Urang Ekagi

Suku Ekagi Kapauku, Urang Me
Jumlah populasi
1950: kurang lebih 60.000 Jiwa. 1987: manjadi 130.000 Jiwa.
Kawasan bapopulasi cukuik banyak
Indonesia: Irian Jaya: Kabupaten Paniai 130.000 Jiwa
Bahaso
bahasa Ekagi
Agamo
Mayoritas Kristen dan Katolik, namun ada sedikit yang beragama Islam<nowiki>, [[Animisme], atau Utan Mana.
Kalompok etnik takaik
Suku Ekari, Suku Moni.

Urang Ekagi atau suku bangsa Ekari, Kapauku, atau Me adolah kalompok nan badiam di dataran tinggi bagian tangah Irian Jaya, daerah yang barado pado 135-137 darajat Bujua Timua dan 3-4 Lintang Salatan. Kini daerah itu marupokan wilayah Kacamatan Kamu, Pantai Timur, Pantai Barat, Tigi, yang tamasuak wilayah administratif Kabupaten Paniai Propinsi Papua. Namo kapauku dibarikan oleh urang-urang yang badiam di pantai barat daya Irian Jaya kapado urang-urang yang badiam di padalaman yang barado di dataran tinggi bagian Tangah Irian Jaya.

Kapauku artinyo “Pamakan urang”, Urang Moni, tetangga urang iko di sabalah timua lawik, manamokan urang iko “Ekari”. Urang Ekagi sandiri mayabuik diri inyo Me, yang artinyo “manusia”. Jumlah urang Ekagi sakitar taun 1950-an dipakirokan sabanyak 60.000 jiwa. Urang iko mampunyoi bahaso surang yang disabuik bahaso Ekagi atau sasuai jo namo kalompok urang ko.

Pado taun 1987 jumlah panduduak Kabupaten Paniai adolah 216.523 jiwa yang dipakirokan 130.000 jiwa diantaronyo adolah urang Ekagi yang marupokan salah satu suku banso yang jumlahnyo cukuik gadang di Irian Jaya umumnyo. Pado taun 1990 panduduak kabupaten iko alah manjadi 223.337 jiwa.

Mato pancaharian

Urang iko hiduik dari bacocok tanam saderhana jo paralatan saderhana pulo, yang sajak lamo urang iko manggunokan alat dari batu. Tanaman yang urang ko kenal untuak dikonsumsi adolah taleh, ubi rambat, ubi kayu, tabu, tambakau, pisang, kacang-kacangan, sayua-sayuran, mantimun jo labu. Taranak yang dipaliharo hanyo ciliang jo ayam. Batang aia jo danau manjadi sumber panangkapan lawuak.

Makanan pokok urang iko adolah taleh. Urang ko mananam ubi rambat tarutamo untuak makanan ciliang. Taranak ciliang dipandang sangat pentiang, tarutamo untuak pesta makan ciliang (juwo) dan untuak mas kawin. Salain babi, karo juo dipakai sabagai mas kawin. Ciliang marupokan salah satu simbol kakayaan, dan kakayaan marupokan sarana untuak mandapekkan kahormatan, kaduduakan jo kakuatan politik dalam masyarakaik.

Ciliang sabagai mas kawin digunokan untuak malamar istri labiah dari ciek. Istri bagi urang Ekagi bukanlah untuak sakadar mamanuahi kabutuhan seksual, malainkan juo untuak mambantu mangumpuakan kakayaan, bahkan untuak mangumpuakan mas kawin. Dengan demikian, suami dapek mangambiak istri muda lai, yang bararti akan manambah gensi sosialnyo. Saurang pamimpin kalompok masyarakaik atau pamimpin klen (tonowi) mungkin mampunyoi istri sampai 10 urang.

Rumah adaik

Rumah urang Ekagi babantuak pangguang yang didirikan di ateh tiang-tiang kukuh. Rumah urang ko biasonyo badindiang papan yang kuek, dengan atok daun pandan atau rumput-rumputan.

Dinding rumah biasonyo dilapisi juo dengan daun pandan untuak manahan angin atau hawa dingin di malam hari. Ruangan rumah tabagi manjadi ruangan untuak kaum pria (emaage) di bagian mungko, dan ruangan untuak kaum padusi (kugu) dibagian balakang. Satiok ruangan mampunyoi dapua untuak mamasak jo mahangekkan badan.

Rumah sarupo iko marupokan tampek kadiaman babarapo kaluargo inti yang marupokan suatu rumah tangga. Anggota satu rumah atau rumah tangga itu bavariasi antaro 5 sampai 18 urang. Rumah tangga itu dipimpin oleh saurang laki-laki tatuo dan takayo, diliek dari jumlah istri jo jumlah haratonyo. Suatu kaluargo inti mampunyoi peranan dalam hal pangasuhan jo pandidikan anak-anaknyo. Urang Ekagi manarik garih katurunan malalui garis ayah (patrilineal).

Rumah-rumah urang ko badekatan satu samo lain, sahinggo mambantuak ciek desa. Anggota masyarakaik desa samacam itu dipimpin oleh kapalo kampuang (Tonowi). Babarapo kampuang mambantuak suatu federasi sabagai kasatuan politik tagadang dalam masyarakaik. Suatu federasi kampuang dipimpin oleh saurang Tonowi. Pamimpin federasi kampuang iko paliang mandapek simpati dibandiangkan jo tonowi lainnyo, karano kakayoannyo, kadermawanannyo, kapandaiannyo baparang jo kafasihannyo mangecek.

Agamo jo kapicayoan

Dalam bidang religi iko urang Ekagi picayo kalau dunia diciptakan dek Ugatame. Dunia tadiri ateh limo unsua pokok, yoitu Roh, manusia, binatang, tumbuah-tumbuahan jo benda-benda indak bajiwa. Ugatame yang maha tau jo maha kuaso itulah yang manantukan jo mangatur sagalo sasuatu jo jalan kahidupan di dunia. Inyo barado di mano sajo jo mamakai lambag bulan jo matohari, indak parnah mahukum urang, dek karano itu pulo indak paralu ditakuti. Hubungan urang suku jo Ugatame sarupo anak jo ayahnyo, urang indak paralu maadokan kurban baginyo, cukuik mamohon do'a sajo.

Pado maso kakinian, golongan tuo masih picayo kapado roh-roh yang manantukan nasib manusia, rohh iko manumpuakkan dirinyo dalam babagai bantuak karano urang ko manganggap alam sandiri marupokan makhluak yang banyawa. Satiok jangka jari, tanah sarato pohon, danau, rawa, mampunyoi panunggunyo masiang-masiang yang dikenal sabagai "tuan tanah" (mekiipuweme).

Panunggu alam iko manuruik kapicayoan urang suku Ekagi ado nan babantuak laki-laki jo padusi, karano inyo indak satiok tampek dapek dijadikan tampek tingga atau ladang karano dihuni samo makhluak halus yang disabuik madau. Urang iko harus manjago hubuangan elok jo makhluak halus itu, kamudian baka mambuek ladang ditampek tatantu jo caro maminta izin kapado panunggu tampek. Urang iko pun baka mamotong ciliang jo ayam jo caro manyerakkan darahnyo disakitar tampek itu. Hubuangan antaro urang Ekagi urang lua kaluargo alah lamo tajadi karano lingkuangan alam manyatukan urang mancapai daerah itu, sajumlah ekspedisi pun parnah dilakukan nka daerah iko sakitar taun 1917-1941.

Kini pado dasarnyo urang suku banso Ekagi alah manganuik agamo resmi nan di akui negara. Namun sabagian dari urang ko masih sulik untuak maninggakan kapicayoan yang alah lamo ta amalkan dalam rentang panjang kahidupan kalompok iko. Di ciek pihak, urang ko manarimo barita kasalamatan dari gareja, tapi dipihak lain tatap mancari sumber kabahagiaan nan barasa dari budaya urang ko sandiri. Jalan akhir nan urang ko tampuah adolah mamadukan kaduo unsua religi iko, unsua dari lua disasuaikan jo kapicayoan aslinyo tanpa mangubah intinyo. Hal nan dianggap batentangan atau indak logis indak digunokan dalam kapicayoan (Utan Mana). Inti dari kapicayoan iko sabananyo indak balawanan jo agamo resmi, urang ko picayo di ateh urang jo ado sasuatu nan paliang gadang jo bakuaso dan sabagai pancipta sagalonyo. suatu saat pasti ado nan mambaok "kaselamatan" akan datang mambaok kabahagiaan jo akan malapehan urang ko dari sagalo kasulitan hiduik.

Sambia mananti datangnyo "kasalamatan" itu urang ko harus mamparsiapkan diri jo mambuek kabun sacaro gotong-royong. Kabun iko harus ditanami jo tumbuah-tumbuahan nan barasa dari zaman niniak moyang. Urang iko juo harus mambuek rumah sasuai adat, dan pambagian ruangan sandiri dari kamar tidua, kamar basalin, kamar basatubuah, jo kamar padusi nan sadang haid, kamudian uran nan haid ko harus mambarasian diri dari noda malalui upacara Baebaeyai.

Sabagian dari data jo informasi di ateh dikutin dari sumber tulisan dari taun 1963, sasudah taun itu masyarakaik tantu alah mangalami parubahan tarutamo dari usaho-usaho pambangunan nan di lakukan pamarintah kabupaten Paniai Provinsi Irian Jaya, umumnyo. Bagian padalaman dari Kabupaten Paniai tantu manjadi salah satu sasaran pambangunan dalam rangka pambangunan di Indonesia Umumnyo. Hasil panalitian yang labiah akhir (Giay, 1989) mampakirokan, kalau pambangunan masyarakaik padalaman kabupaten iko akan manghadapi tantangan tasandiri yang indak murah.