Urang Dayak Gaai
| Suku Dayak Gaai |
|---|
| Dayak Gaai Lady |
| Jumlah populasi |
|
kurang lebih 1.700, . |
| Kawasan bapopulasi cukuik banyak |
| Kabupaten Berau, Kalimantan Timur: 900 |
| Bahaso |
| Bahau ( bhv ), Indonesia |
| Agamo |
| Kaharingan, Kristen, Islam |
| Kalompok etnik takaik |
| Suku Berau |
Urang Dayak Gaai adolah sakalompok urang Dayak nan barado di Kalimantan Timur.[1] Urang Dayak Gaai batampek tingga di Kampung Tumbit Dayak Kecamatan Sambaliung Kabupaten Berau.[1] Salain bamukim di wilayah Kampung Tumbit Urang Dayak Gaai batampek tingga pulo di kampung Long Ayan nan barado di tapi Sungai Segah atau labiah dikenal juo sabagai Suku Dayak Segai.[2][3] Salamo baabaik-abaik masyarakik Dayak Gaai ko bakumpua jo bagaua jo Urang Berau Malayu nan baragamo Islam namun sampai kiniko urang Dayak Gaai tasabuik masih mamagang kapicayoan nenek moyang nyo yaitunyo nan disabuik jo istilah satampek jo Kaharingan.[4]
Agamo
[suntiang | suntiang sumber]Urang Dayak Gaai nan bamukim di kampuang iko sabagian mamaluak agamo Kristen dan sabagiannyo lai mamaluak agamo Islam, mako dek karano itu kalompok masyarakaiknyo tabagi pulo manjadi 2 kampuang, yaitunyo kampuang Kristen jo kampuang Islam, nan ditandoi jo kabaradoan Gereja jo Masjid.[2] Di pemukiman kampung suku Dayak Gaai ini juga banyak ditemukan Suku Dayak Tunjung yang ikut bermukim di wilayah ini.[2]
Kahidupan masyarakaik
[suntiang | suntiang sumber]Urang Dayak Gaai iko biasonyo tingga di rumah nan babantuak panggung atau disabuik juo rumah pangguang nan tabuek dari kayu jo papan bakapua putiah kusam sarato jo atok seng galombang nan indak pakai cat. Jarak antaro ciek rumah jo rumah nan lainnyo biasonyo di batehi dek jalan beton saleba sa meter.[2] Pado siang hari kampung iko biasonyo taliek langang, karano para laki-lakinyo pai bakarajo di ladang, ka hutan, atau pai bakarajo ka lua kampuang.[2]
Adaik istiadaik
[suntiang | suntiang sumber]Urang Dayak Gaai mampunyoi corak surang dalam adaik istiadaik, caro pagaulan, paraturan masyarakaik, jo sistem kapicayoan nyo.[4] Urang Dayak Gaai picayo kapado kakuatan nan maha gaib, masyarakaik Dayak Gaai tasabuik punyo aturan pulo tentang tata caro pagaulan nyo untuak mangatur para pandatang nan datang jo tingga di kampuang nyo supayo dapek iduik aman jo tenteram.[4]
Adaik perkawinan
[suntiang | suntiang sumber]Sunta
[suntiang | suntiang sumber]Apobilo pemuda jo pemudi Dayak Gaai alah baranjak dewasa atau ba umua 15 tahun kaateh mako inyo indak tingga lai di Lamin, tapi tingga basamo-samo jo pemuda di kampuang tu di sabuah rumah nan dinamo joan Sunta.[5]
Pagaulan
[suntiang | suntiang sumber]Pagaulan antaro pemuda jo pemudi bebas, tatapi tetap mamagang adaik kaluhuaran niniak moyang dalam manjago kahormatan.[5] Dalam kagiatan kasaharian sarupo mandi di tapi sungai Kelai, mananam padi jo katiko maso panen padi, para pemuda pemudi diagia kabebasan untuak babaua dalam kabasamoan.[5]
Betanggu
[suntiang | suntiang sumber]Dalam pagaulan pemuda-pemudi nan alah cukuik umua sarato punyo kainginan untuak barumah tanggo tamasuak sanggup untuak manafkahi kaluarganyo,[5] Inyo diagia kasempatan mamiliah calon pandampiang hiduiknyo.[5] Sabalum acara malamar, Betanggu atau batamu manjadi adaik istiadaik urang Dayak Gaai ko.[5] Jiko datang betanggu ka Lamin tampek tambatan hati, biasonyo dilakuan pado malam hari sasudah mangucapan salam dek urang tuo si gadih, kamudian urang tuo si gadih mananyoan mukasuik kadatangannyo.[5] Apobilo pemuda nan datang batamu manjawaik bamain-main, bapak si gadih mangarati akan mukasuiknyo, kamudian mamanggi istrinyo dan kamudian turun dari lamin ka tampek tetangganyo. Sadangkan sang ibu pai kadapu, Pemuda jo pemudi tasabuik mangecek-ngecek jo basenda gurau.[5] Betanggu iko dilakuan dek jejaka tasabuik sabanyak duo hinggo tigo kali.[5] Dalam betemu masiang-masiang dapek mandalami apo nan tasirek dalam hati masiang-masiang, Apobilo si gadih alah basadio mangguluangan rokok daun, itu tandonyo si gadih satuju untuak manjadi calon istrinyo. Kamudian masiang-masiang mangungkapkan isi hatinyo lalu mangikek janji. Satiok patamuan salalu dalam pangawasan dek urang tuonyo.[5]
Malamar
[suntiang | suntiang sumber]Di hari nan baiak urang tuo jo sanak saudara si pemuda mangunjuangi urang tuo si gadih nan alah basadio manyambuik tamu tasabuik jo jamuan alakadarnyo, sasudah diadoan parundiangan manganai soal jujuran barang-barang jo sajian perkawinan.[5] Bando-bando jujuran nan alah ditetapkan adaik adolah talam tambago nan bakaki tungga, tajau jo maniak tuo nan kalau dinilai jo pitih dapek mancapai jutaan rupiah. Dalam jujuran tasabuik indak ado disabuik pitih kontan, karano hidangan jo alaik-alaik perkawinan kasadonyo barupo barang-barang sajo. Kamudian dalam acara malamar iko ditantuan pulo bilo wakatunyo kawin batin (kawin annik).[5]
Basekawa
[suntiang | suntiang sumber]Sasudah proses malamar, pemuda tasabuik balanjuik ka kagiatan batunangan, pemuda diwajibkan malakuan maso basekawa atau aratinyo bakarajo jo bakal calon mertua nyo.[5] Pakarajoan nan dilakuan sarupo mangarajoan ladang, bakabun jo lain-lainnyo. Salamo satahun pemuda dipabuliahan badayuang atau bakarajo di ladang atau bakabun basamo samo sarupo suami istri, tatapi indak dipabuliahan lalok basamo-samo atau perbuatan nan malanggar kahormatan.[5] Dalam maso basekawa indak dipabuliahan bahubuangan batin sarupo suami istri, karano hal tasabuik dianggap zina.[5]
Hukuman
[suntiang | suntiang sumber]Pemuda nan dianggap malangga kasopanan jo malakuan zina dalam wakatu basamoan iko dihukum baranang manyabarangi sungai Kelai diiriangi dek duo tigo parahu nan dilengkapi tombak. Kamudian nan kanai hukum tasabuik ditombak balakangnyo sacaro barami-rami mamakai tombak serai gajah atau rumpuik gelagah nan ketek sampai kasubarang. Sasudah manjalankan hukuman iko kasalahanyo tadi dianggap alah dihapus, kamudian anak nan dilahiakan dalam hubungan iko dianggap anak sah.[5]
Kawin Batin (Kawin Annik)
[suntiang | suntiang sumber]Apobilo biaya dalam maso basewaka iko alah cukuik dikumpuaan, mulailah kaluarga dari kaduo balah pihak manantuan hari untuak mangadoan kawin annik.[5] Makanan sarupo bareh, buah-buahan jo babi panggang. Katiko wakatu upacara, kapalo adaik mangungumkan bahwasanyo antaro kaduo mempelai malakukan kawin annik, dan kamudian di izinkan bakumpua manjadi suami istri.[5] Salanjuiknyo dilakukan Matan atau pasambahan kapado Yang Maha Kuasa yaitunyo barupo saikua babi nan dipanggang dan kamudian ditancapkan pado sapotong kayu di hutan dakek Lamin, dengan harapan akan mandapekan karunia dari Yang Maha Kuasa supayo kaduo mempelai diberkahi dalam hiduiknyo.[5]
Kawin Gadan
[suntiang | suntiang sumber]Manuruik adaik istiadaik urang Dayak Gaai, alum samparano pakawinan sasaurang dengan pakawinan annik sajo. Pakawinan gadang harus dilakukan, walaupun takadang pasangan suami istri alah mampunyoi duo atau tigo anak.[5] Wakatu malaksanakan upacara pakawinan gadang iko biasonyo sasudah Erau Kudung padi. Upacara pakawinan kaduo iko dihadiri dek para sanak saudara kadua suami istri, warga kampuang urang tuo-tuo jo kapalo adaik.[5]
Persembahan
[suntiang | suntiang sumber]Pado upacara kawin gadang, kapalo adaik malakuan ritual pasambahan saikua babi.[5] Babi iko dibawo kadalam hutan, disambaliah kamudian ditusuak pado sabatang kayu untuak dipasambahkan kapado Matan. Kapalo adaik mambaco do’a dan mamohon supayo kaduo suami istri mandapek kabahagiaan, dimurahkan rasaki jo dilinduangi Matan.[5] Sasudah itu kaduo mempelai disuruah basemedi dalam kalambu salamo 3 hari 3 malam. Makanan jo minuman diantaan kadalam kalambu, tampek buang aia ketek disadioan, dan para tamu duduk bakaliliang kalambu tasabuik.[5]
Tuhing (Pantangan)
[suntiang | suntiang sumber]Sabuah pantangan nan sangaik gadang nan diyakini dek urang Dayak Gaai adolah, apobilo dalam proses samedi suami istri dalam kalambu tadanga suaro dangkiangan ruso atau kijang, mako sang suami harus maninggaan istrinyo untuak bacarai salamo-lamonyo.[5] Suaro dangkiangan ruso atau kijang adolah alamat malapetaka nan kan manimpo kaduo suami istri. Matan dianggap indak maagia restu ateh panikahan tasabuik. Ikolah adaik atau tahayul nan sangaik tragis dek urang Dayak Gaai. Sabuah kapicayoan nan indak dapek dibayia jo pasambahan apopun.[5] Sebab karano itu salamo proses samedi, sanak saudara barusaho jo sakuek tanago manghindari suami istri indak mandanga dangkiangan ruso atau kijang jo caro mambunyian bamacam-macam bunyi-bunyian.[5] Jiko upacara pakawinan gadang iko alah salasai dengan selamat, suami istri jo sanak saudara sangaik bahagia parasaanyo, karano alah manunaikan adaik leluhur nyo dan tantunyo Matan akan malinduangi nyo dalam mangaruangi kahidupan barumah tanggo.[5]
Rujuakan
[suntiang | suntiang sumber]- ↑ a b "Bakudung Batiung". BamWisata.com. Diarsipkan dari versi asli tanggal 2015-04-02. Diakses tanggal 03 Februari 2023.
- ↑ a b c d e "Suku dayak Gaai". Proto lMalayan. Diakses tanggal 03 Februari 2023.
- ↑ "Dayak Gaai". detikcom. Detik Travel. Diakses tanggal 03 Februari 2023.
- ↑ a b c Recearch dan Statistik Pemprov Kaltim, (1967). Monografi Daerah Propensi Kalimantan Timur. Pemprov Kaltim. Hal. 122-126
- ↑ a b c d e f g h i j k l m n o p q r s t u v w x y z aa ab Tjilik Riwut, (1979). Kalimantan Membangun. Jayakarta Agung Offset. Hal. 238-243
