Selat Makassar

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Selat Makassar marupokan selat nan talatak di antaro Pulau Kalimantan jo Sulawesi di Indonesia sarato masuak dalam wilayah tektonik kompleks di tapi Lempeng Eurasia. Bagian utara Selat Makassar nan taubuang lansuang jo Lauik Sulawesi marupokan bagian tadalam nan mancapai 2.500 m. Bagian selatan selat marupokan bagian dangka jo kadalaman kurang dari 2.000 m dan basambuang inggo ka selatan manuju daerah paparan (shelf) dangka di Lauik Jawa bagian timur.[1]

Selat Makassar marupokan parairan nan condong subua daripado parairan lainnyo. Subuanyo Selat Makassar tajadi sapanjang taun baiak pado musim barat ataupun pado musim timur. Pado musim barat panyuburan tajadi dek adonyo run off dari daratan Kalimantan ataupun Sulawesi dalam jumlah gadang dek curah ujan nan cukuik tinggi, sadangkan pado musim timur panyuburan tajadi dek adonyo panaiakan maso aia (upwelling) di Selat Makassar.[2]

Selat iko juo maubuangkan Lauik Sulawesi di bagian utara jo Lauik Jawa nan ado di bagian selatan. Selat Makassar tamasuak kategori lauik dalam dan marupokan salah satu Alua Lauik Kapulauan Indonesia (ALKI).

Kota palabuahan utamo di selat iko antaro lain Balikpapan, Makassar, jo Palu. Tampek iko juo manjadi lokasi jatuahnyo kapa tabang Adam Air Panabangan 574 nan manewaskan 102 panompang jo awak kapa tabang pado 1 Januari 2007.

Rujuakan[suntiang | suntiang sumber]

  1. Riza Iskandar, Muhammad; Purwandana, Adi (2015). "Distribusi Temperatur, salinitas dan Fluoresensi Massa Air di Selat Makassar pada Bulan Juni 201". Oseanologi dan Limnologi di Indonesia. 41 (2): 168. 
  2. Fajriyati Inaku, Dwi (2015). "Analisis Pola Sebaran dan Perkembangan Area upwelling di bagian selatan selat Makassar". Torani (Jurnal Ilmu Kelautan dan Perikanan). 25 (2015): 67.