Urang Kantuk

Suku Kantuk Kantu'
Jumlah populasi
1982: kurang labiah 14.098 Jiwa.
Kawasan bapopulasi cukuik banyak
Indonesia: Kalimantan Barat Kabupaten Kapuas Hulu Kecamatan Samitau : 9.198 Jiwa
Bahaso
bahasa Kantuk (Kantu')
Agamo
Mayoritas Islam jo Kristen.
Kalompok etnik takaik
Suku Dayak, Suku Dayak Iban, Suku Dayak Desa, Suku Dayak Seberuang, Suku Dayak Ketungau jo Suku Dayak Mualang.

Suku Dayak Kantuk/Kantu' marupokan salah satu sub suku kalompok Dayak yang mandiami sabagian wilayah di Kabupaten Kapuas Hulu, Provinsi Kalimantan Barat. Di kabupaten iko, wilayah panyebaran suku Dayak Kantuk talueh dibandiang subsuku dayak lainnyo. Bahaso yang digunokan disabuik bahaso Kantuk. Suku Dayak Kantuk tasebar di 14 kacamatan jo 13 kacamatannyo barado di Kabupaten Kapuas Hulu. Suku Dayak Kantuk bajumlah 4.900 jiwa panduduak di Kecamatan Nanga Kantuk jo 9.198 jiwa panduduak di Kecamatan Semitau pado taun 1982.

Suku Dayak Kantuk tingga dan manatap sahari-hari di Rumah Panyai atau yang kini lazim disabuik Rumah Betang. Kabudayaan manenun juo tadapek pulo pado suku iko yang umumnyo dikarajoan oleh kaum padusinyo.

Kakarabatan

Dayak Kantuk mampunyoi hubuangan yang cukuik dakek jo babagai subsuku dayak lainnyo, antaro lain: Iban, Ketungau, Seberuang, Desa, dan Mualang. Pabedaan yang tampak hanyo pado dialek bahaso jo sabagian kosakata tatantu. Diyakini kalau asal-muasal kabaradoan suku Dayak Kantuk iko adolah daerah Tampun Juah, sabuah wilayah yang talatak di daerah hilia Sungai Sekayam jo dakek dengan daerah Segumon.

Adaik panikahan

Sabalum malangsuangkan panikahan adat, proses partamo adolah tunangan dan jiko di dalam aturan adat barang tunangan iko haragonyo sajuta untuak balang tunang atau sanksi adat yang mano jiko calon marapulai laki-laki mambarikan cincin, mangaluakan ongkos jo makhiari tunangannyo mako sagalo yang alah dibarikan hilang pacuma atau indak bisa di mintak baliak. Lalu kemaya nikah gereja (kapan nikah gereja) langsung nikah adat.

Salanjuiknyo, acara nikah adat suku kantuk supayo indak di ganggu gugat, indak pulo manjadi bahan omongan “kalau besi udah dijilat, manuk (ayam) udah disayat disah kedua laki bini (suami istri) dan adat bejalai (bejalan)”. Akan ado sanksi atau hukum adat elok dari suami atau istrinyo yang minta carai, yoitu:

1. Akan dikena adat 25 juta jiko bininyo alah malahiakan mako laki indak akan batangguang jawab lai jo anaknyo jiko yang mamintak carai adolah laki.
2. Akan dikanaikan adat 10 juta jiko alun mampunyoi anak dan yang maminta carai adolah laki.
3. Akan dikanaikan adat 10 juta elok punyo anak atau indak  jiko yang maminta carai adolah bini.
4. Dando adat dari 25 juta jo 10 juta malihek kajadian kamungkinan bisa labiah randah bisa juo labiah tinggi jiko dalam kaluargo iko adonyo kakerasan dalam barumah tanggo yang akan dikanaikan hukum adat balimpik, mako bisa labiah dari dando adat yang ditantukan. Yang mano adat mukul melaksa kediri  (Kakerasan surang) dan adat muai bini atau laki Kedirik (carai surang).
5. Sairiang bajalan wakatu alah mamakai buah, 1 buah 25 ribu yang mano istilah adat untuak nilai kepiang (uang), jiko kajadian carai iko urang kantuk samo kantuk mako manggunokan buah akan tatapi jiko kantuk samo iban manggunokan kepiang.
6. “Cerai Manis” yang mano kaduo laki bini samo-samo “ngai begulai” (indak nyo basamo) lai, kaduonyo satuju untuak carai mako sanksi adat diateh indak balaku lai dan hanyo bayia ongkos katua adat.

Barang-barang yang digunokan dalam nikah adat suku dayak kantuk, yoitu:

1. Manuk (ayam) untuak “bekitau” Taho laki atau induk (bisa jantan atau betina), indak buliah cacek, indak buliah manuk putiah, harus manuk kampuang dan harus sehat yang mano manuk iko mampunyoi arti buah sampi, ngengkelan nyubur langsung diak besabu ayu buah kitau, tahuo gerai, taho nyamai dan roh kuat.
2. Nerima temuai (terima tamu) “bealualu” Digunokan katiko nyo nikah atau tunang bisa manggunokan manuk (ayam) dan juo bisa manggunokan jane (babi), iko baguno untuak didabiah dan di ambiak darahnyo untuak malakukan ritual adat untuak kalancaran jo ka berkahan panikahan.
3. Baco darah manuk (ayam) Darah manuk bisa diliek, jiko langsuang baku pas di baliakkan indak jatuah bararti kaduo mempelai paliang kuek iman dalam bakaluargo, kaduo laki bini (suami istri) indak ado pamasalahan, tapi malah sabaliaknyo kalau darah ayamnyo cair bararti ado masalah nantinyo dalam kaluargo. Jika dalam darah ado bintiak-bintiak putiah manandokan ado anak atau ado “buah anak”. Mambaco darah ayam katiko manikah iko alah manjadi kabiasaan urang suku kantuk, dan biasonyo kalau patando elok nan kalua dari darah ayam baka di sabuik ka kaduo calon mampelai tapi kalau tando nan kalua adolah patando buruak mako indak baka di sabuik ka kaduo mampelai atau kaduo pihak kaluargo karano baka barakibat buruak pado kaduo mampelai karano mambarikan baban sarato sugesti dan indak dibuliahkan adat karano urang iko sadang dalam maso bahagia "Bekitau". Kamudian ado lai nan uniak dari acara panikahan suku kantuk iko nan mano kagiatan panikahan di lakukan pado malam hari, padahal nyatonyo nan sabana indak di atur dek hukum adaik tapi alah manjadi kabiasoan dan hukum nan indak tarikek bagi suku kantuk.
4. Kamudian pado acara puncak panikahan baru diadokan pesta adat dimano uranng makan basamo di rumah atau ditampek panikahan dilakukan nan biasonyo di karajoan di rumah mampelai padusi. Dalam acara pesta adat iko sagalo urang atau tamu undangan nan alah di undang disuruah makan hidangan nan ado dan tatuo adat beko sabalum makan mamimpin doa untuak kaduo mampelai supayo kahidupan barumah tanggonyo bajalan bahagia saumua hiduik.

Nyengkelan tanah

Suku urang Kantuk iko punyo ciek ritual nan dinamokan "nyengkelan tanah", atau mamberkati tanah, tujuan religi Dayak Kantuk iolah, mamintak bantuan kapado Tuhan, agar mamberkati urang Dayak Kantuk salamo sataun kalender. Tarutamo mohon berkat bagi Dayak Kantuk nan batani supaya salamo malakukan aktifitas ekonomi, tarutamo katiko mambukak lahan ladang, untuak ditanami padi sabagai jaminan pasokan sumber pangan untuak sataun kamudian. Peserta yang talibat di dalam upacara nyengkelan tanah, ritual agama asli Dayak Kantuk, duduk baselo di ateh tikar yang dihampar di tanah tabukak diselingi musik gendang basahut-sahutan dan lokasi dipagari buliah yang alah dibalah ampek, dikabek malaingka dan balikkan jo kayu cerucuk yang dipancang bajejer bantuak pasagi ampek.