Urang Wai Apu
| Wai Apu |
|---|
| Jumlah populasi |
| Kawasan bapopulasi cukuik banyak |
| Kabupaten Buru |
| Bahaso |
| Wai Apu |
| Agamo |
| Kekristenan |
| Kalompok etnik takaik |
| Alifuru |
Urang Wai Apu marupoan salah satu kalompok etnis yang mandiami Pulau Buru, Kabupaten Buru, Provinsi Maluku. Masyarakaik urang Wai Api pado umumnyo bamukim di wilayah Kacamatan Buru Utara Timur yang saat kini ko dipacah manjadi ampek kacamatan yoitu Namlea, Waplau, Waeapo, dan Batabual.
Manuruik catatan tim panilitian dari Departemen Sosial pado tahun 1971, jumlah panduduak urang Wai Apu sakitar + 3.691 jiwa, dan mereka pado wakatu itu dikategorikan sabagai ciek kalompok "masyarakaik tarasiang ". Dalam pakambangannyo pado tahun 1985 jumlah urang Wai Apu barado di sakisaran 44.048 jiwa, tatapi jumlah urang Wai Apu ndak ado dikatahui sacaro pasti. Kini masyarakaik Pulau Buru pado umumnyo alah banyak barubah samo jo urang Wai Apu tu surang dipakiroan alah mangalami parubahan.[1]
Asal-usul
[suntiang | suntiang sumber]Urang Wai Apu marupoan ciek kalompok panduduak asal Pulau Buru, dimano sacaro kasaluruahan acok disabuik sabagai urang Alifuru. Urang Alifuru marupoan sabutan untuan sub Ras Melanesia yang partamo mandiami Pulau Seram dan manyebar ka pulau-pulai lainnyo yang ado di Maluku.
Adopun Alifuru barasal dari kato alif samo uru. Kato alif adolah abjad Arab yang partamo, sadangkan kata uru' barasal dari bahaso Tana yang artinyo "urang". Sacaro harfiah, Alifuru artinyo "orang pertama". Urang Alifuru ko tadiri dari aneka ragam puak, yang ndak kurang dari 36 buah puak jo masiang-masiang mamiliki tradisi jo bahaso yang babeda samo sakali. Sumber lainnyo manyabuik bahwa kasaluruahan bahaso tadi disabuik bahaso Buru sabagai salah satu dari 10 kalompok bahaso yang tasebar di Kepulauan Maluku yang kasaluruahannyo ado + 150 bahaso.[1]
Sistem religi
[suntiang | suntiang sumber]Bupolo marupoan namo awal Pulau Buru manuruik bahaso Buru, sadangkan waekolo adalah nama kelompok kekerabatan (noro atau soa) yang menyatakan diri sebagai penunggu atau Geba Eptugu (geba = orang, eptugu = penunggu) di pusat Pulau Buru. Pusat Pulau Buru samo Gunung Date jo Danau Rana sandiri adolah miliak saluruah urang Bupolo. Geba Bupolo mambagi panduduak manjadi limo yoitu: Geba Fuka Bupolo yang mandiami daerah pagunuangan, Geba Fuka Unen yang tingga di sentral pulau (sakitar Danau Rana samo Gunung Date), Geba Fuka Fahan yang tingga di lereang-lereang pagunuangan, Geba Masin yang tingga di daerah pasisia pantai, serta Geba Alakton ataupun Geba Masnit yang marupoan babagai macam kalompok katurunan asiang, sarupo: Arab samo China. Kalompok atau etnis yang tarakhir ko mandiami Pulau Buru karano minyak kayu putiah samo damar.[2]
Urang Bupolo mamandang kosmologi mereka samo istilah Bumilale. Istilah ko digunoan untuak manyabuik Gunung Date samo Danau Rana sabagai pusat dari kadiaman komunitas Bupolo. Bumilale bararti tanah gadang ataupun tanah luweh. Istilah ko manandoan sabuah kabesaran daerah dibandiangkan daerah lainnyo. Dikaranokan nilai kabasarannyo, sentral samo asal usul manusia di Pulau Buru takanduang dalam Bumilale, mako muncua kaparcayoaan diri yang kuek samo bangga ateh identitas diri mereka sabagai orang-orang Bumilale. Salain Bumilale dianggap yang paliang rancak, Bumilale jugo dapet dikecekan sabagai "tanah madu" atau tanah yang paliang elok dibandiangkan samo pulau yang lainnyo.[3]
Nilai sentral samo sakral dalam konteks Bumilale mambungkuih ampek unsua dasar kahidupan, yoitu:
- Opolastala (konsep budaya untuak menyabuik Sang Pencipta) sabagai sumber.
- Tanah dari Gunung Date.
- Air dari Danau Rana.
- Manusia.
Komunitas Bupolo mayakini bahwa Opolastala marupoan sumber dari kehidupan yang maagiah mereka Gunung Date samo Danau Rana sabagai sumber kahidupan mereka. Oleh sebab itu, Bumilale harus tatap dijago dari unsur-unsur lua yang masuak. Hal ko disababkan karano unsua-unsua dari lua sajo marusak kassaimbangan lingkungan samo kaharmonisan dari tampek yang mereka tinggali.[3]
Pulau Buru sendiri dalam perspektif kosmologi manusia Buru diibaraikan sabagai laki-laki yang unsua-unsuanyo manandoi kapalo, paruik, kaki, samo tangan adolah gunung jo aia. Bagian kapalo adolah Gunung Kapalatmada sabagai gunuang tatinggi di Pulau Buru, tangan kiri adolah Sungai Wanibe yang mamiliki sumber dari Danau Rana, tangan kanan adolah Sungai Waemala yang marupoan sungai paliang gadang yang mangalia di selatan Pulau Buru, pungguang adolah Hutan Garan, paruik samo alaik kalamin adolah Danau Rana samo Gunung Date, kaki kiri adolah Sungai Waeyapo yang manandoi hutan sagu, samo kaki kanan adolah Gunung Batakbual. Kosmologi yang tampak ko handaknyo managehan bahwa gunuang, tanah, air samo hutan marupoan bagian tapenting dari kahidupan umaik manusia.[3]
Pakaian adaik
[suntiang | suntiang sumber]Baju cele marupoan pakaian tradisional yang barasal dari Maluku[4]. Baju cele digunoan sabagai baju pangantin khas Maluku. Ado kaunikan pakaian adaik ko yang paralu dikatahui yoitu sabalum pasangan pangantin malakukan pesta parnikahan akan ado proses yang disabuik 'masuk minta nona'. Beko juru bicaro parwikilan dari pihak kaluarga padusi akan malayani saluruah pambicaraan dari kaluarga laki-laki samo bahaso haluih saat mambahas waktu samo acara palaksanaan parnikahan.
Duo hari sabalum parnikahan, akan ado prosesi antar pakaian kawi, ibu dari calon pangantin laki-laki akan dikawani samo saudara padusi untuak maantaan baju cele untuak calon pangantin padusi.
Pado saat manyarahkan baju cele, kaluarga laki-laki harus manyaratoan sabotol anggur samo kur yang dibuwek surang sabagai oleh-oleh atau hantaran.
Barulah satalah itu pihak kaluarga pangantin padusi akan mambaleh samo maantarkan saparangkaikan pakaian baju cele laki-laki.
Dari segi tampilannyo, pakaian adaik Maluku ini nampak babeda dari baju adaik parnikahan lainnyo karano tarnyato baju pangantin iko marupoan hasil akulturasi budaya Maluko samo Portugis.
Baju cele tabagi dalam babarapo bagian karano harus digunokan sacaro balapis.
Baju cele untuak padusi tadiri dari baju putih lengan panjang babahan brokat samo dalaman bawarna sanada. Motif brokat iko ado variasi renda ketek pado bagian ujuangnyo. Pado ujuang baju putiah brokat akan ado band tangan bawarna merah samo variasi renda ameh jo motif bordir ameh.
Pado bagian luar baju akan ado samacam rompi bawarna merah yang dinamoan mistiza. Mistiza ko babantuak huruf U dengan panjang sakitar 60 cm dan dipakaikan di ateh bahu.
Untuak bawahannyo, pangantin padusi akan mangenakan kain satin atau beludru khas Maluku yang bawarna merah samo bordir ameh yang dibuwek sanada samo rompi.
Panggunoan bawahan pado pakaian adaik Maluku nampak unik karano digunoan samo caro diikek manggunoan tali pado bagian pinggangnyo.
Tali yang digunoan untuak mangikek kain iko akan diagiah renda dan dibiaan manjuntai baitu sajo supayo nampak labiah unik.
Sadangkan untuak alas kakinyo manggunoan selop yang tabuwek dari kulik banamo cenela yang bagian ujuangnyo dilapisi samo kain beludru samo hiasan bungo bawarna ameh. Pangantin padusi biasonyo manggunoaan kaos kaki bawarna putiah.
Lihat pula
[suntiang | suntiang sumber]Rujuakan
[suntiang | suntiang sumber]- ↑ a b Melalatoa, M. Junus (1995). Ensiklopedi Suku Bangsa di Indonesia Jilid L-Z. Jakarta: Departemen Pendidikan dan Kebudayaan Republik Indonesia. pp. 907.
- ↑ Pattinama, Max J. (2008). Orang Bupolo dan Lingkungannya. Yogyakarta: Citra Aji Pernama. pp. 11-12.
- ↑ a b c Mus Huliselan, dkk (1998). Orang-Orang Bumi Lale dan Dunianya: Organisasi Sosial, Pertukaran, dan Perubahan Sosial di Sentral Pulau Buru Maluku-Indonesia. Ambon: Laporan Penelitian Dinas Kebudayaan Ambon. pp. 44.
- ↑ "Mengenal Ragam Pakaian Adat Maluku dan Ciri Khasnya". www.orami.co.id (dalam bahasa Indonesia). 2021-06-26. Diakses tanggal 2023-02-18.
