrasi dalam ciek wilayah yang dinamokan sabagai Kampuang Pekojan.

Salain itu, di Indonesia ado pulo kalompok suku masyarakaik Sindhi yang juo banyak baperan dalam dunia padagangan di Indonesia. Urang tu umumnyo bagerak di bidang industri garmen dan tekstil, makanan jo partanian, pafilman, intan parmato jo batu-batu mulia. Masyarakaik Sindhi di Indonesia mampunyai organisasi sosial yang bernamo "Gandhi Seva Loka" yang banyak mambarikan bantuan kapado komunitas urang tu surang, sarato manyalanggarakan program urang tuo asuah sacaro taratur. Organisasi iko juo manolong kaum fakir-miskin di kalangan masyarakat yang labiah lueh, khususnyo katiko ekonomi negara dilanda krisis yang bakapanjangan.

Di dalam aktivitas sosialnyo, masyarakaik India-Indonesia mandirikan sakolah Gandhi International School di Jakarta. Salain itu, ado pulo babarapo Gurdwara, yakni tampek ibadah bagi urang tu yang baragamo Sikh, dan kuil bagi urang tu yang baragamo Hindu jo Jain.

Sijarah

[suntiang | suntiang sumber]
Dewa Harihara (gabungan Siwa dan Wisnu), dari situs Majapahit.

Babagai kalompok masyarakaik dari anak benua India alah datang ka kapulauan Indonesia sajak maso pra-sijarah. Di Bali, misalnyo, babagai siso karamik sajak abad partamo Masehi alah ditamukan. Malah namo Indonesia ko barasa dari bahaso Latin Indus "India" jo bahasa Yunani nêsos "pulau" yang sacaro harafiah barati 'Kapulauan India'.

Sajak abad ka-4 jo ka-5, pangaruh budaya India manjadi samakin jaleh. Bahaso Sanskerta digunokan dalam babagai prasasti. Namun sajak abad ka-7, huruf India samakin acok dipagunokan untuak manulis bahaso-bahaso satampek yang kini alah manganduang banyak kato pinjaman indak sajo dari bahaso Sanskerta, tapi juo dari babagai bahaso Prakerta jo bahaso-bahaso Dravida.

Salain itu, masyarakaik pribumi Indonesia pun mulai mamaluak agamo-agamo India, khususnyo Siwaisme jo Buddhisme. Namun ado pulo pamaluak Wisnuisme jo Tantrisme.

Diyakini pulo kalau babagai panduduak India jup manatap di Indonesia, bacampua jo bagaul dan barasimiliasi samo panduduak sakitar, karano pado abad ka-9 dalam sabuah prasasti dari Jawa Tangah disabuikkan namo-namo babagai panduduak India (jo Asia Tenggara):

[...] ikang warga kilalan kling ārya singhala pandikiri drawiḍa campa kmir […] (Brandes 1913:1021).
[...] warga sipil yang dapek dimanfaatkan adolah: urang-urang dari Kalinga (India Salatan), Arya (yakni, India Utara), Sri Lanka, urang-urang dari Pandikira(?), banso Dravida, Campa, jo Khmer […]

Balakangan, dengan bangkitnyo Islam, agamo Islam pun dibaok ka Indonesia samo urang-urang Gujarat sajak abad ka-11, bukan untuak manggantikan sistim-sistim kaugamoan yang alah ado, malainkan untuak malengkapinyo.

Warisan India di Indonesia

[suntiang | suntiang sumber]
Toko India di Pasar Baru, sebuah wilayah pemukiman kaum India di Jakarta (1920)

Warisan agamo Hindu yang masih tasiso di babarapo tampek di Sumatra, Jawa, Bali, jo Kalimantan, adolah bukti-buktinyo.[7] Kisah epos Mahabharata jo kisah klasik Ramayana alah manjadi bagian dari kahidupan sahari-hari banyak urang Indonesia. Banyak namo urang Indonesia yang manggunokan namo-namo India atau Hindu, walau indak barati kalau urang tu baragamo Hindu. Namo-namo sarupo "Yudhistira Adi Nugraha", "Bimo Nugroho", "Susilo Bambang Yudhoyono", sagalonyo mancaminkan pangaruah India yang sangaik kuek di Indonesia.

Salain itu di babarapo tampek, tampak siso-siso katurunan masyarakaik India yang alah babarua jo masyarakaik Indonesia. Namo-namo kaluargo (merga) di kalangan masyarakaikBatak Karo, sarupo brahmana jo Gurusinga yang tampaknyo barasa dari namo-namo India, manunjuakkan warisan urang katurunan India.

Di Jakarta tadapek daerah yang dinamoi Pekojan di Jakarta Kota, jo Koja di Jakarta Utara. Kaduo daerah iko dulunyo adolah pamukiman urang-urang India Muslim yang disabuik juo urang Khoja. Urang ko umumnyo barasa dari daerah Cutch, Kathiawar jo Gujarat. Urang ko barasa dari kasta Ksatria. Pado abad ka-14, komunitas iko mangalami parubahan gadang katiko saurang mubaligh Persia, Pir Sadruddin, manyebarkan agamo Islam di antaro urang tu dan mambarikan kapado urang tu namo "Khwaja", dan dari kato iko diperoleh kato "khoja" atau "koja". "Khawaja" sandiri barati "guru, urang yang dihormati jo cukuik barado".[8]

Pagaruah India di masakan Indonesia

[suntiang | suntiang sumber]
!Artikel utamo untuak bagian ko adolah: Masakan India-Indonesia

Pangaruh India tahadap masakan Nusantara, dapek ditalusuri lewat hubuangan antaro Kasultanan Mughal di India jo Aceh, sakitar abad 15 hinggo abad 16. Babarapo pangaruah Mughal diduga dapek ditamui dalam masakan yang padeh jo basantan. Tadapek duo pandapek babeda soal asal usua raso pedeh ko. Partamo, sumber padeh disabuik barasa dari lado yang dibaok banso Portugis ka Mughal, hinggo sampai ka Nusantara. Kaduo, urang India sabananyo alah mangenal lado, jauah sabalum urang Portugis tibo.

Masakan Indonesia dengan pangaruah India, diduga tadapek dalam megana atau cacahan sayua cubadak, yang masih bisa ditamui di daerah Pekalongan, Wonosobo, jo Temanggung. Masakan iko babeda di wilayah-wilayah yang marupokan bakeh daerah karajaan Hindu awal di Jawa, yaitu Kalingga.

Budaya India-Indonesia

[suntiang | suntiang sumber]

Budaya India-Indonesia adolah budaya hasil akulturasi budaya India jo budaya Indonesia yang bakambang di Indonesia.

Tampek ibadah masyarakaik India-Indonesia

[suntiang | suntiang sumber]
Masyarakat India-Indonesia kontemporer di Kuil Sri Mariamman

Di bawah iko adolah tampek-tampek ibadah masyarakaik India-Indonesia khususnyo yang baragamo Hindu jo Sikh.

  1. Satnam Sakhi Hall, JI. H. Samanhudi No. 6, Lt. 4, Jakarta Pusat. Kontak: Mr. Arjan D. Nanwani (3143618, 3147542, 3147543) atau Mr. Lachu Topandasani (3140207, 4241745)
  2. Sadhu Vaswani Jain Centre, Jl. Kemayoran Ketapang No. 144 A Jakarta Pusat, Tel. 4209729
  3. Gurdwara Sikh Temple, Jl. Pasar Baru Timur No. 10, Jakarta Pusat, Tel. 3843338
  4. Gurdwara Sikh Temple, Jl. Melur 4 No. 8 Tanjung Priok, Jakarta Utara, Tel. 4304045
  5. Yayasan Sri Sathya Sai Baba Jain Indonesia, Jl. Pasar Baru Selatan No. 26, Jakarta Pusat, Tel. 3842313, Fax: 3842312
  6. Anandpur Darbar Jain Temple, Jl. Pintu Air No. 45, Jakarta Pusat, Tel. 3457148
  7. Shiv Mandhir, Jl. Pluit Barat Raya No. 46, Jakarta 14450, Tel. dan Fax: 6616617
  8. Iskon Temple, Jl. Haji Suparman No. 10 Desa Citako, Cisarua Jalan Raya Puncak Km 81, Tel. 0251-253213
  9. Gurdwara Sosial Guru Nanak, Jl. Merpati Raya 103, Kampung Sawah, Ciputat, (dekat Bintaro Jaya IX, 2.5 km di belakang Bintaro International Hospital), Tel. 74634688
  10. Swami Teoram Satsang, JI. Johar No. 11 Menteng, Jakarta Pusat, Tel. 3002987, 3909362
  11. Jiwan Sudhar Satsang, Gg. Kelinci I No. 15, Jakarta Pusat, Tel. dan fax: 3851451, 3521032
  12. Yayasan Radhasoami Satsang Beas Indonesia, Jl. Alternatif Cibubur, Cileungsi, Desa Jatikarya, Pondok Gede 17435, Jawa Barat, Tel. 8451612, fax 8451617.
  13. Yayasan Radhasoami Satsang Beas Indonesia, Jl. Amir Hamzah No. 3, Surabaya
  14. Dewi Mandhir, Jl. Angkasa Dalam I No. 29, Jakarta Pusat, Tel. 4243379
  15. Shanti Mandir, Jl. Batu Tulis X/14, Jakarta Pusat, Tel. 3849980
  16. Graha Sindhu (Sindhu House), Jl. Samanhudi No. 31, Jakarta Pusat, Tel. 34832751 (hunt), Fax 3850116
  17. Yayasan Seni Kehidupan (Art of Living), Jl. Danau Indah Raya Blok A-1 Kav. No. 2 Sunter Jaya, Jakarta Utara, Tel. 6513123, Fax 6513124
  18. Sri Gur Mandir, Jl. Tunjungan No. 28A, Surabaya, Tel. (031) 5314929
  19. Sherawali Mandhir, Gang Sentul No. 14 Pasar Baru, Jakarta, Tel. (021) 3810064, 3812324
  20. Mangala Vinayak Temple (Ganesh Temple), Jl. Cikini 4 No. 16 - Menteng - Jakarta Pusat, Tel. 327563, 3144059
  21. Holy Trinity Anglican Tamil Church, Jalan Panglima Nyak Makam No. 4D-E, Medan 20153
  22. Graha Annai Velankanni, Jalan Sakura, Tanjung Selamat, Medan
  23. Trinity Tamil Methodist Church, Jalan Piring No. 29, Medan

Rujukan

[suntiang | suntiang sumber]
  1. ↑ Sandhu, K. S.; Mani, A. (18 Desember 1993). Indian Communities in Southeast Asia (First Reprint 2006). Institute of Southeast Asian Studies. ISBN 9789812304186. https://books.google.com/books?id=TeExjdWUmJYC&pg=PA96. Diakses pado 18 Desember 2017. 
  2. ↑ "Sorry for the inconvenience". Kementerian Luar Negeri India. Diakses tanggal 31 Desember 2023. 
  3. ↑ Indian Communities in Southeast Asia (edisi ke-First Reprint). 1 Nopember 2006. ISBN 9789812304186. https://books.google.com/books?id=TeExjdWUmJYC&q=indian+indonesian&pg=PA148. Diakses pado 31 Desember 2023. 
  4. ↑ Asosiasi Indonesia Tamil Tamram Archived 2009-06-23 di Wayback Machine., dalam situs komunitas India-Indonesia. Diakses 31 Desember 2023.
  5. ↑ Liputan6.com (2003-08-18). "Mantan Manusia Tercepat Asia yang Terlunta-lunta". liputan6.com (dalam bahasa Indonesia). Diakses tanggal 2023-01-30. 
  6. ↑ VIVASLOT. "Slot Online: Jenis-Jenis Permainan dan Fitur yang Wajib Diketahui". VIVASLOT. Diarsipkan dari versi asli tanggal 2023-01-30. Diakses tanggal 2023-01-30. 
  7. ↑ Chakraborty, Ankita (2015). "ANTHROPOLOGY | Indonesia : India's Cultural Hubspot". www.indrastra.com (dalam bahasa Inggris). IndraStra Global. ISSN 2381-3652. Diakses tanggal 31 Desember 2023. 
  8. ↑ "KHOJA - A SOCIO-HISTORICAL PERSPECTIVE". ismaili.net. Diakses tanggal 2023-01-30. 
Diambiak dari "https://min.wikipedia.org/w/index.php?title=Urang_India-Indonesia&oldid=3148000"