Suku Aneuk Jamee

Dari Wikipedia baso Minang, ensiklopedia bebas
(Dialiahkan dari Aneuk Jamee)
Jump to navigation Jump to search
Aneuk Jamee
Ughang Jamu
Jumalah populasi

100.000 jiwa

Kawasan bapopulasi cukuik banyak
Aceh
Bahaso
Bahaso Aneuk Jamee, Bahaso Aceh
Agamo
Islam
Kalompok etnik tadakek
Minang, Aceh

Suku Aneuk Jamee adolah sabuah suku nan taseba di sapanjang pasisia barat jo selatan Aceh mulai dari Singkil, Aceh Selatan, Aceh Barat Daya, jo Simeulue. Suku Aneuk Jamee marupoan panduduak Minangkabau nan bamigrasi ka Aceh pado abaik ka 19 [1] dan alah bacampua jo Suku Aceh, Kluet, Singkil, jo Devayan. Dari sagi bahaso, bahaso Aneuk Jamee masih dianggap salah satu dialek dari bahaso Minangkabau nan alah bacampua jo bahaso-bahaso satampek.

Namo[suntiang | suntiang sumber]

Namo "Aneuk Jamee" barasa dari bahaso Aceh nan sacaro harfiah baarati "anak tamu".

Sijarah[suntiang | suntiang sumber]

Konon caritonyo, katiko parang paderi balangsuang, para pajuang paderi mulai tasapik dek sarangan kolonial Balando. Pasisia Minangkabau pado wakatu itu adolah bagian dari karajaan Aceh mangirim bantuan balatantaro. Katiko kaadoan makin kritis rakyat tapaso di eksoduskan, pado wakatu itu mulailah rakyat Minangkabau batebaran di pantai Barat Selatan Aceh. Versi lain manyabuikan baso daerah Aceh Selatan marupoan pasinggahan dari Syeikh Burhanuddin Ulakan, saurang Syeikh nan barasa dari Ulakan Pariaman Sumatera Barat) (??? - 15 Shafar 1116 H 19/20 Juni 1704). Inyo adolah surang ulama nan manyebarkan Islam di Karajaan Pagaruyung. Salain itu inyo dikan sabagai pahlawan pagarakan Islam malawan panjajahan VOC. Inyo barasa dari pantai Ulakan, Pariaman. Syekh Burhanuddin pernah manimbo ilmu di Aceh kapado Syekh Abdurrauf Singkil dari Desa Singkil Aceh, nan pernah manjadi murid jo panganuik setia ajaran Syekh Ahmad al-Qusyasyi Madinah. Dek Syekh Ahmad kaduonyo dibari wewenang untuak manyebarkan agamo Islam di daerahnyo masiang-masiang. Manuruik carito, Aceh Selatan dulunyo marupoan pasinggahan kapa-kapa dari Sumatera Barat nan manuju Mekkah mambaok Jamaah Haji.

Dalam versi lain, Aneuk Jamee di Aceh Selatan mauni di daerah-daerah pasisia nan dakek jo lauik. Mungkin jalur papindahan niniak muyang daulu adolah dari jalur iko, daulu hiduik dari bakabun jo malauik. Sairiang pakambangan zaman, sairiang jo kamajemukan, hiduik taruih bakambang kini ado nan jadi pangusaho, padagang, pajabaik, PNS, jo lain sabagainyo.

Panyebaran[suntiang | suntiang sumber]

Suku Aneuk Jamee tarutamo ado di kabupaten Aceh Selatan (labiah kurang 50 % populasi) jo sabagian ketek di kabupaten Aceh Barat Daya, Aceh Barat, Aceh Singkil jo Simeulue.

Kawasan-kawasan yang didiami oleh suku Aneuk Jamee:

Kabupaten Kawasan
Aceh Selatan Kecamatan: Kluet Selatan, Labuhan Haji, Labuhan Haji Barat, Labuhan Haji Timur, Sama Dua, jo Tapak Tuan
Aceh Barat Daya Kecamatan: Susoh.
Aceh Barat Umumnyo takonsentrasi di babarapo desa dalam Kecamatan Meureubo (bacampua jo Suku Aceh) yaitu desa Gunong Kleng, Peunaga, Meureubo, Ranto Panyang dan sakitarnyo. Disampiang itu, sabagian ketek juo mandiami Desa Padang Seurahet nan tamasuak dalam Kecamatan Johan Pahlawan. Umumnyo nan disabuik taakhia ko marupoan katurunan pandatang nan barasa dari Kabupaten Aceh Selatan sarato alah tingga lamo di Aceh Barat sacaro turun tamurun.
Simeulue Sinabang
Aceh Singkil Kota Singkil, kecamatan Pulau Banyak (ada 3 desa, yaitu: Pulau Balai, Pulau Baguk jo Teluk Nibung)

Bahaso[suntiang | suntiang sumber]

Bahaso Minang tatap digunokan jo baasimilasi jo bahaso Aceh jadilah bahaso “jamee”. Indak banyak parubahan hanyo babarapo konsonan jo vokal nan saketek dialeknyo nan baubah. Dari sagi bahaso, dipakirokan masih marupoan dialek dari bahaso Minangkabau.[2] Namun, akibaik pangaruah proses asimilasi budayo nan cukuik lamo, kabanyakan dari Suku Aneuk Jamee, tarutamo nan mandiami kawasan nan didominasi dek Suku Aceh, misalnyo di wilayah Kabupaten Aceh Barat, Bahaso Aneuk Jamee hanyo ditutuakan di kalangan urang-urang tuo sajo jo kini umumnyo mareka labiah lazim manggunokan Bahaso Aceh sabagai bahaso pagaulan sahari-hari (lingua franca).[3]

Caliak Pulo[suntiang | suntiang sumber]

Rujuakan[suntiang | suntiang sumber]

  1. ^ John Fitzgerald McCarthy (2006). The Fourth Circle: A Political Ecology of Sumatra's Rainforest Frontier. Stanford University Press. ISBN 0-8047-5212-5. 
  2. ^ Shiv Shanker Tiwary & P.S. Choudhary (2009). Encyclopaedia Of Southeast Asia And Its Tribes (Set Of 3 Vols.). Anmol Publications. ISBN 81-261-3837-8. 
  3. ^ Lesley McCulloch (2009). Aceh: Then And Now. Minority Rights Group International. ISBN 1-904584-28-4.