Urang Muyu
Urang Muyu adolah salah satu suku banso di Indonesia dan ado di Papua Selatan nan manampuah daerah di sekitar Sungai Muyu dan talatak di sabalah
| Urang Muyu |
|---|
| Jumlah populasi |
| Kawasan bapopulasi cukuik banyak |
 Indonesia, Papua,Papua Selatan
|
| Bahaso |
| Bahaso Papua |
| Agamo |
| Animisme |
timur lauik Merauke.[1] Bahaso nan dipakai dek urang tu adolah bahaso Muyu.[1] Istilah Muyu surang muncul dari duo perkiraan, yaitu muncul sairing jo masuak misi Katolik dan Pastor Petrus Hoeboer nan berkebansoan Balando tahun 1933 dan nan kaduo adonyo istilah Muyu tu karano panduduak satampeknyo manyuoan sungai bagian Barat jo bagian Timur jo istilah "ok Mui" nan artinyo "Sungai Mui" nan biaso disampaikan ka urang Balando, dan penyebutan itu kamudian barubah jadi Muyu.[1]
Suku Muyu dianggap sabagai suku pedalaman nan paliang pintar. Urang Suku Muyu manduduki mayoritas posisi penting dalam struktur birokrasi Boven Digoel. Dari labiah kurang 1.800 pegawai negeri sipil, sakitar 45 persennyo dari Suku Muyu. Babarapo jadi bupati.
Inyo hemat, karajo labiah kareh dibandiangan suku lain dan sangaik menghargai pendidikan. Urang Muyu juo mangaku dirinyo jo istilah Kati nan artinyo "manusia nan sabananyo".[2]
Tradisi[suntiang | suntiang sumber]
Laki-laki suku Muyu punyo baju tradisional nan unik. Pakaian ko disabuik jo kawet karuk, dibuek dari paruah buruak tahun-tahun.
Cara mambuek baju iko yaitu, paruah buruak tahun-tahun dipisah dari kapalo buruak, tu dijamua di ateh parapian. Setelah kariang, mako dibuek lubang di bagian tangah. Lubang ko berfungsi untuak masuak seutas tali sabagai pangikat pinggang.
Pakaian ko salain untuak manutuik kemaluan juo berfungsi malinduangi alat kelamin.[3]
Salain itu dalam tradisi urang Muyu ado nan namonyo Ot, Ot adolah maskawin nan bakambang dan bakambang di masyarakat Muyu di Kabupaten Boven Digoel Papua. Kabaradoan Ot pado masyarakat Muyu alah marupoan tradisi turun-tamurun dan manjadi bagian dalam kabudayaan urang tu. Masyarakaik Muyu sangaik mangarajoan dan maagiah panghargaan paliang tinggi untuak Ot.
Ot nan alah disadioan ka pihak laki-laki ka pihak padusi disabuik Amot, kalau alah dilakuan mako pihak laki-laki langsuang mandapekan hak atas istrinyan nan nantinyo sebagian maskawin tu ka dibaliakan dalam bantuak bando-bando baharga atau nan dianggap paralu. Maskawin marupokan ketentuan umum untuak urang Muyu dalam tuntutanannyo ka anak padusi nan nio dikawinan. Dengan saitu bisa dikecekan kehadiran ciek padusi dalam ciek kaluarga adalah marupokan ciek sumber amot (harta kekayaan) karano padusi dan pesta babi marupokan objek perdagangan dalam penghimpunan amot. Ot punyo peranan penting atau marupokan tulang punggung dalam kehidupan suku Muyu. Adapun maskawin nan dipakai adolah; 1. Ot, mata uang nan dibuek dari kulik karang sabagai alat tuka pokok dalam masyarakaik.[4]
Distribusi[suntiang | suntiang sumber]
Muyu ado di daerah pedalaman Pulau Papua, nan marupokan daerah perbatasan jo negara Papua New Guinea.[5] Di sabalah Timur babateh jo Papua New Guinea.[5] Sablah Selatan jo Sungai Kao, Sungai Digul, dan Kabupaten Merauke. Sablah utara babateh jo Gunuang Star dan sabalah Barat babateh jo Kabupaten Boven Digoel.[5] Panjang daerah Muyu adolah 180 KM dan punyo lueh 7860 KM2, jo lueh 40-45 KM.[5] Data tahun 1956 manyatoan bahwa jumlah panduduak di suku Muyu bajumlah 17.269 jiwa nan manampuah 59 desa.[5] Bahaso nan dipakaiannyo adolah bahaso Muyu dan manggunoan dialek Ninati jo dialek Metomka.[5] Alat tuka nan digunoannyo adolah kulik karang nan disabuik istilah ot dan gigi anjiang nan disabuik jo isilah mindit[5] Daerah suku Muyu umumnyo bantuak bukik-bukik dalam katinggian 100-700 meter di ateh permukaan aia lauik.[5] Tekstur tanahnyo kurang babuah, dan bawarna coklat sagetek kumerahan-merahan, dan akibatnyo masyarakaik Muyu acok maliek kurang bahan makanan dan angka kematian di daerah Muyu pun tahitung tinggi.[5] Pado umumnyo, mata pancaharian masyarakaik Muyu adolah baburuak, mangarai babi jo anjiang, macekek ikan, dan produksi sagu.[5]
Sistem kakaluargaan[suntiang | suntiang sumber]
Di dalam suku Muyu ado surang katua atau pamimpin tinggi dalam kehidupan sosial dan agamoannyo.[5] Salain itu punyo juo urang-urang nan bapangaruah dan bawibawa nan biasonyo disabuik jo istilah bigman, yaitu keyepak dan Tomkot.[5] Tu nan mambedahan dari kaduo adalah dari banyak saketeknyo bando-bando baharga (tukon) mode ot, serta dari kurangnyo pangaratian tantang kuek gaib tapi inyo punyo pengaruh di dalam trahnyo.[5] omkot adolah urang nan indak punyo ilmu tentang kuek gaib indak banyak punyo bando-bando baharga, dan menjalani kehidupannyo jo sederhana.[5] Sadangkan Kayapak dialah nan punyo banyak bando baharga dan mamadahan kuek gaib. [5] Tokoh-tokoh ko berkuasa dalam kalompok karabatan patrilineal (trah) dalam sabuah kaluarga inti. Kabanyakan rumah nan inyo tempati adolah rumah kayu dan rumah panggung. Di dalam rumahnyo dibagi-bagi manjadi babarapo ruangan; ruangan khusus padusi dewasa dan ruangan untuak laki-laki dan untuak anak-anak. Dalam sabuah kaluarga inti bisa tingga sarumah atau buek rumah sacaro dakek-dakek, hal ko batujuan untuak mamamanangan diri dari serangan-serangan musuah. Di dalam suku Muyu, disahkan poligami, jadi ndak heran kalau surang laki punyo labiah dari ciek bini.[5]
Keluarga inti punyo peran untuak manyuruah caro-cara penguasaan harta dan tanah, caro mancari makanan, panataan pola pamukiman, serta punyo kuwaso ateh teritorial nan labiah gadang dari trah (lineage) serta caro-cara manjalehan ilmu supranatural. Keluarga inti ka mambantuk kalompok karabatan patrilineal nan salain tu bisa mambangun karabatan nan labiah lueh.[5]
Rujuakan[suntiang | suntiang sumber]
- ↑ a b c "Suku Muyu di Papua | e-MISI". misi.sabda.org. Diakses tanggal 2023-01-13.
- ↑ Papua, Berita (2020-07-10). "Mengenal Suku Muyu, Suku Pedalaman Paling Pintar Asal Papua". Berita Papua (dalam bahasa Indonesia). Diarsipkan dari versi asli tanggal 2023-01-23. Diakses tanggal 2023-01-23.
- ↑ Suroto, Hari. "Uniknya Pakaian Pria Suku Muyu, Papua". student (dalam bahasa Indonesia). Diakses tanggal 2023-01-13.
- ↑ "Warisan Budaya Takbenda | Beranda". warisanbudaya.kemdikbud.go.id. Diarsipkan dari versi asli tanggal 2023-01-23. Diakses tanggal 2023-01-13.
- ↑ a b c d e f g h i j k l m n o p q "Kepercayaan Asli Suku "Muyu – Kati"". PAPUALIVES.COM-KORAN ONLINE BERITA DAN INFORMASI WARGA PAPUA (dalam bahasa Indonesia). 2014-08-14. Diakses tanggal 2023-01-13.