Urang Konjo Pegunungan
| Urang Konjo Pengunungan |
|---|
| Jumlah populasi |
|
Sakita 170.000 urang |
| Kawasan bapopulasi cukuik banyak |
 Indonesia, Sulawesi
|
| Bahaso |
| Bahaso Konjo dialek Makassar |
| Agamo |
| Islam, Animisme |
Urang Konjo Pegunungan (disabuik juo Kondjo) atau Urang Kajang adolah bagian dari urang Konjo di Sulawesi nan tingga di daerah pagunuangan di Kecamatan Tinggi Moncong, hampia sado kabupaten Gowa, dan Sinjai. Urang ko bapusek di Malino dan Kalimporo/Jannaya nan punyo keterikatan jo daerah Tana Toa lamo jo kampuang-kampuang Konjo nan lain. Populasinyo sakitar 170.000 urang.
Dalam dialek Makassar, "konjo" aratinyo "di sinan..[1] Warganyo ditamui jo manggunoan kabudayaan dan kayakinan nan alah turun-temurun, mode baju nan kasadonyo itam.[2]
Bahaso[suntiang | suntiang sumber]
Sabagai sanak-sanaknyo, suku Konjo Pagunungan manggunoan bahaso Konjo nan marupokan bagian dalam kalompok atau dialek bahaso Makassar, cabang Malayu-Polinesia rumpun bahaso Austronesia. Dialek Konjo Pegunungan sangaik berkaitan jo bahaso Konjo Pesisir, tapi kaduo-duonyo babeda.[3][4]
Sacara umum, bahaso Konjo dibagi manjadi duo dialek. Patamo, yaitu Konjo Pesisir (digunoan di sakita pesisir Bulukumba, pantai Teluk Bone, dan bagian tenggara). Kaduo, Konjo Pagunuangan (dipakai di sekitar Gunuang Bawakaraeng). Masing-masing dialek ko digunoan dek sakitar 150.000 panutuik. Di tingkek morfonemik, morfologi, dan sintaksis, kaduo-duonyo sabujuanyo sarupo.[5]
Para panutua bahaso Konjo ko manggunoan parasaan ciek identitas etnolinguistik, khususnyo jo sesama panutua bahaso Bugis. Inyo maliek panutuik bahaso Indonesia sabagai "urang di ateh", atau makasuiknyo masyarakaik kelas ateh.
Sacara aturan adaik atau norma nan berlaku, di dalam Urang Konjo manjadi pantangan gadang untuak mangecek kasa. Bahkan dalam batutua kato, Urang Konjo indak buliah malakukan jo batulak pinggang. Para warga Urang Konjo dibiasonyo untuak mangecek jo malipek tangan di dada sambia mambungkuak badan jo mangguluang saruang. Dalam pambarian namo, inyo indak dipabuliahan manggunoan namo malaikaik, nabi, atau namo kabanaran Allah, karano dianggap ka manyababkan kadurhakaan dan mambaok doso.[6]
Rumah adaik jo pakaian tradisonal[suntiang | suntiang sumber]
Bantuak bangunan Urang Konjo, sabananyo hampia samo jo bantuak rumah adaik Urang Bugis-Makassar yaitu bantuak rumah panggung. Pambabedaannyo adolah satiok rumah di Urang Kajang mangadap ka arah barat. Hal ko punyo makna kalau mambangun rumah malawan arah tabiknyo matahari diyakini mampu maagiah barakaik.[6] Bantuak rumahnyo saragam, indak ado nan babeda. Hal ko untuak mangambangan kesederhanaan dan simbol baragam. Salain itu, warga Urang Konju indak buliah dibangun jo batu bata jo tanah, tapi jo kayu. Untuak inyo, mambuek rumah jo batu bata dan tanah marupokan pambangan. Urang Konjo picayo kalau hanyo urang nan alah mati nan diapit dek liang lahat jo tanah. Salain itu, panggunoan batu bata juo dinilai marusak hutan. Dek untuak mambuek batu bata paralu kayu baka nan banyak untuak pembakarannyo. Bagian-bagian rumah Suku Kajang punyo babarapo filosofi, yaitu: Parra (bagian ateh rumah), berfungsi sabagai panyimpanan makanan. Di baliak atok bagian kiri jo kanan ado ruang sabagai rak atau tampek mangaluwakan barang jo paralatan. Kale Bella (bagian tangah rumah), bakarajo sabagai hunian kaluarga. Sirih (bagian bawah rumah) bafungsi untuak tampek mangarajoan kagiatan menunuah, ternak, atau mambumbuk bahan makanan.[6]
Indak hanyo rumah adaiknyo sajo, nan unik dari Urang Konjo ko adolah pakaian adaik Urang Konjo hanyo tau ciek warna untuak baju adaiknyo, yaitu warna itam. Warno itam bermakna parbandiangan dalam sado hal, tamasuak sabagai simbol kesederhanaan. Indak ado warna itam nan labiah ancak di antaro ciek nan lainnyo karano sadolah itam samo. Makna lainnyo dari warna itam tu adolah manunjuakkan kakuatan, kesamaan, derajat untuak satiok urang di muko sang pancipta.[6]
Mato pancaharian[suntiang | suntiang sumber]
Sabana jo masyarakaik tradisional lainnyo, Suku Konjo Pegunungan masih mapraktikkan iduik bagotong royong dalam banyak urusannyo. Untuak contoh, dalam mambuek rumah, manyajian pesta, atau pas maso panen. Karamahan dan interaksi sosial marupokan nilai nan sangaik dijunjung tinggi dalam masyarakaik Konjo Pegunungan. Kabanyakan urang ko baok mato pancaharian adolah patani jo pakabun. Sistemnyo biasonyo bagi hasil sangaik lazim, yaitu para pangarap sawah mandapek satangah atau tigo dari hasil kauntungan, dan sisonyo ka pamilik atau pemodal benih dan kaparaluan tanam.[7]
Rato-rato patani punyo sawah atau ladang saluweh duo sampai tigo hektar. Biasonyo, urang ko bacocok tanam kacang jo tambakau. Walaupun baitu, suku Konjo Pegunungan masih manggunoan sistem pangairan tradisional, sahinggo hasilnyo kurang maksimal. Lahan nyo masih potensial untuak dikeloka aga dapek manjadi labiah ancak.[8]
Sistem kapercayaan[suntiang | suntiang sumber]
Ampia kasado urang Konjo agamo Islam. Inyo taat dalam baragamo, nampak dari tradisi-tradisi adaiknyo nan taruih manganduang unsua-unsua islami. Namun, masih banyak di antaro urang nan picayo ka roh-roh di alam sekitarnyo. Urang konjo labiah picayo dukun untuak upacara-upacara dan mambantu urang sakik. Dipakiroan, sabanyak 75 persen dari urang Konjo masih manjaga praktik animisme.[7]
Pamimpin agamo Islam dalam budaya Konjo indak terlalu punyo pengaruh. Inyo dipiliah hanyo untuak mangarah upacara-upacara keagamoan dan tugas-tugas di masjid. Pangaruah kalah dari amma toa (ayah tuo) dari urang Konjo nan dianggap sabagai pamimpin keagamoan de facto jo kuek sihianyo.[2]
Rujuakan[suntiang | suntiang sumber]
- ↑ "Kamusu Basa Konjo Malaju Anggarisi". MediaKonjo.net. Diakses tanggal 2019-11-30.
- ↑ a b "Suku Konjo Kajang, Sulawesi Selatan". DGRaft.com. 2013-07-11. Diakses tanggal 2019-11-30.
- ↑ Grimes, C. E. and B. E. Grimes (1987). Languages of South Sulawesi. Canberra: Department of Linguistics, Research School of Pacific Studies, Australian National University. ISBN 0858833522. https://archive.org/details/languagesofsouth0000grim.
- ↑ Friberg, T. and T.V. Laskowske (1989). "South Sulawesi languages". In: J.N. Sneddon (ed.), Studies in Sulawesi linguistics part 1, pp. 1-17. Jakarta: Badan Penyelenggara Seri Nusa.
- ↑ "Bahasa Konjo". www.kemdikbud.go.id. Diakses tanggal 31 Maret 2020.
- ↑ a b c d Media, Kompas Cyber (2022-11-03). "Mengenal Kehidupan Suku Kajang, Sulawesi Selatan Halaman all". KOMPAS.com (dalam bahasa Indonesia). Diakses tanggal 2023-01-25.
- ↑ a b "Suku Konjo Pegunungan (Sulawesi Selatan)". Misi.Sabda.org. 2001-04-11. Diakses tanggal 2019-11-21.
- ↑ "Highland Konjo in Indonesia". JoshuaProject.net (dalam bahasa ENG). Diakses tanggal 2019-11-30.